Avetz-vos vist los tilholèrs
Quinh son braves, hardits, leugèrs
Hasent la promenada
Capsús de Peirahorada
En tirant l’aviron
Tot dret …

Legir tot

Avetz-vos vist los tilholèrs
Quinh son braves, hardits, leugèrs
Hasent la promenada
Capsús de Peirahorada
En tirant l’aviron
Tot dret tà la maison

Per promenar lo temps qu’ei bèth
Embarcatz au noste vaishèth
La nosta governanta
Qu’ei beròja e charmanta
Per estar de París
Que sembla deu país

En arribant au pont Major
Quartièr de Baiona la flor
Deu haut de la tilhòla
Qu’an hèit la cabriòla
Suu pont de Panecau
Qu’an hèit lo subèrsaut

Puish en repréner l’aviron
Que se’n va dret a Sent Leon
Ensenhar la joenessa
A dançar dab hardiessa
E apréner com cau
A har lo subèrsaut

Avetz vos vist los tilholèrs ?
Avetz vos vist los tilholèrs ?
Que son braves, hardits, leugèrs,
Que son braves, …

Legir tot

Avetz vos vist los tilholèrs ?
Avetz vos vist los tilholèrs ?
Que son braves, hardits, leugèrs,
Que son braves, hardits, leugèrs.
Hasent la promenada, capsús de Pèirahorada,
En tirant l’aviron, tot dret tà la maison.
Hasent la promenada, capsús de Pèirahorada,
En tirant l’aviron, tot dret tà la maison.

Trà lalà lalalà lalalèra
Trà lalà lalalà lalalà !

Per promenar lo temps qu’èi bèth.
Embarcatz-vs’au nòste vaishèth.
La nòsta governanta qu’ei beròia e charmanta,
Per estar de París, que sembla deu país.

Vienetz daunetas si vos platz.
Ací qu’èm d’aunèstes gojats.
Non cranhetz la galèrna, ni lo vin de citèrna,
Dab nos qu’am Chatelièr, lo brave tilholèr.

En arribant au Pont Major.
Quartièr de Baiona la flor.
Deu haut de la tilhòla, qu’an hèit la cabriòla,
Deu pont de Panecaut, qu’an hèit lo subersaut.

Puish en reprenent l’aviron.
Que se’n van dret tà Sent Leon.
Ensenhar la joenessa, a banhar-se dab hardiessa,
Per apréner com cau, a har lo subersaut.

que son tipes estranhs simples ausèths de passatge
tornant deu hons deu monde o de Patagonia
avaladors d’espaci, dontaires de …

Legir tot

que son tipes estranhs simples ausèths de passatge
tornant deu hons deu monde o de Patagonia
avaladors d’espaci, dontaires de miratge
lampejants viatjadors sus las alas deu brut

qu’argueitan impacients lo ser que lo sorelh
s’ajaca tendrament dens los braç de la mar
arromegant contra lo vent e la lentor
e contra la beutàt d’estar tostemps parièr

l’abitud de pagar per l’amor per la vista
peus jòcs e peu plasèr e tanben per un diu
que son tots estonats de véder après las crompas
que n’an pas mei arren de har aquiu

que son tipes estranhs qui semblan aus poètas
quilhats mei haut que cau en harda de palhassa
pingorlats de colors per aufrir a las hèstas
e visitar l’amic que n’an pas

jo qu’èri à Pimbò sol estrèm de la tèrra
los pès escagassats d’avèr marcat lo pas
e qu’i èi descobrit au cap de la cantèra
ua flor e un còr que ne coneishèvi pas

que son tipes estranhs malestrucs e sapiens
desarrigant las flors hauretas dab los lors guants
e destornant las estatuas sacradas en s’escusant
com aquò, shens hèit exprès, lo nas au vent

que son vaduts com eths shens guida e shens rason
aganits de saber de véder e d’invasion
e que volen gahar lo monde dab las mans
los òmis qui visitan la tèrra e qui s’en van

Avem los uèlhs duberts
E pr’aquò vesem pas
E quant barram los uèlhs, avem tròp paur del negre.
Pr’aquò, dels …

Legir tot

Avem los uèlhs duberts
E pr’aquò vesem pas
E quant barram los uèlhs, avem tròp paur del negre.
Pr’aquò, dels còps,
Sufís d’un fial d’aranha que pana lo solelh
Sufís d’una lecada de vent sulla fuèlha de cerèis
Sufís de far plaça al silenci, d’amistosar la solesa.

