N’ai un confle, un sadol, mas tanlèu que me sarri
Sus scèna per cantar, soi lo boc emissari
De qualque …

Legir tot

N’ai un confle, un sadol, mas tanlèu que me sarri
Sus scèna per cantar, soi lo boc emissari
De qualque arganhòl que jamai non m’a comprés
E me vòl explicar patin, patan, pas res.

Ja que reluqui pas lo meriti agricòla,
M’aviá semblat plasent, en país viticòla,
De galejar sul sòrt del paure Vinhairon
Que totjorn se planhís, que jamai n’a pas pro.
Me tombèron sul còl, de darrièr una turra,
Unes endimenjats de la viticultura
E me calguèt jurar, cedent a la pression,
De pas pus colhonar ambé la profession.

Soi pas contrariant, e coma a l’ora d’ara
Un cantaire a mai d’una còrda a sa guitarra,
Cambièri de registre e naucèri lo ton
Per celebrar l’afrontament de Montredond.
Mas d’intellectuals me virèron l’esquina,
Jutjant ma ritornèla debila e mesquina,
Que per m’assegurar de lor reprobacion
Me fugissián al mièg de l’inerpretacion.

Soi pas tròp malsapiós, o prenguèri per rire
E, per que degun pus me trapèsse a redire,
Ai, sens imaginar de me far descridar,
Pondut Ma Femna e Me vòli pas maridar.
Aviái pas acabat qu’un fais de feministas,
Fissadas al cuol per mas òbras intimistas,
Me sautèron dessús per me las estrissar,
Me far passar per Castra’ e m’abailardisar.

Soi pas caput, e coma tant de filosòfis,
Ieu teni mai que tot a mos vièlhs alibòfis.
M’escapèri lèu fait, las cambas al copet,
Fiular endacòm mai Rodaire e Tastapet.
Rodaire e Tastapet, un escandal ficrala !
Per los cuols benesits, cartèls d’accion morala.
Manquèron me negar dins l’aiga-senhadièr
Abans de me secar sul gavèl del lenhièr.

Se me veniá una arieta bucolica,
Mossurs los musicians trapavan la colica,
Denonciants mos acòrds, qu’escampats al azard,
Devián far tresvirar las òssas de Mozart.
Badalhonat un jorn per l’aganta-torista,
L’endeman morralhat per lo militarista,
Estavi coma un con e sens refranh al pòt,
Lo pissarèl nosat, mai mut qu’un escarpòt.

N’aviái lo plen topin, passava la mesura,
Alara ai dit : "A mòrt, a mòrt tota censura !"
E jamai, jamai pus m’anirai trigossar
Las espardelhas del costat de Canossà.
Ai revelhat ma musa jos anestesia,
Ma musa lepa-cuol de Dòna Anastasia,
E sens mèstre, sens dieu, tot sol, de mon sicap,
Canti uèi las cançons que me passan pel cap.

E me’n fiqui ben pro se, tanlèu que me sarri
Sus scèna coma anuèit, soi lo boc emissari
De qualque arganhòl que vòl faire lo gandol,
Ieu, d’aqueste arganhòl, n’ai un confle, un sadol.

Voi que damb era mòrt non acabe tot,
per mès que anem e semble que jamès tornem.
Voi amagar era …

Legir tot

Voi que damb era mòrt non acabe tot,
per mès que anem e semble que jamès tornem.
Voi amagar era mia esséncia de Dieu e deth Diable,
tà que jamès venguen a cercar-me e me hèsquen parar eth còr.

Son tanti ja es hantaumes que jaden ath laguens d’aguesta carn qu’a ben jurat:
lalaralaralaralarala ah!, ah!, e sarre eth còr.

E ena mia gòrja, era votz des qui en silenci se tornèren hum.
Ena mia gòrja, era votz des qui non poderen pregar:

Recuelh era mia sang!
Recuelh era mia sang!

Recuelh era mia sang quan mòra ena batalha.
Recuelh era mia sang, quan damb eth vent se’n vagen luenh es mies cendres.

Recuelh era mia sang quan quèiga e non me lhèua, non desvelha.
Recuelh era mia sang, e amansiràs aguest dolor d’èster mortau.

E que damb era nòsta marcha,
en lòc de deishar un vuet rampligam de gòi d’autes ments.
Qu’era mia energia se convertisque ena recèrca actiua d’un nau mon.
Qu’enes nòsti carrèrs s’i reflectisquen es gènis que van caminant.

Que d’aguest art
nèishen poètes, escrivans, musicians, pintors... damb illusion,
e vas a veir era vertut dera gran fòrça que plegats podem amassar,
se perseguim que cap sang sigue vessada en van.

Qu’era mia vida sigue un motor que dongue as auti moviment.
Qu’es hilhs des mèns hilhs poguen recuélher es fruts d’a on en passat semiè era pèth.
Qu’era tèrra que viu era mia mòrt dongue es flors mès polides deth mon,
e refugie es arraïtzes d’aqueri arbes que daràn vida a ua auta gent per molt de temps...

Recuelh era mia sang!
Recuelh era mia sang!

Recuelh era mia sang quan mòra ena batalha.
Recuelh era mia sang, quan damb eth vent se’n vagen luenh es mies cendres.

Recuelh era mia sang quan quèiga e non me lhèua, non desvelha.
Recuelh era mia sang, e amansiràs aguest dolor d’èster mortau.

Recuelh era mia sang!
Recuelh era mia sang!
Recuelh era mia sang!
Recuelh era mia sang!

