Lo paure Satan es blet,
Se'n vai cuech coma un polet,
Morrà de la macadura,
Tura lura lura,
I'a 'n …

Legir tot

Lo paure Satan es blet,
Se'n vai cuech coma un polet,
Morrà de la macadura,
Tura lura lura,
I'a 'n pichòt que lo tafura,
Lan ian tura lura lo !

L'enfant que n'es arribat,
L'a quadi coma crebat,
L'a mès en paura postura
Tura lura lura,
Pareirà plus qu'en pintura,
Lan ian tura lura lo !

La Pruneta e lei Mions,
Li an donat de baston,
L'an colhut dins la fritura
Tura lura lura,
Sembla paura pescadoira,
Lan ian tura lura lo !

Se disiá diable d'onor,
E fasiá lo grand senhor,
A mordut' na poma dura,
Tura lura lura,
Una poma non madura,
Lan ian tura lura lo !

En li polidi carrieras d’una vila confichada
Tant quieta, tant neta qu’es esquasi mòrta
Lo vent si fa discret per …

Legir tot

En li polidi carrieras d’una vila confichada
Tant quieta, tant neta qu’es esquasi mòrta
Lo vent si fa discret per pas desturbar lo presepi
Talament lo silenci fa frei en l’esquina
Que sobre lu barris, que sudan desesperats
Una cigala sota votz pròva de cantar

Lu escurs blu sant-joan
Pareisson verd d’aram
Ostatges volontaris
D’un pantais provençau,
paure pantais provençau

La rata que voleja dins lo ciel dau pòrt
Passa furtivament coma desbossolada
Per anar s’escondre davant tant de misèria
Talament la mùsica que monta de la vila
Repepilha lo cant d’una milícia a grand beret
E pòrta ben auta, la votz dei sieus mèstres

Lo drapeu roge e negre
Pareisse ben negre
Ostatge volontari
D’un pantais niçard,
paure pantais niçard

Anna si desvelha e s’escura lu uelhs
Drecha dins lo matin
s’enauça tot d’un còup
Per anar enterrar lu fantaumes que balan
Un bèu lume caud, monta de’n carriera
Lo lume soleu d’un pòble en marcha
Que pòrta en lo cant lo còr de Niça

La bèla aigla roja
Si pinta d’esper
Sobre li sieu alas ti cau anar
Segur Anna ti cau anar
Segurana ti cau anar

A ben sariá de poder far
Polidei cansons per sa mia,
Faire bouléguer les fadas
En parlant du vin et …

Legir tot

A ben sariá de poder far
Polidei cansons per sa mia,
Faire bouléguer les fadas
En parlant du vin et des filles.
Ailàs lo monde es tant torbat
Qu’es pas lo temps de pantalhar
Quand tot tòrna en tricharia.

En un clin d’œil, sur ta télé,
Tu pourras compter cent bordilles,
Cent marridàs que lo mestier
Es de donar sus la paurilha.
À découvert ou déguisés,
Leurs dents sont toujours aiguisées…
Pour te tromper ils se maquillent.

Colega ti fau l’encapar
Son com’espinas dins l’erbilha,
Y’en a partout, je te mens pas
C’est pire que la taxifolia.
Dedins lei gleisas e dins l’estat,
La premsa e l’universitat…
E belèu dins ta familha.

Ces salauds ne font que tricher
Pour mieux récupérer leurs billes,
E politica e lei e drech
Ambé elei semblan comedia.
Ils masquent la réalité
Et imposent leur vérité…
Toujours fuyants comme l’anguille.

Ai professors vetz lei jugar
T’explicaràn tot per magia,
Mais leur savoir est plus étroit
Encore que le chas d’une aiguille.
Son lei sabents, fau ti taisar,
Ti parlarián mai dau trobar
Sens saupre jòi ni cortesia.

Ils nous feraient bien rigoler
S’ils ne faisaient que des broutilles,
Mai si pareisson polidets,
T’an de sang fins qu’a la cavilha.
Ils nous empêchent de penser,
Seraient prêts à jouer les bouchers
De peur que leur secte vacille.

Pauvre de nous peuple si faible
Mais où est donc passée la plèbe ?
N’y a-t il plus que des bourgeois
Et qui désirent tout ce qu’il voient ?

Il y en a plein qui achètent un moulon de Sicav
Des obligations et des actions à Paribas,
Un lingot ou deux cachés tout au fond la cave
Des napoléons et puis encore je ne sais quoi.
On rêve tous de cabriolets, de Mercédès
Et de posséder une belle et grande villa
Remplie de champagne et de superbes gonzesses,
Habillées par Chanel, Dior et puis Chantal Thomas,
Pleines de seins, pleines de fesses
Et qui ressemblent à Pamela,
On voudrait tous être Bill Gates et Bill Clinton et Monica.

