Una valsa rossèla a la cima dèl puèg
Aital polsa lo blat cada jorn cada nuèch
Puèi a la broa …

Legir tot

Una valsa rossèla a la cima dèl puèg
Aital polsa lo blat cada jorn cada nuèch
Puèi a la broa del riu a l’ombra del salés
La sentor del perfum d’una flor espelida.

La dolçor d’un amor per vencir la dolor
E la man d’un amic per donar de colors
Un enfant se dormís sus la falda de sa maire
Un enfant que se ritz quand joga ambe son paire.

Aital va la... aital va la vida
Aital va lo... aital va lo temps
Daissa debanar lo fial de vida
Retengues pas mai l’anar del temps

La dolçor d’un amor per vencir la dolor

Una guèrra s’acaba. Una liberacion
De l’amor e la patz descobrir la cançon
Arrèsta-te soldat que t’espèra la filha
Pausa aquí lo fusil e vei coma es polida.

Aital va la... aital va la vida
Aital va lo... aital va lo temps
Daissa debanar lo fial de vida
Retengues pas mai l’anar del temps

Una guèrra s’acaba. Una liberacion...

Pastre de delai l’aiga
As gaire de bon temps.
Diga-zo ! bailèra lèra !
Lèra-lèra lèra-lèra la !
E n’ai …

Legir tot

Pastre de delai l’aiga
As gaire de bon temps.
Diga-zo ! bailèra lèra !
Lèra-lèra lèra-lèra la !
E n’ai pas gaire, e diga-tu ?
Bailèra lèra !
Lèra-lèra lèra- lèra bailèra la !

Pastre, lo prat fa flor,
Cal gardar ton tropèl.
L’èrba es plus fina al prat d’aicí !

Pastre cossí farai ?
Aval i a lo bèl riu.
"Espèra-me, te vau cercar !"

Bèla, Sant Joan s’apròcha
Bèla, se cal quitar
Vers una autra vilòta
Ié, ié,
Cal anar demorar !

S’èri …

Legir tot

Bèla, Sant Joan s’apròcha
Bèla, se cal quitar
Vers una autra vilòta
Ié, ié,
Cal anar demorar !

S’èri una irondèla
Que poguèssi volar
Al prep de tu la bèla
Ié, ié,
Ieu m’anariái pausar !

Pica, pica relòtge
Solelh abaissa-te
Ara Sant-Joan s’apròcha
Ié, ié,
De mèstre cambiarem !

Quand lo cocut cantava
Ieu m’en rejoissiái
E ieu m’imaginavi
Ié, ié,
Que mes de mai veniá !

Regrèti pas lo mèstre
Ni la mèstra non pus
Me’n an ben tròpas fachas
Ié, ié,
I tornarai pas pus !

La mèstra n’es canissa
Lo mèstre es un brutal
Sembla un caval de guèrra
Ié, ié,
Quand a la brida al cais !

Lo ser, quand m’en vau claure
Lo mèstre es sul portal
Me compta las fedetas
Ié, ié,
Me saca un reganhal !

En dintrant sus la pòrta
La mèstra es al canton
Repotega de sòrta
Ié, ié,
Repròcha lo croston !

Anarem a la fièira
Cromparèm un bridèl
Per ne bridar la mèstra
Ié, ié,
Se no’n en podèm vengar !

Se la podèm pas vendre
La caldrà engraissar
A la fièira novèla
Ié, ié,
L’anarem debitar

Qual vòls que la te crompa
Aquel vièlh cremalhàs ?
Es magra tota seca
Ié, ié,
N’es qu’un vièlh rastelàs !

Vèni pastra novèla
Vèni me remplaçar
Te cedarai la plaça
Ié, ié,
Sens te la regretar !

Ara l’ora es venguda
Mèstre comptatz l’argent
E pagatz-nos la pauca
Ié, ié,
No’n anarem contents !

Vèni pastra novèla
Vèni me remplaçar
Vòli pas pus far pastra
Ié, ié,
Me vòli maridar !

