Non òm pòu pas ligar lei quatre vents
E lei tenir enclaus dins son ostau
E ben fòu cu farà aquò qu’avèm
Gés de preson avau per lo mistrau...
Aquelei que tènon la republica
La fan la sieuna òbra d’aranha
Aquí la musica serà fisica
Que siam totei dins la pagalha
Vòli poëtica en numerica
E metre fuèc a la palha
En vèrs la mieuna retorica
Que te fan pagar la talha
Siam pas venguts au bochier
per crompar d’anchòia
Volèm dançar tota la nuèch
Es pas qu’una question de vòia
Non òm pòu pas ligar lei quatre vents
E lei tenir enclaus dins son ostau
E ben fòu farà aquò qu’avèm
Gés de preson avau per lo mistrau...
Per un bèu pèis milanta sòfi
Fau li anar a còp de taravèlas
Chacha en òc dempuèi Xenòfil
E tròç de ritmica en estèla
Lo monde es un plantièr d’alibòfi
Cadun leis uèlhs sus sa caramèla
Lo sage e lo fòu ‘mé lei sieus sòcis
Fan cançons en ribambèlas
Es pas que lo temps nos manca
Mai avèm d’engolir la mar
Un enfavat nos estanca
E lo beure n’es pron amar…
Non òm pòu pas ligar lei quatre vents
E lei tenir enclaus dins son ostau
E ben fòu farà aquò qu’avèm
Gés de preson avau per lo mistrau...
Nos fan cagar de pèiras de molins
Nos fan susar de lamas de cotèus
I a quauquaren que truca dins lo vin
I a de bata dins l’espinèu…
Sus lo quitran tomban lei pantais
En morçèus de luna espoutida
Siam viatjaires en varalh
D’una istòria ja finida…
Se la bassa tòrna e vira dins l’aurelha
Emai lei cadenas ai cavilhas…
Es qu’avèm fach la nòstra besonha
S’en batem deis empachas va sas
Siam pas riches mai avèm de nas
Una bòna musica que ponha…
Non òm pòu pas ligar lei quatre vents
E lei tenir enclaus dins son ostau
E ben fòu farà aquò qu’avèm
Gés de preson avau per lo mistrau...