Una galina blanca
Veniá póner dins la cambra.
Una galina negra
Veniá póner dins l'erbeta.

Sosques pas. Es acabat
…

Legir tot

Una galina blanca
Veniá póner dins la cambra.
Una galina negra
Veniá póner dins l'erbeta.

Sosques pas. Es acabat
Ara son mai d'un milièirat
Tot l'an jol lum artificial.
Far l'uòu, manjar, far l'uòu, manjar.
Ges de cloca, ges de gal,
D'aubièira, de gran escampat,
Pus de solelh, de temps que fa.

Gleisòta tota blanca
Quand se dobrís jamai se tanca.
Ostal sens chiminèa
Sens terralha ni cremalhièira.

Los uòus d'ivèrn son d'ardidons
Disián las femnas dels cocons.
De mòrta sason, n'i a pus cap :
Far l'uòu, manjar, far l'uòu, manjar.
Siá Totsants o Carnaval
Ara cal far l'uòu cada jorn
I a pus ni fèsta ni sason.

De qu'es tot blanc en l'aire
E pel sòl que ven tot jaune ?
Galina, galineta,
pondràs pus dedins l'erbeta.

Quand fa marin, lèvas lo còl,
Cridas sens fin dedins ta nuòch.
Lo bec copat, lo còl plumat :
Far l'uòu, manjar, far l'uòu, manjar.
Quiti a far puèi un uòu mancat
Sens rós, sens grelh, un cancèr mòl
Vianda de mòrt pels òmes fòls.

Galina, galineta,
pondràs pus dedins l'erbeta.
Galina, galineta
Es finit las devinetas.

Te gaita passar la filha quand a l’atge d’enfantar
Buta lo desir de luna, ton ventre voildriá plan.
Espepissas desirosa, …

Legir tot

Te gaita passar la filha quand a l’atge d’enfantar
Buta lo desir de luna, ton ventre voildriá plan.
Espepissas desirosa, tenent ton ventre pesuc,
Carrejat dins sa cariòla, lo caganís plan nascut.
Cabecejaire, capeja lo caganís envejós
Del mainatge a bicicleta, rodelet e fisançós.
Remolina lo mainatge, lèu lèu lèu vendrà
Lo grandet a mobileta que fugís que fugirà.
E fugís que fugirà lèu, l’enfant dedins que sès pas,
Que t’empacha de depassar la motò d’aquel grandàs.
Lo grandàs embelinaire, rodalièr, plan sedusent,
A d’uèlhs pas que per la filha en jupa. Prega lo vent.

Te gaita passar la filha quand a l’age d’enfantar
Buta lo desir de luna, ton ventre voldriá plan.
Espepissas desirosa, …

Legir tot

Te gaita passar la filha quand a l’age d’enfantar
Buta lo desir de luna, ton ventre voldriá plan.
Espepissas desirosa, tenent ton ventre pesuc,
Carejat dins sa cariòla, lo caganís plan nascut.
Cabecejaire capeja lo caganís envejós
Del mainatge a bicicleta rodelat e fisançós.
Remoline lo mainatge lèu lèu lèu rejonharà
Lo grandet a mobileta que fugís que fugirà.
E fugís que fugiràs lèu, l’enfant dedins que sès pas
Que t’empacha de despassar la moto d’aquel grandàs.
Lo grandàs embelinaire, rodalier, plan sedusent
A d’uèlhs pas que per la filha en jupa, prega lo vent.
Te gaita passar la filha quand a l’age d’enfantar.

