La vierge se’n va per vila
Son cher fieu ne va cercar
Siegue pas au mitan de vila
Son cher …

Legir tot

La vierge se’n va per vila
Son cher fieu ne va cercar
Siegue pas au mitan de vila
Son cher fieu a rescontrat
Mon cher fieu ieu vos ne’n pregui
Digatz-mi la veritat

Ma maire vendrètz divendre
Divendre l’après-dinar
Quand ne’n ven lo sant divendre
Sús la crotz lo van botar
D’aquí vei venir sa maire
A beure li a demandat

De marridei gens l’entendèron
Per beure li an preparat
De feu de suja de mira
De vinaigre entremelat
Lo li meton sús lei bocas
Son preciós còrs an brutlat

Lei belei santei campanas
An pardut son beu sonar
Lei aucèus dau verd boscatge
An pardut son beu volar
Lei peissons de la ribiera
An pardut son beu nedar

Lo solèu ambè la luna
An pardut sa claritat
Lei peiras si son fendudas
La terra a tota tremblat
Lei mòrts dedins son susàri
Dau crótz an ressucitat

La passion de Jèsu Críst
Que fai tant bòn entendre

Entendètz-la pichons e grands
Totei gens d’ordonança

Nòstra dama portat …

Legir tot

La passion de Jèsu Críst
Que fai tant bòn entendre

Entendètz-la pichons e grands
Totei gens d’ordonança

Nòstra dama portat nòu mes
Jèsu Dieu dins son ventre

De pandecosta calèndas
Li aguèt grand esperança

A calendas Jèsu naissèt
Dins la rejoissança

Quand Jèsu Críst aguèt grandit
Faguèt grand penitança

Jèsu a junat caranta jorns
Sens prèner sostenança

Quand lei caranta jorns son passats
Jèsu pren sostenança

Pren un mocèu de pan beinet
Per sa desparjunança

Jèsu es anat promenar
Dins una vila imansa

A rescontrat ’n pòple de gens
Li fan gran reverança

De son capèu de son ramèu
De tota sa puissança

En sopant Jèsu Críst a dich
Me faràn traïssança

E sant Peire li a respondut
Senhor a pas fisança

Lei gens que van en devocien
Van pas per traïassança

Ne’n sarà pas tres jorns d’aicí
Veirètz l’esperiança

Ne’n veirètz mon còrs estendut
Sús una crotz dolènta

Veirètz mei dos braç clavelats
E mei dos pès ensemble

Veirètz ma testa coronad’
Tot d’espinhetas blancas

Veirètz mon sang que colarà
Tot de lóng d’una lança

Veirètz la maire de Jèsu
Ben trista e ben dolanta

Veirètz la luna e lo solèu
Que combatràn ensemble

Ne’n veirètz la terra tremblar
E lei peiras si fendre

Veirètz la mar que flaimarà
Coma un tison que flamba

Baronant a la malora
Vau per raras e per camins
Coma es bèla la pastora
Rescontrada de matin !

Vau …

Legir tot

Baronant a la malora
Vau per raras e per camins
Coma es bèla la pastora
Rescontrada de matin !

Vau denant sensa retorn
Que non ai ostau ni amor

Siáu partit non sabi quora
E m’impòrta pauc la fin
La sieu boca es une amora
Tra doi gautas de carmin

En un luec degun mi plora
E ieu non ai de chacrin
D’un regard que s’enamora
Ma planhut ieu tant mesquin

La mieu set ai fònts s’amora
Ai pan negre per festin
M’au bòn lach de Val de Blora
S’en venia au sieu casin

Ja fumavan de bòna ora
Lu vielhs teules lauvaniers
Toët e frema que l’onora
Non son ren dau mieu destin

Quand la pastora se'n va als champs (2còps)
garda sas motonadas
tiderà lallallà lallallòi
garda sas motonadas.

Guela rescontra un …

Legir tot

Quand la pastora se'n va als champs (2còps)
garda sas motonadas
tiderà lallallà lallallòi
garda sas motonadas.