Escota l’enfant
Que te ditz qu’a fam,
Que te tèn la man
Per un troç de pan.
Que siegue African …

Legir tot

Escota l’enfant
Que te ditz qu’a fam,
Que te tèn la man
Per un troç de pan.
Que siegue African
O que siegue Afgan,
‘Queu qu’a pas de pan
Quand a fam, a fam.

Repic :
E ieu siáu tot solet,
Siáu davant ma telé
Come fan de milions,
De miliards de colhons.
Tant que per lo monde
Entendrai lo canon
Que trona, que gronda,
Orlarai : « Non e non ! »

Regarda l’enfant
Que se’n vai trimant,
Son uelh suplicant
Te ditz son carcan.
Pareis que n’i a tant
Per carriera qu’an
Donat tot son sang
Son còrs e seis ans.

Repic

Escota l’enfant
Bramant sa maman
Cochat au mitan
D’un fangàs de sang.
Sauvatge assassin
N’i a pron a la fin
De tratar ansin
L’enfant coma un chin.

Repic

Marrits maufatans
Orrìblei tirans,
Vergonhós brigands,
Merdós traficants,
Serem contents quand
Vos veirem crebant,
Vos veirem cremant
Dau fuòc de Satan.

Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un …

Legir tot

Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un praube poret,
Sonque peish borit dab leituga
Dab ua biscòta eishuga,
E tà fenir, tà acabar,
Hromatge magre shens tròç de pan !

Uei, tà ‘star lo de qui cau
Cau estar magre com un clau ;
Lo bonur que s’escon adara
Hens ua taça de tisana !

N’aver que la pèth sus los òs
Que’m demanda drin tròp d’esfòrç !
Ne sèi pas arren de mei bon
Com ueu paderat dab jambon ;
E parlem drin de la garbura,
Deu borrit, d’un beth tròç de hura,
De las mongetas e de l’anhet,
Shens desbrombar lo regalet !

Cueisha de guit dab sengles fritas,
Trip e tripon dab quauques micas,
Bròja taben e gresilhons.
Drin de vin tà cauhar los jolhs !
Ua padèra de castanhas
Un hromatge de las montanhas,
Pan deu fresc, còca, cocon !
Ne sèi pas arren de mei bon !

Ni fin, ni magre com un clau
Non serèi pas lo de qui cau ;
Mes bèth e fièr com un aucat,
Que voi fenir arregolat !

I aguèt l'estiu de sèi pas quora
Los sers banhats per l'estelum
Tos uèlhs èran plens de clarum
Lo vent …

Legir tot

I aguèt l'estiu de sèi pas quora
Los sers banhats per l'estelum
Tos uèlhs èran plens de clarum
Lo vent cantava e ara plora

Una font raja al fons de l'ombra
Lo temps quita pas de passar
T'en tornaràs sens adissiatz
De mos jorns sabi pas lo nombre

Lo diu que coneis nòstra istòria
Sap se lo ser lo còr me dòl
Daissarai gemir lo vent fòl
Que dalha a bèl talh ma memòria.

Un peu partout tout le monde dit
Que la plus belle ville du monde est sans doute Paris
Ça ne …

Legir tot

Un peu partout tout le monde dit
Que la plus belle ville du monde est sans doute Paris
Ça ne me vexe pas, au contraire je ris
J’instaure le débat et je vais être précis :
Y’a pas d’enfer, y’a pas de paradis
Moi j’aime ma cité et c’est pourquoi j’y vis.
Dans la compétition au titre par catégorie
Si Paris est la plus belle, Marseille est la plus jolie.

La Canebière et le Vieux Port et Notre Dame de la Garde,
Les Réformés, le Cours Julien, la Plaine et la gare St Charles,
La rue Loubon, Palais Longchamp, Cinq Avenues, boulevard Chave,
Rue de Lyon, la place d’Aix, le cours Lieutaud et Castellane.

C’est un rendez-vous à Marseille,
Là sur le quai.
Voyage au pays des merveilles,
Ensoleillé.
C’est un rendez-vous, dépêchez-vous,
Avec la cité qui vous rendra fou.

Blu e blanc
Son lei colors.
Lo ciele es grand
O que calor.
L’a d’enfants
La nuech e lo jorn
E brunas son
Lei beleis amors.
Es ma ciutat, ma dòna, ma capitala.
Es ma nacion,ma doça, ma generala.
Es mon illa, mon batèu, mon recapti,
O mon bèu jardin dei delicis,
Dei delicis.

Spéciale dédicace
À tous les amuseurs
À ceux qui font danser les marseillais,
À tous les raggamuffins
Les rockers, les rappeurs
Et à tous ceux que j’allais oublier
J’écris une épitaphe
Encore deux ou trois taffes
J’enterre la tristesse et le stress
Je profite du riddim
J’assure l’intérim
J’évacue la pression, je me redresse.

Fais bouger tes pieds, tes genoux, tes hanches et puis tes épaules
Plus on rit, plus il y a de fous ; plus on est fou, plus on rigole
Il faut chanter avec passion, organiser des farandoles
Écoute, fais bien attention et apprends vite les paroles.

Fai avans,
Vai li mon pichon,
Siam bolegant
Dins lo canton.
Roge sang
Son lei potons,
Totjorn de flamas
Son lei cançons.
Es ma ciutat, ma dòna, ma capitala.
Es ma nacion, ma doça, ma generala.
Es mon illa, mon batèu, mon recapti,
O mon bèu jardin dei delicis,
Dei delicis.

