Dedins la forest
I a un riu que raja
Dedins la forest
I a un riu que raja

Ai mamà …

Legir tot

Dedins la forest
I a un riu que raja
Dedins la forest
I a un riu que raja

Ai mamà se sabiás
Coma lo riu fasiá enveja
Ai mamà se sabiás
Coma lei gens se son recampats

Volián tot crompar
La terra e leis aubres
Volián tot crompar
La terra e leis aubres

Repic

Volián tot copar
Dedins lo boscatge
Volián tot copar
Dedins lo boscatge

Repic

Volián assecar
Lo Tescon sauvatge
Volián assecar
Lo Tescon sauvatge

Repic

Volián far bastir
La granda restanca
Volián far bastir
La granda resctanca
Volián abeurar
Sei camps sus d’ectaras
Volián abeurar
Sei camps sus d’ectaras

Se son arrenjats
An fach sei magolhas
Mamà se sabiás
Coma an cercat garrolha

Repic

Se’n son avisats
De jovents sens crenta
Se’n son avisats
De jovents sens crenta

Repic

Se son enterrats
Per empachar lo chaple
Se son enterrats
Per empachar lo chaple

Repic

Lei mes an passat
An mandat l’armada
Lei mes an passat
An mandat l’armada

Repic

Lei crids d’un costat
De l’autre lei granadas
Lei crids d’un costat
De l’autre lei granadas

Dedins la forest
I a de plors que rajan
Dedins la forest
An fach tombar lo fraisse

Ai mamà oblidem pas
Lo nom dau paure Remi Fraisse
Ai mamà oblidem pas
Lo nom d’un jove sacrificat

A la nuèch venguda,
Lo long del camin
Tot çò que remuda
Me fai tressalir.

Sembla que me passa
Dels …

Legir tot

A la nuèch venguda,
Lo long del camin
Tot çò que remuda
Me fai tressalir.

Sembla que me passa
Dels fials jos la pèl,
Que sus ma tinhassa,
N'ai pus de capèl.

Sei totjorn a creire,
Que qualququ'un me sèc,
O me sembla veire,
Qualquarren que ven.

Alai sus la rota,
Non sai se i a pas
Qualqu'un a l'escota,
Que vai m'estranglar.

Lo choita que coïna
Ven de me sasir,
Disen que devina
Se l'òm vai morir.

Mon ombra per tèrra,
Sembl'un revenant,
E dins la pinièra
Qualquarren se planh.

La luna que raja
Vira los afars,
En bèstias salavatjas
Prestas a agafar.

Mas sus la teulada
Lo gal a cantat.
L'alba s'es levada
La paur m'a passat.

Ai dobat per tu
Un monde pintat de verd e de blu
Lo ceu au tocat de la man
Un …

Legir tot

Ai dobat per tu
Un monde pintat de verd e de blu
Lo ceu au tocat de la man
Un soleu escandilhant encuei com'aier e deman
Ai adobat per tu
De chanavas sus lei terras secas
De mistraladas desplegant
L'argent, 'me son buf gigant
Deis ouliviers dins l'estelan

Ai per tu un ostau vièlh bastit sus lo ròc
Tancat au ped d'un rocas grand, un bau gigant,
Un barri sus lo ceu,
Lei pòrtas dubèrtas a brand, sensa clau, dubèrt
Sus lei flors d'ivèrn de l'amelièr blanc
Tant lèu tant blanc...

Ai adobat per tu
De potons ben cauds sus lei parpelas
De mots d'amor sus lo suc
Mots d'amor dins lo parlar
Que ma mame m'aviá donat
Ai totjorn les per tu
Cada mot tot caud per teis aurelhas
Farfantelas e pantais blus
E sus lei dets de la man, "sauta-lapin", "balin-balan"

Ai per tu un ostau vièlh...

