Deslamant coume un flot de si neblo d’uba
Subroundon lou miejour li nouvèus atila
Quand li fiò de l’estiéu, au …

Legir tot

Deslamant coume un flot de si neblo d’uba
Subroundon lou miejour li nouvèus atila
Quand li fiò de l’estiéu, au nostre, an tout crema,
S’esperan d’an e d’an que lis aubre rebrouton
Aquéli, bèu bon diéu !, aquéli se n’en fouton !

Soun aqui pèr un jour, uno semano, un mes ;
Que i’ague gaire d’aubre o, tant, que n’i’ague ges
Acò ié fai pas mai ; basto que fague bèu
E que pèr si vacanço agon proun de soulèu.
Mai meme s’aco lis enueio,
Nous autre aven besoun de plueio.

Se la caud es agradivo
Pèr lou mounde de l’uba
Qu’au soulèu se recalivo,
Lou fiò nous va tout crema

Bràvi sant d’eilamoundaut
Asseta sus vòsti nivo
Alucas un pau avau
Lou marrit fiò que s’abrivo ;
Que s’abrivo,
Nous fan besoun vòsti nivo,
Besoun vòsti nivo ;

Lèu lèu fasès lèi creba
E lou fiò s’amoussara,
Que tout s’en vai en tubèio
I rounflado dóu mistrau….
….Anen, anen boufo lou vènt
….Anen, anen boufo lou vènt

De segur que l’estat, li marchand de lesi
Que soun vengu croumpa la terro pèr basti,
Aquéli qu’au soulèu se …

Legir tot

De segur que l’estat, li marchand de lesi
Que soun vengu croumpa la terro pèr basti,
Aquéli qu’au soulèu se venon espoumpi,
Que la terro ague sèt e que li font s’agouton,
Aquéli, bèu bon diéu !, aquéli se n’en fouton !

Te revelhes lo matin embe un pauc de baticòr
lo lach s’es freisit, pus fito per plaser,
la borsa es …

Legir tot

Te revelhes lo matin embe un pauc de baticòr
lo lach s’es freisit, pus fito per plaser,
la borsa es jà presta dempuei una setmana,
e dedins lo saquetin lhi buto una banana.
Las eschalas son encara envertolha ent’la nuech
e per la via vueida part lo charamolet
l’escòla es tant granda embe un immens andron
aquel que vend chastanhas dapè a un porton

Ai laissat sa man entant que quarqu’un plora,
puèi sem tuchi en classa me semelha
trenta-sèt,
la magistra un pauc anciana me pareis ben brava,
la plueia tabuissa ai veires e la clòca sòna,
lo flòc al m’es estrech siu dròlle embe lo faudil
ental pòrta-plumas nòu son dotze las colors
e arcs-en-cèl antics esfaçon pas las paors
d’aqueste novèl monde d’aquesti nòus odors.

La classa es ben severa la directritz amanaa,
e coma pensavo lo creion s’es esponchat,
assetat dapè mi la lhi a un filhet rich,
me di espatús siu nebot d’un ministre.
Puèi sem tuchi fòra lo cèl s’es fermat
sabo pas coma sie anaa
mas sabo que m’an chinat
e penso a tuchi lhi ans que devon passar
e penso a tuchi lhi murs que me chal sobrar..

Pren-me la man
Vèni dançar
Que la musica me fa capvirar
Vira veiràs
Que fa bon far
La tèrra se …

Legir tot

Pren-me la man
Vèni dançar
Que la musica me fa capvirar
Vira veiràs
Que fa bon far
La tèrra se pòt ben arrestar.

Pausa lo cap contra mon cap
Anam virar coma de fats
Poirem debrembar lo pachac
Cinc minutas d’eternitat.

Pren-me la man
Vòli somiar
Que ta votz cauda me fa capvirar
Tos mormolhs sabon plan
Me far tremolar
La tèrra se pòt ben arrestar.

Pausa lo cap contra mon cap
Anam virar coma de fats
Poirem debrembar lo pachac
Cinc minutas d’eternitat
Sarra-me un bocin mai dins tos braç...