Quand vient le samedi, à tous les coups c’est la grand-messe
De la consommation au supermarché de son choix :
On fait des achats mais quand on arrive à la caisse,
Malheureusement on fait souvent des chèques en bois.
Les riches sans vergogne augmentent leurs richesses
Toi pauvre couillon tu ne t’en aperçois pas !

Que son mos amics devenguts
Qu'aviái de tan rasís tenguts
E tant aimats
Foguèron totis clarsemnats
Cresi que lo vent …

Legir tot

Que son mos amics devenguts
Qu'aviái de tan rasís tenguts
E tant aimats
Foguèron totis clarsemnats
Cresi que lo vent los a dostats
L'amor es mòrta
Son deus amics que vent empòrta
E ventava davant ma pòrta
Los a bufats

Embe lo temps qu'albre desfuèlha
Quand sus ramas i a mas las fuèlhas
Qu'angan a terra
Embe paubretat que m'aterra
Que de pertot me fai la guerra
Al temps d'ivèrn
M'agrada pas la racontalha
Coma me sèi botat vergonha
D'un biais d'infèrn

ue son mos amics devenguts
Qu'aviái de tan rasís tenguts
E tant aimats
Foguèron totis clarsemnats
Cresi que lo vent los a dostats
L'amor es mòrta
Lo mal sap pas solet venir
Tot çò que m'èra a venir
M'es avengut

Paubre sens e paubra memòria
M'a Díu donat lo rei de glòria
E paubra renta
E dreit al cuol quand bisa venta
Lo vent me vent, lo vent m'esventa
L'amor es mòrta
Son deus amics que vent empòrta
E ventava davant ma pòrta
Los a bufats
L'esperança de lendoman
'Quò son mas festas

Repic : Pecais ! Pecais ! Vòli pas anar a Pecais.
Pecais ! Pecais ! Pas cap de biais.
Pecais …

Legir tot

Repic : Pecais ! Pecais ! Vòli pas anar a Pecais.
Pecais ! Pecais ! Pas cap de biais.
Pecais ! Pecais ! Ambe ma tèsta de calhassa.
Pecais ! Pecais ! Aquí s’acaba lo pantais.

En arribant a Pecais, lo baile nos demanda,
Lo baile nos demanda se volèm trabalhar.
Que lo tron de Dieu que cura, cante « Pecaissina »
Na ! Totjorn ! Jamai !
Cal aver tuat paire e maire per anar a Pecais.

Repic

En arribant a l’ostal, la femna tòca la borseta,
Tòca la borseta, d’argent n’i aviá pas cap
Que lo tron de Dieu que cura, cante « Pecaissina »
Na ! Totjorn ! Jamai ! Totjorn ! Jamai !
Cal aver tuat paire e maire per anar a Pecais.

Repic

Se la Republica sabiá la vida que nos fan faire,
Fariá brutlar Pecais, Crist en mai curar baile.
Que lo tron de Dieu que cura, cante « Pecaissina »
Na ! Totjorn ! Jamai ! Totjorn ! Jamai ! Totjorn ! Jamai !
Cal aver tuat paire e maire per anar a Pecais.

Repic

1.
Peire Joan ven de la vinha, ne tròba la femna al lèit
E lo curat a son costat
Refrain: …

Legir tot

1.
Peire Joan ven de la vinha, ne tròba la femna al lèit
E lo curat a son costat
Refrain:
Me caldriá ben fachar, mes me facharai pas.

2.
N'as la femna al lèit malauta, te veniái la confessar
Que lo diable te confesse, fas res que la confessar?....

3.
N'as la sopa sus la taula, se la vòs la manjaràs
I a sèt ans qu'es escu(d)elada, s'es cauda la bufaràs....

4.
N'as lo culhèr dejós la taula, se lo vòls l'amassaràs
Lo temps qu'el se l'atrapava, lo cat negre i es anat....

5.
Peire Joan se'n va a l'estable, ne trapa l'ase escanat
Lo ne trapa per la coa, la coa ie demòra a la man....

6.
Peire Joan se'n va a la glèisa, se'n va trobar lo curat
N'ie'n pòrta la coa de l'ase, «Ie n'auretz per asperjonar...»

7.
Peire Joan va a la fenèstra, n'entend cantar lo cocut
Diable que cantas lorda bèstia que tant lèu tu b'as saput....

Peirotov n'avó hartèra
En Biarn que desbarquè
Mes ne viengó pas dab era
Ne li disó pas perqué

lo Peirotov, …

Legir tot

Peirotov n'avó hartèra
En Biarn que desbarquè
Mes ne viengó pas dab era
Ne li disó pas perqué

lo Peirotov, lo Peirotov, lo praube praube Peirotov (x 2)

Mes sus la tèrra navèra
Que's cau ganhar lo dequé
Tà har cap a la magrèra
A las pòrtas que truquè

Lo peirotov...