Avec la cité qui vous rendra fou.
C’est un rendez-vous à Marseille

Là sur le quai.

Avia daissat sa veitura
Al darrièr contorn
De la rota.
E ara, dreit e
Mut coma una peira
De la …

Legir tot

Avia daissat sa veitura
Al darrièr contorn
De la rota.
E ara, dreit e
Mut coma una peira
De la garriga,
L'òme regardava
Son païs.

Dubre un uèlh, que fai bel
La lutz entra en fòrça
Gaita leu, que lo cèu
A quitat lo mantèu …

Legir tot

Dubre un uèlh, que fai bel
La lutz entra en fòrça
Gaita leu, que lo cèu
A quitat lo mantèu
Jos lo pel, Macarel
La vida s’avança
Lo borrut, espatlut
Nifla lo cocut

A sentit venir la prima bolega son còs
La saba que monta desrevelha l’ors
Pensa a la carn chucosa al perfum tant doç
Per plantar sa griffa, e se leva l’ors

Tot marrit, aganit, lo bestiàs avança
L’an trovat, atrapat, e encadenat
Un gusas, tarnagas, li mostr’una dansa
Per anar, lo mostrar, sus totes los mercats

Mas per plan menar la dansa, per levar lo pè
Li cal una orsona, pas un orsalhèr
Mefi que se descadena, e vos vai trapar
Totas las orsonas, farà bolegar

Beu un còp, beu un còp, que la festa comença
Beu un còp, beu un còp, anam a dansar
Dansa l’ors, dansa l’ors, qu’es anueit ta festa
Sauta, torna, vira l’ors, laissa te anar

Venem lèu dins ta caverna per te desliurar
Se i a de cadenas, farem tot petar
Que ta dansa maladrecha, ton bransle pataràs
Es benlèu la dansa de la libertat

N’aviái pro de la nòstra trima
N’aviái pro del nòstre fanguièr
Lo Rèi, lo curat, la talha, la dima
Lo …

Legir tot

N’aviái pro de la nòstra trima
N’aviái pro del nòstre fanguièr
Lo Rèi, lo curat, la talha, la dima
Lo pòble manja lo darrièr

Ò! Mon Dieu, se cal far la guèrra
Ò! Mon Dieu, se nos cal crevar
Serà per nautres e per la tèrra
La França, ela, pòt esperar.

Per totei lei revòutas de ta tèsta
Per totei lei revòutas qu’as dins la tèsta
Escota lo tarabast de l’imaginari …

Legir tot

Per totei lei revòutas de ta tèsta
Per totei lei revòutas qu’as dins la tèsta
Escota lo tarabast de l’imaginari
O fan, vaqui lo charibari…
Charivari
Es arribat dins ta vila
Charivari
Es arribat dins ton barri
Mandèsson la poliça
Mandèsson lei militaris
Mandèsson la poliça
Charivari.

Manjats per la television
Engolits per lei programas
E lei sòmis en pack "tot comprés"
Agacha un pauc lo son
Que mandam, lei flamas
De ton monde a revers.
Versificam la vida per ne faire de cançons
Que passan e reviran dins ton coraçon
Amassam lei penas e la crida de la populacion
Lei silencis, lei cauvas marridas, la pression
Ne fasèm d’archipòt, ne fasèm de farçum
Una mescla de la planeta en dançum
Dançam ara sus la plaça publica
Dançam ara sus la republica
Ta carrièra es una granda fèsta
Per totei lei revòutas de ta tèsta…

Repic.

Laissa la vida desfilar en bendas musicalas….
Laissa la vida passar sus lo son dins la sala….
O diga un pauc tot çò que te tracassa
Dau temps qu’aquí la fola s’amassa…
Sus lo fiu de ma lama
Per lo fuec que me crama
Per lo fum de ma cana
Dins lo cròs de mon arma
Per ma dòna, per ma dama
Per la brasa e lei flamas
Sus lo vèrs e la trama
onte la cançon s’enrama
I a lo balèti de totei lei generacions
I a la musica e de bònei versions
Ren que de fadats dins ta revolucion
Tot lo pòple de teis imaginacions
Imagina çò que sariá lo monde dins tei cervèlas
En rima e sus lo vèrs se fonde dins ma gargamèla
Lo sound system gigant lo sound system gigantesca
Per totei lei revòutas de ta tèsta…

Repic.

La vida es una cauva tot en lusenças
La vida es una cauva tot en movenças
Se fasem lo còmpte dei penas, deis ofenças
L’univers que ma mementa pensa
Es tot autra cauva, es tot autra cançon
Es una autra planeta dins mon coraçon
Es un autre solèu en plen dins ma ritmica
Un autre bati bati sus la musica
E totei lei dolors qu’espòutiran lei diablons de ma fèsta
E totei lei revòutas de mon còrs, dins ma tèsta…

Mais c’est Mauresca
Sur la place publique
Mais c’est Mauresca
et c’est la panique
En panne d’idéaux, de rêves et d’utopies
Voilà le sound system, le sound system c’est ici…
Ici et dans ta tête quand tu danses c’est oui
Ici et dans ta tête dans la seconde qui suit….