Los galants vos venon veire
doces coma de melons
Mas apuèi un cop que vos
tenon, pas jamai parlan d'amor …

Legir tot

Los galants vos venon veire
doces coma de melons
Mas apuèi un cop que vos
tenon, pas jamai parlan d'amor
I van plan a la manòbra
se vos vòlon conquistar
Mas apuèi un còp que vos
tenon, vòlon pas pus calinhar
Un galant vòl una filha,
fa lo bèl tant que n'a pas
Quora n'a pas fa meravilha,
se la peta tot va plan
Un galant vòl una filha,
fa lo bèl tant que n'a pas
Quora n'a pas fa meravilha,
tot aquò durara pas
Los galants vos venon veire
doces coma de melons
Mas apuèi un còp que vos
tenon, pas jamai parlan d'amor

Cada galant vòl una filha,
fa lo bèl bèl quora n'a pas,
Quora n'a pas fa meravilha,
fa lo manhac e tot va plan
mas tot aquò durara pas.

Prenètz lo bon temps filhòtas,
prenètz-lo tant que l'avètz
Un còp que serètz maridadas
lo bon temps vos passarà
« Se me passe que me passe
ieu me vòli maridar
Aquò m'es montat a la tèsta
me ne davalarà pas »
Passèt pas una setmana
« Marion vèni me dubrir ! »
Ela se lèva en panèla
lo yòl pas faire languir
Aviá pas passat la pòrta
li fot un vira vai-ten
« Oi aquel demon d'ivronhassa
que ven de pels cabarets !
Li vau far passar l'enveja
de sortir tota la nuèit
Aqual aimable es una estraca,
plan sens-èime, tamagas !
Aquò son pas las promessas
quand fasiás lo corteson
Alara n'èri qua mestressa
e soi teuna per totjorn »
Los galants vos venon veire
doces coma des melons
Mas apuèi cop que vos tenon
pas jamai parlan d'amor

Prenguèri un òme pichon, coma un grun de civada (bis)
Que siái mal maridada, maridada, maridada
Que siái mal maridada, …

Legir tot

Prenguèri un òme pichon, coma un grun de civada (bis)
Que siái mal maridada, maridada, maridada
Que siái mal maridada, maridada, ieu siái.

Lo preniái al lièch, lo perdiái per la colcera...

Lo prenguèri al pesquièr, lo paure li se neguèt...

Lo voliái plorar, lo rire m’escapava...

Li voliái far dòl, lo roge m’agradava...

Los aubres m’an portat la votz
D’una preséncia mau segura
Que bota ma memòria en crotz
Quand la forèst se …

Legir tot

Los aubres m’an portat la votz
D’una preséncia mau segura
Que bota ma memòria en crotz
Quand la forèst se fai escura
Darrièr chada aubre auve parlar
D’una pita votz de mainatge
Om dirià qu’un òme sarrat
Se torna inventar son lengatge

Solet emb eu auve montar
Tornar la clamor assuausada
D’una vita que a’restat
Lo meschaent voler d’una fada
Lo vent passa dins los gitols
De còdra que lo chabròu coda
Au luènh me sembla auvir maitot
Lo resson teune d’una poda
L’òme a fait son fais de bòi
E se’n vai prestir la fornada
La femna l’espèra au bassuèlh
E sente lo fum d’una olada
Lo temps crese me fai lo tom
De me tustar la rampelada
De la saba de chada jorn
Dins ma memoria fatigada

Mas, tot d’un còp io n’auve pus
La granda chançon desliurada
Dins la forèst i a pus degun
De tota vita s’es voidada
Mas tendre lo punh e rèivar
Ne sauva pas la jarricacla
Auve lo bulldozer ’ribar
Dins la forèst deseperada.

Que’t volerí har lo present
D’aquèra beutat qui abonda
Deus petits matins de printemps
Quan las auronglas hèn la ronda, …

Legir tot

Que’t volerí har lo present
D’aquèra beutat qui abonda
Deus petits matins de printemps
Quan las auronglas hèn la ronda,
Messatgèras de la gaujor
Qui dànçan tau só arrident,
Totas briagas de sa claror
Au ras de l’arrós lusent

Repic :
Ça’i, tot que t’espera
L’auseth, la flor !
Nin, qu’es l pagera
De mon amor

Que’t volerí balhar taben
Lo perfum deus camps de l’estiu
Quan tot d’un cóp, au miei deu hen,
Lo só aulorenc pareish viu
E quan l’abór sia aquiu,
Vestit de doçor castanhèra,
Qu’aneram decap a l’arriu
Plenhar de ceps noste tistèra

Be n’avem donc causas a har !
E ne t’ei pas enqüèr’ parlat
Deu mei plasent a partatjar :
Tots los moments de l’amistat,
E la musica, e la cançon,
E lo hum de la chemineja,
E puish l’amor, tostem l’amor…
Viste ! Que au que t’amaneges !

