Se’n anèron maire e filha
Per anar segar lo blat.
A la primièira gavèla
Rencontrèron lo gojat.
Segavan, ligavan, lo …

Legir tot

Se’n anèron maire e filha
Per anar segar lo blat.
A la primièira gavèla
Rencontrèron lo gojat.
Segavan, ligavan, lo dròlle,
Segavan, ligavan lo blat. (bis)

A la primièira gavèla
Rencontrèron lo gojat.
La maire ditz a la filha
Ieu ne vòle la mitat.

Cal anar trober lo jutge
Per plaidejar lo gojat.

Adieussiatz Monsur lo Jutge
Emai Monsur l’Avocat.

Sèm aicí maire e filha
Per plaidejar lo gojat.

Tornaretz dins tres setmanas,
Lo procès serà jutjat.

Au bot de las tres setmanas
Lo procès siaguèt jutjat.

A la maire la gavèla
A la filha lo gojat.

Lo diable empòrta lo jutge
Emai Monsur l’Avocat.

Ma filha qu’èra joineta
Auriá trobat un gojat.

E ieu paura vielha rança
Ieu ne trobarai pas cap.

Ieu l’ai perdut lo secret mon amic
Aval al fons de la prada (bis)
Ieu l’ai perdut un ser d’estiu …

Legir tot

Ieu l’ai perdut lo secret mon amic
Aval al fons de la prada (bis)
Ieu l’ai perdut un ser d’estiu
Subre l’èrbeta a la broa d’un riu
Ieu l’ai perdut un ser d’estiu
Ambe l’amic Bertoimiu.

Tenguent tenguent
Vai tenguent tenguent
Çò que te balha
Tornar mai lo te pren (bis)

Que que fagas que que …

Legir tot

Tenguent tenguent
Vai tenguent tenguent
Çò que te balha
Tornar mai lo te pren (bis)

Que que fagas que que digas
Que ne ploras o que ne rigas
Dins la vida o sabèm
Es totjorn tenguent tenguent
I a pas cap d’accions gratuitas
Tot se cròmpa, tot s’aquita
Çò que te balha d’una man
De l’autre lo te tòrnan panar.

Ieu d’exemples sens messorgas
N’i a un plen ponh dins la cogorda
Se vòls te’n pòdi servir
D’aquí fins a deman matin
En prumièr aquò’s la vida
Que te balhan dins una crida
E quand començas de l’acostumar
D’un còp la te venon desrabar.

Finta cossín fan amb las bèstias
Per lor far endurar lo cabestre
I te balhan un talhon de pan
Mas que se vòlgon daissar dondar.
A l’escòla o dins las familhas
Emplega aquela pedagogia
Se vòls èsser recompensat
Deves far plèti paure gojat

E quand siás dins la vida activa
Es la meteissa filosofia
Se vòls amassar de bons punts
Cal pas jamai faire de fum.
Cal totjorn far alegencia
Totjorn plan estacar la cencha
Cal pas far de reboladís
Se vòls anar al Paradís.

Dins lo mitan de la politica
S’usa tanben aquela pratica
Angues pas veire lo deputat
Se jamai l’ajas pas portat
Sens comptar causa segura
Topins de vin e falsas facturas
Dins los partits o al gobernament
Coneisson plan lo tenguent tenguent

Los banquièrs an de mèl en boca
Tant qu’òm met d’argent dins la copa
Mas qu’ajas un pichon descobèrt
E te venon plumar coma un vèrm
Quant a l’amor o cal ben dire
Es pas una partida de rire
Se vòls aver de contentament
Cal far tanben tenguent tenguent.

Tres filhas a l’èrba se’n van (bis)
Un veuse li passèt davant
La li la la, la falaridà
J’aime ici, …

Legir tot

Tres filhas a l’èrba se’n van (bis)
Un veuse li passèt davant
La li la la, la falaridà
J’aime ici, j’aime là, la falaridà.

"Veuse qué regardatz-vos tant
- Regarde vòstre bèl davant

- Veuse lo regardetz pas tant
Que per aquò non l’auretz tant.