Bernat Pial-bufat, aital s’apelava lo lop,
Vièlh e mal gorbiat comandava los autres lops,
Aganits de sang, feluts, sales e …

Legir tot

Bernat Pial-bufat, aital s’apelava lo lop,
Vièlh e mal gorbiat comandava los autres lops,
Aganits de sang, feluts, sales e mal vestits,
Un tropèl de quaranta lops.

Repic :
O ! Lop !
O missant lopàs
Totjorn ravalaràs
Dins la nèu e lo glaç.

De lop n’i a pas pus levat dins las vièlhas istòrias
Contes d’un còp èra que li si pèrd la memòria
Question de tuar lo monde de sa quita mena,
L’òme es pus tarrible qu’un lop.

Bernat Pial-bufat siás francament nèci o fat
Uèi dins la montanha te donam la libertat
Puslèu que de viure siaud dins lo teu pastural
Tòrnas escorgar lo bestial.

Bernat Pial-bufat comprenes donc pas res a res
Siás un bestiassàs que n’a pas capus d’interés
Seriás dictator auriás lo drech d’assassinar
Siás lop ! Res te serà perdonat.

Carnaval es arribat,
Fuma la pipa, fuma la pipa,
Carnaval es arribat,
Fuma la pipa sens tabat.

Fuma la …

Legir tot

Carnaval es arribat,
Fuma la pipa, fuma la pipa,
Carnaval es arribat,
Fuma la pipa sens tabat.

Fuma la pipa, fuma la pipa,
Fuma la pipa sens tabat. (bis)

Quand aurem tot acabat
Farem la fèsta, farem la fèsta
Quand aurem tot acabat
Farem la fèsta a tot petar !

Farem la fèsta, farem la fèsta
Farem la fèsta a tot petar ! (bis)

A cinc sòus los castanhons
Venètz lo quèrre, venètz lo quèrre,
A cinc sòus los castanhons
Venètz lo quèrre son plan bons.

Venètz lo quèrre, venètz lo quèrre,
Venètz lo quèrre son plan bons. (bis)

On était des enfants courant dans les ruelles
Des oiseaux de printemps chamailleux et rebelles
On parlait un français émaillé …

Legir tot

On était des enfants courant dans les ruelles
Des oiseaux de printemps chamailleux et rebelles
On parlait un français émaillé de patois
Notre maître d’école nous tapait sur les doigts.

Quand tu es tout petit, si tu vis sans malheur
Si tu cours, si tu cries, si tu pleures et tu ris
Une enfance en couleurs, en odeurs de bonheur
Ça prépare aux rigueurs des hivers de la vie.

Amb la luja vièlha calcàvem la nèu
Puèi fasiam rochaletas, nos carràvem lèu
Arribava sovent que prenguèssem un petoire
Quand los vièlhs i lisavan e se fotián de cuòl.

Los sovenirs d’enfança cadun a los seus
Dirai pas que los meus valgan mai que los teus
Mas dirai qu’èstre urós quand òm es pichonèl
Aquò balha de vam quand òm es vengut bèl.

Doas carradas de fen, brave parelh de buòus
Sentors d’èrba secada, e de pega enti-tòu.
Lo paisan qu’abeurava bestial al Teron
Sublava doçament, l’angèlus en resson.

Parlàvem un francés mirgalhat d’occitan
E lo mèstre d’escòla nos disiá "paisan !"
Auriá plan mai valgut que nos contès l’istòria
D’una lenga d’Amor, dels Trobadors la glòria.

"A’tche le s’il fait bien mon chien pour les bédelles
Et ça mien puis ça tien, non ça n’est pas ça même"
On parlait un français émaillé de patois
Notre maître d’école nous tapait sur les doigts
Il aurait mieux valu qu’il nous dise pourquoi
Cette langue courtoise était noble autrefois.

Jol pont d’a Mirabèl, Catarina lavava. (bis)

Venguèron a passar tres cavalièrs d’armada.
Lo primièr li diguèt "Ne sètz …

Legir tot

Jol pont d’a Mirabèl, Catarina lavava. (bis)

Venguèron a passar tres cavalièrs d’armada.
Lo primièr li diguèt "Ne sètz pas maridada ?"