Avètz vist los paures vièlhs
Davant l’espital ?
Son assietats al solelh
Dins lors vestits blaus
An perdut log ost …

Legir tot

Avètz vist los paures vièlhs
Davant l’espital ?
Son assietats al solelh
Dins lors vestits blaus
An perdut log ost de l’espèr,
Lo temps a passat.
La mòrt ven un pauc cada sèr
Sus lors caps pelats.
Lor caldrà daissar la vida,
Daissar l’espital
Per anar noirri la tèrra
Tèrra de trabalh.

Avètz vist dins la Corbièra
Aquelis ostals ?
Son arrengats al solelh
Dejos lo cèl blau
Son partits los filh de l’espèr
Lo temps a passat.
La mòrt ven un pauc cada sèr
Moisir lo teulat.
D’òmes venguts de la vila
Als crits estrangièrs
Que s’ausisson per las vinhas
Vinhas sens bordièrs.

Avètz ausit la colèra
Que contenem mal ?
Es pas per los vièlhs que crida
Ni per l’espital ;
es pers alvar nòstra tèrra
Per sa dignitat
Avèm pas perdut la guèrra
Al prat dels Cremats.
Deman dins cada vilatge
Vièlhs, joves mesclats
Prendran la paraula viva
Viva de rambalh.

E dab tota aquera moneda,
Peus camins nostes, lo noste òmi,
Que partí tà la vila.
Qu’arribà sus ua grana …

Legir tot

E dab tota aquera moneda,
Peus camins nostes, lo noste òmi,
Que partí tà la vila.
Qu’arribà sus ua grana plaça.
Qu’èra dia de hera.
Monde, n’i avè fòrça, monde
Que coneishè plan, monde deu parçan.

I avè lo Jan de Planta la Punta, sabs ?
Lo que s’èra maridat dab la hilha
D’aqueth Jan fotre de Pèire deu Calhau.
I avè tanben aqueth picatalòs de Salias,
Que s’aperave... son pair qu’èra
Lo hustèr de Sauvalada...

Enfin tè, qui avè monde...
Qu’èran amassats devant un empont
Au hons de la plaça. Qu’espiavan un òmi,
Plan vestit, cap pelat, encaravatat
De pertot. Aqueth òmi que hasè virar
Ua arròda, l’arròda de la loteria,
Pingorlada de lutz, ròda de vita
E deus espèrs, los de la terrà,
Los de la vila, on aniran tots los obrèrs ?

La ròda vira, vira, vira
Ròda de vita et deus espèrs
Los de la terrà, los de la vila
On aniran tots los obrèrs ?

Lo 64 ganha un diccionari occitan-francés,
Tà apréner a parlar ua lenga vertadièra,
E ua metòda tà apréner a la parlar ponchut.

Lo 09 ganha a vestit complèt de CRS,
Tot negre, dab un bastonàs, un shiulet,
E un liberòt tà saber ço qu’ei
L’enemic de dehens.

Lo 31 ganha un viatge a París, anar sonque,
Pas tornar, que poderà tornar tot an
Tà las vacanças.

Que ganha tanben un envit tà esdejoar
Dab lo President de la Republica Francesa.

Lo 34 ganha lo dret de demorar au país
E d’i tribalhar, au sindicat d’iniciativa.
Qu’en cau un tà arcuélher la toristalha.

Lo 11 ganha ua barrica de vin italian,
Pur sucre, 15 degrès. Que poderà pintar
E desbrembà’s sos soviers de vinhaire.

Lo 65 ganha lo dret de’s carar e de’s
Hicar au caumatge, a l’agença
Nacionala deus colhonats.

Lo 32 ganha un agendà deu Credit
Agricòla e las benediccions de la SAFER.

