Lo caminon, çò ditz,
Entre sos braçes que sarran pas pus
Que de palhetas.
Canilha,
S’estira d’una man
A …
Legir tot
Lo caminon, çò ditz,
Entre sos braçes que sarran pas pus
Que de
palhetas.
Canilha,
S’estira d’una man
A l’autra man.
Crotala,
Fai son darrièr badalh
Dins las enchas d’acièr
(acièr trempat de
plors).
Li ditz "caminito"
Perqu’es lo sol
camin per agradir la patz,
son èstre prigond
Darrièr sos uòlhs voides.
L’endevinha, aplecat,
plegat,
Puòi desplegat, au ritme d’una... sèrp a la clau.
Mentre totes sos dets
Escalan lo clavièr.
Butat, tirat, mai butat.
Indomdable,
Reguèrgue,
Son còs se destibariá en sospir escarlatin,
Tot negant d’un tira-vent
Lo pas dels dançaires.
