Les dormeurs du bal

Musicas de dançar - Argens minervois (França)

Les dormeurs du bal es un trio instrumental jove que desvolopa un repertòri larg de musicas d'inspiracion tradicionala. Crèa d'arrengaments subtils e melodioses a partir d'aires yiddishs, irlandeses, brasilencs, chineses o d'Euròpa de l'èst.

Les Dormeurs du Bal interpreton tanben lors composicions pròpias sus de ritmes de danças tradicionalas, e animan seradas e balètis que totas las generacions s'i rescontran dins un esperit de fèsta.

Les enfants d’Arausio

Espectacle folcloric - Aurenja (França)

Les Enfants d'Arausio es un ensemble de cultura provençala compausat de jovents d'orisons divèrses que pertejan la meteissa passion: l'art popular e las tradicions de lor region.

Aquela tropa vos prepausa espectacles de danças, musicas e cants tradicionals provençals.

Les fifrelets

Fanfaras/espectacle de carrièra - Erau (França)

Los Fifrelets, pura esséncia de grandas formacions pifres e tamborns, manlèvan al repertòri occitan d'aires tradicionals ont lo cant se mesclan als dos pifres e als tamborns.

En fixe o en passa-carrièra, nos convidan a tornar trobar la magia de las fèstas popularas d'un còp èra. Prepausan tanben un repertòri "carnavalesc".

Les latines

Cants tradicionals - Antibes (França)

Aprèp mantuna formacion, Les Latines es uèi un quintet: tres cantairas acompanhadas de doas percussionistas.

Les Latinas cantan la Provença mas de còps tanben l'endacòm mai, dins un tradicional modernizat mercés a las percussions.

Les Mécanos

Polifonias/còrs - Léger (França)

Ligats per una amistat fòrta, los Mecanòs arpentan dempuèi 2017 lo patrimòni oral francés e occitan e cultivan una enveja comuna : se reapropriar dels repertòris regionals dempuèi l'univèrs musical de cadun. Sus scèna, vos obrisson alara las pòrtas de lor talhièr ont s'entremesclan cants de trabalh e de lucha, planhs amoroses, satiras politicas e religiosas, cants a dançar e a beure, totes portats per la cadéncia, roncaira e dançarèla de lors gròssas caissas, tom bassa e autres elements de percussion. Los dètz parelhs de mans manipulan ferralhas e pèls tibadas per ritmar una matèria sonòra polifonica, actuala, sincèra e capleugièra.

Les Mourres de porc

Cants tradicionals - Seta (França)

Los Morres de pòrc, musica setesa de degustar sens moderacion... La vida musicala de Seta es a l'encòp compausada de tradicions ancianas, de manlèus multiples a las mòdas musicalas del moment, d'apòrts de las immigracions divèrsas e de creacions originalas.

Mesclatz autbòi, tamborn, acordeon, banjò, flaüta, guitarra e gròssa caissa, ajustatz una bona dòsa de cançons del fonds tradicional lengadocian vièlh o eissudas de la profusion de composicions setesas en occitan e francés, aquò sus d'aire del biais bel canto, e poiretz tastar la vertadièra tièla musicala dels Morres de Pòrc.

Les Petites Laines

Polifonias/còrs - Ceret (França)

A l'entorn de Perpinhan e de Ceret, quatre femnas de temperament, als percorses diferents, se rescontran.

D'istòrias pichòtas e grandas en catalan, occitan e basc son glenadas dins lo repertòri tradicional dels Pirenèus. Contan las jòias e los plasers de la vida, sas nafraduras e sas penas qu'èran contadas dins los moments de vida quotidiana.

De voses a capella en gèsts intimistas, lo quatuor s'apropria aqueles cants eissuts de la tradicion orala.

Les Souffleurs de Rêve

Musicas de dançar - Seta (França)

A l'origina, es un rescontre: lo d'Alain Charrié (especialiste del autbòi lengadocian, cantaire trad e cabretaire) amb Bernard Toty, acordeonista format a las sorsas des museta melhor, apassionat de ritmes e d'armonia.

Fa quinze ans que percorran lor region lengadociana, la França e per delà, en concèrts e animacion divèrsas.

Les sulfateurs occitans

Fanfaras/espectacle de carrièra - Puisserguier (França)

De còps, son 15, de còps 4, degon las disponibilitats. D'unes grops se rescontran per animar los entre-emponts : Los Romegaires, Tafanari, Goulamas’K, Les Ramoneurs de Menhirs, la farandole biterroise, Rougaï Percus, Los d’Endacom...

Les Troublamours

Fanfaras/espectacle de carrièra - Tarba (França)

La Tadjiguinia es un país imaginari que se materializa a l'agrat dels recampaments de sos ciutadans.

Ambassadors de l'Estat d'Esperit Tadjiguin, Les Troublamours son una fanfara de pòcha que debarca per vos ofrir un boquet d'intencions de tota mena: numèro de tubaprivasat, escopissaire de jòcs, joglaires de mots, e los dos charlatans que destillan lor elexir de la tarantula inimitable.

Les violons de Nedde

Musicas de dançar - Limoges (França)

Jacqueline Boin, Julien Caillaud, Annie Gaulard, Paul Gerbaud, Didier Jude, Pascale Nguyen.