E au cap de la darrèra
Qu'entrè e que horruquè
autant com eth qu'èra vueita
Qu'èi a plorar que's hiquè

Lo Peirotov....

Acerà hòra la bèra
Lo còr que'u s'esperequè
Mes non li calo pas hèra
Pantelovic la se casquè !

Lo Peirotov...

Peishetz ! Peishetz, aulhadas !
Peishetz dinc a doman !

Ara vos abandoni,
Per un petit moment.

E dequeras montanhas, …

Legir tot

Peishetz ! Peishetz, aulhadas !
Peishetz dinc a doman !

Ara vos abandoni,
Per un petit moment.

E dequeras montanhas,
Qui tant hautas son !

Que m'empeishan de veder
Las meas amors on son !

E jo las èi cercadas,
De brana per branon.

E jo las èi trobadas,
Auprès d'un tuston.

E jo l'èi saludada,
A grans còps de baston.

Que hès aci gojata ?
Torna't tà la maison !

Los mainatges que'n ploran
Demandan los tetons.

Peishetz ! Peishetz...

Peishetz aulhas
Peishetz dinqu'a doman.
Ara vos abandoni
Per un petit moment.
E de 'queras montanhas
Qui tant hautas son. …

Legir tot

Peishetz aulhas
Peishetz dinqu'a doman.
Ara vos abandoni
Per un petit moment.
E de 'queras montanhas
Qui tant hautas son.
Que m'empechan de véder
Las mias amors on son.
E jo las èi cercadas
De brana per branon.
E jo las èi trobadas
Auprès d'un tuston.
E jo l'èi saludada
A grans còps de baston.
- Que hès ací gojata ?
Torna't tà la maison.
Los mainatges que'n ploran,
Demandan los tetons.

Per tu qu’as i pèls d’òr
Ai sobrat bòscs e montanhas
Abò lo buis que ponh
Abò la nèu que …

Legir tot

Per tu qu’as i pèls d’òr
Ai sobrat bòscs e montanhas
Abò lo buis que ponh
Abò la nèu que jala i pè

Mas siu arrubat en retard
Me siu entrupat en una bota
A chalgut la vuèidar
Parelh un autre t’a pilhaa

Trai trulalai
La belle si maridano
Trai trulalai
De chocs n’en volèn pas
Trai trulalai
La belle si maridano
Trai trulalai
E i chocs buven mai

Per tu qu’a i pèls nièrs
Ai raubat la pluma a l’aigulha
E lo chapèl al mago
Ai copat la coa del drac

Totun t’i ai pas portats
Per quarque vir de vermouth
A l’òste de la levaa
Parelh un autre t’a pilhaa

Trai trulalai...

Per tu qu’as i pèls chards
Siu anat far una aubada
De trompèta dorada
De viola e de violon

Totun siau pas arrubat
Ai chantat tota la sera
Abò quatre lingèras e
Pareli un autre t’a pilhaa

Trai trulalai

Lo meu pair qu’ei jardinièr
Pengabelòt, pengabelobene,
Lo meu pair qu’ei jardinièr
Gabelòt pengòt pen pen gabelòt
Pengabelobene.

Entau jardin …

Legir tot

Lo meu pair qu’ei jardinièr
Pengabelòt, pengabelobene,
Lo meu pair qu’ei jardinièr
Gabelòt pengòt pen pen gabelòt
Pengabelobene.

Entau jardin jo me n’anèi…

Duas floretas qu’i trobèi…

A mas amors las enviarèi…

Mès qui serà lo messatgèr? …

La calandreta o l’esparvèr? …

La calandreta es cap leugèr …

E l’esparvèr qu’ei messontgèr…

L’estiu se n’ei anat com un rei descadut,
Lo sorelh que palleja e lo cèu qu’ei brasut,
Pertot hens la …

Legir tot

L’estiu se n’ei anat com un rei descadut,
Lo sorelh que palleja e lo cèu qu’ei brasut,
Pertot hens la natura cambian las colors,
Sus los hiars lo matin que blanqueja l’arrós.

La vrenha que s’acaba e hens lo chai escur,
Lo borret que boreish a har petar las doèlas
Entà Nadau dilhèu, entà cap d’an segur,
Hestejeram dab vin nau, ua annada navèra.

