Viatjaire de las ermas
Torneras mud
De totas infinitats espanidas

Viatjaire de las islas
Torneras fòl
De totas soletats …

Legir tot

Viatjaire de las ermas
Torneras mud
De totas infinitats espanidas

Viatjaire de las islas
Torneras fòl
De totas soletats agrumidas

Viatjaire de las cimas
Torneras sord
De totas las musicas aprundidas

Viatjaire de las lums
Torneras dolent
De totas las flambas chalelhidas

Viatjaire de la vita
Torneras vugle
De totas las clardats blanchuridas

Viatjaire de la mòrt
Torneras sadol
De totas las sabenças traslusidas

Viatjaire de l’amor
Tornaras viu
De totas las lauvenjas recuelhidas