A Tolosa cal anar, esperam faire un bon viatge.
Cal passar per un vilatge que i a un molin de …

Legir tot

A Tolosa cal anar, esperam faire un bon viatge.
Cal passar per un vilatge que i a un molin de vent,
aquí ganharem d’argent.

Dins aquel molin de ven, una polida molinièra,
"diga bèla molinièra, vòls pas logar un vailet
per far virar lo rodet ?

- Quand ieu lògui un vailet, me cordura me petassa,
pren lo blat dins la tremieja e lo met dins lo rusquet,
me far virar lo rodet."

Me convidèt a sopar, per manjar una pola grassa
e de vin a bèla tassa, e pus tard l’aiga vendrà
e lo rodet rodarà.

E lo primièr poton, qu'aguèri de to boca,
Fuguèt tan calorós, que mon alma, de plasér,
Montèt dedins ma boca, …

Legir tot

E lo primièr poton, qu'aguèri de to boca,
Fuguèt tan calorós, que mon alma, de plasér,
Montèt dedins ma boca, daissant coma una soca,
Mon còs abandonat, tot assecar, valiái pas res.

Aquò me fa venir craba, aquò me fa capvirar,
La calor que l'un me balha, l'autre la me ven tirar.
Aquò me fa venir craba, aquò me fa capvirar,
Tos potons coma una bala, me fan plan rebombelar.

E lo segond poton, qu'aguèri de ta boca,
Fuguèt tan calorós, que me rabinèt lo pòt.
Man alma, dins ma boca, churlupèt a la sorga,
E vaquí la calor que me davala dins lo còs.

Aquò me fa venir craba...

E lo tresen poton, qu'aguèri de ta boca,
Fuguèt tan calorós que mon alma s'esglasièt.
Aquela calorassa, la tresmudèt en glaça.
Davalèt dins mon còs e tornamai me lo torrèt.
Aquò me fa venir craba...

E lo quatren poton, qu'aguèri de ta boca,
Fuguèt tan calorós que mon alma se quilhèt.
E d'aquela calor, lo còs se reviscola.
Tant de caud e de freg que mon alma s'enrauquèt.

Aquò me fa venir craba...

Adieu l’amor la bruna a la guèrra me’n vau
A la guèrra me’n vau dedins l’estrangièr,
per culhir lo laurièr …

Legir tot

Adieu l’amor la bruna a la guèrra me’n vau
A la guèrra me’n vau dedins l’estrangièr,
per culhir lo laurièr la flor d’irange.

Me’n vau un jorn en vila véser se’n trapi cap,
véser se’n trapi cap d’aquelas filhas,
qu’elas m’agradan tan quand son polidas.

Amont ne’n trapi una faita a mon agrat,
faita a mon agrat e ieu a n-ela ;
la preni per la man me’n vau amb ela.

Me’n vau mandar sa maire se me la vòl donar,
se me la vèol donar o que’n vòl faire
la prendrai dins son lèit viurà a son aise.

Sa maire fa response que n’avián pas de lèit,
que n’avián pas de lèit, ni mai de restas
e ni mai pro d’argent per far la festa

Ongan es pas annada i’a pas agut de blat,
i a pas agut de blat, de milh per vendre
e ieu m’en foti que siasque mon gendre.

Adieu-siatz ma maire, me veiràs pas pus,
Que me'n vau dissabte o benlèu diluns.
Macarèl de DIeu ! Sèm tirats …

Legir tot

Adieu-siatz ma maire, me veiràs pas pus,
Que me'n vau dissabte o benlèu diluns.
Macarèl de DIeu ! Sèm tirats al sòrt.
Deman de matin benlèu serem mòrts.

Tota la joinessa, la flor del vilatge
Se'n va guerrejar, se far traucar la pèl.
Aquò's totjorn per nautres,
Gojats de mon atge,
Contra la joinessa, segur cargarem.
Macarèl de Dieu !...

Ai pas lo coratge de copar mas dents
Que per la refòrma òm ditz que ba cal faire.
Ai pas lo coratge de trencar mon det,
Téner lo fusilh, ba poiriái pas faire.
Macarèl de Dieu !...

Ai pas de moneda, soi filh de paisan,
Ai pas cap d'argent
Per crompar un fonccionari.
Sonque los borgeses se fan remplaçar,
Soi filh de paisan al front me vau far jaire.
Macarèl de Dieu !...

