Fenix pallida a l’inaudible huec
d’estiu silenci en evidéncia escura
shens de musica musica e mesura
alambre d’alas harga ont …

Legir tot

Fenix pallida a l’inaudible huec
d’estiu silenci en evidéncia escura
shens de musica musica e mesura
alambre d’alas harga ont de haudrèc

estavanada sang plen arromèc
de desertica candor dont s’emblura
risc de l’azur son immobila hurra
un Diu-torment d’un estable eslambrèc

au Viu ad eth miracle mirandòla
d’un viraclèr sa luenca corriòla
s’ombrejant clar d’arradims serafics

deu casau vads la flor dont lo miaci
la suberbèra auba d’un nient voraci
per d’astres quant lo benastruc Fenix