Vòli gardar les per tu
Tant qu'aurài tengut, çò qu'aurài poscut
Mon pichòt còr emigrat
Parti de l'aute costat, de l'autre man de l'ocean,
Ai per rescaufar mon còr doas pichòtas nòtas de musica
Que fan Re e que fan Mi
Que voudriau partajar ambe tu mon còr polit

Ai per tu un ostau vièlh...

Ai perdut mon amic tot petit
Ai perdut mon amic
Dins un bòsc de garrics tot petit
Dins un bòsc …

Legir tot

Ai perdut mon amic tot petit
Ai perdut mon amic
Dins un bòsc de garrics tot petit
Dins un bòsc de garrics
Tot petit tot petit tot petit...

Repic :
O de que farai ieu
Soi pas qu’un virolet
Totjorn pèrdi çò meu
Soi pas qu’un flambusquet.

Ai perdut mon solièr tot leugièr
Ai perdut mon solièr
A cima d’un pomièr...

Ai perdut mon tesson tot pichon
Ai perdut mon tesson
Dins lo ventre del dragon...

Ai perdut mon aucèl tot rossèl
Ai perdut mon aucèl
Amont naut dins lo cèl...

Ai perdut mon mamót manja tot
Ai perdut mon mamót
Sus un terrenc de fot...

Ai perdut mon canton tot marron
Ai perdut mon canton
Al fons de mon sacon...

Nade dins l’òli dóu bonur
Qu’aqueste cop n’en siéu segur
Vendra deman - es entendu -
Mai aujourd’uei n’en pode …

Legir tot

Nade dins l’òli dóu bonur
Qu’aqueste cop n’en siéu segur
Vendra deman - es entendu -
Mai aujourd’uei n’en pode plus.
Vire e revire dins moun lié
Remenant li mémi pensié ;
Béure sis iue, tu tu tu tu
E poutouneja si detoun…
Mordre si bouco, tu tu tu tu
Ah, n’en bave de l’afecioun !

Rèn pòu ameisa moun esmai
De vèire coumpli mi pantai
Deman poudrai la caligna
E paupeja a mon sadou
Lou delicious esmaradou
De si boumbu, de si cloutu
Saupre lou goust, tu tu tu tu
Lou goust de si pousseto…
Suse coume, tutututu
Coume uno gargouleto !

Ai, ai, ai, ai, queto pougnesoun
Me fai peta li carnavello
E pode pas plega parpello.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

Fai que d’empura moun esmai.
Tron de padiéune ié vai gai !
Siéu en trin de la caligna,
De paupeja a moun sadou
Lou delicious esmaradou
De si boumbu, de si cloutu
De m’enchuscla, tu tu tu tu
De m’enchuscla de si pousseto…
Suse coume, tutututu
Coume uno gargouleto !

Noun m’alasse de bela
Soun petadou reboumbela
Moufle e tibla, la la la la
Em’entre si cueisso raploto
Aro qu’a leva sa culoto
Vese trauca dins lou crespa
E la negrour, tu tu tu tu
Fougouso di frisoun
Lou gréu rose, tu tu tu tu
De soun dardaioun …

Ai, ai, ai, ai, queto pougnesoun
Lou resto vous lou dirai pas
En que sièr ? l’avès devina.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

De ço qu’aier m’es avengu
N’en siéu enca tout esmougu
E n’ai lis iue plen de belu
Mai aujourd’uei n’en pode plus
M’atrove soulet dins moun lié
Remenant li mémi pensié.
Ai vist si iue, tu tu tu tu
E poutouneja si detoun …
Mordu si bouco, tu tu tu tu
Ah ! n’en bave de l’afecioun !

Ai, ai, ai, ai, queto pougnesoun
Decesse pas de ié pensa
Crese de n’en veni fada.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

Ai, ai, ai, ai, queto pougnesoun
Decesse pas de ié pensa
Crese de n’en veni fada.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.
De touto la niue, mis ami
Ai rèn dourmi, ai rèn dourmi.
De touto la niue, mis ami
Ai rèn dourmi, ai rèn dourmi.