Qu’es lourdo, lourdo la calour,
E di palun la pudentour,
La bello Tourre, la pounchudo,
Pèr lou malur es devengudo …

Legir tot

Qu’es lourdo, lourdo la calour,
E di palun la pudentour,
La bello Tourre, la pounchudo,
Pèr lou malur es devengudo
La mai afrouso de presoun,
La mai afrouso de presoun.

Que tant de femo secutado
E que tant de femo embarrado,
Au mitan de la verminaio,
Dis escourpioun, de la mouscaio,
Jamai aguèsson abjura
Jamai aguèsson abjura.

Moun Diéu, dóu founs de ma gabiolo
Tambèn moun esperit s’envolo,
Quouro li cabro rintravian
E qu’emé mi gènt soupavian
Davans la calour dóu fougau...

Jamai, jamai se renega,
Au capelan fau resista,
Meme dins aquéu trau de gàrri
Maugrat la fam e la misèri,
Sus la paiasso an tant prega
Pèr servi Diéu en liberta.

Dins la sournuro de la Tourre
Amo trefoulido d’amour,
Pourtavon deja lou flambèu
De sa religioun, de soun Diéu,
Vido de doulour, de soufrènci
Pèr la liberta de counsciènci.

Moun Diéu, dóu founs de ma gabiolo
Tambèn, moun esperit s’envolo
Vers la mountagno e la ribiero,
Moun ome manda i galèro,
Lis assemblado dóu Desert...

Mai de quente crime acusado
Pèr endura la mau-parado,
Vitimo de l’intoulerànci
Sachèron garda la counstànci
L’esperanço di bràvi fiho
Isabèu, Suzanne o Marìo.

Se dis que li jour de grand vènt
Dins lou dounjoun de cop s’entènd
Lou long plagnun di presouniero,
Fa de souspir e de preguiero,
Un soulet mot nous es resta

Se dis que li jour de grand vènt
Dins lou dounjoun de cop s’entènd
Lou long plagnun di presouniero,
Fa de souspir e de preguiero,
Un soulet mot nous es resta
Qu’es grava pèr l’eternita...
RESISTA.

Eths vestits tot esperrecats Qu’avia posca sus era cara Que’u trobèren en ua gara Ath escur, qu’èra ajaçat. Era sua …

Legir tot

Eths vestits tot esperrecats Qu’avia posca sus era cara Que’u trobèren en ua gara Ath escur, qu’èra ajaçat. Era sua identitat La deishèc de cap ara Marna Qu’ei aciu que prenec er’arma Qu’ei aciu qu’a tot desbrembat. Arrés non sabia eth son nom Toti l’aperavan Gaston Aqueth òme dera Grana Istòria Shens papèrs, shens memòria. Arrés non sabia eth son nom Mès que’n volian ‘ra pension Aqueth soldat qu’ei un mistèri Presoèr d’ua vielha guèrra. « A on te’n vas d’aqueste pas ? D’a on ès ? De quina contrada ? » Mès pergut ena sua pensada Responec : « Jo, non sabi pas ». Que l’envièren en espitau Tà que’u suenhèssen cada dia Tà retrobar ua familha, Dab un portau barrat a clau. Embarrat coma un animau Pendent un vintenat d’annadas Er’istòria que s’ei acabada Ua crotz dessús un calhau. Après tant e tant de torments Gaston qu’ei vengut un ahèr, Conegut deth monde sancèr Desconegut entà tostemps.

Lo portau crenilhant s’es dubert

Boca badanta dins la nuech.
Davaleron.
Eran de joventud amb encara dins
Sa votz lo …

Legir tot

Lo portau crenilhant s’es dubert

Boca badanta dins la nuech.
Davaleron.
Eran de joventud amb encara dins
Sa votz lo printemps,
E la flama d’una regalida au dintre
Degun supliquèt. Plovinejava
Sensa relambi.