Ribat ribat sonat
Ribat lo guè l’an neu lo cau donar

Lo guè l’an nèu lo cau donar gentil senhor …

Legir tot

Ribat ribat sonat
Ribat lo guè l’an neu lo cau donar

Lo guè l’an nèu lo cau donar gentil senhor
Lo guè l’an nèu lo cau donar als companhons

De las pomas de las peras
Lo guè l’an neu lo cau donar

De las nosas de los noselhons
Lo guè l’an neu lo cau donar

De las figas de rasim dotz
Lo guè l’an neu lo cau donar

De las favas de los peses
Lo guè l’an neu lo cau donar

Vòli contar l’istòria a jamai tròp famosa
Que se passèt un sèr, aval cap a Tolosa
Pensi qu’es "Ribeirac" que …

Legir tot

Vòli contar l’istòria a jamai tròp famosa
Que se passèt un sèr, aval cap a Tolosa
Pensi qu’es "Ribeirac" que se disiá lo luòc
Ont èri anat cantar un pauc la lengadòc.

Lo Larzac èra fresc dins totas las memòrias
dels vinhairons tanben, tota nòva la glòria
S’aviás pas un berret, passaves per un fòl
E se ères pas barbut, òm te cresiá en dòl.

Enfins, èra un temps ont las causas anavan
Qu’après aver cantat, lo bal fòlc començava
Lo rondèu, la polkà, lo saut, lo riga-raga
Te tombavan dessús coma pluèja qu’asaga.

Al fonse sus un traste, en barba e berreta,
Qualques joves faisán resquitar la cabreta,
Bufar l’acordeon, clasquejar la guitarra ;
En aquel temps, spvent èra pas coma ara.

Erem ambe Joél, pegats a la buveta,
Coma dròlles escontant lo conte d’un papeta
Un òme tot en cuèr, a costat d’aquel monde
Ambe son "òpinel" se curava las onglas.

Ne deviá aber pron d’aquela pantomima,
Tot d’un còp, de son punh que la fotra anima
Te fot un cacha-morre al primièr que s’avança
Era "saut de lapin" que se disiá la dansa.

Puèi, per complir lo còp, lo traste escalabra
Talha l’acordeon, embosena la cabra
Que de son crit agut i traucava l’aurelha ;
La guitarra tanben la fot coma una pelha.

Enfins, plega cotèl, colèra, malvolença
Per fugir coma un pet dins lo jorn que comença
Daissant los musicians, lo cimbol a la camba
Córrer coma un tropèl quora lo gos la ramba.

Tu qu’escotas mon cant, sabi çò que ne penses :
Cal èsser desobrat per compausar de pèças
Que contan dins un biais d’escritura un pauc nòble
Çò que te penja al nas se conflas tròp lo pòble.

1- Vèni vèi la fouant

Vèni vèi la fouant
Janetou ma mìo.
Vèni vèi la fouant
Que toutei lei van. …

Legir tot

1- Vèni vèi la fouant

Vèni vèi la fouant
Janetou ma mìo.
Vèni vèi la fouant
Que toutei lei van.

O noun li vau pas
Moun fringaire, moun fringaire.
O noun li vau pas,
Moun fringaire li èi pas.

2- La tanto Genevièro

La tanto Genevièro
De vèi Aucelou
En batènt soun burre
Especè soun platou.

Lou burre se remasso
Lou platou se petasso
Cresian tout perdu
I’agué rèn de foutu !

3- Dins lou bouas d’Angialo

Dins lo bouas d’Angialo
I’avié’n chabriou,
Que toujour bramavo
De la pòu dóu loup.

Fòra es Nòrd e silenci
desert de pòrtas barràas
garden nòstas domoras
japs de ves enrabiat
Escòuta, ven una musica …

Legir tot

Fòra es Nòrd e silenci
desert de pòrtas barràas
garden nòstas domoras
japs de ves enrabiat
Escòuta, ven una musica
que nais del sang, de son temp
estup la tèle e i sie chichos
ven qu’es festa e dançem.

Lo rigodon, es lo rigodon
chanta ta dança, bala ta chançon
lo rigodon, es lo rigodon

escòuta aquò vielh
’ma sèona ben encuei.
Oc lo rigodon avanca
la danca comença
sonem per vos dònar de joissença
Oc, la reis de la musica
da festa es antica
lo vent taca a sofiar
pas-moi s’arresta
Tapatge sarvatge de brams e de mans
es coma la flama d’un fiòc de bomians
que leva valòscas
al bord de l’autovia
aluma la nuech lo fuec
d’Occitania

Lo rigodon...

Oc, es commencàa la dança
joiosa, electrica
s’elança dal còr de la musìca
e vòla, s’abriva, se desplèga
escòuta e bolega
fai fito que lo rigodon avança.
bolega, mon fraire

Maire se sabiatz d’onte veni d’onte veni
Maire se sabiatz d’onte veni me battriatz
Veni de Tolon, de Tolon e …

Legir tot

Maire se sabiatz d’onte veni d’onte veni
Maire se sabiatz d’onte veni me battriatz
Veni de Tolon, de Tolon e de Marselha
Veni de Tolon, de dançar lo rigodon

Avíu un calinhaire m’agradava pas
Aviá lo nas de caire, sabiá pas dançar
Aqueu calinhaire m’agradava gaire,
Aqueu calinhaire m’agradava pas

I a de chivaliers de l’armada, de l’armada
I a de chivaliers, parlon d’amor volontiers
L’espasa au costat, bella mina, bella mina,
L’espasa au costat, sabon se faire escotar

I a tant de marins, per la dança, per la dança
I a tant de marins, per la dança, plens d’entrin
Rire que fai gau, camba lesta, camba lesta
Rire que fai gau, camba lesta e pes descaus

I a li gròs marchands, li pistòlas*, li pistòlas
I a li gròs marchands, li pistòlas e li diamants
N’an si còfres plens, de colanas, de colanas
N’an si còfres plens, de colanas e de pendents

Ah! Lo beu pais, tot fa festa, tot fa festa
Ah! Lo beu pais, tot fai festa e tot ié ris
Maire se voliatz vòstra filha, vòstra filha,
Maire se voliatz aqui la maridariatz!

