Lo topin, hica-lo
Lo cuu a la calor
Suu huec de la cosina ;
Lo bonur qu’ei dehens,
Tiratz-ve los turments,
La se vam jogar fina.
Quan l’aiga e tremòla,
Hicà’i quate havòlas,
Arrabas
e patatas,
Pipèr, sau e branon,
Tot aquò hica-lo :
La garbura ei lançada.
Lo trebuc, hica-lo
Dab pro de precaucions
Au miei de la topina ;
Hè drin borir, mes shens
Har càder d’aiga dens
L’ehlama berogina.
Aquiu, pensa au caulet,
E copa’u a trocets,
En fina menudalha.
Hè lo
blanquir drinon,
Puish atau hica-lo :
B’ei aquò bon, malaja!
- E cau escanolhas ?
- No’n cau pas!
- Quiò que’n cau !
- Çò qui’n saps ?
- Mei que tu !
- Cara’t donc!
- Hica’i çò qui volhas!
- Tròç de piro, tròç de piro!
- Ta mair qu’ac sabè, tè!
- Praubes de nos!
- Entonhat de
qui ès !
- N’as pas vist l’alh?
- Ni lo peracilh !
- E las caròtas?
- E las cebas donc?
- Las cebas, ò, ò, ò, las cebas!