Ai, ai, ma maire sabètz pas
Mon paire me vòl maridar.

- Ma filha qual te vòl donar ?
- Aquel veuse que passa la !

- Ma filha non lo prengas pas
Prengas pas un blat espolsat

Pren-lo florit e plan granat
Que l’òm pòsca portar al mercat.

Que ton argent serà comptat
De pèças o de sòus marcats.

De pèças o de sòus marcats.
O de denièrs o de patacs."

Un lo perfum
Dos lo bon gost
Tres ai pas paur de res
Quatre se cal batre
Cinc manja de …

Legir tot

Un lo perfum
Dos lo bon gost
Tres ai pas paur de res
Quatre se cal batre
Cinc manja de rasim
Sièis monta sul cerièis
Sèt la branca se copèt
Uèch lo fabre la petacèt
Nòu cura l’uòu
Dètz vai-te’n veire s’es cuèch
Onze vai te rescondre
Dotze pren la cabra e vai-la mólzer !

Pertot ont i a de belugas
I a un fuòc per se calfar
E pertot ont i a de brugas …

Legir tot

Pertot ont i a de belugas
I a un fuòc per se calfar
E pertot ont i a de brugas
I a d’abelhas per furgar
Pertot ont i a de besucas
I a de jòcs a desligar
E pertot ont i a de murgas
I a un cat per las velhar
Pertot ont i a una vinha
I a d’esper a vendemiar
Pertot ont i a una linha
I a un punt a transgressar
Pertot ont i a una cima
I a de ròcs a escalar
E pertot ont i a de rimas
I a un poeta per trobar.
Pertot ont i a de nivolas
I a de vent per las butar
E ont i a de cimborlas
Un tropèl a acampar
Pertot ont i a de fribola
I a un estiu a machugar
E pertot ont i a d’amoras
Un bartàs per se fissar.
Pertot ont i a de suspresa
I a de plaser a esperar
E ont i a de fortalesas
I a d’airals per espiar
Pertot ont i a de saviesa
Un conselh a demandar
E ont i a de belesa
I a un poeta per somiar.

Pertot ont i a un clar de luna
I a de fadas per dançar
E ont i a una encluma
I a un fabre per tustar
Pertot ont i a de gruma
Un gavian per se daurar
E ont i a de fortuna
Una ròda a far virar
Pertot ont i a de pintrura
I a un pincèl per dessenhar
E ont i a d’aventura
Un eròi per s’engatjar
Pertot ont i a de clausuras
De vergonha a amagar
Pertot ont i a d’impostura
I a un poeta per cridar.
Pertot ont i a de musica
I a de jòia a partejar
E ont i a de pratica
Un mercat a engimbrar
Pertot ont i a l’America
De risquesas a panar
E ont i a de politica
D’electors a engarçar
Pertot ont i a de granissa
I a de pèrdias a plorar
E ont i a de parladissa
D’idèias a escambiar
Pertot ont i a de randissas
I a d’ausèls per anisar
E ont i a d’injusticia
I a un poeta per lutar.

Pertot ont i a de dentèla
I a una man per la tocar
E ont i a de pimparèlas
I a un ramelet de far
Pertot ont i a de candèlas
I a una nèit a esclairar
E pertot ont i a d’estèlas
I a de mondes a explorar
Pertot ont i a de cocordas
I a d’estruments a fabricar
E ont i a una gorga
I a de peis per cabussar
Pertot ont i a una sorga
I a un uèlh per agachar
E ont i a de messorgas
Un poeta per denonciar
E ont i a de caravanas
I a un desèrt de traversar
Pertot ont i a de milgraba
I a de sòmi a saufinar
Pertot ont i a de campanas
I a e còrdas a tirar
Pertot ont i a de cabanas
I a d’amor a recaptar
Pertot ont i a de mudança
De costumas a cambiar
Pertot ont i a de vacanças
I a de temps per landrejar
Pertot ont i a de romanças
I a d’istòrias a escotar
Ont i a de desperança
I a un poeta per plorar.