La carriera s’auriolava coma d’una flor
Privada de son sang.
Leis esperavan ambé seis aisinas leis arpas
S’assasins lei botas policieras.
Lei foets petavan ben tant que de cops de fusius.
Lei tuerts la plueja non decessavan dins lo sagan neblos.

De planhums una crida bacelava la paret.
Una man de fèrre quichava una
Garganta per tostemps.
S’amossavan lei votz a la perfin
De sosterranhs moisses.
Quora parpalejeron leis estelas
La vergonbra èra au cor de la nuech.

La musica la pren, e dejós sa careça
Sent dins son pichon còr que tusta atengut
Se laissa bailejar per …

Legir tot

La musica la pren, e dejós sa careça
Sent dins son pichon còr que tusta atengut
Se laissa bailejar per son bèl amorós,
Que d'un braç leugièr l'entraina sus la pista,
En la gardant contra el
coma un tresaur preciós.

Un problema dins la vida
Es d’aver d’amics sens se prene lo cap
L’amistat es fragila
La cal tojorn assagar …

Legir tot

Un problema dins la vida
Es d’aver d’amics sens se prene lo cap
L’amistat es fragila
La cal tojorn assagar

Es pas totjorn aisit mas aquò vau lo còp
De far d’esforçonets per cultivar l’amistat
Aquò dèu estre una mèna de reciprocitat
Es aquò la recepta per se prene pas lo cap

L’amistat se la negliges
Pòt far ta vida marcir
Per que la flor espelisse
Cal la fuelha far venir

Lo problema es pas un problema
Qu’es la solucion
La solucion es totjorn l’amistat
Mas segur es un problèma de la cultivar
Aquò ven pa solet
S’en cal preoccupar
Mas (a)quò dèu pas devenir una prisa de cap

Pròche de ma blonda que fai bon fai bon fai bon
Pròche de ma blonda que fai bon dormir

Au …

Legir tot

Pròche de ma blonda que fai bon fai bon fai bon
Pròche de ma blonda que fai bon dormir

Au jardin de mon paire lo bèu lilà florìs (bis)
Los aucelons del mond venon faire lo nis

Los aucelons del mond venon faire lo nis (bis)
Lausèta e calandrèta i fan lo plumadìs

Lausèta e calandrèta i fan lo plumadìs (bis)
E ma bèla colomba i fai son cantadìs

E ma bèla colomba i fai son cantadìs(bis)
Que canta per las filhas qu’an pas ges de marit

Que canta per las filhas qu’an pas ges de marit (bis)
Per ièu canta pas gaire que n’ai un de polit

Per ièu canta pas gaire que n’ai un de polit (bis)
Digatz digatz la bèla ont es vòstre marit

Digatz digatz la bèla ont es vòstre marit (bis)
Es partit a la guèrra a la guèrra es partit

Es partit a la guèrra a la guèrra es partit (bis)
Que donariatz la bèla per lo faire venir

Que donariatz la bèla per lo faire venir (bis)
Donariài la camarga la camarga e lo ris

Donariài la camarga la camarga e lo ris (bis)
Lengadòc e Provença e tot nòstre pais

Lengadòc e Provença e tot nòstre pais (bis)
E ma bèla colomba que fai son cantadis

Proscrich, mon fraire
Escota ton país
Escota la sieu votz
Bessai que deman
Vergonha serà beguda
Beguda e assurbida
Vergonha …

Legir tot

Proscrich, mon fraire
Escota ton país
Escota la sieu votz
Bessai que deman
Vergonha serà beguda
Beguda e assurbida
Vergonha dau pòble
Après la conquista

Proscrich mon fraire
Escota ton país
Escota la sieu votz
Bessai que deman
Respòsta serà autra
Que mercé mon capelan
Mercé sénher banquier
Respòsta serà : lucha

Lo calen que crema
Desafoguerà pas li esperenças
Lo calen que crema
Revilherà pas li sofrenças

Proscrich, mon fraire
Escota ton país
Escota la sieu votz
Bessai que deman
Li pèiras dei presons
Denembreràn que son
Estadi lu barris
Dont ientra pas lo lume

Proscrich mon fraire
Escota ton país
Escota la sieu votz
Bessai vòli dire bessai
Bessai que sèt sègles
Son manco pron
Per escotar la libertat

Proscrich mon fraire
Escota ton país
Escota la sieu votz
Escota lo sieu crid !