Lo segond li balhèt una polida baga,
Mas la baga del det tombèt al fons de l’aiga.

Lo trosième sautèt fasquèt la cabussada.
Ne tornèt pas montar, ne trobèt pas la baga.

Jol pont d’a Mirabèl Catarina plorava. (bis)

Joyos son ieu e ai mestier
De far plazer a bona gen,
D’onrar jocglars, d’amar joven,
De dar enanz que …

Legir tot

Joyos son ieu e ai mestier
De far plazer a bona gen,
D’onrar jocglars, d’amar joven,
De dar enanz que hom no’m quier ;
E qan del tot no’n ai poder,

Slivals que non fasa parer,
Quant autr’o fai, que’m sia belh ?
Qu’adoncs fai d’autruy flors capelh,
E suy tengutz cortés pels pros
E enemix dels enujós.

L’aiga de Ròsa te farà morir pichona
L’aiga de Ròsa te farà morir
Te farà morir, aquela aiga aquela aiga
…

Legir tot

L’aiga de Ròsa te farà morir pichona
L’aiga de Ròsa te farà morir
Te farà morir, aquela aiga aquela aiga
Te farà morir, aquela aiga de vin.

L’autre jorn me n’anère a Rodés
Que vos mentisse pas de gaire
L’autre jorn me n’anère a Rodés
Que vos …

Legir tot

L’autre jorn me n’anère a Rodés
Que vos mentisse pas de gaire
L’autre jorn me n’anère a Rodés
Que vos mentisse pas de res

Ne rencontrère una pastorèla
Amb sa camisa de tèla
N’i’n diguère : "Bèla bonjorn
Volriatz-vos pas logar un pastor ? (bis)

De pastorèl ieu me’n chaute gaire
De motons e ieu ne garde pausses
Car tot pastor que val quicòm
Es pas a logar per Sent Joan (bis)

S’ai pas la mina de valer gaire
Ieu ne vòle pas ganhar gaire
Una abraçada e un poton
Ieu serai vòstre servitor.

Par balajar lo vièlh passat
Venguèt un temps descabestrat
Per la mar e per la montanha,
Dins l’ombra blava dels …

Legir tot

Par balajar lo vièlh passat
Venguèt un temps descabestrat
Per la mar e per la montanha,
Dins l’ombra blava dels fusils
Coma la tèla d’una aranha.

Repic :
Nasquèt de l’ombra la cavala
Roja de sang, cargada d’aür
Negra cavala de la paur
Ont s’escantiguèt la paraula.

En darrèr los arams crancuts
Tnt d’òmes son demorats muts
Lor an desrasigat la lenga
Amb de mordazas de fèrre
Al fons del còr son anats quèrre
Lo fuòc de la votz que desrenga

I a totjorn dins qualque país
Un òme liure que morís
Per una idèia, una paraula
Quand òm parla de libertat
S’ausís coma un resson nafrat
Lo galaupar de la cavala.

Pertot ont a pausat los pès
Òm passa lèu e dins un res
Del jorn clar a la nuèch escura,
Cal dire que i a sul camin
De la cavala e son polin
la pèsta de la dictatura.

Una genta pastora
Un d’aquestes matins
Assetada sus l’erbeta
Plora son bel amic

Ara seriá ben ora
Que foguèsse …

Legir tot

Una genta pastora
Un d’aquestes matins
Assetada sus l’erbeta
Plora son bel amic

Ara seriá ben ora
Que foguèsse tornat
Qualqua pastora maita
Son còr aurà donat

A ! paura pastorèla !
Delaissada soi ieu
Coma la tortorèla
Qu’a perdut son pariu

Cossí fa lo rainal vièlh quand trapa la galina ? (bis)
Li met un pè sul còl e l’autre sus …

Legir tot

Cossí fa lo rainal vièlh quand trapa la galina ? (bis)
Li met un pè sul còl e l’autre sus l’esquina (bis)
Cap de fenhant trabalha pas del temps de las amoras (bis)
Met lo cuòl pel bartàs, tot còp ne pica una. (bis)