Souto lou soulèu que rabino,
La belugo part e boumbis
E la ramihado cracino
E la flamasso s’espandis.
Nivo de …

Legir tot

Souto lou soulèu que rabino,
La belugo part e boumbis
E la ramihado cracino
E la flamasso s’espandis.
Nivo de fum dins lou cèu rouge
Lou fiò au mitan di bramas
Degoulo tout, moustre ferouge,
Nòsti fourèst soun de brasas.
En lònguis erso, li flamado
S’escarvarton pèr devouri
Tout ço que viéu dins l’encountrado,
Que viéu e que vòu pas mouri.
De l’infemalo grasihado
Mounto un chafaret ensourdant,
Lou soulèu sus la mau-parado
Rajo de lagremo de sang.
Agarrus, cade, pin, blacas
Souvagino, e nis, e jas,
Oulivié, roure, acacia
Tout a rima, crema, brûla !
Pièi tout es mort, la mort peleto
S’implano dedins l’orre cèu,
Lis aubre, nègris escaleto,
Recataran plus lis aucèu,
Béurai plus à la font secado,
Anarai plus m’espaceja
Dins l’oumbro fresco di ramado,
Es fini, an tout massacra !
Lou sabien pas, li tantalòri,
Que lou pin gardavo memòri,
Lou sabien pas, li gargamèu
Qu’empeguèron aquéu flagèu
Bos, à nôsti bôri,
Que l’éuse me disié l’istôri
De nòsti glòri d’àutri tèms,
De moun païs e de mi gènt !
Agarrus, cade, pin, blacas
Souvagino e nis e jas,
Oulivié, roure, acacia
Tout a rima, crema, brûla !
Amo di sèuvo armouniouso,
Te leissen veni segrenouso,
E fasen rèn pèr t’apara
Anen dounc te leissa creba ?

Es atal,
Data pas d’ongan,
A l’ostal,
I a totjorn çaganh :
La patrona
Brama, trona
E ieu, teni de …

Legir tot

Es atal,
Data pas d’ongan,
A l’ostal,
I a totjorn çaganh :
La patrona
Brama, trona
E ieu, teni de romegat.
Segur lo
Mai uró-
S es lo gat.

Pas besonh
De cercar Riton,
Passa son
Temps tot al canton.
S’esparraca
Sus la placa
Per dormir, ara qu’es vielhòt,
Ras del fòc
Sus un flòc
De pelhòt.

E per trai-
Re Riton d’aquí,
Aquò rai
Lèva-te matin.
Car de longa
Ronca, ronca,
Ajofit lo nas sul bufet
Mai que mai
Amb un ai-
Re trufet.

Per ma fe,
Ne pòrti un parelh
Tant la fe
Mna n’a que per el
Que ripalha
Se li balha
Un foasset o de chocolat,
Puèi tornar
Ronrona a-
Ssadolat.

Tant bravàs
Que mai malcorat
Fariá pas
De mal a un rat,
Vièlh ragusa,
Desencusa
Los mirguets quand se senton pro
Finaudèls
Per far d’uèlhs
Al patron.

Mai qu’un rei
Poirit e gastat,
Qual pòt crei-
Re qu’a regretat
Sas mortalas
Genitalas
Qu’autrescòps, çò del medecin,
Copèt lo
Cotelon
Assassin.

Mas Riton
Uèi n’es consolat
E s’esto-
Nant quand sul teulat
S’espalmona
Qualque mona,
Daissa los autres l’estropar.
Se sabiái,
Me fariái
Adobar.

S’òm reviu
Un còp tot plegat,
Vòlga Dieu
Me far nàisser gat.
Mas encara
Que jusc’ara
M’aja pas aimat un bricon,
Res non près
Sa per ès
Ser Riton.

Repic :
Esprit Sarrasin
Rocksteady des garrigues
Ragga baratin
Pour péter les fusibles.

C’est le son d’ici, le son des …

Legir tot

Repic :
Esprit Sarrasin
Rocksteady des garrigues
Ragga baratin
Pour péter les fusibles.

C’est le son d’ici, le son des collines
C’est mixé chez toi et passé à la lime,
Ça se chante en Oc, en patois pour la frime,
C’est pas du rechapé, ça se sent à la rime
MFD c’est le sigle, OCW pour l’insigne,
Montpellier gravé sur les pavés de la « ligne »,
De Tolosa a Niça c’est la voia qui prime
Reggae trobar trobamufin dream team.
J’en place une pour toi, per lo retorn de la prima
Une pour rien, juste pour faire mine,
Faire monter la pression, bourré de vitamines,
Mauresca c’est du bon et ça porte fachine,
On est des sorciers, c’est que le son nous anime
Lève les pieds si t’es prêt et si t’hallucines,
Ça se chante en garrigues entre Sète et Nîmes,
Parfois en français mais en patois c’est plus clean.