Guela rescontra un mossuret
que ne la regardava

" - Que regardatz vos mossuret ?
ieu ne'n soi maridada

Amb un bergièr d'aiceste endrech,
longtemps m'a cortisada...

- O daissatz-me vos agachar :
sètz tant polida filha !

- Estacatz vòstre cavalet
a la camba d'un aubre

Estendètz vòstre mantolet
sus la fresca rosada"...

E la perditz, quand la teniá,
guela se n'es anada !

Una genta pastora
Un d’aquestes matins
Assetada sus l’erbeta
Plora son bel amic

Ara seriá ben ora
Que foguèsse tornat …

Legir tot

Una genta pastora
Un d’aquestes matins
Assetada sus l’erbeta
Plora son bel amic

Ara seriá ben ora
Que foguèsse tornat
Qualqua pastora maita
Son còr aurà donat

A ! paura pastorèla !
Delaissada soi ieu
Coma la tortorèla
Qu’a perdut son pariu

Una pastorèla plora :
"Dieu vivent, aquò’s afrós
D’esperar que venga l’ora
De trapar un amorós !"

E se’n tornant …

Legir tot

Una pastorèla plora :
"Dieu vivent, aquò’s afrós
D’esperar que venga l’ora
De trapar un amorós !"

E se’n tornant de la caça
Sul planastèl del Larzac,
Lo filh del President passa.
Es son paire tot patrac.

Lo coneis la pastorèla.
S’arrèsta de romegar,
Se pompona e fa la bèla
Que se lo vòl empegar.

"Teni, çò ditz, mon revenge.
Serai l’onor del país,
Una de França-Dimenge,
Fotòs dins Aicí-París

Pudira pas pus la feda
Ni la posca del camin
Aurai camisa de seda
E casabèc de satin."

Ja se vei cambiar de branca
E abandonar çò seu
Per passar, en rauba blanca,
Lo portal de l’Elisèu.

Mas el, coneis la musica,
E vint còps son professor
Sus l’amor estrategica
Li aviá fait la lecçon.

Alavetz lo bèl caçaire
Passa sens se revirar
E dins la Ròlls de son paire
Cap a l’ostal fa tirar.

I aguèt pas de maridatge,
De flors ni mai de cançons.
Faguèron pas de mainatge
Tanben foguèron urós’s.

-Vòls te logar joina pastorelona
Vòls te logar pèr mon tropel gardar
-O òi monsur, me logarai
mes vòli saupre, …

Legir tot

-Vòls te logar joina pastorelona
Vòls te logar pèr mon tropel gardar
-O òi monsur, me logarai
mes vòli saupre, mes vòli saupre
O òi monsur, mi logarai
mes vòli saupre quant ganharai.

-Quant vòls ganhar joina pastorelona
Quant vòls ganhar per mon tropel gardar ?
-Cinquanta francs, un fandau blanc
E un parelh d’esclops coma cau
Cinquanta francs, un fandau blanc
E un parelh d’esclops coma cau

-Quò’s un pauc tròp joina pastorelona
-Quò’s un pauc tròp fau lavar los esclops.
-Nani monsur, ’quò n’es pas tròp
Fau pas rabatre, fau pas rabatre
-Nani monsur, ’quò n’es pas tròp
Fau pas rabatre los esclòps.

-Que te fau mai joina pastorelona
Que te fau mai que te lo cromparai?
-Un pastorèu polit e bèu
Per m’ajudar gardar lo tropèu
Un pastorèu polit e bèu
Per m’ajudar gardar lo tropèu

-Te lo serai joina pastorelona
Te lo serai e ièu t’adjudarai
-Nani monsur, vos sietz tròp vielh
Per m’adjudar a gardar lo tropèl
-Nani monsur, qu’ò pòu pas far
Se vos sietz pastre, se vos sietz pastre
Nani monsur, qu’ò pòu pas far
Se vos sietz pastre, me logarai pas.