Ne i possa pas nat cep, non i a ni tord ni trida.
Arren dehens lo cèu qui vola ni qui crida.
Per dessús deus castanhs, deus cassos, de las aumas,
Quan boharà lo vent glanèr, e passeràn mei las palomas ?

E nosautes vielhòts, aus arpunts de la vita,
Que vivem de soviers, shens aver nada ahida,
E peu torn deu larèr espiam bruslar la lenha,
Atendent l’escaduda de la darrèra vrenha.

Pensamen ai e consir
d’una chanso faire
qu’a leis degues abelir
cui sui fis amaire
e s’eu pogues avenir
en …

Legir tot

Pensamen ai e consir
d’una chanso faire
qu’a leis degues abelir
cui sui fis amaire
e s’eu pogues avenir
en bos digz retraire
far pogra saber
que ieu plus fin joi esper
que nuls natz de maire

A Combe-Ferre, à Brame-Fam,
Là-haut, moi j’ai mes souvenirs :
Une bastide, et un vieux banc
Un pommier qui veut …

Legir tot

A Combe-Ferre, à Brame-Fam,
Là-haut, moi j’ai mes souvenirs :
Une bastide, et un vieux banc
Un pommier qui veut pas mourir.
Au chaud près de la cheminée,
Il y a bien quelques années,
Petit frère t’étais pas né
Quand le Pepèi me fredonnait :

Tira-la ressa, Mestre Joan
Tira-la tu que siás plus grand
A jornada, a pretz-fach.
Quand as ganhat ? Cinq pesetas.
Quand as perdut ? Cinq escuts.

Et l’hiver, le vent était froid
Dehors, on l’entendait siffler
Ca me faisait trembler d’effroi,
Mais le Pepèi me rassurait.
Au chaud, près de la cheminée,
Sur ses genoux, il me prenait,
Mes malheurs, il les comprenait,
Ses mots toujours, je les connais :

Aqueu vai laborar,
Aqueu pòrta l’aguïlhon per faire avançar lei buòus,
Aqueu fai la sopa,
Aqueu la manja tota,
E aqueu ditz :
"Pieu-pieu-pieu n’i a plus ges per ieu."

La lumière, c’était la bougie,
Le tracteur, c’était le cheval,
La radio, c’était la magie,
Après tout ce n’était pas mal.
On a beau faire des cheminées,
Brûler le bois sur des chenets,
Chanter comme des déchaînés,
Pepèi, ton temps est terminé.

Aviam un bèu castèu,
Ma tan-tira-lira-lira
Aviam un bèu castèu,
Ma tan-tira-lira-lèu
Lo nòstre es bèn plus bèu,
Ma tan-tira-lira-lira
Lo nòstre es bèn plus bèu,
Ma tan-tira-lira-lèu
Vos lo desmolirem,
Ma tan-tira-lira-lira
Vos lo desmolirem,
Ma tan-tira-lira-lèu.

Qu’elle était belle ta montagne,
Mais il n’y a plus d’hirondelles,
Et plus de pays de cocagne,
Plus de vrais soupers aux chandelles.
Les fleurs de ce temps sont fanées,
Les piboules ont piqué du nez.
Pepèi, ne sois pas étonné,
Ce soir, j’ai envie d’entonner :

Ara qu’avèm tot acabat
Fumem la pipa
Ara qu’avèm tot acabat
Fumem la pipa sens tabac.

I anarem totei
I menarem nòsteis enfants
E la jornada, sarà pagada
Come se trabalhaviam.

Per aquera carrerina
Passa la bicicletina
Pèrd l’arròda de devant
Que’m copi lo nàs, vivant !
Que pisha sanc e …

Legir tot

Per aquera carrerina
Passa la bicicletina
Pèrd l’arròda de devant
Que’m copi lo nàs, vivant !
Que pisha sanc e moquira
La segonda arròda vira
Lo nàs que’m hè per Diu mau
E que’m hè mau e que’m hè mau
AI ! Ai ! Ai ! Ai !

Que’m hè mau...
Que’u hè mau...

Per aquera carrerina
Pass’auta bicicletina
Pèrd l’arròda de darrèr
Que pisha moquira e sanc
Qu’ei tot verd e qu’ei arranc
A d’arríder jo que’m foti
Jo que’m foti, jo qu’em foti
Fut ! Fut ! Fut ! Fut !

Jo que’m foti...
Clafotí...

Per aquera carrereta
Passa la damiseleta
Dens ua veitura blanca
La damisèla s’estanca
E vien d’un pas elegant :
« Que v’ei arribat, pagants ? »
Nosauts ne sabem que díser
E que díser, e que díser ?
Euh ! Euh ! Euh ! Euh !

