La galina per dinnar
Picassava un troç de pan
Picòtin picòtà
Leva la coèta e puèi se’n va

Legir tot

La galina per dinnar
Picassava un troç de pan
Picòtin picòtà
Leva la coèta e puèi se’n va

Un boton sus lo blat rossel dobris la rauba de l’espiga

Ont lo sorelh golard se nega dins un forfolhadis …

Legir tot

Un boton sus lo blat rossel dobris la rauba de l’espiga

Ont lo sorelh golard se nega dins un forfolhadis de mèl

Puèi una goteta de sang perleja sus l’aur e lo vent se la bèu d’una boca cauda

Galineta catarineta lo mèu det es una erbeta

Que se planta dins lo cèl un punt roge cor d’aucèl

Un punt blanc per cabucèl un punt negre per solelh

Camin tord e camin drech vai t’en sens pissar al lièch

Dins la pauma de la man ai una luzeta verda

Que s’aluca e s’escantis amb la primièra estela

Dins la …

Legir tot

Dins la pauma de la man ai una luzeta verda

Que s’aluca e s’escantis amb la primièra estela

Dins la pauma de la man ai una luzeta roja

Que roiga coma la brasa la nuoch que vol m’embarrar

Dins la pauma de la man ai una luzeta blausa

Que dança amb totas las filhas dins las ersas de la mar

Dins la pauma de la man ai una luzeta blanca

E dins sa rauba de novia aqui ièu voldrià dormir

Es la maire Miquèl qu’avià perdut son cat
Cridava al fenestron per lo faire tornar
Mas tre que l’a sachut …

Legir tot

Es la maire Miquèl qu’avià perdut son cat
Cridava al fenestron per lo faire tornar
Mas tre que l’a sachut lo paire Lustucru
Diguèt maire Miquèl lo cat es pas perdut

Sus l’èr del tra la la la (bis)
Sus l’èr del traderiderà e tra la la

Es la maire Miquèl qu’alara a demandat
Lo cat es pas perdut es que l’avetz trobat
Lo paire Lustucru alara a respondut
Se me donatz quicòm lo cat serà rendut

Es la maire Miquèl qu’alara a declarat
Se me rendetz lo cat me podretz embraçar
Lo paire Lustucru d’aquò n’a pas volgut
Diguèt per un lapin lo cat serà vendut

Lo jorn que tornarà la prima e mai lo polit mes de Mai
Quora sautarem la rondissa que barr entre …

Legir tot

Lo jorn que tornarà la prima e mai lo polit mes de Mai
Quora sautarem la rondissa que barr entre mar e montanhas
Los pòrtas de nòstras presons
Aquí començarem lo conte, aquel qu'arrestava lo temps,
Quora m'aimavas e que t'aimavi e te sonavi per ton nom
Un òme fiula, una guitarra, e mai luònh un acordeon,
L'astrada es longa, una cançon que ne sabi pas las paraulas.
Mas perque monta dins ma cambra aquela femna pèl desfach,
Que me demanda de dançar e que coneissi pas encara
Dins aquel vespre sense nom ; la musica es a tot lo mond.

Es pas qu’un peis de ferre blanc qu’a pas jamai nadat dins l’oli

Autrament que closca copat e graissat coma …

Legir tot

Es pas qu’un peis de ferre blanc qu’a pas jamai nadat dins l’oli

Autrament que closca copat e graissat coma una sarralha

Acaba virat a la claù rastel asclat dins la tripalha

A mon braç i a una serp de pel long coma una filha

Que de son cos plegadis tot mon …

Legir tot

A mon braç i a una serp de pel long coma una filha

Que de son cos plegadis tot mon sang entortovilha

A la calor de mon cor i a un nis grand coma un ort

E me ven ras de la boca una fam bauja de pomas

La vaca ritz dins son cap en triangle a vos balhar d’envejas de fromatge

Sus de liscas de pan micut …

Legir tot

La vaca ritz dins son cap en triangle a vos balhar d’envejas de fromatge

Sus de liscas de pan micut n’i a que dison que la vaca a quatre patas

E manja d’erba e que se ne tira de lait a l’ora ont passan los trens

Cal pas confondre amb lo taure qu’es una bestia d’oroscope

Aval a la ribeira i a una richa maison
Tota blanca e de peira es la de Joaneton.