Lo carretièr passa fa petar lo foeit
Marison l’agacha, li quilha lo det (bis)
Qual m’empacharà de l’agachar per la …

Legir tot

Lo carretièr passa fa petar lo foeit
Marison l’agacha, li quilha lo det (bis)
Qual m’empacharà de l’agachar per la fenèstra,
Qual m’empacharà de l’agachar quand passarà ? (bis)
Chè la mèra Antoèna, i a de bon vin blanc (pecaire)
Chè la mèra Antoèna, i a de bon vin blanc (bis)
I a de bon vin blanc, de bon vin blanc, de gentas dròllas
I a de bon vin blanc, de bon vin blanc, de bons enfants.

Aicí la vida es plan tanquila
Per de que quitas ton chantièr ?
Me’n cal anar de vila en vila
…

Legir tot

Aicí la vida es plan tanquila
Per de que quitas ton chantièr ?
Me’n cal anar de vila en vila
Me rafinar dins lo mestièr.

Te cal d’argent per lo voiatge
Tant de camin te costarà !
Vau a pè pòrti mon bagatge
E mon mestièr me noirirà.

Tot corratjós per tant que siagas
Rencontraràs mai d’un dangièr
Ai un pistolet dins las bragas
E mon baston de codomièr

Pendant l’ivèrn, pendant l’auratge
Regretaràs ton Avairon !
Mos fraires de companhonatge
M’aculhiràn dins lor foairon.

E la Ròsa que tant t’agrada
S’anava trobar lo temps long ?
A mon retorn s’es maridada
Me’n tornarai pel camin grand

Te tendriam pas quand siaguèssem mila
Adieu pensa a ton vièlh cloquièr
Adieu me’n vau de vila en vila,
Me rafinar dins lo mestièr.

Lo perseguièr de per l’òrt es tot sang
Vèni mon amor vèni
Anarem asorar
A las fonts secrètas
De nòstre …

Legir tot

Lo perseguièr de per l’òrt es tot sang
Vèni mon amor vèni
Anarem asorar
A las fonts secrètas
De nòstre sòrre la luna
La pòrta de darrèr del meu ostal
Fugís las demòras estadissas
Escota
Nos crida lo bon del puèg
La nuèch
Quand nòstras ombras
S’espandisson a flor d’estolhas
E que l’ància nos pren
De daissar nòstres anars reclauses
De nos donar la man
E de caminar a de bon
Aquò rai
Degun nos insolentarà pas
Es l’ora requista per calinhar las aradas
E amistosar las combas e las levadas
Los clopets son enaigats de lum doça
Los passam coma una tièra de mars aimadas
Amb gaug e gratitud
Los genibres de las gresas
Apariam la tèrra e lo cèl
Coneissèm que nos grandisson
De las paurs embarradas dins nòstres còrs
Òc nòstra sòrre la luna
Nos benastruga e nos ritz
Velharem aquel paure país
D’amagat las nueches e sols e fisèls
Mas devèm poder mai segur
Per el coma per nautres
Nos caldrà ben finir per caminar
De jorn dreches e a bèles uèlhs vesents

Una luna virolaira
Doás estelas, tres solelhs
La cançon de la fialaira
Se debana dels fusèls :
Cada Joana sa …

Legir tot

Una luna virolaira
Doás estelas, tres solelhs
La cançon de la fialaira
Se debana dels fusèls :
Cada Joana sa joanada
Cada fèda son anhèl,
Cada annada sa bugada,
Cada poma son cotèl,
Cada vinha sa vinada,
Cada pòrta son portal,
Cada pluma sa plumada,
Cada filha son ostal.

La pastora se demanda quora tornarà lo vent
Que fasiá bronzir las fuèlhas e retronir los avencs
E lo còr sarrat espèra l’ogra negra de la paur
Quand la luna messorguièra se lèva sus Castelnòu.