Dins un jas abandouna
Lou paure pichot es na.
Marìo emé sant Jóusè
Pèr soun enfantounet
Tremoulant de la fre
…

Legir tot

Dins un jas abandouna
Lou paure pichot es na.
Marìo emé sant Jóusè
Pèr soun enfantounet
Tremoulant de la fre
An, dins lou paié,
Adouba un paure lié.

Sus la paio ei quàsi nus,
Miserable coume un gus.
Lou biòu emé l’ase, ensèn
Ié boufon soun alen
E pièi quand dins lou fen
Sa sabo lou pren
Marìo ié douno lou sen.

Li pastre dereviha
Soun vengu lis ajuda.
Ié baion soun rejauchoun
De la e de froumajoun
E pèr lou pipaudoun
Un pichot vanoun
De lano de si móutoun.

Tre que l’estello a briha
Li rèi se soun endraia.
Carga de mierro e d’encèns
E d’or à Betelèn
Soun vengu umblamen
Pourgi si presènt
À l’enfant de la jacènt.

Dins un jas abandouna
Lou paure pichot es na.
Marìo emé sant Jóusè
Pèr soun enfantounet
Tremoulant de la fre
An, dins lou paié,
Adouba un paure lié.

paraulas de Leon Cordes e musico de Irénée Delmas

O pichouno tant pressado
Ount vas Ount vas
Per èsser …

Legir tot

paraulas de Leon Cordes e musico de Irénée Delmas

O pichouno tant pressado
Ount vas Ount vas
Per èsser tant aviado
De qu'as De qu'as
Es que toun amic per cas
T'espèro a la cantounado
Per te far no poutounado
Noun d'aneit i aniras pas
Noun 'migueto a la Crousado
Aqui que t'aï arrestado Pel bras
Anem te facharas pas
Que toun risoulet m'agrado
Amb ieu demouraras

Refrin
A! Boum Diu !
Lou boum rencontre
Lou boum rencontre qu'ai fait
Es aimablo Es aberido
E graciuso E plan vestido
Ambe aquo fresco e poulido
Coumo la roso al mes de Mai
A! Boum Diu !
al clar de luno
Lou boum rencontre quai fait

Aqui ço que la filheto
M'a dit M'a dit
L'amic siatz uno briqueto
Ardit Ardit
Mas serio pas plan poulit
De faire la queouqueto
Quand me trapatz graciuseto
Esperatz-me quai ausit
La mama qu'a la placeto
Sonnavo la Marineto
Ie dit
Nauretz pas lou dementit
N'ai per uno aimadeto
Sulcop apres siatz servit.

al Refrin

Vous fasio'n freg que pelavo
Pietat ! Pietat !
Dins la neit que s'estelavo
Plantat ! Plantat !
Mort de som soui demourat
Que jamai noun arribavo
De tant que lou poul cantavo
Quant me soui derrebelhat
Ai ! Ai ! lou journ se levavo
D'albiero tout blanquejavo !
Tibat,
Banhat, macat, mieg gramat,
Duno vouts que s'enraucavo
En m'entournant ai cantat :

al Refrin

__________________________

Ò pichona tant presada
Ont vas ont vas
Per èsser tant avisada
De qu'as, de qu'as
Es-se que ton amic per cas
T'espèra a la cantonada
Per ta far 'na potonada
Non d'anuèit i aniràs pas
Non 'migueta a la Crosada
Aquí que t'ai arrestada pel bras
Anem te facharàs pas
Que ton risolet m'agrada
Amb ieu demoraràs.

Refrin

A! Bon Dieu
Lo bon rencontre
Lo bon rencontre qu'ai fait
Es aimabla, es abelida
E graciosa e plan vestida
Amb aquò fresca e polida
Coma la ròsa al mes de mai
A ! Bon Dieu
Al clar de luna
Lo bon rencontre qu'ai fait!

Aquí çò que la filheta
M'a dit, m'a dit
L'amic, siatz una briqueta
Ardit, ardit
Mas seriá pas plan polit
De faire la coqueta
Quand me trapatz gracioseta
Esperatz-me qu'ai ausit
La mamà qu'a la placeta
Sonava la Marineta
Ie ditz
N'auretz pas lo dementit
N'ai per una aimadeta
Sulcòp après siatz servit.