Es partida …

Legir tot

Aval a la ribeira i a una richa maison
Tota blanca e de peira es la de Joaneton.

Es partida a la vila dins l'administracion
La fenèstra es tampada e lo camin peirós.

Pas degus al vilatge, país abandonat,
Un país de caumatge es un país tuat.

Lo vent del nòrd i canta una trista canson
Ont es la farandòla que fasiá Joaneton ?

Ara qu'es revenguda i a de flors dins lo camp
La fenèstra es doberta e lo camin es blanc.

Lo vent marin i canta una bela canson
Aquò's la farandòla que mena Joaneton.

Aval a la ribeira i a un polit ostal
Dimenge serà festa i farem carnaval.

Repic :
Ò Leila dau Kurdistan ieu te mande aquel cant
D’un cantaire occitan

L’amor l’ai somiat tant de nuòchs …

Legir tot

Repic :
Ò Leila dau Kurdistan ieu te mande aquel cant
D’un cantaire occitan

L’amor l’ai somiat tant de nuòchs l’ai pregat tant de còps
Dempuèi que siòi pichòt
L’amor tant de còps desirat tant de jorns esperat esperat
L’amor meravilhós amor e impossible amor òc l’amor

L’amor l’ai cercat dins tos uòlhs l’ai cridat dins la nuòch
L’ai trobat dins ton còr
L’amor sus ta boca de mèl e sus l’aur de ta pèl de ta pèl
L’amor meravilhós amor e impossible amor òc l’amor

L’amor una cançon d’aucèl un cant doç e novèl
Que monta dins lo cèl
L’amor rotge coma la sang de ton ferotge amant ton amant
L’amor meravilhós amor e impossible amor òc l’amor

Lengadòc batalhièr e Provença qu’encanta
“Lengadòc que combat e Provença que canta” *
Provença e Lengadòc dempuèi totjorn vesins
Dempuèi …

Legir tot

Lengadòc batalhièr e Provença qu’encanta
“Lengadòc que combat e Provença que canta” *
Provença e Lengadòc dempuèi totjorn vesins
Dempuèi totjorn vesins totjorn desseparats pas jamai desunits
Provença dei montanha e Provença marina
Provença de Camarga e di gent de bovina
Lo Ròse flume grand brigalha pas lo còr
Brigalha pas lo còr ni mai lo roge e l’aur e pas mai l’estrambòrd

Lengadòc e Provença dempuèi lo premièr jorn
Lo reiaume de França vos dèu lo mòt Amor
Lengadòc e Provença terra de Trobadors
Rasigas e mantenença son per donar de flors

Lengadòc rebossièr Provença cantarèla
Lengadòc tant secret e Provença tant bèla
Segur siatz pas parièrs mai segur siatz enfants
Mai segur siatz enfants d’un pòble qu’es en trin de fargar son deman
Provença au nom secret d’una tèrra d’Empèri
Lengadocian que siòi i a tant de temps qu’espèri
“Dis Aups aus Pirenèus”* te poder retrobar
Te poder retrobar te poder regardar e te poder gardar

Lengadòc e Provença dempuèi lo premièr jorn
Lo reiaume de França vos dèu lo mòt Amor
Lengadòc e Provença siòi vòstre trobador
Lengadòc e Provença vos aimarai totjorn

*Citacions de Frederic Mistral

La garriga e la mar l’estanh lo mont Sant-Clar
Los te voldriau donar per careiçar ta man
L’auba de cada …

Legir tot

La garriga e la mar l’estanh lo mont Sant-Clar
Los te voldriau donar per careiçar ta man
L’auba de cada estieu l’aiga de tot un rieu
Tot çò qu’ai de mai car per careiçar ta carn

T’escrive dau costat de la camarga
Cresiau pas que la mar era tant larga

Lo rore e l’atmelier la vinha e l’arbosier
Los te voldriau donar per careiçar ta man
La canson d’un gabian lo fuòc dins la sartan
Lo regard d’un enfant tot çò qu’aimavas tant

L’estèla e lo soleil las nivols e lo cèl
Los te voldriau donar per careiçar ta pèl
Lo cant d’un auriòl lo perfum d’un tilhòl
L’espèr de l’endeman per te donar la man

Libertat dins tos uòlhs i a d’aucels sus la branca
Coma dos rossinhòls escapats de la gabia

En clau de …

Legir tot

Libertat dins tos uòlhs i a d’aucels sus la branca
Coma dos rossinhòls escapats de la gabia