REPIC

Souvent c’est engagé souvent ça chante contre
Souvent ça s’emballe et on leur met leur compte
Aux guignols du MEDEF, à tous les grands pontes,
Aux gardiens du temple, aux nouveaux vicomtes,
*On court le 100 mètres, le contre la montre
Ni dieux ni maître, mais le son qui monte
Le son qui pète qui t’écrase et te montre
Qu’on a du gros bois, pesuc comme la fonte.
Le rythme on le tient, le rythme on le dompte
Esprit sarrasin, le l’Hérault jusqu’à la Jonte
En patois pour demain, pour les laissés-pour-compte
Les centaines de rimes débitées qui te démontent
Pas de « skalala », Paris nous les pompe,
Paris nous méprise, et les provinces nous trompent
Je connais le centralisme, je le toise et l’affronte.

REPIC

Lo mercat dau disque es tengut per de nèrvis
Que se crèson de fargar la « cultura »
Los grands medias son tenguts per de nèrvis
Que fan d’informacion a còp de censura.

Es pas lo paradís nimai sus lo plan locau,
Los pichòts medias se fan pichòts provinciaus,
Montpelhièr es tenguda per d’aparisenquits
Novèus aparachiks au soleil du midi
Es parièr d’en pertot, nos va fau cridar
De concèrt en concèrt, nos va fau cantar,
Monta monta la seleccion mon bèu selecta
Aquí sensa concession vèni vèni charrar
Me’n foti siái d’a fons e ma rima s’empura
Sus lo locau, militant per la cultura
Internacionau aquí sus la mesura
Mauresca per lo vam, per la joventura,
Mauresca per lo vam, per la joventura.

De matin, ai vist mon àngel
Amb un grand papier dins la man
Ont aviá escrich la lista
Dei misèrias …

Legir tot

De matin, ai vist mon àngel
Amb un grand papier dins la man
Ont aviá escrich la lista
Dei misèrias dei ciutadans.

De matin, ai vist mon àngel
Amb un libre sota lo braç
Ont aviá notat lei crimes
De la chorma dei richàs.

De matin, ai vist mon àngel
Ambé l’èr gaiard e valent
Que partiá dire ai menistres
Lo voler dei paurei gens.

De matin, ai vist mon àngel,
Au pòrt, ti fasiá lo discors.
Leis obriers, lei pescaires,
Totei li disián bònjorn.

De matin, ai vist mon àngel,
Disiá que l’umanitat
A pas besonh de frontieras
Ni de carta d’identitat.

De matin, ai vist mon àngel
Que cantava una cançon,
Una cançon popularia,
mespresada per lei pebrons.

Vira d’aicí, vira d’ailà,
Senti mon còr roge-negre.
Vira d’aicí, vira d’ailà,
Senti mon còr liberat.

Es pas vertat qu'agèm pas cap d'istòria
Roge lo sang, roge lo fòc
E roges mos remembres, roges
E, mon …

Legir tot

Es pas vertat qu'agèm pas cap d'istòria
Roge lo sang, roge lo fòc
E roges mos remembres, roges
E, mon pòble, cantas roge
Ara que lo temps vira al fòc.

I agèt Mai e puèi i agèt Junh
Aqueste an farà pas que dos ans
La Comuna de setanta-un
L'an que ven farà pas que cent ans
Narbona, Marselha, Tolosa,
Roges mos remembres son.

Es pas vertat qu'agèm pas de memòria
Negre lo sang secat, lo ròc
E negres son los òmes negres,
Ma colèra se leva negra
Ara que lo temps vira al fòc.

I agèt las grèvas de La Sala
E la policia dins Aubin,
Cincanta revòltas païsanas
E lo cap de Montmorenci
Tombat sul parat de Tolosa
Negres mos remembres son.

Mas es vertat que pesa nòstra istòria
Dins las lutas d'encara uèi
E dreites son los òmes dreites
E lo jorn tanben ven roge
Ara que lo temps vira al fòc.

Coma passar lo temps sensa ges de colègas
Coma passar lo temps sens far de conariá
Passaràs totjorn : La …

Legir tot

Coma passar lo temps sensa ges de colègas
Coma passar lo temps sens far de conariá
Passaràs totjorn : La man sus lo solitari
Un còup per lo frigidari
E en passejant dins lo cafè per beure de còups

Coma beure de còups sensa ges de botelha
Coma beure de còups quand s’atròba pas d’argent
Trobaràs totjorn : Una fest’ originala
E un amic que ti regala per t’acompanhar

Repic :
Òu rompe bassas ! n’as pas ton pròn d’esperar ?
Òu rompe bassas ! basta pas de demandar
Òu rompe bassas ! basta pas de demandar
Òu rompe bassas ! un jorn ti faudrà far !

Coma trobar quauqu’un per tenir companhia
Coma trobar quauqu’un que vòu demorar ’mé ieu ?
Trobaràs totjorn : Un crestian vò una bestia
Se n’as pas ieu ti la presti
E meme per temps de tempèsta pòudras calenhar

Coma calenharem quand trobam pas de dròlas
Coma calenharem coma si regalarem
Ti regalaràs : Avau a la discoteca
Veiras que saràn pas secas
E l’a d’endrechs per far la deca tot en fènt l’amor

Coma faire l’amor quand trobam pas de cambra
Coma faire l’amor quand s’atròba pas de liech
La faràs totjorn : De Bordèu fins qu’a Marselha
De la test’a la cavelha
E se se’n garçon pas lei filhas pòudras lei cubrir de potons

Coma la potonar quand trobam pas la boca
Coma la potonar quand s’atròba pas lo sen
La potonaràs : Quand sarà pas lo contràri
Meme sus lo tafanari
E mai aquò’s pas meis afaires ben pietger faràs.