Antica Provença
Diga mai o mens
Conta-me ma tèrra
Conta-me lo temps
Conta-me las pèiras
Conta-me lo vent.

Refranh : …

Legir tot

Antica Provença
Diga mai o mens
Conta-me ma tèrra
Conta-me lo temps
Conta-me las pèiras
Conta-me lo vent.

Refranh :
Dins lo grand silenci
Que te fa calar
Dins lo grand silenci
A tu de cantar !

Canta-me trobar e l’amor
E la tèrra de Provença !

Antica Provença
Diga mai o mens
Conta-me ta vida
Conta-me l’ país
Conta-me ta crida
Conta-me l’s amics

Refranh

bis

"Non posc escrire
L’ira ni-lh marrimen
Que-l segle trobat vei
E corromp on la lei
E sagramen e fei
Qu’usquecs pessa que vensa
Son par ab malvosensa...

Ai ! Toloza e Proensa
E la terra d’Argensa
Beziers e Carcassei
Quo vos vi e quo-us vei !"

un dicton passait par là
il m'a dit me prenant par le bras
chair de chien sauce de loup
à …

Legir tot

un dicton passait par là
il m'a dit me prenant par le bras
chair de chien sauce de loup
à mal blanc remède de voyou
tant vaut l'homme vaut la terre
et crois-moi la terr' ne vaut pas cher
animal dans tes orties
à te gratter tu passes ta vie
il serait bien plus malin
de couper le mal dans ton jardin
l'occasion fait le larron
mais à grands larrons force raison

òm disià d'un Lemosin
meitat chen segur meitat coquin
io que sui dau Peirigòrd
meitat chen tanben e meitat pòrc
cu te fai de la morala
qu'es lo qu'a l'arma la mai poirrida
coneisse dins lo pais
quauques uns de queus cuòls benesits

on disait d'un Limousin
moitié chien, bien sûr moitié coquin
moi qui suis du Périgord
moitié chien, aussi, et moitié porc
qui te fait de la morale
c'est celui qui a l'âme la plus pourrie
je connais dans le pays
quelques-uns de ces culs bénits

un dicton passait par là
il m'a dit me prenant par le bras
chair de chien sauce de loup
à mal blanc remède de voyou
qui ne risque rien n'a rien
mais qui n'a rien ne risque plus rien
quand l'ennui est en sautoir
en sautoir aussi le foulard noir

çò ditz lo pitit patron :
« sui lo chap ne sui pas un colhon »
çò ditz lo beu professor :
« ai lo saber e sui lo melhor »
çò ditz lo grand generau
« ai Poder, armada e lors morraus »
mas çò ditz la vielha graula
« vos emmerde e sui dins ma campanha »

le petit patron dit :
« je suis chef, je ne suis pas un couillon »
le beau professeur dit :
« j'ai le savoir, je suis le meilleur »
le grand général dit :
« j'ai le pouvoir, l'armée et les muselières »
mais dit le vieux corbeau :
« je vous emmerde, je suis dans ma campagne »

qui aime bien châtie bien
n'écoute pas le chant des requins
remets toujours à demain
le travail et l'ennui quotidien
vis ta vie e fais l'amour
le malheur viendra bien à son tour
qui roupille au mois de Mai
pourrait bien ne jamais s'éveiller

qui roupille au mois de Mai
pourrait bien ne jamais s'éveiller

Para, para, parasol,
Ombre ombre sombrero
Pchitt psitt irange per las filhas,
Pchitt pchitt citron pour les garçons

La mer …

Legir tot

Para, para, parasol,
Ombre ombre sombrero
Pchitt psitt irange per las filhas,
Pchitt pchitt citron pour les garçons

La mer qu’on voit danser
Au bord d’la Méditérannée
La mer a le mal de mer
La mar que marca mau