Una luna virolaira
Doás estelas, tres solelhs
La cançon de la fialaira
Se debana dels fusèls :
Cada sauma sa civada,
Cada piòta son Nadal,
Cada camin sa virada,
Cada dròlle son faudal,
Cada frucha son annada,
Cada pastre son tropèl,
Cada cloca sa clocada,
E cada an son vin novèl.

Meu, nos cal passar
Los camps estèrles e las tèrras
De longa secadièras
Ni los blats, ni las viandas
Non …

Legir tot

Meu, nos cal passar
Los camps estèrles e las tèrras
De longa secadièras
Ni los blats, ni las viandas
Non vendràn de nòstras pacientosas lauradas.
Caminam a passas per las quatre pontannadas
Plan abans lo temps de l’òme
Sus aicesta tèrra.
Mas, regaudís-te !
Nos sarram de l’aiga de las fonts
E dels rasims de las vinhas
Avancem
Coma lo primièr jorn que Dieu vegèt
Qu’anàvem coma deviam anar.
Puèi,
Tot nos serà donat per subrepés

Pastora, pastora, pastora,
As capèl, salhe, mantèl (bis)
O mon bèl pastre, quand lo ser tombarà
Bailèra, A.
O mon …

Legir tot

Pastora, pastora, pastora,
As capèl, salhe, mantèl (bis)
O mon bèl pastre, quand lo ser tombarà
Bailèra, A.
O mon bèl pastre, mon Joan m’esperarà
Bailèra, A.

Pastora, pastora, pastora,
Ton amor morís en flor (bis)
O mon bèl pastre, mas lo meu florirà
Bailèra, A.
O mon bèl pastre jamai se passarà
Bailèra, A.

Pastora, pastora, pastora,
O malur mon Joan es mòrt (bis)
Adieu bèl pastre, quand lo ser tombarà,
Bailèra, A.
A Joan mon pastre, la mòrt me ligarà
Bailèra, A.

Prenguèri un òme pichon, coma un grun de civada (bis)
Que siái mal maridada, maridada, maridada
Que siái mal maridada, …

Legir tot

Prenguèri un òme pichon, coma un grun de civada (bis)
Que siái mal maridada, maridada, maridada
Que siái mal maridada, maridada, ieu siái.

Lo preniái al lièch, lo perdiái per la colcera...

Lo prenguèri al pesquièr, lo paure li se neguèt...

Lo voliái plorar, lo rire m’escapava...

Li voliái far dòl, lo roge m’agradava...

Qu’escriuriái per te cantar una cançon d’amor ?
Tres tornadas unas còblas faiçon Trobador
Tira-lònga de coblets en romantica flor,
…

Legir tot

Qu’escriuriái per te cantar una cançon d’amor ?
Tres tornadas unas còblas faiçon Trobador
Tira-lònga de coblets en romantica flor,
Qu’escriuriái per te cantar una cançon d’amor ?

Papièr de musica blau per la cançon d’amor
Papièr d’armonia dolça en clau de cada jorn
Clau d’una portada blanca a far cantar major
Sinfonia sens bemòl a l’alba d’un borron.

Dirai qu’al fons de ton èstre
I cresquèron de tresaürs
Que son puèi venguts los mèstres
D’una vida al prètz de l’aür

Dirai qu’i caliá de temps
Al temps que passa, al temps que va
Las setmanas e los meses
Bastirán benlèu deman.

America del Sud
Sòrre de latinitat
Sòrre nòstra que Dieu regís
America que patís
America del Sud
Filha de Carnaval
…

Legir tot

America del Sud
Sòrre de latinitat
Sòrre nòstra que Dieu regís
America que patís
America del Sud
Filha de Carnaval
Samba roja per dubrir lo bal
Mordís la frucha al bèl talh

Fòla en plaça de Mai
D’ont mai maire que fa mal
Aquel dòl, plaga que jamai
Coneisserà pas lo general

Peruviana es dur
De triar l’ostal segur
De pels sendarèls escurs
Per i nisar lo bonur

Chile non t’agradèt
Quand lo Papa venguèt
Tocar la man del vièlh dictator
Daissant lo pòble a sa dolor

Tot en faguent l’amor, perdèri la casqueta,
La casqueta tròp espessa,
Lo capèl de rafanèl,
A ! ’quel paure capèl …

Legir tot

Tot en faguent l’amor, perdèri la casqueta,
La casqueta tròp espessa,
Lo capèl de rafanèl,
A ! ’quel paure capèl !