Lo ser, quand vesi lo solelh Davala, del cel, ai paur
Ai paur que doman matin Me levi dins la …

Legir tot

Lo ser, quand vesi lo solelh Davala, del cel, ai paur
Ai paur que doman matin Me levi dins la neit E, n’i a pus de solelh
E doman, e doman, e doman, e doman matin
E doman, e doman, e doman, e doman matin
Lo ser, quand compti nos escuts Que m’an tant far susar, ai paur
Ai paur que doman matin Me levi roinatN’i a pus d’escut
E doman, e doman, e doman, e doman matin
E doman, e doman, e doman, e doman matin
Lo ser, quand sei amb tu La vita dins nos braças , ai paur
Ai paur que doman matin Me levi chagrin Sens un mot per tu
E doman, e doman, e doman, e doman matin
E doman, e doman, e doman, e doman matin
Le soir, quand je vois le soleil Descendre dans le ciel, j’ai peur
J’ai peur que demain matin Je me lève dans la nuit Et qu’il n’y ait plus de soleil
Et demain, et demain, et demain, et demain matin ……..
Le soir quand je compte mon argent Qui m’a tant fait suer, j’ai peur
J’ai peur que demain matin Je me lève ruiné Qu’il n’y ait plus d’argent
Et demain, et demain, et demain, et demain matin ……..
Le soir, quand je suis avec toi La vie dans nos bras, j’ai peur
J’ai peur que demain matin Je me lève chagrin Sans un mot pour toi
Et demain, et demain, et demain, et demain matin ……..

Ai paur de te tornar veire
Ai paur dau promier rendètz-vos
Ai paur dau passat tornamai
Ai paur de te …

Legir tot

Ai paur de te tornar veire
Ai paur dau promier rendètz-vos
Ai paur dau passat tornamai
Ai paur de te rescontrar

Paur de la nuech de quitran
Paur dau fracàs costumier
Paur de mon assegurança
Que m’a jamai ajudat

Paur de çò qu’ai viscut
Paur de çò qu’as viscut
Paur de çò qu’ai pas viscut
E paur te decebre

Paur de mon còs tròp magre
De que ne’n diràs ?
Paur de mei vergonhas
Paur paur dau fracàs

Paur quand faràs náisser
Lo que siáu de segur
E que m’ère totjorn escondut
Paur que m’escampes

E que me fagues vergonha
Paur coma un enfant perdut
Amé son paure còs e sei paurei sentiments

Te laisse
A dissabte
Mon cor fa tifa-tafa
Te laisse
Sens mostrar ma paur
Evidentament

La paura filha sabià pas ligar
A la mandrilha, la paura filha
La paura filha sabià pas ligar
A la …

Legir tot

La paura filha sabià pas ligar
A la mandrilha, la paura filha
La paura filha sabià pas ligar
A la mandrilha sabià pas ligar
Sabià pas ligar, sabià pas ligar
A la mandrilha, la paura filha
Sabià pas ligar, sabià pas ligar
A la mandrilha sabià pas ligar

La paura filha sabià pas caminar
Amb una bequilha la paura filha
La paura filha sabià pas caminar
Amb una bequilha sabià pas caminar
Sabià pas caminar, sabià pas caminar
Amb una bequilha la paura filha
Sabià pas caminar, sabià pas caminar
Amb una bequilha sabià pas caminar

La paura filha la volià pas tastar
La crèma à la vanilha la paura filha
La paura filha la volià pas tastar
La crèma à la vanilha la volià pas tastar
La volià pas tastar, la volià pas tastar
La crèma à la vanilha la paura filha
La volià pas tastar, la volià pas tastar
La crèma à la vanilha la volià pas tastar

La pàura vièlha, avia pàs qu'una dent (bis)
La tombet dins lo vent, la pàura vièlha
La tombet dins lo …

Legir tot

La pàura vièlha, avia pàs qu'una dent (bis)
La tombet dins lo vent, la pàura vièlha
La tombet dins lo vent, sa sola dent.