Camping-gaz, taureau piscine
Toboggan crème à bronzer
Pelle et sceau glacière
Baignade surveillée

Makouba club, merda land
Pizza camion, flamenco
String, machines à sous
Jet ski, et beach sun

Bison futé, bouchon bouchon
Camping car, arrêt pipi
Gendarmerie Nationale
Sortie centre ville, les plages

Demi- pension, vin compris
Beau-frère, Ricard tomate
Horaires conseillés
On est presque arrivé

Les plages sont larges et les filles longues
Au pays de la sandale et de la tongue

Shit, shit irange per las filas
Shit, shit citron pour les garçons
Chichon citron pour les garçons

En aquel temps, ieu viviáu dins la luna
Los bonurs de la tèrra m’èran defenduts
Semenave de flors en cantant …

Legir tot

En aquel temps, ieu viviáu dins la luna
Los bonurs de la tèrra m’èran defenduts
Semenave de flors en cantant per de prunas
En tendent la pata als cats perduts

A, a a a ! Puta de tus
A, a a a a a ! Siám fotuts

Un ser de plòja, òm grata a ma pòrta
“Esperatz, catonets, que vos ai entenduts !“
Nom de Dieu, l’animau que l’auratge me pòrta
Èras tus, èras tus, èras tus

Los uòlhs asclats e color de pistacha
As pausat sus mon còr ta pata de velós
Urosament per ieu, aviás pas de mostacha
E vesiáu sens pena tos melons

Dins lo rambalh de ma vida garèla
As gitat de pertot un buf joine e brosent
E per ieu, per mas flors, mas cançons, siás tus qu’èras
A l’encòp ombrum, astre lusent

Lo temps, a paupas, dalhant las jornadas
Nòstre amor, tot escàs, grelhava qu’adejà
Atissavas mos cats en cramant mas cantadas
E mas flors, las voliás escrachar

E puòi complet, miserabla porcassa
Coma aviám pas pus res de la cava au granièr
Simplament, sens vergonha, e per una rascassa
As cochat ambé lo peissonièr

Quane sadol ! dins mon còr, las campanas
Enterravan enfin las amors d’aiçabàs
Siáu tornat dins la luna en carrejant mas banas
Mas cançons, e mas flors, e mos cats

Esta putan de cançon,
collèga es sus la rota,
fa un brave moment,
mon paure es sus la rota,
desempuèi …

Legir tot

Esta putan de cançon,
collèga es sus la rota,
fa un brave moment,
mon paure es sus la rota,
desempuèi tant de temps,
corre per la planeta,
corre la nuech, lo jorn,
monte la guèrra peta.
Òc l’auviràs totjorn.

Ò se ti plai, barra ton èstra !
Auvi l’estraça bramar mai dins la nuech
Ò se ti plai, barra ma tèsta !
Vòli pas mai que la musica de ta pèu.

Esta putan de cançon,
de lònga si muralha,
ti sente lo mosit,
Fa un bruch de sarralha,
a lo cuou benesit,
l’agrada la misèria,
e lo chaple e lo sang,
trèva lei cementèris.
Òc dança ambé lei tirans.

Esta putan de cançon,
monte si plora, tòrna,
segur vòu pas dormir,
ti donarà lo "muermo",
a lo pegin per amic,
ti tèn lei milas rimas,
a tant per racontar,
dura coma la trima.
Òc si vòu jamai acabar.

De jamei en tostemps,
E d’ivèrn en primtemps,
Si n’i a qui an çò qui an,
Qu’èm çò qui èm. …

Legir tot

De jamei en tostemps,
E d’ivèrn en primtemps,
Si n’i a qui an çò qui an,
Qu’èm çò qui èm.
Aimar sa tèrra dinc au mau d’amor,
I créder enqüèra dinc a la dolor,
Espiar cada matin
Com si èra lo purmèr matin.
Esperar, esperar,
E cridar, e cridar,
Si n’i a qui an çò qui an,
Qu’èm çò qui èm.
Vielh monde qui portam
De ger en uei,
Non seràs pas jamei un monde vielh,
Tostemps recommençat,
Lo conte n’ei pas acabat.
Pè deu cèu, tot qu’ei blos,
Hant-se nueit, tot qu’ei doç,
Si n’i a qui an çò qui an,
Qu’èm çò qui èm.
Tà casa, adara que nse’n vam tornar,
Cap a un aute sorelh que’ns vam virar,
Doman, si s’escad plan,
A contrabriu, que seram vius.

