Que sei ua hondeta
Tà tot mau suenhar
Mei d’ua hadeta
Que s’i va banhar.
Ce ditz que l’aigueta
Canta …

Legir tot

Que sei ua hondeta
Tà tot mau suenhar
Mei d’ua hadeta
Que s’i va banhar.
Ce ditz que l’aigueta
Canta tau qui vòu,
A l’ombra fresqueta,
Guarir son endòu.

Repic :
A la hont de la Mola,
Tot que passa, que cola
Tot que va a la mar
A la hont de la Mola,
Lo ton mau que s’envola
Tot que va a la mar
A la hont de la Mola,
Tot que passa, que cola
Lo ton mau que s’envola
E tot que s’en va a la mar.

Lo molièr qu’espèra
La ploja bèthlèu
Tà que la paishèra
Torna a son nivèu.
De la hont l’aigueta
Lo tòs qu’a sautat
E va gaimanteta
Empliar lo varat.

La doça hilheta
Qui a lo còr pesuc,
Cort a la hondeta
Díser son trebuc.
L’aiga chebiteja
Mots encantadors
Tà virar l’enveja
Deu fresc amorós.

Un romiu d’Espanha
Qui s’ei hòraviat
Pèsta e morganha
Cap au meishant hat.
Sa mula l’apèra,
A la hont qui sap
Balhar shens manèra
La frescor, l’escap.

Nostes aulhèrs non venen pas pro de hromatge.
Au saladèr qu’ei la grana desolacion.
La toristalha passa pas mei au …

Legir tot

Nostes aulhèrs non venen pas pro de hromatge.
Au saladèr qu’ei la grana desolacion.
La toristalha passa pas mei au vilatge.
Cau har publicitat a la television.
Tà har parlar deu son parçan, de sa montanha,
A la missa, lo curat s’ei sacrificat.
Qu’a cridat sa negror e sa grana maganha.
Hens un predic pompós qu’a hèit son «coming out».

A la ua, a la dus, a la tres !
Que voi passar a la telé,
Que voi passar au finestron !
Que voi passar a la telé !
Que voi passar au finestron de la television.

Despuish, pertot, deu cluishet a la secrestani,
Las cameràs e los micròs son a l’arguèit.
E tots di-as au JT la nosta campana
Soa pro hòrt lo mieidia, lo ser, la nueit.
Lo maire qui deu curat pro se’n arridava
Que’n ei gelós, que l’espia de còrnaclin.
Tà har virar las cameràs cap a sa cara,
Que’s passeja vestit adara en drag queen.

Anem amics, netejatz de plan las bajaulas,
Pas tà Sud-Oest, La Republica, l’Eslambrèc.
Mes crompatz donc meilèu la premsa a escandales :
S’i troban tots, lo petiton com lo gran pèc.
Adara se voletz estar que cau paréisher
E los paparazzi que’us cau har desplaçar,
Pas aver paur de descobrir drin vòsta cueisha,
Hens lo monde pipòl, nut, que’s cau amuishar.

Repic :
Aussau, mas amoretas
Aussau, jo me n’i vau.

Au verdurèr jo me n’entrèi (bis)
Très arrosetas m’i …

Legir tot

Repic :
Aussau, mas amoretas
Aussau, jo me n’i vau.

Au verdurèr jo me n’entrèi (bis)
Très arrosetas m’i trobèi.

Très arrosetas m’i trobèi (bis)
Que las copèi, que las liguèi.

Que las copèi, que las liguèi, (bis)
A mas amors, enviat las èi.

A mas amors, enviar las hèi, (bis)
Mes qui serà lo messatgèr ?

Mes qui serà lo messatgèr ? (bis)
La calandreta o l’esparvèc ?

La calandreta o l’esparvèc ? (bis)
La calandreta ei cap-leugèr

La calandreta ei cap-leugèr (bis)
E l’esparvèc tròp mensonger

E l’esparvèc tròp mensonger (bis)
Jo medishet las portarèi.