La pàura vièlha, avia pas qu'un escuch (bis)
La tàlha l'a agut, la pàura vièlha
La tàlha l'a agut, son sol escuch.

La pàura vièlha, avia pas qu'un enfant (bis)
Ne faguet son amant, la pàura vièlha
Ne faguet son amant, son sol enfant.

Ai de pèga sus la man
E vau venir te tocar
Nos podrem pas desseparar
E tot pegats anem dansar …

Legir tot

Ai de pèga sus la man
E vau venir te tocar
Nos podrem pas desseparar
E tot pegats anem dansar

Ai de pèga sus … l’espatla
… lo cap
… l’esquina

Avem de pèga de pertot
E nos anem anar tocar
Nos podrem pas dessepar
E nos anem amolonar

Nasquèri per la rota e la pèl dins lo vent
Entre pèira assetada e auratge violent

Dins la rocalha de …

Legir tot

Nasquèri per la rota e la pèl dins lo vent
Entre pèira assetada e auratge violent

Dins la rocalha de la votz
Dins lo negre e lo blanc e sa rauba doça
Dins la podra de nuèit entre flor e fusilh

D’espèr dins mos uèlhs, un asuèlh dins la sang
Siái de sens e de guèrra, de lagremas, de cant

Fait d’espècias d’Orient
E de lenga d’amor, de partiment
D’una riba a una autra, d’eissiròc e d’autan

S’ai pas de perfum e s’ai pas de mantèl
Es per sentir, segur, la pèl dins lo vent

De fuòc e de vent
De mar e de tèrra
Nasquèri sens frontèra
E ne fau un repèri

Entre doas tèrras que non sabon pas
De mòts indocils que comprenon pas
D’aquí, d’alai, e lo cèl dins la man

Se me’n vau pè descauç, s’ai pas de mantèl
Es per sentir, ba cal, la pèl dins lo vent

La pendula de l'ostal
Un e dus e quatre, cinc
La pendula de l'ostal
Torna, vira e repapia
E l'agulha …

Legir tot

La pendula de l'ostal
Un e dus e quatre, cinc
La pendula de l'ostal
Torna, vira e repapia
E l'agulha passa, passa
Vira, vira e torna

La pendula de l'ostal
Un e dus e quatre, cinc
La pendula de l'ostal
Fasiá enveja al vesin
Vira valsa, torna musica
Vira longtemps
Torna valsa, vira musica
Torna ton temps

La pendula de l'ostal
Un e dus e quatre, cinc
Se demòra a l'ostal
Ieu èi feit mon camin
Vira tot òme
Adiu pendula
Vira tot òme
E contunha la dança.

La pendula centenaira
Passa lo temps
A comptar pian a pian
Los jamais e los sovents
La pendula vièlha mia …

Legir tot

La pendula centenaira
Passa lo temps
A comptar pian a pian
Los jamais e los sovents
La pendula vièlha mia
A cent printemps
A conegut tant d'istòrias
Mortas dins lo vent

Gruns de blat dins la rivièra
Omes son passats
Gruns de blat dins la rivièra
Los sovenirs son demorats

La pendula centenaira
Sason après sason
La pendula solitaria
Es lo cur de la maion
De naissenças en batestadas
Coma totjorn
Ritma la vita familiala
Los adius e los bonjorns

La pendula centenaira
De temps en temps
Espera la clau polida
E s'arresta un moment
Fa mai de bruch son silenci
Qu'un còp de fusil
Fa mai de mal son absença
Que la d'un amic

La pendula centenaira
Plan sovent
A vist los òmes en colera
Levar lo punh
Las lutas se son seguidas
Dins l'esper
Las causas son pas canjadas
Ni l'infern

La pendula centenaira
Passa lo temps
A comptar pian a pian
Los jamais e los sovents
A viscut tant de passions
De sarrements
En quatre generacions
Mortas dins lo vent.