Passarem la nuèit benlèu la darnièra,
Chucarem ensemble tot çò que poirem.
Qu'un brave bordèl metrem per la carrièra !
Lo vin al barral ba churluparem
Macarèl de Dieu !...

Fringarem las filhas, prendrem de calor,
Ieu cercarai pas, qu'ai çò que me cal.
Avant que d'anar sul camin de dolor,
Ara, ma polida m'espèra a l'ostal.
Macarèl de Dieu !...

Adieu Margarida, adieu mas amors,
Me'n vau a la guèrra, benlèu per totjorn.
Benlèu tornarai e t'esposarai,
Serai general o tanplan marchand d'alh
Macarèl de Dieu !...

Aquel va a l'aiga, aquel va al vin,
Aquel fa la sopa, aquel la manja tota.
Aquel va a l'aiga, aquel va al vin,
Me'n vau a la guèrra pas tu riquiqui.
Macarèl de Dieu !...

A l'ostal de la Carmela,
rom badarom badarom bambà
ne volián pas de la guerra, rom badarom badarom bambà
mas …

Legir tot

A l'ostal de la Carmela,
rom badarom badarom bambà
ne volián pas de la guerra, rom badarom badarom bambà
mas causir ta Republica Ai Carmela ! Ai ! Carmela !

Coma disiá to grand fraire, rom badarom..
a la dolor de ta maire, rom badarom...
« viure liure o morir » Ai ! Carmela...

Te ne siás fait una fèsta, rom badarom...
la caliá anar defendre, rom badarom...
la revolucion sociala Ai ! Carmela...

A vint ans siás imortala, rom badarom...
a ne desplegar tas alas, rom badarom...
e l'escampar dins la guèrra. Ai ! Carmela...

Lo mes de mai sus la plaça, lo davantal plan propret,
Carmelita se deslassa, lo repais dins lo fornel.
4 o 5 vièlhs dal vilatge charran un plan curiós francés
dedins l'ombrum dal platanièr.
Los pichons a bicicleta passan per te potonar.
Dal país sías la Mameta. Totis aquí per t'aimar !
An creissut luènh de la guèrra, pòdon pas imaginar...
Dedins l'ombrum dal platanièr.

Siagues soldat o joventa, rom badarom...
pòdon tirar sens vergonha, rom badarom...
sus la flor de ta joinessa. Ai ! Carmela...

Passaràs entre las bombas, rom badarom...
Per malur seriás tombada, rom badarom...
d'autras se serian quilhadas. Ai ! Carmela...

Te mercejan los cantaires, rom badarom...
que coneisson pas 1a guèrra, rom badarom...
ta cançon la tenèm fièra Ai ! Carmela...

Arri ! arri ! de la sal,
que deman serà Nadal,
ne beurem de bon vinet
dins la tassa de …

Legir tot

Arri ! arri ! de la sal,
que deman serà Nadal,
ne beurem de bon vinet
dins la tassa de Joanet.

Joaneton sautèt dins l’òrt,
i trobèt un ase mòrt,
de la pèl faguèt mantèl
e d’un òs un caramèl

Repic :
Arri ! arri ! cavalier
de Castras a Montpelhier,
de Montpelhier a Marselha,
i tirarem l’aurelha,
de Marselha a Pesenàs,
i tirarem lo nas,
de Narbona a Espezèl,
i tirarem lo pèl.

Sauta, sauta, mon còr sauta,
la rojor ven a ma gauta,
e lo fuòc a mon cervèl,
mai s’eiriça tot mon pèl.

Lo rossin pica a la prada,
la femna d’amr es fada,
e lo falset s’espremís,
la lebre fa son camin.

Repic

Vira te ròda de luna,
ronda, la vida revoluma,
vira molin vira rodatge,
ringa ! ranga ! rin ! (bis)

Ripa rapa, ribon ribaina,
ronda la vida, rodèla l’amor ;
Ronda la vida cadun revoluma,
qual portarà (ter)
Ton amor, totjorn ?

Ieu sabi una cançon, miladieu ! Ieu sabi una cançon, (bis)
tota plena de messorgas latom patatom, tota plena de …

Legir tot

Ieu sabi una cançon, miladieu ! Ieu sabi una cançon, (bis)
tota plena de messorgas latom patatom, tota plena de messorgas.

Se i a cap de vertat, miladieu ! Se i a cap de vertat,
me’n rosegui las onglas latom patatom, me’n rosegui las onglas.