Byla cesta,
Byla ušlapaná, (bis)
Kdo ju šlapal, kdo ju šlapal ?
Matka Krista Pána. (bis)

Neige sans fin,
…

Legir tot

Byla cesta,
Byla ušlapaná, (bis)
Kdo ju šlapal, kdo ju šlapal ?
Matka Krista Pána. (bis)

Neige sans fin,
Sur les champs, les chemins.
Mais restent là, mais restent là
Des empreintes de pas.

Qui, cette nuit,
S’est perdu par ici ?
Quels petits pieds, quels petits pieds
Ont foulé le sentier ?

Un âne aussi
Est passé par ici
Et ses sabots
Accusaient le fardeau.

Leurs traces vont
Au-delà de ce mont,
Trouver au loin,
Une étable et du foin.

Au cèu, plana enqüèra
La bèra maria-blanca,
Quiete e leugèra,
Com si èra eternau l’estiu.
Sequeish la hauguèra,
O bèra …

Legir tot

Au cèu, plana enqüèra
La bèra maria-blanca,
Quiete e leugèra,
Com si èra eternau l’estiu.
Sequeish la hauguèra,
O bèra maria-blanca,
Jà s’en-hred la tèrra,
Jà qu’ei lo temps de l’adiu.

Repic :
Vè t’en, vè t’en, vè t’en lèu,
Passa au pòrt, maria-blanca,
Pren-te lo camin deu cèu.
Boha dejà lo vent de nèu.
La, la, la, la …
Per delà monts e mar,
Tornaràs au temps d’aimar

En tèrra africana,
Ma bèra maria-blanca,
En tèrra africana,
Qu’es un anjo, qu’es un diu.
Mes, reina profana,
Ma bèra maria-blanca,
Rêvas de la brana,
De la serra, de l’arriu.

Sus tèrra, tristessa !
Ma bèra maria-blanca,
Sus tèrra, tristessa !
Que semblas au Belzebut.
Au cèu, qu’es deessa,
Ma bèra maria-blanca,
Au cèu, qu’es deessa,
Demora donc a l’azur.

Monde de diversitat
Tèrra de colors,
De colors, de colors,
Lo ton ceu que s’embrumeja :
Bèthlèu que serà tot …

Legir tot

Monde de diversitat
Tèrra de colors,
De colors, de colors,
Lo ton ceu que s’embrumeja :
Bèthlèu que serà tot ner
Quin voletz que s’ensorelha,
Lo noste aviéner d’esper ?

Repic :
Colors, colors,
Tan beròi mescladas,
Agergadas
Com un arcolin,
Colors, colors,
Totas plan unidas,
Hètz pelhas polidas
Tau monde arlequin.

Pòbles plan desarrigats,
Omis de colors,
De colors, de colors,
Caleré de l’America
Tostemps seguir la cançon.
Que’vs deishi la tectonica,
Dansarèi lo mochico.

Lengas de diversitat
Accents de colors,
De colors, de colors,
Parlan pas que performance,
Challenge, process
Sonque conta la finança
Saben mes díser mercès.

Viva la diversitat
Viva las colors,
Las colors, las colors !
Desarrigam donc l’estaca,
Hèm lusir nostas colors.
Cau cridar « Viva la vaca ! »
Entaus granius terradors.

Lo « boha-li »
Qu’a de partir
dab bohadeta
E hargueta
De matin.
Pertot que’u cau
Herrar de nau
Miòlo, …

Legir tot

Lo « boha-li »
Qu’a de partir
dab bohadeta
E hargueta
De matin.
Pertot que’u cau
Herrar de nau
Miòlo, chibau,
Borrica, brau,
Tà har cabau.

Repic :
E truca, truca, truca,
Oc, truca manescau !
E boha, boha, boha,
Oc, boha « Boha-li » !
E truca, truca, truca,
Truca plan de com cau !
E boha, boha, boha,
Boha a t’esvanir !

Praube Martin,
Suu gran camin,
Que s’encontrè
Un bandolèr,
Plan hart de vin.
Lo manescau,
Boha un calhau,
Cap a l’hastiau.
Que’u tira atau
Un gran caishau.

Lo ser, l’estiu,
Qu’ei agradiu.
A la flabuta,
Tuta, tuta,
Riu-piu-piu
Hens lo vialar,
Gai que se’n va.
E au tum-tum,
Que hè pom-pom,
Tà har dançar.