Al refrin

Vos fasiá 'na freg que pelava
Pietat, pietat
Dins la nuèit que s'estelava
Plantat! Plantat!
Mòrt de som soi demorat
Que jamai non arribava
De tant que lo pol cantava
Quand me soi desrevelhat.
Ai! Ai! Lo jorn se levava
D'albièra tot blanquejava!
Tibat,
Banhat, macat, mièg gamat
D'una votz que s'enraucava
En m'entornant ai cantat:

Al refrin

Vaqui la roun
Do di juroun
Que clantissien coume redoun
Li barjo-mau
Metien de sau
Dins soun parla de prouvençau
…

Legir tot

Vaqui la roun
Do di juroun
Que clantissien coume redoun
Li barjo-mau
Metien de sau
Dins soun parla de prouvençau
Autri-fes quouro nòsti grand
Sacrejavon tau de pagan,
Di sacre galoi de l’endré
Degrunavon lou capelet :

Tóuti li tron, li petard de diéu
Li capistello e li malavalisco
Emai tambèn li sarnipabiéu
E li sarpabiéu
’mé li sambiéu e li sacrebiéu,
Li tron de l’èr e li tron de padisque,
Petard de sort, e tron de padiéu
E malan de diéu.

Sènso óublida couquin de bon goi,
Li gus de sort e li tron de padiéune,
Li jarnibiéu e li jarnigoi
Li sarnibiéu, li sarnipabiéune,
Li macarin
E li macastin,
Li viedase e li petard de la guèto
Emai tambèn li gus de judiéu
E li milo diéu.

A la carriero
Meme a le fiero
S’entèndon plus lis arcadiero.
Li repetiero
Sènso maniero
Fan plus restounti li courniero
E de cerretié n’i’a plus ges
Pèr renega coume pas res.
Mai es egau nous farié gau
D’entèndre encaro en prouvençau :

Tóuti li tron, li petard de diéu
Li capistello e li malavalisco
Emai tambèn li sarnipabiéu
E li sarpabiéu
’mé li sambiéu e li sacrebiéu,
Li tron de l’èr e li tron de padisque,
Petard de sort, e tron de padiéu
E malan de diéu.

Sènso óublida couquin de bon goi,
Li gus de sort e li tron de padiéune,
Li jarnibiéu e li jarnigoi
Li sarnibiéu, li sarnipabiéune,
Li quatre biéu
Tóuti li marbiéu
Li fan de puto e li fan de chichourlo
Emai perèu, couquin de canèu
E li macarèu.

Maugrat los dies qui passan , jo , que t’aïmereï
Que seras tostem lo printems deu mé saunelh
Que sie …

Legir tot

Maugrat los dies qui passan , jo , que t’aïmereï
Que seras tostem lo printems deu mé saunelh
Que sie l’iber o l’estiu plé de sorelh
Com la permère matiade, jo, que t’aïmereï.

Repic : Que seras lo camin , eth qui m’a volut miar,
Lou temps s’en eï anat , mes arrèr n’a cambiat
Que seras lo camin , lo qui eï tostem seguit
E l’emvelhe’ a la fin , no pas jameï morir...

- Pergut au mielh de la brume, jo, que’t vedereï
Si la luts no pot esclarir tote la noeït ,
Lheu que gahareï la claror en los tos oelhs
Dinc’au darré sé deu monde, jo, que’t vedereï.