Manèri al mercat, miladieu ! Manèri al mercat,
lo monde se’n tornavan latom patatom, lo monde se’n tornavan.

Crompèri un caval, miladieu ! Crompèri un caval,
fuguèt una sauma sorda latom patatom, fuguèt una sauma sorda.

Balalin ! balalan ! las campanas de Sant Joan !
Qui las sona qui las sona ?
Lo riton de Carcassona,
lo corbàs sona lo clas,
la femna longa farà la tomba,
l’òme pelut farà lo taüc !
Balalin ! Balalan !

Crompèri un sac de bren, miladieu ! Crompèri un sac de bren,
fuguèt un sac d’estopa latom patatom, fuguèt un sac d’estopa.

Li meti en davant, miladieu ! Li meti en davant,
me la filava tota latom patatom, me la filava tota.

Li planti un pal pel cuol, miladieu ! Li planti un pal pel cuol,
sortiguèt una forca latom patatom, sortiguèt una forca.

Se i a cap de vertat, miladieu ! Se i a cap de vertat,
me’n rosegui las onglas latom patatom, me’n rosegui las onglas.

Cantèri quand èri lo ser a ta fenèstra.
Tombèt lo lintèl, m'espotiguèt la tèsta.
Cantèri quand èri quilhat sus la …

Legir tot

Cantèri quand èri lo ser a ta fenèstra.
Tombèt lo lintèl, m'espotiguèt la tèsta.
Cantèri quand èri quilhat sus la paret,
tombèt la paret, tot aquò s'arroinèt.
lo lintéI de rafanèt, la paret qu'èra pas neta.
Aquí davant aquí darrièr Aquí tocant aquí tenent
Òai ! Maman ! de l'ostal es la cançon
Òai ! Maman ! una cançon sens maçon
Òai ! Maman ! es la cançon de l'ostal
La cançon de l'ostal industrial.

Cantèri quand èri lo ser davant ta pòrta.
Tombèt lo chambràn, m'espotiguèt la clòsca
Cantèri quand èri bandat coma un colhon
tot se fissurèt e tombèt lo balcon
lo chambran qu'èra branlant, lo balcon paure colhon,
lo lintèl de rafanèl, la paret qu èra pas neta.
Aquí davant …
Òai ! Maman !

Cantèri quand èri lou ser dins ta cousino
Tombèt la sartan, m'espotiguèt l'esquino
Cantèri quand èri montant ton escalié
Tombèt lou cantaire dau segond au proumié
la putan de sartan, l'escalié qu'èro de papièr,
lou chambran qu'èro branlan, lou balcon paure couioun,
lou lintèu de rafanèu, la muraio que trantaio.
Aquí davans …
Òai ! Maman !

Crèbi de set, vòli pas d'aiga ! Crèbi de set, vòli ben de vin.
Traulalé !Traulalé lalalelalelà ! Crèbi de …

Legir tot

Crèbi de set, vòli pas d'aiga ! Crèbi de set, vòli ben de vin.
Traulalé !Traulalé lalalelalelà ! Crèbi de set, vòli ben de vin.


Crèbi de caud, vòli pas d'aire ! Crèbi de caud, vòli de vin blanc
Traulalé !...

Crèbi de freg òu ! Que me pèli ! Crèbi de freg, la calha me cal
Traulalé !..

Crèbi d'amor, vòlil pas d'ela ! Crèbi d'amor, me cal empegar.
Traulalé !

Dancem la retira, mia, dancem la retira.
E retirem nos quand es l'ora totes dos.

Dancem la potona, mia,... e …

Legir tot

Dancem la retira, mia, dancem la retira.
E retirem nos quand es l'ora totes dos.

Dancem la potona, mia,... e potonem nos...
Dancem la caressa, mia,...E caressem nos...

E se te pren, l'enveja d'anar mai luènh
Que las promessas de l'amor
Que tot aquò pòt pas durar longtemps,
E se te pren, l'enveja d'anar mai luènh
Dins lo bartàs nos anirem.

[Còbla en arab]

Dancem l'acocona, mia,... Acoconem nos...
Dancem la congosta, mia,... E congostem nos...
Dancem la borrona, mia,... Desborronem nos...

E se te pren...
Dancem la pivela, mia,... E pivelem nos...

Demain Marie s'envolera vers
Les Canaries ou le Cap Vert.
Avec son pinson ? Mais non ma soeur,
Juste un …

Legir tot

Demain Marie s'envolera vers
Les Canaries ou le Cap Vert.
Avec son pinson ? Mais non ma soeur,
Juste un petit bouquet de fleurs
Et son amiral domestique,
Un amiral en mal de mer et d'Atlantique.
un amiral très pacifique,
Rêvant d'indiens rouges et de vent.