Quan tà l’aujor
De sa cançon
La Marinon
Balha un poton
Au haureton
Son còr de hèt
Au deleret
Hè que trucar
E sospirar
Com un hauret.

D’un malh a l’aute, un arcolet sauta,
Lèugèra pondiqueta de las set colors.
Au vent, ua maria-blanca
Que velha e …

Legir tot

D’un malh a l’aute, un arcolet sauta,
Lèugèra pondiqueta de las set colors.
Au vent, ua maria-blanca
Que velha e lo temps que s’estanca.
D’un malh a l’aute, un arcolet sauta,
Qu’anoncia ua vaduda sus lo pic nublós.

Repic :
E l’avetz vist lo sarri
Aciu a garimbejar ?
E sauta en ça e sauta en la
E sauta, sauta plan.

La gorguejada de la cascada
Que canta la sonsaina deu sauta-crabòt.
Que drom, mes que sauneja enqüèra
De corsas capsus la ralhèra.
La gorguejada de la cascada
Que breça l’inocencia deu som deu sarriòt.

Rei de las cimas, fièras, sublimas,
Que cau har bona garda e de tot menshidà’s.
Au ceu, un agla que torneja,
La marmota shiula a l’enveja.
Rei de las cimas, fièras, sublimas,
Pè-hrema coma jensianas dehens un pèiràs.

D’on v’en anatz hilheta, que siatz tant de matin ? (bis)
Que m’en vau har haría, au vòste bèth molin.

Legir tot

D’on v’en anatz hilheta, que siatz tant de matin ? (bis)
Que m’en vau har haría, au vòste bèth molin.

Repic :
Tin, ton, laderi, tin, tena
Tin, ton, laderi, tin, tan.

Que m’en vau har haría, au vòste bèth molin (bis)
Entratz aquí hilheta, la v’i vau molinar

Entratz aqui hilheta, la v’i vau molinar
Lo temps que la molinatz, m’assedi se vos platz.

Lo temps que la molinatz, m’assedi se vos platz
E que s’es adromida, au tin-tin dòu molin.

E que s’es adromida, au tin-tin dòu molin.
Desvelhatz-vos, hilheta, lo vòste sac qu’ei plen.

Desvelhatz-vos, hilheta, lo vòste sac qu’ei plen.
Hòu ! la doça haría, que hè vòste molin !

Hòu ! la doça haría, que hè vòste molin !
Que vau díser a ma maire de viéner moler ací.

Quan va lo muletèr en Espanha,
Lo monde que s’en trufa de plan.
Mes de quin costat de la montanha,
…

Legir tot

Quan va lo muletèr en Espanha,
Lo monde que s’en trufa de plan.
Mes de quin costat de la montanha,
Son los mes bons entà criticar ?
Mes de quin costat de la montanha,
Son los mes bons entà criticar ?

Ací, tots que l’apèran « El Pesetero »
Pesetero (Olé !) Muletero (Olé !)
Que’n son tots envejós e gelós !
Pesetero (Olé !) Muletero (Olé !)
Son gelós de los sons picalhons !

Ua mula emmalida en campanha,
Que’t hé víver mauhars deus peluts.
Mes de quin costat de la montanha,
Son los miòlos los mei capborruts ?
Mes de quin costat de la montanha,
Son los miòlos los mei capborruts ?

Lo muletèr s’a trobat companhas,
De pertot que’u se volen guardar.
Mes de quin costat de la montanha,
Un dia lavetz demorarà ?
Mes de quin costat de la montanha,
Un dia lavetz demorarà ?

A la bailina
Blanca e calina,
D’ua nueit lutina
S’escón l’agrèu.
Moscas de nèu,
Provet deu cèu,
Que dançan un …

Legir tot

A la bailina
Blanca e calina,
D’ua nueit lutina
S’escón l’agrèu.
Moscas de nèu,
Provet deu cèu,
Que dançan un gran rondèu.

Que nèva sus la Vath-Viella
Blancs parpalhons
Tant doç com lo velors
Que nèva sus la Vath-Viella,
A tot doç, a tot doç, a tot doç,
A tot doç, a tot doç, a tot doç.