Dèisha díser
Dèisha’m díser en camisa

Per aquera carrereta
Que passà la veitureta
La damisèla devant
Qui miava en se trufant
E nosautes per darrèr
Espiant de cap au solèr
Dab sengles nàs qui hèn mau
E qui hèn mau e qui hèn mau
Ai ! Ai ! Ai ! Ai !

Detz ans plegant l’esquina per manjar
D’un meme carri, avem subit lo jo
Sovent mi parlaviatz en marchant mai
Vos …

Legir tot

Detz ans plegant l’esquina per manjar
D’un meme carri, avem subit lo jo
Sovent mi parlaviatz en marchant mai
Vos entendiau pas.

Anaviatz testa aqui giblat dau tropeu
D’amont d’avau, au mendre signe
Dau pastre goi, ame leis ueilhs
De l’abitud.

Detz ans mi sieu rescondut, pensatieu
Per mi pastar lo pan de lutz per mi
Fargar la clau de la mar, presonnier
De ma potencia, alors en susant solitari
Ais oras de cadena, ai a l’escola de
L’ome destraucat mon destin.

Alors esclati, duerbi mei rasons de la
Vida e de l’umble cambaradas
Deveni un grand estrangier.

Per har un naveth monde
Que’m soi levat au temps
A l’auba lo camin
Travèrsa mos grans pins
Deus bòrds …

Legir tot

Per har un naveth monde
Que’m soi levat au temps
A l’auba lo camin
Travèrsa mos grans pins
Deus bòrds de la mar grana
En Mediterranea
Deus plans de la Limanha
Dinc a las Pireneas

Ei pres fòrça vielhs cants
E fòrça vielhas gents
Fòrça rimas estranhas
Hens una vielha lenga
Ei pres lo vielh camin
Deus òmes oblidat
Ont craca lo gret-pin
Jos la blanca gelada

Per har un naveth monde
Que’m cau tanben donar
E pas solament préner
Sovenirs deu passat
Ei pres sorelh-levant
En Mediterranea
Donat sorelh-ponent
Que rauba la marèis

De naveth endemans
An bohat hens la brisa
Per de naveths matins
De navèras devisas
E per lo vielh camin
Los òmes son partits
Per que renaisha enfin
Un tot naveth païs

Quand n’ai pron, que tot m’engarça,
Quora la vida fai la sieuna garça,
Quand lei cònòs vòlon m’enganar
Que lo …

Legir tot

Quand n’ai pron, que tot m’engarça,
Quora la vida fai la sieuna garça,
Quand lei cònòs vòlon m’enganar
Que lo monde me sembla destorbat,
Quand la pression es tròp fòrta,
Que i a de fachòs de totas sòrtas,
Quand la terror es au governament
E que lo pòple me sembla absent…
Mèti ma vida dins mei cauçaduras,
Seguissi lei sentas d’aventura,
Ieu m’en vau sus leis auturas
Per caçar embolhs e macaduras.

Per la montanha m’en vau,
M’en vau sus leis auturas,
Per la montanha m’en vau,
Portulan dins lei cauçaduras.

De matin, lo ser o au calabrun
M’en vau sovent onte i a degun,
En campanha, en còla, en montanha,
Fugissi l’estress e la marrana,
Sota la pluèia o lo canhàs
De lònga siau dins lei bartàs
Cerqui lo còl, lo passatge, lo pas,
Per caminar sas siáu jamai las,
En vila, en vilatge, en riba de mar,
La mapa a la man o ben a l’asard,
Lo pus bèu dei viatge es davant la pòrta
Se dins l’esperit, siás totjorn per òrta.

Per la montanha m’en vau,
M’en vau sus leis auturas,
Per la montanha m’en vau,
Portulan dins lei cauçaduras.

Per las cimas, los sèrres e l’ermàs,
Per las dralhas, las pistas e lo combàs,
Per los sentièrs, las crèstas e lo rancàs,
Siái falibustièr, pirata dau bartàs.

Marcher pour voyager
Marcher pour résister
Pour sortir des sentiers
Pour enfin s’évader
Marcher pour pantailler
Marcher pour bartasser
Pour toujours tracer
Ne jamais se retourner
Marcher contre le vent
Souvent à contre courant
Ensembles et devant
Dans l’exil des résistants
Cheminer sûrement
Contre la fuite du temps
Drapeau rouge sang
Avec les manifestants.

Per la montanha m’en vau,
M’en vau sus leis auturas,
Per la montanha m’en vau,
Portulan dins lei cauçaduras.