Sus ma tèrra i a una armada
Que s'es venguda installar
Las fedas an pas de plaça
Per i se …

Legir tot

Sus ma tèrra i a una armada
Que s'es venguda installar
Las fedas an pas de plaça
Per i se poder acampar

Balha-me la man cosina
Balha-me la man
Aquèla armada cosina
La farem dançar
Aquel monde vièlh cosina
Lo farem sautar

Dins mon òrt i a la centrala
Que s'es venguda quilhar
L'èrba crèba e los dròlles
I pòdon pas mai jogar

Balha-me la man...

Dins mon ostal la poliça
Es venguda per furgar
Ieu demòri sus la pòrta
Lo meu ostal deu barrar

Balha-me la man...

Dins un lençòl de messorgas
Lo païs d'òc es enterrat
L'ombra de Paris s'alonja
Sul païs abandonat

Balha-me la man cosina
Balha-me la man
Aquela capitala cosina
La farem dançar
Aquel monde vièlh cosina
Lo farem sautar
Balha-me la man cosina
Balha-me la man
Aquela Occitania cosina
Acabarem per la far...

Per anar cercar ma mía
Ai sautat la barrada anuèch
Per anar carcar ma mia
La barrada ai sautat.
La …

Legir tot

Per anar cercar ma mía
Ai sautat la barrada anuèch
Per anar carcar ma mia
La barrada ai sautat.
La barrada era nauta
E ieu m’i sei mincat
La barrada era nauta
E ieu m’i sei acabat.

Per anar cercar ma mia
Ai passat la rebièra anuèch
Per anar cercar ma mía
La ribièra ai passat.
Lo rajièr corriá
Lo riu m’a neportat
Lo rajièr corna
E ieu m’i sei negat.

Per anar cercar ma mia
Ai traversat lo bòsc anuèch
Per anaracercar ma mía
Lo bòsc ai traversat.
Mès los lops m’esperavan
E los lops m’an gafat
Los lops m’esperavan
Me vaiquí graupinhat.

Per anar cercar ma mía
Me sei pegat doas alas anuèch
Per anar cercar ma mía
Doas alas me sei pegat.
Lo vent del nòrd bufava
Que me las a panat
Lo vent del nord bufava
Ieu me sei escrasat.

Gafat negat escrasat,
Me’n sei tornat chas ieu anuèch
Gafat, negat, escrasat,
Chas ieu me’n sei tornat.
Ma mía m’esperava
Davant l’ostal barrat
Ma mía m’esperava
Endonc avèm dançat.

Miquèu qu'a nau topins de mèu
E nau amons d'estopa.
La hemna l'a minjat lo mèu,
L'a pas hilat l'estopa. …

Legir tot

Miquèu qu'a nau topins de mèu
E nau amons d'estopa.
La hemna l'a minjat lo mèu,
L'a pas hilat l'estopa.
Haut, Miquèu, revelha, revelha,
Haut, Miquèu, revelha-te lèu.

Pipingoina, pipingon,
Orisina, orison,
Au casau de ton pair bon
Que i a cujas e merons,
Per disnar, per sopar,
Bèra garia ve'n te'n cantar
Sus la còsta de la mar.

Sarreguilhòt qu'a nau vacòtas,
E un petit veteròt,
Sarreguilhòt sautis pas tròp,
Un petit menon d'un an,
Sarreguilhòt sautis pas tant.

Tintan !
Qui es mòrt ?
Lo curèr d'Aurelhan
Qu'es tombat dehens l'estanh
Dab las òras a la man
Tintan ! Tintan !

A Bordèu qui a arribat
Nau navius d'aunhons carcats
La serventa qui es anada,
Se n'a portat ua grana haudrara.
Me'n saberé mau se jo i anèvi,
Me'n saberé mau se jo i vau.

Dindan, paodan,
Qui es mòrt ?
Lo cròc.
Qui lo sona ?
La graolha.
Qui la canta ?
Lo limac.
Com hèi ?
Coic, coac.

Nos n'èram nau ahromigas,
Qui dansèvan braç e braç.
La qui corrè que sautèva,
Mès jo, cèrtas, ne poish pas.
Ací qu'es lo jaç de la lèbe,
Mès la lèbe n'i es pas.

Tintan, tintan !
Qui es mòrt ?
Lo cròc.
Qui at dit ?
Jan petit.
Vèi lo díser qu'a mentit.

A la caforca dels camins
Lo temps passat pot pas durar
Avem daissat qualquas amics
Qualquas nenets sont arrivats

Cal …

Legir tot

A la caforca dels camins
Lo temps passat pot pas durar
Avem daissat qualquas amics
Qualquas nenets sont arrivats

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas…Cantarem OC & CO !
Al caforc de la nuetch, del jorn
Avem passat qualquas printemps
Avem avem perdut qualquas amors
Avem aimat de temps en temps

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas…Dansarem OC & CO !
A la caforca dels matins
Avem causit de caminar
De moler la grana al molin
E totjorn tornar commençar.

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas… Somiarem OC & CO
A la caforca dels camins
Avem benleù pas vist la fin
Doman sera coma lo vin
Un pauc melhor cada matin

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas…Pensarem OC & CO !

Lo cèu escuranhós espiant
Nau estelas cadentas qu’èi vist

Cadua vadè un gran gigant
Dab un nas qui semblava un …

Legir tot

Lo cèu escuranhós espiant
Nau estelas cadentas qu’èi vist

Cadua vadè un gran gigant
Dab un nas qui semblava un his..son !