L’òmi s’estanca,
L’esper que’u manca,
Sus la pista blanca,
Pergut, solet.
Lo hum griset
D’un bordalet
Puja com un aperet.

De la campana,
Lo vent escana,
Per tota la plana,
L’auròst, lo trang.
Sus l’arbo nut,
L’ausèth qu’ei mud
E tota vita a l’estang.

Ací sa rota
Qu’aurà shens dopte,
Un portau ubèrt
A maugrat l’ivèrn
Un arrisolet
Pan e borret
Los braç d’un amic navèth

Tancuj, tancuj, vykrucaj, vykrucaj,
len mi piecku nezrucaj, nezrucaj !
Lepsia piecka na zimu, na zimu,
nema kazdy perinu, perinu.
…

Legir tot

Tancuj, tancuj, vykrucaj, vykrucaj,
len mi piecku nezrucaj, nezrucaj !
Lepsia piecka na zimu, na zimu,
nema kazdy perinu, perinu.
Tralalala la la…

Dansez, dansez, tournez, tournez,
En rond, virevoltez, virevoltez !
Il fait trop froid en hiver, en hiver,
Mais il fait chaud en été, en été.
Tra-la-la-la...

Beau soldat, dans ta guérite, ta guérite,
Que tu as donc du mérite, du mérite,
De rester en sentinelle, sentinelle,
Se dit une demoiselle, demoiselle.

Immobile dans la bise, dans la bise,
Il sait que dans la nuit grise, la nuit grise,
Elle l’épie la jouvencelle, jouvencelle,
Sous son rideau de dentelle, de dentelle.

Un camin arcolin,
Tà sautar shens manèra
De l’esper au saunei,
Tà partir, un matin,
Per delà la frontèra,
Embriagat …

Legir tot

Un camin arcolin,
Tà sautar shens manèra
De l’esper au saunei,
Tà partir, un matin,
Per delà la frontèra,
Embriagat per l’aurei.
La la la la
Per delà la frontèra,
Embriagat per l’aurei.

O partir, un matin,
A la grisa brumèra,
Semiar drin de color
Tad enfin, esgaudir
Los dias de helèra
De cantas e d’amor.
La la la la
Los dias de helèra
De cantas e d’amor.

Un camin arcolin
On s’en van amassadas
Gents d’ací e d’enlòc
Har florir, espelir
Terradors shens armadas
Arròsetas shens bròc.
La la la la
Terradors shens armadas
Arròsetas shens bròc.

Har florir, espelir
Lo graa qu’a tot òmi
Au còr tot amorrit.
Un camin arcolin,
Tà tornar la memòri
Au qui s’ei esbarrit.
La la la la
Tà tornar la memòri
Au qui s’ei esbarrit.
La la la la
Vam tornar la memòri
Aus qui son esbarrits.

L’Arnaut de Bordèras
Quan va béver un còp
Possa la cantèra
E truca l’esclòp.
Que crida viahòra
Noste tabernèr
Tàu …

Legir tot

L’Arnaut de Bordèras
Quan va béver un còp
Possa la cantèra
E truca l’esclòp.
Que crida viahòra
Noste tabernèr
Tàu foter dehòra
Tostemps lo darrèr.

Repic :
Un darrèr còp
Après que m’arrèsti
Un darrèr còp
Mes qu’ei de dòu har
Un darrèr còp
Tà fenir la hèsta
Un darrèr còp
Que cau hà’s enlà.

L’Arnaut de Bordèras
Au tròt, au galòp,
Que cor la hauguèra
E truca l’esclòp.
Perdigalh o lèbe
Son viste esconuts
E tot çò qui lhèva
Son pas que cocuts.

L’Arnaut de Bordèra
Quan non beu pas tròp
Que’u pren la prudèra
E truca l’esclòp.
Ninons qu’en a quate
Un a har popar
Mes dab sa gojata
Que s’i vau tornar.

L’Arnaut de Bordèras
Que’s purga d’isòp
Mes Sent- Pèr l’apèra
E truca l’esclòp.
«Qu’èi la coana dura
Deishatz-me minjar
Aquèra garbura
Que’vs cau donc tornar !»