Arnaud Cance

Divèrses - Vila desconeguda (XX)

Son repertòri es emplit de poësia. Utiliza una paleta larga de ritmas e de sonoritats en s’accompanhnant de sa guitarra, de percussions corporalas e de sa loop stacion. Es tanben una votz calorosa que fa passar d'emocion o que derevelha per far dansar !

Aronde

Musicas de dançar - Luc de béarn (França)

Aronde per equilibrar doas identitats fòrtas, d'univers musicals plan marcats : lo de Clémence Cognet e Noëllie Nioulou (Les Poufs à Cordes), e lo de Thomas Baudoin e Romain Colautti (D’en Haut), eissits respectivament dels repertòris tradicionals auvernhats e gascons. Aronde los a fait se mesclar amb estile e sens artifici.

Arpalhands

Musicas de dançar - Colomièrs (França)

Arraya

Polifonias/còrs - Vila desconeguda (XX)

Mai d'annadas qu'aquel grop polifonic passeja son repertòri charnègo als quatre cantons del Sud Oèst e en delà. Una ballada basca costeja un cant traditional occitan, mentre qu'una jota aragonesa avesina un reggae ska catalan…

Arredalh

- Nauta Garona (França)

Arredalh, qu’ei ua amistat de qui comencèc ath pè deth pic de Burat entre dus ahuecats dera memòria dera gent, dera istòria, deras valors, deras tradicions, dera lenga nòsta…

Arvei.T

Electro/experimental - Vila desconeguda (XX)

Vaici doas menas de musica, un pastis que i a gaire se podià quasi pas imaginar. Arvei.T nos cabuça dins un monde bigarats emplit d'una "eroic-fantaisy" esplendida, onte se tustan sonoritats "space-rock" ( Can, Neu, Kraftwerk), e cançons occitanas, tot aquò saupicat d 'una vòtz dei bellas. H. Gauby ( Aquò d'Aqui febrier 2002).

Aquel grop existís pas pus.

Asondar

Divèrses - Vila desconeguda (XX)

« Asondar », es l'aiga que reja dins las valadas e fertiliza nòstras terras. Venèm de Bretanha, del Menerbès, de l’Orient marselhés e de Turquia mediterranenca. Nòstras tradicions vocalas e instrumentalas se son mescladas per crear la primièra partida de nòstre repertòri. Puèi nos sèm inspirats de la tradicion per escriure nòstra musica e nòstras paraulas en occitan e en francés coma un fial que se ligariá a la bobina, de còps que i a, rompuda de la tradicion.
Titouan Billon : votz
Pauline Willerval : violoncèl, gadulka
Gurvant Le Gac : flaüta de fusta
Thomas Lippens : percussions

Asuelh

Divèrses - Montpelhièr (França)

L'enveja d'asuelh, d'anar cap a l'inconegut es un element motur del collectiu Asuelh. Es un encontre a l'entorn de l'improvizacion, amb coma material una instrumentacion acostica de tria : vibrafòne, violoncèla, flaütas, clarinetas e cant.

S'ausisson d'influéncias classicas, jazz, de musica tradicionala, d'eslam. Lo cant pòrta la paraula de poètas occitans coma Max Roqueta, Ives Roqueta, Albin Bonnet, Joan-Iver Roier...

ATAL projècte

Electro/experimental - Vila desconeguda (XX)

Son tres enfarinaires a plen pitre sus l'empont. Un buf reviscolaire e embriagaire. L'autre uèi, endavant e destibat, a la fèsta dels dieusses primièrs.
Xavi Ferré : votz - acordeon
Dominique Dallon : votz - sansonha - maquina
Vincent-Olivièr Gonzalez : bataria - tabla
Adrien Heulin : sonorizacion

Aurea

Cants tradicionals - Vila desconeguda (XX)

Avinens

Trobar - Vila desconeguda (XX)

Jodel Grasset Muriel Batbie Cants de Trobadors

Aquel grop existís pas pus.

Azalaïs

- Vila desconeguda (XX)

Bagad bro Tolosa

Musicas de dançar - Cugnaux (França)

Bal O’Gadjo

Musicas de dançar - Erau (França)

De la musica irlandesa a las musicas tsiganas en passar per la musica tradicionala de França tota, amb totjorn una basa ritmica e de sòlos fòrça marcats pel jazz.

Balaguèra

Polifonias/còrs - Pau (França)

Nomenat d'aprèp lo vent caud que passa al-dessus dels Pirenèus e acompanha las estivas, aquel grop de cantaires joves fa viure lo repertòri del cant polifonic tradicional pirenenc, eritat dels pastres e dels païsans.

De poësias cantadas, ancianas o recentas, qu'exprimisson a l'encòp la passion amorosa, la fèsta e las aspiracions de la joventut gascona.

Balaubois

Musicas de dançar - Nimes (França)

Los musicians de Balaubois s'estacan, en s'apuejar sul caractèr fòrt dels autbòis, lor dinamica e lor sonoritat tan presenta, a basar lor prestacion sus l'energia botada al servici del dançaire.

Son repertòri es centrat sus las musicas de dançar del Lengadòc, mas s'i trapan tanben manlèus a las regions vesinas. Lo violon e l'acordeon joslinhan ritmicament las frasas dels autbòis, per lor permetre de se plegar a las pièjas de la dança.