Per non languir lòng dòu camin
contem quauquas sornetas
Sus lo fifre e lo tamborin
disem la cançoneta

Repic : …

Legir tot

Per non languir lòng dòu camin
contem quauquas sornetas
Sus lo fifre e lo tamborin
disem la cançoneta

Repic :
Cantem Nové, Nové, Nové, Nové sus la museta
Cantem Nové, Nové, Nové, Nové sus la museta

Lo temps nos a gaire durat,
ves’eici la grangeta
Lo beu prumier que i’intrarà
que leve la bareta

Ai d’iòus, de farina e de lach
emai una casseta
S’avieu de fiòc, i aurieu leu fach
una bòna popeta

L’enfant es freit come de glaç,
porgetz-me l’escaufeta
Tenetz, caufatz-ie son pedas,
comaire Guilhaumeta

Bòna vierge, Maire de Dieu,
bela e joina bruneta
N’autres vos anam dire adieu,
vos leissam pas soleta

Pèr noun langui long dóu camin
Counten quauco sourneto,
Sus lou fifre e lou tambourin,
Disen la cansouneto.

Repic:
Canten …

Legir tot

Pèr noun langui long dóu camin
Counten quauco sourneto,
Sus lou fifre e lou tambourin,
Disen la cansouneto.

Repic:
Canten Nouvè, Nouvè, Nouvè,
Nouvè sus la museto (bis).

Lou tèms nous a gaire dura
Ves’eici la granjeto !
Lou bèu proumié que i’intrara,
Que lève la bareto.

Ai d’iòu, de farino e de la,
Emai uno casseto,
S’aviéu de fiò, i’auriéu lèu fa
Uno bono poupeto.

L’enfant es fre coume de glas,
Pourgès-me l’escaufeto !
Tenès, caufas-ié soun pedas,
Coumaire Guihaumeto.

Bono Vierge, Maire de Diéu,
Bello e jouino bruneto,
Nautre vous anan dire adiéu,
Vous leissan pas souleto.

N'i a qua'an lo morre de patin
Tristaràs coma un cèl cubèrt
Que degolina tre'l'matin
Coma al solelh un camembèrt …

Legir tot

N'i a qua'an lo morre de patin
Tristaràs coma un cèl cubèrt
Que degolina tre'l'matin
Coma al solelh un camembèrt

N'i a que se planhisson totjorn
Que de la vidassa n'an pron
Me vau penjar Mas resta sord
Quand un amic « Vaquí la còrda Loïson »

Lo que fonha
Fa la monha
Per el sol
E resta moc coma un pesolh

Lo que peta
Sa brageta
Dins un rís
Coneis sa part de paradís

Per que préner tot al seriós
Faire la nhifa per pas res
Passar lo temps moquet rabiós
Òm viu un còp pas dos ni tres

Se lo rire èra onte que siá
Per carrièras dins lo trabalh
Benlèu que la vida seriá
Pel pòble enfin lo triomfe de Carnaval

Quand a l'escòla i aurà de cors
De cotigas escamparem
Escobilhas las vièlhas mors
E cacalassarem sovent

Avant de clavar la cançon
Vòli dire un pichòt salut
A nòstre mèstre de rason
Aristofanes que risiá coma un boçut

Prenguèri lo temps,
Prenguèri lo matin,
Lo vent dins la vèla
De mon batèu,
Ambé la mar e lo soleu …

Legir tot

Prenguèri lo temps,
Prenguèri lo matin,
Lo vent dins la vèla
De mon batèu,
Ambé la mar e lo soleu
Per soleta companhia.

Prenguèri lo luenh,
Prenguèri lo camin,
Pavalhon negre
A l’aubre de mon batèu,
Ambé l’imatge de ma mia
Per soleta companhia.

Tot li valadas, li montanhas
De Ferion au mont Bègo
Son dins l’oudor dei tieu berres
Senti aqueu perfum, firma …

Legir tot

Tot li valadas, li montanhas
De Ferion au mont Bègo
Son dins l’oudor dei tieu berres
Senti aqueu perfum, firma d’un pantais
Que quora sieu luenh dau mieu
Mi pòrta à maion

Ti teni dins lu mieu braçs
Coma auguessi dins li mans, la sang dau pais
Ti teni dins lu mieu braçs
Coma auguessi dins li mans lo cant dau pais

Sies la bofada de fumada
Que t’enmasca lo nas
Quora rostisson li castanhas
Sies lo gust de la chicorea
A la taula de la cohina
Un matin frescolin d’abriu