De jamei en tostemps,
E d’ivèrn en printemps,
Si n’i a qui an çò qui an,
Qu’èm çò qui èm. …

Legir tot

De jamei en tostemps,
E d’ivèrn en printemps,
Si n’i a qui an çò qui an,
Qu’èm çò qui èm.
Aimar sa terrà dinc au mau d’amor,
I créder enqüèra dinc a la dolor,
Espiar cada matin
com si èra lo purmèr matin.

Esperar, esperar,
E cridar, e cridar,
Si n’i a qui an çò qui an,
Qu’èm çò qui èm.
Vielh monde qui portam de ger en uei,
Non seràs pas jamei un monde vielh,
Tostemps recommençat,
lo conte n’ei pas acabat.

Pè deu ceù, tot qu’ei blos,
Hant se nueit, tot qu’ei doç,
Si n’i a qui an çò qui an,
Qu’èm çò qui èm.
Tà casa, adara que nse’n vam tornar,
Cap a un aute sorelh que’ns vam virar,
Doman, si s’escad plan,
a contrabriu, que seram vius.

Qu’escriuriái per te cantar una cançon d’amor ?
Tres tornadas unas còblas faiçon Trobador
Tira-lònga de coblets en romantica flor, …

Legir tot

Qu’escriuriái per te cantar una cançon d’amor ?
Tres tornadas unas còblas faiçon Trobador
Tira-lònga de coblets en romantica flor,
Qu’escriuriái per te cantar una cançon d’amor ?

Papièr de musica blau per la cançon d’amor
Papièr d’armonia dolça en clau de cada jorn
Clau d’una portada blanca a far cantar major
Sinfonia sens bemòl a l’alba d’un borron.

Dirai qu’al fons de ton èstre
I cresquèron de tresaürs
Que son puèi venguts los mèstres
D’una vida al prètz de l’aür

Dirai qu’i caliá de temps
Al temps que passa, al temps que va
Las setmanas e los meses
Bastirán benlèu deman.

N’avèm trassats de vilas de vilatges
Dempèi 20 ans per vos far bolegar
Pertot l’avèm espandit lo messatge
Dins nòstra …

Legir tot

N’avèm trassats de vilas de vilatges
Dempèi 20 ans per vos far bolegar
Pertot l’avèm espandit lo messatge
Dins nòstra lenga vos avèm fach cantar
Lo vièlh casal negat dins las falhièiras
Pèira per pèira lo tornarem levar
Al fons del camp sus la broa la talvera
L’èrba marrida la farem puelhar.

N’avèm butats de parets de montanhas
Dempèi 20 ans per nos far respectar
Pertot l’avèm espandit lo messatge
Jamai deguns nos a pas fach calar
Ome d’òc escota-me plan mon fraire
Aquel camin lo te caldrà sutar
Lèva lo punh crida coma un asclaire :
«Nòstre païis anam reviscolar.»

Ara sièm quatre anam dançar
Lo quadrilh de la montanha
Ara sièm quatre anam dançar
E nos annam carrar.

Legir tot

Ara sièm quatre anam dançar
Lo quadrilh de la montanha
Ara sièm quatre anam dançar
E nos annam carrar.

Sièm totes de bons nocejaires
Qu’aiman plan de cabornejar
E cantam sus totes los aires
Lo plaser de drilhar
Cal …

Legir tot

Sièm totes de bons nocejaires
Qu’aiman plan de cabornejar
E cantam sus totes los aires
Lo plaser de drilhar
Cal far ribòta cada jorn
Amai se manjam la granhòta
La vida dura pas totjorn
Beguem lo vin tan qu’es bon !

E nautes, sièm de la fanfara
Aimam plan de nos divertir
Nos volèm bolegar encara
Fins a deman matin
Lo trabalh fach nos fa pas paur
Lo qu’es a far nos fa tremblar
E s’avem pas jamai lo sòu
Nos sabèm plan amusar...!