Tot en faguent l’amor, perdèri la carvata,
La carvata de crica de craca,
La casqueta tròp espessa,
Lo capèl de rafanèl,
A ! ’quel paure capèl !

Tot en faguent l’amor, perdèri la camisa,
La camisa de tèla grisa,
La carvata de crica de craca,
La casqueta tròp espessa,
Lo capèl de rafanèl,
A ! ’quel paure capèl !

Tot en faguent l’amor, perdèri lo gilet
Lo gilet, tròp destrech,
La camisa de tèla grisa,
La carvata de crica de craca,
La casqueta tròp espessa,
Lo capèl de rafanèl,
A ! ’quel paure capèl !

Tot en faguent l’amor, perdèri los solièrs,
Los solièrs, de papièr,
Lo gilet, tròp destrech,
La camisa de tèla grisa,
La carvata de crica de craca,
La casqueta tròp espessa,
Lo capèl de rafanèl,
A ! ’quel paure capèl !

Tot en faguent l’amor, perdèri los desbasses,
Los desbasses de petace,
Los solièrs, de papièr,
Lo gilet, tròp destrech,
La camisa de tèla grisa,
La carvata de crica de craca,
La casqueta tròp espessa,
Lo capèl de rafanèl,
A ! ’quel paure capèl !

Legir tot

Una cigala lo bèl temps passat (bis)
Lo bèl temps passat una cigala
Lo bèl temps passat n’aviá que cantat.

Legir tot

Una cigala lo bèl temps passat (bis)
Lo bèl temps passat una cigala
Lo bèl temps passat n’aviá que cantat.

Chèz la fornise se’n anèt un jorn (bis)
Se’n anèt un jorn chèz la fornise
Se’n anèt un jorn e li diguèt bonjorn.

-Bonjorn vesina cossí anatz-vos? (bis)
Cossí anatz-vos brava vesina
Cossí anatz-vos ambe los pichons ?

-Paura vesina ieu crèbi de fam. (bis)
Ieu crèbi de fam paura vesina
Ieu crèbi de fam amb los enfants.

-Quand ieu glanavi de que fasiatz-vos? (bis)
De que fasiatz-vos quand ieu glanavi
De que fasiatz-vos ambe los pichons?

-Quand vos glanavètz ne cantàvem dos (bis)
Ne cantàvem dos, quand vos glanavètz
Ne cantàvem dos ambe los pichons.

-Ara vesina ne cal dançar tres (bis)
Ne cal dançar tres paura vesina
Ne cal dançar tres e manjar pas res!"

Una mar de fuòc a pausat, un sòmi de l’enfança
Lo long de la tèrra a costat, del país de …

Legir tot

Una mar de fuòc a pausat, un sòmi de l’enfança
Lo long de la tèrra a costat, del país de Valéncia
Un arbre florit dins lo cèl, se nèga tot de blau
As esquinçat de ton cotèl, la vièlha pèl de brau...

Valéncia, Valéncia, per que
Tas pomas d’irange tanben
Son rojas coma la dolor
Frucha d’amor e de dolçor.

A tèrra-mièja, a mièja-mar, siás una flor nascuda
Ratapenada del azard, amb la nuèch venguda
De las vilas del temps passat, tu n’èras la maurèla
Aviam un còp èra somiat, de la meteissa estela.

Caldrà butar l’esper novèl, per la darrièra lega
E daissant aquí lo tropèl, dalhar cadun sa rega
Cal èsser mèstre de l’ostal, per ne dubrir la pòrta
E puèi escamparem la clau, l’amistat serà fòrta.

Sèm totes filhs d’aquela mar, de la mar miègterrenca
Quand serà temps de meissonar, totes farem solenca
Tornarem téisser lo ligam, lo ligam de paraula
Vaquí de vin, vaquí de pan, sarratz-vos de la taula.