Atau quan l’arròsa ei navèra,
Quan ei miei ubèrt lo boton,
Atau qu’avè sus la maishèra,
Pausat Filis lo vermilhon.

Legir tot

Atau quan l’arròsa ei navèra,
Quan ei miei ubèrt lo boton,
Atau qu’avè sus la maishèra,
Pausat Filis lo vermilhon.

Com lo sor clarejanta qu’èra,
Tau medish tendre com l’arrós,
Malaia qu’estosse tan bèra,
O que jo estoi tant amorós.

Que m’a banit de sa preséncia
Jo non poish estar de l’aimar ;
Contre l’amor qu’i pòt l’abséncia ?
Era non hè que l’aumentar.

Pastorets qui n’avetz enqüèra
Gostat que plasers e doçors,
Guardatz-ve sustot d’aimar hèra,
Si longtemps voletz víver urós.

Repic :
Au còrn de la chemineja
Un amic t'aten
Ça'i donc escotar lo vent

La ploja plojeta
Canta …

Legir tot

Repic :
Au còrn de la chemineja
Un amic t'aten
Ça'i donc escotar lo vent

La ploja plojeta
Canta sa cançon
Quan l’ivèrn fresqueja.
Ça’i dens ma maison,
La pòrta ei ubèrta
Non i a nada clau
Ni can qui t’argüeita
Darrèr deu portau

Darrèr la frinesta
Dèisha donc bohar !
L’ivèrn qui tempèsta,
Dèisha’u marronar !
A la chemineja
L’eslama que viu
E dens ma caseta
Qu’ei dejà l’estiu

S’as lo còr en pena
S’as lo còr malau
Pren la carrereta
Qui mia a l’ostau.
Lo cafè que huma
E l’ivèrn sent bon
Quan l’espèr s’aluga
Dab un drin d’amor.

Be hasè bon
Au corn de chemineja
La ploja au frinèston
Lo vent qui ventoleja

Repic :
Mes n'èm …

Legir tot

Be hasè bon
Au corn de chemineja
La ploja au frinèston
Lo vent qui ventoleja

Repic :
Mes n'èm pas mei amassa
Estó lheu un saunei
Lo temps qui passa
Non s'en torna jamei

Be hasè doç
Davant l’eslama viva
Qui tindava de ros
Lo ton pèu qui lusiva

Be hasè bon
Los pès sus la platina
La nèu au frinèston
Qu’ei l’ivèr qui camina

Be hasè doç
Lo huéc a la figura
Deus tons uelhs amorós
Guardi la macadura

Repic :
Suu caminau que son sortits
Devath lo sorelh de mieidia
Beròis e lèds, grans e petits
Clic ! …

Legir tot

Repic :
Suu caminau que son sortits
Devath lo sorelh de mieidia
Beròis e lèds, grans e petits
Clic ! Clac !
Entà la fotografia

Los dròlles paréishin esvarjats
Mes pas mejan de s’escapar !
Los òmis demoran quilhats
Shens arrider e shens botjar

Seriosas, las hemnas qu’espian
Dens la grana lutz d’aqueth dia
Las segondas qui las se’n mian
Lo temps d’ua fotografia

Un nin s’ei hicat a plorar
L’ajòla l’a pujat aus braç
Un can que’n va aprofièitar
Per amuishar lo cap deu nas !

Lo fotografe qu’ei content
D’aver plan escadut lo dia
Oc, que s’en parlerà longtemps
D’aquera fotografia !

Clic ! Clac ! Acabat !

Lo noste cant qu’ei un camin
Qui va de uei dinc a doman
Qui n’ei pas près de s’amortir
Se …

Legir tot

Lo noste cant qu’ei un camin
Qui va de uei dinc a doman
Qui n’ei pas près de s’amortir
Se tots e’nse tienem la man

Repic :
Canta, canta
Lenga doça
Parla, parla
Lenga noste

A la crotzada deu camin
Que’n i a qui’s voleren har paur
Que disin que’n em a la fin
E que podem préner lo dou

Aus qui la volin enterrar
Vam cantar la noste cançon
Perdiam pas temps a’s pelejar
Que cadun i hique deu son !

Lo noste cant qu’ei un camin
Amics, que’s cau amanejar :
A l’auba d’un navèth matin,
Seram pas de tròp tà cantar !

B’ei hauta la montanha
Negada de claror
Majestuosa dauna
De sason en sason

Repic :
Hauta, hauta,
La Montanha …

Legir tot

B’ei hauta la montanha
Negada de claror
Majestuosa dauna
De sason en sason

Repic :
Hauta, hauta,
La Montanha !