Ai rencontrat ma mia diluns
Que se’n anava vendre de fums
Luns fums tòn
Retorna-te ma mia, retorna-te que plòu …

Legir tot

Ai rencontrat ma mia diluns
Que se’n anava vendre de fums
Luns fums tòn
Retorna-te ma mia, retorna-te que plòu !

Ai rencontrat ma mia dimars
Que se’n anava vendre de lard
Mars lard luns fums tòn
Retorna-te…

Dimècres – lèbres
Dijòus – uòus
Divendres – cendres
Dissabte – sable
Dimenge – penche
Setmana – lana
Quinzena – mena
Mes – pes
An – agland

Ai rescontrat ma mia diluns
Que s’en anava vendre de fum

Luns fum tòu

Retorna-te ma mia retorna-te que plòu …

Legir tot

Ai rescontrat ma mia diluns
Que s’en anava vendre de fum

Luns fum tòu

Retorna-te ma mia retorna-te que plòu

Ai rescontrat ma mia dimars
Que s’en anava vendre de lard

Març lard luns fum tòu

R

Ai rescontrat ma mia dimècres
Que s’en anava vendre de lèbre

Mècres lèbre mars lard luns fum tòu

R

Ai rescontrat ma mia dijòus
Que s’en anava vendre de biòu

Jòu biòu mècres lèbre mars lard luns fum tòu

Ai rescontrat ma mia divendres
Que s’en anava vendre de cendre

Vendres cendre jòu biòu mècres lèbre mars lard luns fum tòu

Ai rescontrat ma mia dissabte
Que s’en anava vendre de pasta

Sabte pasta vendres cendre jòu biòu mècres lèbre mars lard luns fum tòu

Ai rescontrat ma mia dimenge
Que s’en anava vendre de penche

Menge penche sabte pasta vendres cendre jòu biòu mècres lèbre mars lard luns fum tòu

Ai rescontrat ma mia un jorn
Que s’en anava vendre de flors

Jorn flors menge penche sabte pasta vendres cendre jòu biòu mècres lèbre mars lard luns fum tòu

(Apondon fach per Mauresca Fracas Dub :
Ai rescontrat ma mia setmana
Que s’en anava vendre de granas
De granas, de granas, de granas de ganja)

Ai rescontrat ma mia un mes
Que s’en anava vendre de peis

Mes peis jorn flors menge penche sabte pasta vendres cendre jòu biòu mècres lèbre mars lard luns fum tòu

Ai rescontrat ma mia un an
Que s’en anava vendre de pan

An pan mes peis jorn flors menge penche sabte pasta vendres cendre jòu biòu mècres lèbre mars lard luns fum tòu

Ai rescountra ma mìo, dilun,
Que s’enanavo vèndre de fum,
Lun-fum-tòu !

R-Entourno-te ma mìo,
Entourno-te que plòu.
Entourno-te ma …

Legir tot

Ai rescountra ma mìo, dilun,
Que s’enanavo vèndre de fum,
Lun-fum-tòu !

R-Entourno-te ma mìo,
Entourno-te que plòu.
Entourno-te ma mìo,
Entourno-te que plòu.

Ai rescountra ma mìo, dimar,
Que s’enanavo vèndre de lard,
Mar-lard-lun-fum-tòu !

Ai rescountra ma mìo, dimècre,
Que s’enanavo vèndre de lèbre,
Mècre-lèbre-mar-lard-lun-fum-tòu !

Ai rescountra ma mìo, dijòu,
Que s’enanavo vèndre de biòu,
Jòu-biòu-mècre-lèbre-mar-lard-lun-fum-tòu !

Ai rescountra ma mìo, divèndre,
Que s’enanavo vèndre de cèndre,
Vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, dissate,
Que s’enanavo vèndre de pasto,
Sate-pasto-vèndre-cèndre- jòu-biòu-mècre-lèbre-mar-lard-lun-fum-tòu !

Ai rescountra ma mìo, dimènche,
Que s’enanavo vèndre de micho,
Mènche-micho-sate-pasto-vèndre-cèndre-jòu-biòu-mècre-lèbre-mar-lard- lun-fum-tòu !