Banda Sagana

Fanfaras/espectacle de carrièra - Erau (França)

Bàrri nòu

Cants tradicionals - Sant tropèu (França)

L'especificitat de Barri Nòu es dins son biais d'interpretar las melodias per d'adobaments originals emprentats, de còps que i a, d'una certa ardidesa e que lor objectiu es de metre en valor lo patrimòni musical arcaïc.

Barrut

Polifonias/còrs - Montpelhièr (França)

Lo Barrut es nascut del plaser e l'enveja de cantar. Sos membres avian per costuma de marmonejar, canturlejar, zonzonar, escandar, e mastegar d'aires carnavalencs, de melodias tradicionalas, de tèxtes en lenga d'Oc.Es naturalament qu'an subrondat lo desir de fondar un grop centrat a l'entorn de la polifonia, puèi la volontat de se produsir en public : sortir de l'intimitat, faire ausir los cants, articular aquesta lenga dabans de mond. Dempuèi sa primièra representacion en febrièr 2013, Los Barrut a pas acabat de se produsir dins de contèxtes divèrses : festenals de musicas tradicionalas, eveniments ligats a l'educacion populara, scena de musica actuala, domèni viticols, rescontres a l'entorn de la lenga occitana …

Basile Brémaud

- Gard (França)

Es l'un dels melhors especialistas de las musicas tradicionalas d'Auvernha e del Lemosin.

Bassacada

Musicas de dançar - Varennes (França)

Representatiu d'una cultura musicala de Tarn e Garona, Bassacada a la volontat de practicar una musica viva que se pòsca dobrir al mai grand nombre, dins l'esperit de las musicas popularas e tradicionalas de la region.

Lo tataròt que jògan es un autboi que deu bassacar lo public dançaire amb lo violon, las percussions, las flaütas e la guitarra. 5 musicaires que nos ofrisson de descobrir lo terraire dels tarneses e garoneses, vesins del Carcin bas d'ont ven lo grop.

Ba’al

Musicas de dançar - Pirenèus Atlantics (França)

<p>Enrasigats dins los luòcs que lor son cars, crèan lor musica dins aquel espaci ric e tipat qu'es la Gasconha. La simbiòsa energetica dels ritmes de transa populara amb los mai electrics de las boclas electronicas, las vòltas de las espandidas de bohas, los bordons massius, de cants cambiadisses e explosius, las vibracions tradicionalas de la vièla, de flaütas e de tamborin, constituiddon l'univèrs musical del Mystic bal de Gasconha. </p>

Belugueta

Polifonias/còrs - Vila desconeguda (XX)

Polifonia progressiva
Lucie Gibaux,
Charlotte Espieussas,
Lisa Langlois-Garrigue,
Julien Lameiras,
Julien Achiary.

Bendir a Votz

Polifonias/còrs - Marsilha (França)

Bendir a Votz es un grop de cants polifonics magrebo-occitans.

Big Boha Band

Musicas de dançar - Lo mont de marçan (França)

Quand las bohas landesas e las percussions se rencontran, tot es recampat per que la fèsta comence ! Lo dotzenat de musicians de Big Boha Band vos entraïnarà dins una musica de carrièra endiablada ont rondèus e polkas, escottishs e congòs, marchas e mazurkas se mesclaràn, dins un virolet de bona umor. An volgut que lor musica pose sas racinas dins la linhada dels musicians tradicionals e tròbe son expression dins una practica resolgument actuala.

Bilingüe

Cants tradicionals - Vila desconeguda (XX)

Cançon, umor, tchacha, reggae, rapt... tot aquò en francés e en occitan.

Perque parlem pas totes lo parisenc correntament, e que las filhas aiman los òmes bilingües!

Biscam pas

Musicas de dançar - Seta (França)

Musica neotradicionala faita a la man... concèrts, balètis, bal queb'òc...

Blu L’azard

Cants tradicionals - Vila desconeguda (XX)

Lo grop nasquèt en 2013 principalament coma un projècte artistic per l'espendiment de las lengas minorizadas del Piemonte e de lors culturas. Se tracha de recerca, tradicion, composicion e improvisacion.

Boisson Divine

Punk/metal - Gers (França)

Boisson Divine que vadó en 2005 de l’encontre enter lo Baptiste Labenne (Guitaras, baisha, cant, boha…) e l’Adrian Gilles (bateria, cant), repectivament atjats de 14 e 15 ans a Riscla, sus las tèrras hautas deu Gèrs. D’aqueth moment ençà, la volontat de crear composicions personaus qu’i ei. L’estile musicau qu’ei lèu e normaument trobat. Que serà ua mesclanha enter identitat gascona e Heavy Metal. Ua fusion enter tradicion e modernitat, cantada sia en francés sia en lenga nosta.

Bombes 2 bal

Musicas de dançar - Tolosa (França)

Sièis musicians cantaires e dos dançaires que, al còr del public pendent una, dos, tres oras, fan dançar ensem los jovents e los mens joves, en coble, en ronda, en cadena...

Lor balèti es apreciat pels amators de museta coma pels fans de trad, de raggà o d'eskà, mas tanben pels amators de danças de salon, de salsà, de tangò, de rock acrobatic o de dança africana... Es lo vertadièr balèti per totes.