Indiens pirogues qui voguent voguent,
Vers le levant, vers le levant,
Sur un océan de détresse,
Indiens haletant leur pagaies,
Sueur de mer salant leurs tresses.
Tout cela ma soeur n'est pas gai.
Et le coeur de Marie sourit...

La mar, l'amor, la mòrt e l'amarum,
S'as besonh de sentir lo salabrum,

La mar, l'amor, la mòrt e l'amarum,
Te cal préner lo larg, e n'i a pas qu'un.
Es de la mar que nautres sortissem.
Benlèu es per aquò qu'i passam
Tant de temps,
Plan quichats a la plaja, l'estiu venent,
Demoram a l'espera del grand enguliment.

La mar, l'amor...

È ! Ortalan ! Dança dejós la trelha !
È ! Ortalan ! Dança sens t'arrestar !

Dins lo Miègjorn, …

Legir tot

È ! Ortalan ! Dança dejós la trelha !
È ! Ortalan ! Dança sens t'arrestar !

Dins lo Miègjorn, de rasim e d'amor,
Fasèm bèla culhida.
Dins lo Miègjorn, de rasim e d'amor,
Se'n culhirà totjorn.
È ! Ortalan !...

Lo vin novèl canta dins lo vaissèl,
La vendémia acabada.
Lo vin novèl canta dins lo vaissèl,
L'imne de Sant Miquel.
È ! Ortalan !...

Vaquí lo most que pèga los artelhs,
La semal emplenada.
Vaquí lo most que pèga los artelhs,
Lo bon chuc de gavèl.
Es arribat, un còp tot acabat,
Lo jorn de la solenca.
Es arribat, un còp tot acabat,
Lo grand jorn de sabat.
È ! Ortalan !...

Es contra ta pèl e son odor,
Que me pagui lo viatge sens retorn?
Quora m'embraças dins la barcassa,
Dins …

Legir tot

Es contra ta pèl e son odor,
Que me pagui lo viatge sens retorn?
Quora m'embraças dins la barcassa,
Dins la barcassa de tos dos braces,
Qun auratge, quna tempèsta, seriái prèst a afrontar !
Quora m'empòrtas dins la barcòta,
Dins la barcòta de tas popetas,
Qun corrent e contra subèrna, seriái prèst a remontar !
Es contra ta pèl...

Podes sospirar, podes bufar,
Podes emplenar mas velas,
Mon mat es tibat e se coparà pas.
Es contra ta pèl...

Quora m'embraças dins la barcassa,
Dins la barcassa de tos braces,
De còp de mar en còp de mar,
Tranquilon vau barquejar.

Quora m'empòrtas dins la barcòta,
Dins la barcòta de tas popetas,
Perdut al mitan de las vagas,
D'aquí vesi lo cèl grand.
Es contra ta pèl...

Escota me plan tu mainatge de la tèrra,
Escota me plan gafet de viva sason.
A tu de causir dins …

Legir tot

Escota me plan tu mainatge de la tèrra,
Escota me plan gafet de viva sason.
A tu de causir dins l'amor o la colèra,
Cossí parlaràs, lenga de viva color.

Ont as fotut ton messatge ?
L'as perdut, es plan domatge,
Escampat dins qun viatge ?
Benlèu que ton repapiaire es rompue.
Ont as fotut ton messatge ?
L'as perdut, es plan domatge,
Escampat dins qun viatge ?
Benlèu que non es pas fotut.

I a ges de país, cap d'estat ni de frontièra,
Que pòsca arrancar las somessas de l'amor.
Ges de gat pelat, cap de monde, cap de sèrras,
Que pòsca chapar mirga de tota color.

Ont as fotut ton messatge...

Escota un pauc aquela istória, aquela istòria d'un capborn.
Cercava de petròli tilalé lalala lalalé.
Era un cafetièr d'aicí. Un …

Legir tot

Escota un pauc aquela istória, aquela istòria d'un capborn.
Cercava de petròli tilalé lalala lalalé.
Era un cafetièr d'aicí. Un cafetièr, fasiá mestièr,
a tota la joinessa tilalé...

Fasiá son burre coma aquò, mas aquò li bastava pas.
S'es fotut dins la pinha que las montanhas d'en pr'aquí, de Ròca-Cava a Sebelin,
rajavan lo petràli titalé ...