Lo ser, a ma frinèsta,
Que’t viénes afèitar
Dab las colors de hèsta
D’un estiu qui se’n va

Amiga e companha
Que i a plan, plan longtemps
Qui hès correr las aigas
De milèrs de printemps

E sovent lo nuatge
Viengut d’Espanha enlà
Estanca lo son viatge
Per mei te contemplar !

B’ei hauta la montanha
Deu capulet de nèu
Lèugèra e horta escala
Enter l’òmi e lo cèu !

Qu’avem tots en partatge
Tà’us dias de tristèr
Un petit eretatge
Secrèt e familièr.
Cercatz drin, cercatz plan
Qu’ei lo …

Legir tot

Qu’avem tots en partatge
Tà’us dias de tristèr
Un petit eretatge
Secrèt e familièr.
Cercatz drin, cercatz plan
Qu’ei lo cuénh estremat
On anavatz secar
Vostes plors de mainat

Repic :
Cercatz un drin, cercatz plan
Tanben que'u vatz trobar

Tu, qu’avès un laurèr
On t’anar estruçar
Jo, qu’èra lo solèr
Qui’m sabè consolar.
Que sentiva l’arrat,
L’alh e lo triscairan,
Lo hroment e lo blat
E lo floc de Sent Jan

Qu’ei quitat lo cledat
Tà’m bastir ua istòri
Mes n’ei pas desnodat
Un not a ma memòria
E que sèi plan, vedetz,
On aimari tornar
Tà escotar l’alet
Deu vent viver e cantar...

Tà escotar l'alet
Deu vent víver
E cantar.

Repic :
« Quan lo printemps » pujava
Sus « aqueras montanhas »
« un joen pastor quitava »
NOoste …

Legir tot

Repic :
« Quan lo printemps » pujava
Sus « aqueras montanhas »
« un joen pastor quitava »
NOoste « bèth cèu de Pau ».

« L’angelus qu’a sonat »
« Rossinholet » qu’a cantat
« A l’entorn de ma maison »
Que s’obri ua « Beròja flor »

« Maudit sia l’amor »
Qu’ei « La plenta deu pastor »
« A Bordèu que i a ua dama »
« M’a près per fantasia »

« La vielha d’Auloron »
Que gahè « Lo mau d’amor »
(De)Bath d’« Au baricot deu novi »
Que s’esclamè « Dechem dromir ! »

En « Sèt sauts », « Peiroton »
Hicava « Lo pantélon »
Quan la « Craba », tot d’un còp
Qu’au heso tchangar dab « Los esclòps »

« ...Beth ceu de Pau... »
« ...Hè florir la vriuleta... »
« ...Passari l’aigueta... »
« ...Dinc a l’auta sason... »

Qu’ei hera luenh lo temps de la joenessa
Quan erem hòus, quan erem amorós
Uei qu’ei vienut lo temps de …

Legir tot

Qu’ei hera luenh lo temps de la joenessa
Quan erem hòus, quan erem amorós
Uei qu’ei vienut lo temps de la tristessa.
Shens tu, amor, jo que soi malurós.

Repic :
Uei que balhi mon còr au vent
Uei que plori dab la ploja
Passan los dias, passa lo temps
Lava la ploja, boha lo vent.

Tu mon amor qu’es partida per un aute
Mes jo que sei, n’ei pas la nosta fauta.
Qu’ei la fauta au temps, aus dias qui passan
A totas aqueras causas qui’ns despassan.

Jo n’ei pas vist que noste amor s’escapava.
Qu’escrivivi cançons que d’autes cantavan.
Qu’escrivivi cançons d’amor tan gaujosas
Mes, hau, n’ei pas vist mas amors malurosas.

Uei qu’ei passat beth temps despuish qu’es
partida.
Shens tu mon amor, jo qu’ei perdut l’arrider.
Que disen que ne sei pas mei escríver
Mes shens tu, amor, qu’ei perdut la vita.

Shens tu n’i aura pas mei sorelh dens mon ostau
E n’i aura pas nada flor dens mon casau
N’i aura pas mei mots ta escríver cansons
Pas nadas melodias ta cantar l’amor.

Repic :
Joan Petit balança
L'equipa de França
Tot jogat d'avança
Qu'an pres ua dança,

Dab lo dit, dab …

Legir tot

Repic :
Joan Petit balança
L'equipa de França
Tot jogat d'avança
Qu'an pres ua dança,

Dab lo dit, dab lo dit baishat.
Atau que s’en foot Joan Petit !
Qu’avem ganhat la botelha,
Qu’avem ganhat ... la pizza

Dab la man, Thierry HenRI-FIFI, ...
Qu’avem ganhat ... en trichant.