- Ta vots au mielh deu silenci, jo, l’escotareï
Si nou calè pas meï ausir noste canson,
Jameï poderi desbrombar la soe doçor
En l’airet qui shebitelhe , jo , t’escotareï

- Drin meï haùt que las estelles, jo, que’t cercareï
Negat en las nubles deu ceù, que volareï,
Au meï pregont de la gran màr, que nadareï
Partit au loegn de la terra, jo, t’espérareï

Amic l’auses lou voul negre dei corb ( sus nostrei plano) bis
Amic l’auses aquelei bram dou pais qu’encadenon
Ohe …

Legir tot

Amic l’auses lou voul negre dei corb ( sus nostrei plano) bis
Amic l’auses aquelei bram dou pais qu’encadenon
Ohe partisan, oubrie e paisan es l’alarmo
Estou ser lou marrit goustara lou sang e lei larmo
Moutas de la mino, calas de coualo cambarado
Sourtes de la paio, fusieu, mitraio e granado
Ohe lei tuaire, ‘me balo e couteu tuas leu
Ohe saboutaire, mefi a toun fais dinamito
Es nautrei que roumpem lei barreu per lei nos trei fraire
L’odi darrie nautrei e la fam que ten …..pecaire !
Li as de pais ounte lei gent durmon en pantaiant
Aqui, nautrei ves, nautrei marchan e tuan….e creban
Aqui cadun saup ce que vou quouro fa quouro passo
Amic se toumbes, un ven de l’oumbro a la tieu plaço
Deman de sang secara au souleias sus lei routo
Cantas coumpagnoun dins la niue la liberta nous escouto

Urous aqeu que lou destin
Guido dins de parie paragi
Tout semblo cisela’u burin
Lei roucas draion soun passagi
La …

Legir tot

Urous aqeu que lou destin
Guido dins de parie paragi
Tout semblo cisela’u burin
Lei roucas draion soun passagi
La grando baumo assoustarie
Un fouart troupeu, chin e bergie
La grando baumo assoustarie
Dous escadroun de cavalie

Refrain : Pradeu glaciero
Mountagno autiero
Ti saludan tu baus gigant
Baou de Bertagno
Que tounin magno
A lausenja dins sei vers triounfan

Sant pouns es lou rei counoueissu
Sa sourso pouarto diademo
Es la reino qu’es dou pessu
De la countrado e de Gemo
Lou gour de l’oulo es lou valoun
Ounte si fa lei repassoun
Lou gour de l’oulo es lou valoun
Que dou ben estre a lou renoun

Refrain : Pradeu glaciero
Mountagno autiero
Ti saludan tu baus gigant
Baou de Bertagno
Que tounin magno
A lausenja dins sei vers triounfan

Ti quitaren eme regret
O bello e superbo naturo
Mai leissant nouestre grand respet
A l’autour d’aquello esculturo
Que sie d’iver, siegue d’ estieu
Sies sempre bello va redieu
Que sie d’iver, siegue d’estieu
Tout rebato la man de dieu

Refrain : Pradeu glaciero
Mountagno autiero
Ti saludan tu baus gigant
Baou de Bertagno
Que tounin magno
A lausenja dins sei vers triounfan

Au camin de Perpignan
Qu i perde e qu i gagno.
Iéu l’i’ai perdu ma coumpagno,
Tra de ran la, …

Legir tot

Au camin de Perpignan
Qu i perde e qu i gagno.
Iéu l’i’ai perdu ma coumpagno,
Tra de ran la, de ran la lou guè !
Iéu l’i’ai perdu ma coumpagno.

La siéu anado cerca
Au plus aut de la mountagno.
Mai iéu, l’i’ai rèn rescountra,
Tra de ran la, de ran la lou guè !
Qu’un castèu cubert de sagno.

L’i avié tres damo dedins,
Tóuti tres s’apelon Jano.
M’an counvida de soupa
Tra de ran la, de ran la lou guè !
E de coucha dins sa chambro.

Coucharai au pèd dóu fiò
Sus un paquetoun de paio.
Quand n’en vèn la miejo-nue
Tra de ran la, de ran la lou guè !
Lou fiò s’es mes à la paio !

E li braio dóu galant
An flamba emé la paio !
S’aviés coucha ‘mé iéu,
Tra de ran la, de ran la lou guè !
Auriés pas brula ti braio !