Gai e calor que’us èi au còr de bon matin
Que me’n vau tà véder la mustra,
-Gormand de Pelerin,
…

Legir tot

Gai e calor que’us èi au còr de bon matin
Que me’n vau tà véder la mustra,
-Gormand de Pelerin,
Vesitar tablèus e dessins
D’un gran artiste amic vesin.
-Minja un bocin !

Malaia en arribar au centre culturau
Milèrs de monde atrassats
-Que n’ei malau,
Pensèn com io e qu’ei atau
Que’m trobèi en coda-li-sèga.
Que n’èi pro, que n’èi pro
Plan hartèra de la hourrèra
Pro plan plan, plan pro pro
Que n’èi hartèra, que n’èi pro !

Au cap d’ua òra de paciéncia e de labor
Que passèi la pòrta d’entrada
-Quinha calor !
Que’m caló tà aver valor
Préner un bilhet a trente liuras. -Dolor, dolor !

Hens lo palais de la mustra totun entrat Que volói espiar los tablèus
-Pecat, pecat
Malaia s’èran estujats
Darrèr ua coada d’apielats.
Pès esglachats, uelhs fatigats e còth croishit Que m’èi crompat lo catalòg,
-E qu’a veishit
De la mustra qui n’avi vist
Qu’a truvèrs renhas e devis
-Bis, bis, bis, bis !

D’acòrd ! Que’vs hèi enquera un aute copletòt
Tà partir qu’estói escanat
-Praubòt, praubòt
Per la coada de carriòths.
Qu’estó parièr un beròi dia. Alleluia !