Aval lo long de l’aiga
I a un pomièr tot en flors.

I a tres filhas d’un prince
Que …

Legir tot

Aval lo long de l’aiga
I a un pomièr tot en flors.

I a tres filhas d’un prince
Que son de per dejós

N’i a duas solas que rison
L’autra plora totjorn.

Son paire la va veire
- Ma filha qu’avètz donc ?

Avètz lo mau de tèsta
O aquel de l’amor ?

- N’ai pas lo mau de tèsta
Mès aquèl de l’amor.

Vòli mon amant Pèire
Qu’est tant brave garçon.

- Pèire es jujat a pendre
Duas oras après jorn.

- Paire se pendètz Pèire
Pendètz nos totes dos.

Pendètz Pèire a la brancha
E ieu de per dejós.

Catatz Pèire de ròsas
E ieu de blanchas flors.