Per tot aco ti vòli ben
Ti vòli ben la bela, ti vòli ben

Sies lo remon de la Terra
Quora gonfla de calor
Laissa esboscar la prima
Sies l’orizont embrasat
Quora lo soleu si delega
Dins lo calabrun
Sies lo rire dau pòble
Que reversa lu barris
De la sieu preson
Sies lu uelhs dau pichon
Emberlugat davan lo sieu regal à calèna

Per tot aco ti vòli ben
Ti vòli ben la bela, ti vòli ben
Per tot aco ti vòli ben
Ti vòli ben la bela, ti vòli ben

Per un bèth jorn de l’Ascension
M’i soi logada en d’un maçon
Lavesin, laveson, lanlà lavesina.
M’i soi logada en …

Legir tot

Per un bèth jorn de l’Ascension
M’i soi logada en d’un maçon
Lavesin, laveson, lanlà lavesina.
M’i soi logada en d’un maçon
Ganhèvi plan cinc sòus lo jorn
Lavesin, laveson, lanlà lavesina
Ganhèvi plan cinc sòus Io jorn
Me n’èi crompat un cotilhon
Madelin, madelon
Tot en guardant, Madelèna
Tot en guardant Madelon.
Me n’èi crompat un cotilhon
Me’n soi anada entà la hont
Lavesin, laveson, lanlà lavesina
Me’n soi anada entà la hont
E m’èi lavat mon cotilhon
Lavesin, laveson, lanlà lavesina
E m’èi lavat mon cotilhon
Me l’èi tenut sus un broishon
Madelin, Madelon
Tot en guardant Madelèna
Tot en guardant Madelon.

Pères e mèras qui atz enfants, (bis)
Castigatz los a la rigura.
Praube de jo, n'ic èi pas hèit,
Que …

Legir tot

Pères e mèras qui atz enfants, (bis)
Castigatz los a la rigura.
Praube de jo, n'ic èi pas hèit,
Que m'an conduit a l'aumòina.

C'est pour un dimanche matin, bis
Le pauvre s'en va courir les portes.
Mes a la pòrta de son filh,
Aquí qu'a demandat l'aumòina.

- Mon petit Jean, mon serviture, (bis)
Va voire qui est à ma porte.
- Monsieur mon maître, mon seigneur,
C'est le regard de votre père.

- Coupe lui un morceau du pain du chien, (bis)
Et dites lui que je l'envoye.
Au permèr bocin de pan minjat,
Jèsus Crist l’i sauta a la fàcia.

- Mon petit Jean, mon serviture, (bis)
Va voire ce qui me déface.
- Monsieur mon maître, mon seigneur,
C'est le regard de votre père.

- Mon petit Joan, mon servitura, (bis)
Avança te, va me lo quèrrer.
Aussi loin qu'i' l'a vu venir,
Il tomba de genoux par terre.

- Pardon, papa, pardonnez moi, (bis)
Pardon, papa, je vous demande.
- N'es pas a jo de te perdonar,
Qu'es au bon Diu, a la senta Vièrja.

Semblan de pèrlas degrunadas
O de colòbras de cristal.
Aval aquò’s un rèc prigond
Que s’òm le regarda d’amont
Fa …

Legir tot

Semblan de pèrlas degrunadas
O de colòbras de cristal.
Aval aquò’s un rèc prigond
Que s’òm le regarda d’amont
Fa véser l’aiga tota escura

E l’uèlh se tròba plan trompat
Quand la vista l’i assegura
Que l’argent a mens de beutat.

Las Naïadas a tot perpaus
Davant le Dius que las govèrna
I cantan e fan mila sauts.

La pèira ritz de son degot
Tot i part dins quauqua alegressa
E diriatz a véser le lòc
Que la qu’es de la mar princessa
Es nascuda dins aquel ròc.

Atanben dedins sa grandor
E dins sa larja profondor
Que troba la tèrra a son centre
Diriatz qu’asseguradament
Son sortidas d’aquel grand ventre
Nòstras tors tot entièrament.

Crompar las particions : http://www.ocmusic.org/boutique/index.php?cPath=5

Come totis los mainatges
Som anat a l’escòla
Coma a totis los mainatges
M’an apres a legir

M’an cantat plan …

Legir tot

Come totis los mainatges
Som anat a l’escòla
Coma a totis los mainatges
M’an apres a legir

M’an cantat plan de cançons
M’aprengueron tant d’istòrias
Lutèce... Paris... Paris

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
Lo nom de mon pais ?

Nos contava lo regent
Aquel grand rei de França
Atacat davant los paures
Un sant òme aquel sant Loïs
Aimava tota la gent
E voliá pas la miseria
Un sant òme aquel sant Loïs

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
Qu’avia tuat mon pais ?