Com un pè, Domenec, LO PEC, ...
Qu’avem ganhat ... un panda.

Dab la lenga, AnelKA-PBORRUT, ...
Qu’avam ganhat ... Nhac’ta mair !

Dab lo cap, Zinedin’, DEN, DON, ...
Qu’avem ganhat ... en tumant.

Dab lo cu, RibeRI-KIKI, ...
Atau que s’en foot Joan Petit !

Qu’ei viste passat au RUGBY !
Allez, allez, ...

Que-v en voi cantar una
Dilheu que la savetz
La cantan los ivronhos
Quan son au cabaret.

1 còp, …

Legir tot

Que-v en voi cantar una
Dilheu que la savetz
La cantan los ivronhos
Quan son au cabaret.

1 còp, 2 còps, 3 còps,
4 còps, 5 còps,
Tan qui haram atau
N'aneram pas ta casa
Tan qui haram atau
No haram pas cabau
Tan qui haram atau
N'aneram pas ta casa
Tan qui haram atau
N'aneram pas ta Pau

La cantan los ivronhos
Quan son au cabaret,
E quauque còp los autes
Quan n’an pas tròp de set.

Si la tisana ei bona
Qu’apèra lo verset.
D’untar’s drin la ganura
Qu’esclareish lo canet.

Mes quan la pòcha ei vueita
Que copa lo shiulet,
E lo cabaretaire
Que sarra lo broquet.

Ua dança de mei
Dançada dens tons braç
Ua dança qu’ei mei
Qu’un aire e tres pas.

Repic :
…

Legir tot

Ua dança de mei
Dançada dens tons braç
Ua dança qu’ei mei
Qu’un aire e tres pas.

Repic :
Ua dança dab tu
Coneihi pas enqüera
De bonur mei segur

Dab tu, e qu’ei aquò
Qui’m hè virar lo cap
Pataquejar lo còr
E tot lo monde ac sap !

Mèma se vòs pas diser
Aqueths mots qui bailinan
Qui son com un arríser,
Qui nhacan e calinan.

Au cap de ma paciéncia
Sèi pas que i averà,
Ua dança, ce’m pensi,
Dab tu, tà la dançar.

Qu’ei lèugèr com un airolet
Mes a saber on ei badut ?
Despuish tostemps que’u conéishetz
Shens l’aver jamei aprengut.

Legir tot

Qu’ei lèugèr com un airolet
Mes a saber on ei badut ?
Despuish tostemps que’u conéishetz
Shens l’aver jamei aprengut.

Repic :
Sonque un èr, un èr tà cantar
Se hè pas ben,
Non hè pas mau
Do, ré, mi, ré, mi, fa, sol, la
Qu'ei un èr qui cerca sa clau.

Que’vs cort peu cap com un bohet
Qui sap s’ei juste o s’ei faus ?
Ne’v vòu pas dechar solet
Jamei ne’vs dècha en repaus.

Lo matin, en ve desvelhant,
Que l’avetz deja dens l’aurelha
A mieidia qu’ei lo son cant
Dens voste cap qui se passeja.

N’ei pas aisit de l’amortir
Que diserén un aperet
E la nuéit, quan pensatz dromir,
Com un chebiton, qu’entenetz.

Lo vent que passa per la lana
Que s’en va, que s’en va lo vent,
Entre la gèura e la …

Legir tot

Lo vent que passa per la lana
Que s’en va, que s’en va lo vent,
Entre la gèura e la brana
Capsus lo pont de Biravent.
Que destaca suu son passatge
Las lòsas vielhas deu paratge :
Qu’ei lo vent hòu qui se passeja.
Que da lo salut de le mar
A los floretas deu branar
Mes qu’ei pressat, que s’amaneja !

Lo vent que passa per la lana
Que s’en va, que s’en va lo vent,
Entre la gèsta e la gavarra
Capvath la Hont de Bohavent.
Que hè arrider los mainatges,
Qu’arrevira los jupons sages
Aqueth diablàs ! E que’s passeja
Peu miei deu linge a secar
Sus la cleda deu cazalà
On lo linçòu blanc viroleja !

Lo vent que passa per la lana
Que s’en va, que s’en va lo vent,
Mei endavant, cap-a la plana
Cap-au Horat de Crèvavent,
Portar mei luènh lo son messatge
De libertat e de coratge.
Qu’ei lo vent hòu qui se passeja :
Peu miei deu monde a desvelhar
Que soa l’òra de’s lhevar
Quan lo Vent deu Pais ventoleja !