L'òme pichon es arribat amb una carga de bontat. (Bis)
Es arribat leugièr leugièr ...
Es arribat per mossegar, per …

Legir tot

L'òme pichon es arribat amb una carga de bontat. (Bis)
Es arribat leugièr leugièr ...
Es arribat per mossegar, per mossegar la vida.

L'òme pichon es demorat amb una carga de beutat (Bis)
Es demorat leugièr leugier ...
Eime de fuòc, polit capèl, bastit coma una mirga.

Qual es que ten ? Qual es que ten la belugueta ?
Qual es que fa d'un abrandal una jòia, una fèsta, un bal ?
Òu! Silvaneta ! Qual es que ten la belugueta ?
De ton amor que fa canton, siás tu que ten lo bufador.

L'òme pichon a solelhat amb una carga de grand far. (Bis)
A solelhat leugièr teugièr ...
Es aquí per nos rescalfar, talhat d'una aluqueta.

L'òme pichon s'es abrandat amb una carga de clartat. (Bis)
S'es abrandat leugièr leugièr...
Lo parpalhòl, alas de fuòc, e son vòl d'incendiari.

Qual es que ten ?.

L'òme pichon s'es alèitat amb una carga de flèrtat. (Bis)
S'es alèitat leugièr leugièr...
Pas res i fa per l'empachar d'embelinar la vida.

L'òme pichon se'n es anat amb una carga d'amistat. (Bis) L'avèm portat leugièr leugièr ...
La mòrt l'avèm faita dançar, lo bal al cementèri !

Qual es que ten ?

Per Giuseppe que s'alassam pas de ne celebrar la memòria. e Silvana d'onorar sa preséncia.

Qual t’a donada la gala (bis)
Al Castelvièlh la m’an donada
Se ieu l’aviài la tornariài (bis)

Qual t’a donada …

Legir tot

Qual t’a donada la gala (bis)
Al Castelvièlh la m’an donada
Se ieu l’aviài la tornariài (bis)

Qual t’a donada la gala pichon
Qual t’a donada la gala (bis)
A Besièrs la m’an donada
Se ieu l’aviài la tornariài (bis)

Qual t’a donada la ronha pichon
Qual t’a donada la ronha (bis)
A Besièrs la m’an donada
Se ieu l’aviài la tornariài (bis)

Qual t’a donada la jobi pichon
Qual t’a donada la jobi (bis)
Al Zinga Zanga la m’an donada
Se ieu l’aviài la tornariài (bis)

Qual t’a donada la gala pichon
Qual t’a donada la gala (bis)
A Besièrs la m’an donada
Se ieu l’aviài la tornariài (bis)

Qual t’a donada la gala pichon
Qual t’a donada la gala (bis)
Lo Camèl de fuòc la m’an donada
Se ieu l’aviài la tornariài (bis)

Qual t’a donada la gala pichon
Qual t’a donada la gala (bis)
Qual t’a donada la gala pichon
Qual t’a donada la gala (bis)

Quan èri joen pastor
O quin beth tems ta jo !
Qu’aimavi ua bruneta
Leishavi los motons
Tà l’anar véder …

Legir tot

Quan èri joen pastor
O quin beth tems ta jo !
Qu’aimavi ua bruneta
Leishavi los motons
Tà l’anar véder a d’era.

Quan ei auprès de jo
L’aufribi un poton
E com las anheretas
Hasen l’arricoquet
Capvath de las ombretas.

Aquo lo tems dura
Com va poder pensar.
Quan tot d’un còp un dia
Vedoi Lo lop sortír
Dab ua gran furia.

Janina s’escapà
Capbath deu cujala.
E jo com un volatge
Leishèi lo lop aulhèr,
Corroi cap au vilatge.

No la tornei trobar
Jamei au cujala.
En la mea crampeta
Los oelhs banhats de plos
Qu’era tota soleta

Quan ero pitchoune
ma mere mi branlave
aro qui sieu grande
mi branle tou soule

Quan ero pitchounet
fumave lei …

Legir tot

Quan ero pitchoune
ma mere mi branlave
aro qui sieu grande
mi branle tou soule

Quan ero pitchounet
fumave lei feissino
aro que sieu grande
fuma lou calumet

Quan steph ero pitchounet
semblavo un gisclet
aro que sieu grande
semblavo a maïté.