Nau uelhòts jo n’aurí avut
Bahida me’us avoren crebats

Mes d’un sol par n’èri uelhut
Grana Estela qu’a dit :
« Deishatz ! »

Deu tresau solèr qu’ei caduda enlòra
Ua moquira jauna qui eslurra a plaser
Tà s’anar córrer Sagòrra e Magòrra
Shens se har cridar enlòc per arrés

Parièra au limac la motha moquira
Qu’a vagar tà devarar lo camin
Qui’s hiquè en cap qui vira e arrevira
Sus la paret blanca qui sembla shens fin

Lo só qui arraja sus la moquira
Tremblanta de paur o lhèu de plaser.
Mes ne luseish pas mei la prauba tiravira,
Lo só l’a secada. acabat lo sendèr

Deu tresau solèr qu’ei caduda enlòra
Ua moquira jauna qui eslurra a plaser

Legir tot

Se remonti au plus prigond de ma mementa
Se m’endralhi sus lei sentiers e lei sentas
Me vèsi dins lei …

Legir tot

Se remonti au plus prigond de ma mementa
Se m’endralhi sus lei sentiers e lei sentas
Me vèsi dins lei còlas, enrodat de ròsas
Fugissent l’escòla e pantalham en pròsa
Sus lei primièrs beats desbarcats de Marsilha
Rap mediterranean de la cabeça ai cavilhas,
La tèrra dau jardin sus mei bralhas,
Iam e Massilia en benda musicala,
La lenga de mon grand ais entralhas,
Cantavi lo hip hop a la provençala,
Tot un sòmi, tot un monde d’inventar,
Primièrs tròç de tèxte sus caisseta registrats
E tot a l’entorn la seuva e leis olivetas,
Paisatge digne deis isclas gregas.

Mont an passat lei ròsas de mai,
Perfum de Grassa, flors de pantais ?
Mont an passat lei ròsas dei cent fuelhas ?
Florisson sens fin dins mei cervelas.

Lo perfum dins lei naras dei ròsas d’Argeria
Lo mistrau sus la cara somiavi Occitania
Cabanas dins la seuva e viatges a bicicleta
Perduts dins leis euves, lei suves e lei pinedas,
L’espandi necessari per de nistons assedats
Sempre volontaris per ai còlas s’escapar,
Au temps deis endumis, la familha recampada,
Per caucar lei grapas, lei bralhas retrossadas,
Alhòli gigant a l’ombreta dei platanas,
Sovenir d’ancians immigrats d’Itàlia,
Lo patois dau grand e l’òrt de la maire,
Sòmi de levant dins lei viatges de mon paire
L’Afganistan e la sabla dei dralhas
Mei castèus d’enfants dins lei bòtas de palha…

Repic

Lei vacanças a l’epòca duravan de sègles,
Longas e grandas coma un viatge a la Meca,
L’autò plena a blòc sus de kilometras
Leis Aups e lei Landas, Bretanha o Corsega,
Walkman a fond, entre Cypress e Marley
Manjavi lo son, Hip Hop, Rock o Reggae
La musica : una escòla, fenèstra alandada
Lo pantais d’un dròlle ai còlas perfumadas
Mei promièrei scènas, la votz espetada,
Repet sus ma cadena, lo son de la cava,
E tant d’oras passadas ambé lei collegas
Bom bom dins lei baflas lo son que bolega !
Xenòfil, l’enfança, un perfum que resta
Lei cent fuelhas d’un perfum que pega.

Repic.

Vaquí l'istòria de Roseta
Que se voliá pas maridar.

Voliá pas maridar lo faure
De paur que la faga malhar. …

Legir tot

Vaquí l'istòria de Roseta
Que se voliá pas maridar.

Voliá pas maridar lo faure
De paur que la faga malhar.

« Te cal pas aver paur Roseta
Que lo faure es pas un bogràs.

Era lendeman de la nòça,
Lo faure se'n va alucar.
« Ara qu'es lo moment Roseta,
lo fèr es caud lo cal malhar ! »

Mas a la primièra malhada
Lo davantal s'es abrandat.

«Te cal apasimar Roseta
Que lo fuòc te l'amansirà. »

(Collectada al prèp d'Eulalie Clergues a Belesta)

Vaquí l’istòria de Roseta que se voliá pas maridar.
Que se voliá pas maridar e lan la lia ladereta
Que …

Legir tot

Vaquí l’istòria de Roseta que se voliá pas maridar.
Que se voliá pas maridar e lan la lia ladereta
Que se voliá pas maridar e lan la lia laderan

Voliá pas maridar lo faure de paur que la faga malhar.
De paur que la faga malhar e lan la lia...

Te cal pas aver paur, Roseta, que lo faure es pas un bogràs.
Que lo faure es pas un bogràs e lan la lia...

Èra l’endeman de la nòça, lo faure se’n va alucar.
Lo faure se’n va alucar e lan la lia...

Repic : Quand lo fèrre es caud, lo cal malhar

« Ara qu’es lo moment Roseta, lo fèrre es caud, lo cal malhar »
Lo fèrre es caud, lo cal malhar e lan la lia...

Mas, a la primièra malhada, lo davantalh s’es abrandat.
Lo davantalh s’es abrandat e lan la lia...

Te cal apasimar Roseta, que lo fuòc te l’amansiràs
Que lo fuòc te l’amansiràs e lan la lia...

Repic : Quand lo fèrre es caud, lo cal malhar