I pòs anar, amont aval, pas un endrèit qu'a pas cavat.
Vironèt la montanha tilaté...
Se vesiá ja lo borsicòt, lo borsicòt confle d'argent.
Nabab de son vilatge. tilalé...

Puta de joves dal país ! Creson pas mai al paradís.
Aiman la trufarèla tilalé..
A cada còp dins cada trauc, dins cada trauc d'aquel paurèt,
de mazot escamperon tilalé...
Aquel l'an fait venir capborn, venir capborn d'aquela odor.
Coma un gos ne virava tilalé...
E lo dimenge de matin, al cafè venián per l'ausir,
contar sa farfantelatilalé ...
« Soi pas fadòli, ba sentís : i a de petròli d'en pr'aquí »
Lo monde s'espetava tilalé...
An contunhat, el de cavar, e la joinessa d asagar.
Aquà durèt d'annadas titalé...

wallo ! wallo ! petrol'wallo !
wallo ! wallo ! meqhen'wallo !

(Aquel èra pas de Dubai, mas de Ferrals, dins Montanha Neèra. Viviá amont dins las annadas 50. Es son istòria vertadièra que nos contèt le monde dal vilatge.)

La galina d'amont se la peta d'amont.
La galina d'aval se la gaita d'aval.

« Òu! Galina d'amont ! As …

Legir tot

La galina d'amont se la peta d'amont.
La galina d'aval se la gaita d'aval.

« Òu! Galina d'amont ! As totjorn lo melhor.
Aguí dins lo redol de tu parlan pertot.
- Òc !Galina d'aval ! Es aquò que me cal.
Soi a me pavanar, me prèni per lo gal. »

La galina d'amont se la ...

« Òu ! galina d'amont !Sòmi dempuèi totjorn
de venir a mon torn la galina d amont.
- Òc ! galina d'aval l'ase, quand vòl cambiar,
ambe de volontat pòt pas venir chaval. »

La galina d'amont se la ...

E caga, caga, caga, la galina d'amont
Aquò tomba pas jamai d'aval cap amont.
E paura, paura, paura, galina d'aval !
Aquò tombarà totjorn d'amont cap aval.

La galina d'amont se la ...

Al temps d'en primièr, quand la bèstia faleta
monarcava sus tot per la ferocitat (bis)
s'enlairèt vitament una gaia lauseta …

Legir tot

Al temps d'en primièr, quand la bèstia faleta
monarcava sus tot per la ferocitat (bis)
s'enlairèt vitament una gaia lauseta
e d'aquel vòl ardit nasquèt la libertat.

Un jorn dos mainatjons, dins lor breça mofleta,
dos fruches de l'onor de la maternitat
faguèron en risent se fregar lor boqueta
e lor cant de potons faguèt fraternitat.

Quand l'òme aurà vencut totas las tiranias
lo drech ferme a son punt gardant la veritat
e per totjorn plan luènh de l'ambicion cobesa
veirem coma un solelh lusir l'egalitat

Ieu me’n vau a la fièra, la fièra de Lonzac
Non i vau pas per vendre e ni mai per …

Legir tot

Ieu me’n vau a la fièra, la fièra de Lonzac
Non i vau pas per vendre e ni mai per crompar.

Nos anirem leugièr leugièr, nos anirem leugièrament.

Non i vau pas per vendre e ni mai per crompar.
Vau véser l’amic Pèire mon amic de longtemps.
Nos anirem …

Vau véser l’amic Pèire mon amic de longtemps.
Aviá pescat de ranas ne vendre voliá ben.

Aviá pescat de ranas ne vendre voliá ben.
« Adieu mon amic Pèire cossí va lo business ?

« Adieu mon amic Pèire cossí va lo business ?
-Aquò marcha pas gaire que i a pas que d’Anglés. »

Dimars que ven, portarai de rafatalhas
aquò conven per aquela toristalha
Dimarts que ven, tornarai a la fièra
tot simplament finta las estrangièras.

Mentre que l’escotavi, lo rire que me pren.
« Siás solet a pas faire business amb l'Anglés !

« Siás solet a pas faire business amb l’Anglés !
Arrèsta de rire, fariás parlar las gents.

Dimars que ven ...

Arrèsta de rire, fariás parlar las gents.
Òu ! Que parlen que diguen totjorn nos aimarem.

Dimars que ven ...