La vierge s’es acouchado
Eici dins un paure lioc,
Es quasi touto gelado
Sèns flassado, sènso fioc.

S’anan vèire …

Legir tot

La vierge s’es acouchado
Eici dins un paure lioc,
Es quasi touto gelado
Sèns flassado, sènso fioc.

S’anan vèire Jèsus-Crist,
Que trambloto dins l’estable
S’anan vèire Jèsus-Crist,
Nous dounara paradis.

Or, sus, Claude, moun boun fraire
Nous ié fau tóutis ana,
Fau prega Diéu e sa maire,
Puis la fau felicita.

Fau veni, ma maire, vite,
Thoumas, nostre bon vesin
Amai compaire Dorite,
E Marfau, nostre bon chin

Jèsus n’a qu’un pau de palho
Pèr teni sous soun cabès ;
Estrai uno bono toalho
Pèr li faire de drapes.