E quand foguerem mai grands
Nos calguet parlar tres lengas
Per far un bon tecnician
Nos calia cargar tres lengas
E l’Anglès e l’Alemand
E çò que s’escriu a Roma
Per far un bon tecnician

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
La lenga de mon pais ?

Benlèu tantas coneissenças
Nos mascan la vertat
Aprendrem sols qu’en la terra
Reina pas la libertat
Sauprem la talent de l’India
E lo dòl dels Africans
E la mòrt de Guevara

Mas perqué, perqué
An pas dit a l’escòla
Perqué an pas dit
Mas perqué, perqué
An pas dit a l’escòla
Lo nom de nòstre pais ?

Perqué Tolosa la nuèit ?
Un sisclal que s’esperlonga…
La femna gròssa del pièch
Dins una carrièira longa.

Traversarai lo …

Legir tot

Perqué Tolosa la nuèit ?
Un sisclal que s’esperlonga…
La femna gròssa del pièch
Dins una carrièira longa.

Traversarai lo canal.
La Clamença que m’espèra.
Mas traparai pas l’ostal
Ni la cambra d’un còp èra.

Qual me parlarà d’amor ?
Tant de caisses que se bèrcan…
Las cotilhas de color,
E totas las mans que cèrcan…

De Montmorenci, lo Duc…
De Ramon, lo darrièr Comte…
mas passarai per caluc :
Degun compren lo meu conte.

Perqué Tolosa la nuèit ?
La pila e mai l’esponga.
La fèmna gròssa del pièch
Sus una cadièra longa.

Pertot ont vau pertot ont vam
Es totjorn lo meteis refram
D’un vam i a los qu’an los bilhets
De …

Legir tot

Pertot ont vau pertot ont vam
Es totjorn lo meteis refram
D’un vam i a los qu’an los bilhets
De l’autre los que fan pinquet.

D’un vam i los que naisson dins de milions
De lençòls de seda e de plumós
De l’autre i a los que naisson sens cabeç
Sens pas res per se parar del freg
D’un vam i a los qu’an un mont d’amusets
Qu’agachan sovent ambé mesprés
De l’autre los que totjorn per Nadal
Tenon ganhats que de còps de pal.

D’un vam i a los qu’estudian pendent 30 ans
Per ne venir rei dels fenhants
De l’autre i a los que ni per ba somiar
Jamai aprenon pas a se sinhar
D’un vam a i los que landran tot lo jorn
Sens cap de relòtge ni patron
De l’autre los que se lèvan plan matin
Per s’anar ganhar lo despertin.

D’un vam i a los que cada tres matins
Se fan palpar lo cuol pel medecin
De l’autre aumens los tèrç quarts de l’umanitat
Qu’an pas lo drech a la santat
D’un vam i a los que pagan per lor cat
Sonhs de manucura e de beutat
De l’autre los qu’an pas un quite picalhon
Per poder avidar lors enfantons.

D’un vam i a los qu’an quatre o cinq ostals
Quand n’an pas castèls o palais
De l’autre los que n’an pas qu’un vièlh carton
Per se suplejar sul trepador
D’un vam i a los que pòdon cada mes
Se crompar un avion sens interés
De l’autre los qu’en trabalhent 20 ans
Se pòdon pagar qu’un vièlh ravanh.

D’un vam i a los qu’an un fum de papièrs
Per traficar dins lo mond entièr
De l’autre los que vivon sens visà
Que devon s’amagar per trabalhar
D’un vam i a los que son totjorn graciats
Que se caran de l’impunitat
De l’autre los que per un uòu panat
Son fòrabandits o executats.

D’un vam i a los que creban dins de milions
Que se fan rebondre al Panteon
De l’autre i a los qu’an pas un quite escut
Per se pagar un tròç d’atauc
D’un vam i a los que son pro remontats
Per se pagar l’eternitat
De l’autre los que sempre tot lor fa mestièr
E tomban dins lo trauc del demembrièr.

De l'aire a l'aiga
lo fial del pescaire
tibat de galís devèrs lo rebat de la luna.

Daurada chapaira de …

Legir tot

De l'aire a l'aiga
lo fial del pescaire
tibat de galís devèrs lo rebat de la luna.

Daurada chapaira de rai de solelh,
emtusas lo fòc
de l'òme que sèrva a la coga de l'uèlh
la fam milenària de carn e de lutz.


Revirada

De l'air à l'eau
le fil du pécheur
tendu en oblique vers le reflet de la lune.

Dorade mangeuse de rayon de soleil,
tu attises le feu de l'homme qui garde au coin de l’œil
la faim millénaire de chair et de lumière.