Ai rescountra ma mìo, un jour,
Que s’enanavo vèndre de flour,
Jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, un mes,
Que s’enanavo vèndre de pes,
Mes-pes-jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, un an,
Que s’enanavo vèndre de pan,
An-pan-mes-pes-jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai un ae , o bravi amighi , escuta-mi se lu vi dighi ,
Despi ch’en fassa li a üna …

Legir tot

Ai un ae , o bravi amighi , escuta-mi se lu vi dighi ,
Despi ch’en fassa li a üna saumetta , Maramau tira pü la carretta .
Ai un ae , o bravi gen , escuta-mi se lu vulès ben ,
Despi ch’en fassa li a üna saumetta , Maramau tira pü la carretta .

Maramau li fa hi han hi han , hi han , hi han ,
An beu ploure lü cou de bastun , lu mieu ae , lu mieu ae
An beu ploure lu cou de bastun
Lu mieu ae n’es ch’ün gro pelandrun.

Tui lu giù , fa la matana , cumensa eme li campana ,
Parla d’amur a la bella saumetta , Maramau fa solo de trumbetta .
Per levà , tan d’armunîa , un buan viei m’a dic’ che caurîa ,
Lu pürgà au buiun de sebetta , li cupà li sieu dui campanetta ...

Maramau nun li fa pü hi han , hi han , hi han ,
Es mai brave ch’ün picin mutun , lu mieu ae , lu mieu ae ,
Es mai brave ch’ün picin mutun ,
Despi ch’a beugüte lu buiun .

- Ai un fraire Cademochet
Per eritatge me dona un siblet

Un siblet, un escritòri,
Lo paradís n’es pas lo …

Legir tot

- Ai un fraire Cademochet
Per eritatge me dona un siblet

Un siblet, un escritòri,
Lo paradís n’es pas lo purgatòri

Lo purgatòri n’es pas lo paradís
ni mai la lèbre n’espas la perdritz

La perdritz n’es pas la lèbre
aicí la mòrt que nos ven totes quèrre

La mòrt ven pas quèrre l’argent
ni mai las gengivas ne son pas las dents

Las dents ne sont pas las gingivas
ni mai las mòrtas ne son pas las vivas

Las vivas ne son pas las mòrtas
ni mai lo verrolh n’es pas una pòrta

Una pòrta n’es pas lo verrolh
ni mai la nièra n’es pas lo pesolh

Lo pesolh n’es pas una bleda ni mai lo lop

Ni mai lo lop !
Ni mai lo lop !

Ni mai lo lop !
Ni mai lo lop !
Ni mai lo lop n’es pas una feda !

Ai vis lo lop lo reinard la leubre.
Ai vis lo lop lo reinard danceur.
To tei tres fasion lo …

Legir tot

Ai vis lo lop lo reinard la leubre.
Ai vis lo lop lo reinard danceur.
To tei tres fasion lo torn de laubre
Ai vis lo lop lo reinard la leubre
To tei tres fasio lo torn de laubre
Fasion lo torn da bosion fulia.
Ai qui treimon toto la nado
Per se gagniar canqui seur
Rein que dins una mi sado
Ai vis lo lop lo reinard la leubre
To si fo ten tot pel quo
Ai vis lo leubre lo reinard lo lop.

Ai vist lo lop e la lebre
E lo rainal dansar /bis
Fasian lo torn de l’arbre
E del boisson …

Legir tot

Ai vist lo lop e la lebre
E lo rainal dansar /bis
Fasian lo torn de l’arbre
E del boisson forcat /bis

Trima tota l’annada
Per ganhar qualques sòus
E dins una serrenada
Z’ò fot tot pel còl

Ai vist lo lop, la lèbre e lo rainal dançar
Fasián lo torn de l’aubre e del boisson forcat.

Legir tot

Ai vist lo lop, la lèbre e lo rainal dançar
Fasián lo torn de l’aubre e del boisson forcat.