Dins nòstre petit vilatge aimam plan la libertat,
E a n'impòrta qun atge òm s'i amusa es plan vertat.
Dal pichon a la mameta, tot lo monde i met dal seu.
Aquel jorn sus la placeta, digús a pas res de seu.
Quand lo molin un jorn faguèt la fèsta,
Lo vesinatge, la joinessa en tèsta,
Tot lo vilatge s'i metèt en entièr :
"Fasquèm çò memes dins nòstre bel quartièr !"
Portem lo vin ! Lo ritme s'accelèra,
Tres quatre filhas començan a dançar.
Avem florit las plaças, las carrièras,
E lo castèl ritz de sos vielhis ans.
Dins los ostals, las vièlhas cosinièras
An fait marchar la pelha, l'engranièra,
Tant fa polit dal molin al castèl.
Tot per la fèsta ! A macarèl !
Dins aquel canton de Tèrra avèm tot çò que nos cal,
Avèm pas besonh de bièra, bevèm de vin al barralh.
Macabèu, Muscat, Grenache, Cartagena de l'ostal,
Vin d'anoga, vin d'irange e Blanqueta ancestrala.
En plus d'aquò, podèm far de folias :
Se va tròp mal avèm las farmacias,
E se jamai qualqu'un vira de l'uèlh,
I a lo talhur que lo vestís a l'uèlh.
Portem lo vin ! Lo ritme s'accelèra,
Es jol cèl blu que uèi churlupejam.
Lo vin se beu a còps de cafetièras
E lo tres-sièis remplaça lo vin blanc.
Dins los ostals, las bèlas cosinièras
Nos an fotut un dinnar de primièra.
Sèm plan sadols, i a pas res de pus bèl.
Viva la fèsta ! A macarèl !
Dins nòstre petit vilatge
Le temps avèm arrestat.
L'estiu es coma un miratge.
Dieu ! Que s'anam regalar.
Abans de sortir far fèsta,
Se vestissèm coma cal :
De perfum dejós la vèsta,
Un còp d'uèlh dins lo miralh.
Coma pertot, i a de filhas polidas,
De carnavals e de lengas marridas ;
Mas i podèm pas copar lo fisson,
Cossí farián per cantar ma cançon.
Portem lo vin ! Lo ritme s'accelèra,
Es dins la nuèit qu'ara nos amusam.
Ne profitam car, sus aquesta Tèrra,
Tot passa vite, los meses e los ans.
Per un moment doblidam la misèria,
Embrassem-nos ! Ajem la mina fièra,
Risem, cantem a se'n crebar la pèl.
Viva la fèsta ! A macarèl !
