Còp a còp bat lo còr
Que noiriís e rend fòrt
Aquel fuòc de l'amor,
Aquel grelh de la mòrt
…

Legir tot

Còp a còp bat lo còr
Que noiriís e rend fòrt
Aquel fuòc de l'amor,
Aquel grelh de la mòrt
Que butarà un jorn
De per d'univèrs muts
De per d'estèlas mòrtas.
Mas i a los òmes,
Los òmes caputs,
Atisats a viure.

Castanhièrs condamnats,
Un per un escanats.
Lo beton s'espandís,
A engolat los prats.
Ara tot s'abalís.

Al fons del païs mut
E mai la mar qu'es mòrta.
Mas i a los òmes,
Los òmes caputs,
Atisats a viure.
Pel ventre al pus fons
Madura cada jorn
La carn promesa al mal
Que fa l'èr pels paumons.
Solitari es lo sang.
Perdut per perdut
Cal passar la pòrta
Que mena al monde,
Al monde tròp vièlh
Ont pr'aquò cal viure.
E puèi a l'auba,
A l'auba, l'enfant
E son crit d'aucèl.

Tres filhas de Pueglaurenç
An pas d'argent.
Se ne'n van passar lo bòsc.
La nuèch las pren.
Rescontrèron un carbonièr
…

Legir tot

Tres filhas de Pueglaurenç
An pas d'argent.
Se ne'n van passar lo bòsc.
La nuèch las pren.
Rescontrèron un carbonièr
Camin fasent :
- Se nos fas passar lo bòsc
Te pagarem.
Non per aur ni per argent
Que non n'avèm
Un poton de totas tres
Te donarem.
Lo carbonièr qu'entend aquò
La paur lo pren.
Prend sos esclòps a la man,
Se'n va corrent :
- Nòstra Dòna de pietat
Assistatz-me.
Ai tres diables dins ma cabana :
Sortètz-los me'n.
Maugradinge lo magau
E l'inhorent
Sap pas prene la fortuna
Quand li ven.
Se ieu m'èri rescontrat
D'aquel moment
N'i auriá ben balhat
Per son argent !

Pica, pica relòtge.
Vira, vira solèlh.
Lo mes de mai s'apròcha,
De mèstre cambiarem.

Lo matin de rubarba
E …

Legir tot

Pica, pica relòtge.
Vira, vira solèlh.
Lo mes de mai s'apròcha,
De mèstre cambiarem.

Lo matin de rubarba
E lo vèspre de gruts,
Fasèm michanta vida
Coma de chins borruts.

I a la mèstra polida :
Coma una flor de lis,
Mas es ben tan salòpa
Coma d'aiga de fumarièr.

Anirem a la fièira
Cromparem un bridèl
E bridarem lo mèstre
Lo tendrem pel cordèl.

Veni, veni mon pòrre.
Veni me remplaçar.
Te cedarai la plaça
Sens te la regretar.

Regretam pas lo mèstre
Ni la mèstra non plus.
Mas si ben la chambrièira
Que la veirem pas pus.

Plòu, plòu,
Moriràn las vièlhas.
Plòu, plòu, moriràn.
A las joves de polits folards,
A las vièlhas de còps de …

Legir tot

Plòu, plòu,
Moriràn las vièlhas.
Plòu, plòu, moriràn.
A las joves de polits folards,
A las vièlhas de còps de pals.

Mòrta sason sus lo païs
Ont cada jorn sembla mai gris
Lo temps.

Dison que plòu que sul banhat
Sus los que n'an cal castanhar :
Es temps !

A còps de pals pro que truquem.
Lo monde es fals lo crebarem
Lèu fach.

L'òrdre s'espelha. Morís la vièlha
Que nos teniá darrer
Dètz e nòu claus.

Avèm cargat de vestits bèls
Per l'enterrar que lèu farà
Solèlh.