Les Z’hameçons

Musicas de dançar - Villefloure (França)

Aquel grop a-tipicament carcassonés se forma en 1998 a l'entorn d'una certa idèa de la musica festiva (es pas perqué fasem dançar que podem doblidar la prigondor dels tèxtes). Quatre tipes dins un decòr lèu bricolat, que tornan visitar la cançon francesa per vos far dançar sus de ritmes rock, funk, blue-grass, salsa...

Lhi Balòs

Musicas de dançar - Còni (Italia)

Simone Marenchino : clarineta, flaüta, bodega, votz
Daniele Crocchioni : batariá
Michele Bruna : bassa electrica, bassacontra
Ettore Longo : guitarra acostica, guitarra classica
Stefano Bertaina : fisarmonica,còr
Elia Zortea : trombòne

Lhi Jarris

Musicas de dançar - Vernant (Italia)

Lhi Sonaires d’Oc

Musicas de dançar - Vila desconeguda (XX)

Li gai farandoulaire

Espectacle folcloric - Marsilha (França)

Li Gai Farandoulaire es compausat de musicians e cantaires, totes benevòls, qu'an per ambicion de far conéisser Provança, rica de son passat, e de perpetuar las tradicions que ne son los eritièrs.

Li Tanturlas e Lo Titolet

Musicas de dançar - Montpelhièr (França)

Licotissa

Musicas de dançar - Pau (França)

Licotissa (o gormandèr en gascon), qu'ei un duo ancorat en la tèrra gascona, dont lo tec ei la musica de dançar. Mei que mei gromandetas de las divèrsas fòrmas de rondèus, Mathilde e Anne-Lise que's regalan tanben dab plaser d'autas danças, que sian de Gasconha o d'aulhors. Com miardisas, que'vs haràn partatjar lo lor repertòri qui mescla tradicion e composicion e que poderatz dançar a sadorada !

Liza

Divèrses - Avinhon (França)

Artista generosa e multicolòra, Liza marida l'occitan a l'anglés o al francés sus de melodias jazz, mestissadas d'influéncias mediterranèas o celticas.

Lluis Llach

Divèrses - Gerona (Espanha)

Lo Bravédjin sound6tem

Divèrses - Frontinhan (França)

Lo caulet mecanic

Electro/experimental - Bordèu (França)

Lo Caulet Mecanic es un projècte de musica electro-pop imaginat per dos bearneses exilats a Bordèu. Ensajan de mesclar musica occitana, musica de las annadas 60/70 e electrò modèrna.

Lo cepon

Polifonias/còrs - Vence (França)

Lo cèu de Pau

Espectacle folcloric - Pau (França)

Lo Cèu de Pau jòga d'instruments tradicionals de Gasconha: flaüta de tres traucs, tamborin de còrdas, violon, acordeon diatonic, brama-topin, acompanhats de còps que i a per la guitarra.

Culhís dins lo repertòri popular ric dels cants d'amor, dels cants que simbolizan l'estacament dels bearneses a lor país, d'autres que ritmes lo trabalh quotidian o que contan eveniments istorics de la region.

Vivas e leugièras, veire acrobaticas dins la plana, lors danças son lentas e majestuosas dins las valladas de montanhas nautas, çò que balha a l'espectacle un caractèr fòrça diversificat e pas jamai monotòn.

Lo Clapat

Musicas de dançar - Dordonha (França)

Lo grop es compausat de Christophe Célérier e Paul Jochmans que fan tanben partida del gropTalabast. Paul canta e jòga de percussions amb un rebolo( instrument brésilien), Chritophe canta e jòga de violon d'acordeon diatonic. Lo repertòri es tradicional de mantun endreit d'Occitània, coma « Las filhas de Marzac », « lo Rondeu Carnaval », « Dessus lo pont de Lion ».

Lo Cocut

Polifonias/còrs - Clapiers (França)

Lo Cocut, es lo plaser de cantar amassa, naturalament e segon l'umor del moment.>/p>

Lor repertòri? Tota la tradicion, de las cançons mai ancianas a las creacions del sègle 20en, del pur trad al mestissatge.

Lo còr de la plana

Polifonias/còrs - Marsilha (França)

Lo Còr de la Plana, còr de Marselha, son sièis cantaires trepidants acompanhats de percussions e de batecs de pès e de mans. S'adonan a la re-creacion sistematica del patrimòni popular occitan, en cantar dins una fèbre inegalada totes los repertòris, del mai religiós al mai debridat, del mai repetitiu al mai ocasional, e tot aquò, plan sovent, dins lo meteis temps!

Lo Jai

Musicas de dançar - Lyon (França)

Musica tradicionala del Lemosin
Lo grop : Guy Bertrand, Pierre Imbert, Eric Montbel, Christian Oller, Françoise Dague.

Lo Mago de’n Castèu

Divèrses - Niça (França)

An pas de musa, sonque un masc, lo mago, simbòl del grop que los mena ont las nòtas an pas de frontièra. Es atal que, a mai se lo viatge comença a Nissa e i torna amb plaser, las rasigas de Lo Mago d'en casteu son dins totes los territòris, totes los terradors, baste que los menen sul camin del còr dels òmes.

Lo Truc

Cants tradicionals - Còni (Italia)

Lo Truc es una formacion que nasquèt a l'entorn de 2003 amb l'intencion de promòure la musica tradicionala occitana e sas composicions pròpias per una fusion entre los diferents timbres dels divèrses instruments tradicionals. Unisson lo son de la ghironda a lo de la boha e cercan, mercés a l'eclectisme dels tres musicians, a explorar combinasons variadas de sons e d'instruments.