En clau de sol te contarai l’umanitat son impotencia
E las causas que te dirai saràn color de ma violencia

En clau de fam te cantarai coma ai talent de te coneisser
Coma ai set de tu mai que mai escota un cant d’amor va naisser

En clau de mut me calarai val melhor qu’una parladissa
Aprene a regardar la mar la rabia al còr coma aquèla ersa

Lo cagaraù joga a l’esclop amb la milhauca que revira

Son cos plegadis fora closc dins un dançar que lo …

Legir tot

Lo cagaraù joga a l’esclop amb la milhauca que revira

Son cos plegadis fora closc dins un dançar que lo capvira

E puèi partis camin de croc per far l’amor a una figa

Siòi d’una terra lontana que lo mond sabon pas
Me dobrère tant de dralhas sens jamai trobar solaç
Traversère de …

Legir tot

Siòi d’una terra lontana que lo mond sabon pas
Me dobrère tant de dralhas sens jamai trobar solaç
Traversère de montanhas mon bastonàs a la man
Caminère tant d’annadas e coneguère la fam

Repic :
Escotatz mon cascavèl qu’ai lo mal d’amor
A mon pè coma un anèl ai lo mal d’amor
Escotatz mon cascavèl ai lo mal d’amor

Me faguère mendicaire a partis d’aquèste jorn
Qu’ela me diguèt pecaire de doblidar son amor
Cada matin de ma vida dabant la glèisa daù Crist
Sus la plaça de la vila ma sansònha s’espandis

Pas jamai un jorn de fèsta pas de prima pas d’estieu
Òm m’espia a la lèsta per ieu pregan lo bon Dieu
Morirai un sèr de fièra degus a l’enterrament
Legiràn dessus ma pèira mòrt d’amor e de torment

Un sèr son arribats sul prat
E un grilhatge an instalat
Aquò’s un circ pels enfants
Disián lo mond en …

Legir tot

Un sèr son arribats sul prat
E un grilhatge an instalat
Aquò’s un circ pels enfants
Disián lo mond en regardant
Una bola blanca an bastit
Parlavan en american
Ges d’animal e ges de crit
Ges de musica pels enfants

Aquò’s missant disiá lo vielh
E romegava jol capèl
Aquò’s missant disiá lo vielh
E regardava lo solelh

N’i aviá que parlavan ponchut
Aquò’s normal per de monsurs
Disián que vendián lo progrès
Lo notable diguèt parièr
Puèi venguèt la television
Pel primièr còp al vilatjon
E te faguèron una emission
Coma jamai dins lo canton

A la comuna festejant
Lo director d’un còp diguèt
Monsur lo conse ara l’avètz
Podètz senhar lo nòstre plan
E puèi tres meses son passats
De circ alara n’i aguèt pas
E los mainatges son tornats
Dins son escòla a estudiar

De bolas blancas n’i aguèt tres
Una montada cada mes
Lo silenci s’es instalat
E lo grilhatge es demorat
Quand los enfants passan pel prat
I a una pancarta atencion
Aquí defensa de passar !
Lo circ èra una ilusion

E los mainatges que son grands
Dison ara a sos enfants
L’istòria d’aquel paure vielh
Que regardava lo solelh
Benlèu qu’es el qu’avia rason
Sens ràdio sens television
Aquò’s un sòmi qu’ai contat
Tric trac mon conte es acabat

Monsur lo President ai decidat d’escriure
Me legiretz espere s’avetz un paùc de temps
Me dison de partir a l’armada …

Legir tot

Monsur lo President ai decidat d’escriure
Me legiretz espere s’avetz un paùc de temps
Me dison de partir a l’armada de tèrra
Per anar a la guèrra dissabte de matin
Monsur lo President refuse aquèla guèrra
M’an pas mes sus la tèrra per tuar tant de gents
Monsur lo President sonque vos vòli dire
Qu’ai decidat de viure sens ges de regiment

Tre mon primièr instant ai vist morir mon paire
Ai vist partir mon fraire e plorar mon enfant
Ma maire a tant patit qu’es al fons de la tèrra
Se trufa de la guèrra a gaire de chagrin
Quand ere encadenat me raubèron ma femna
Me raubèron mon anma e puèi tot mon passat
Deman de bon matin ièu tamparai mas pòrtas
A las annadas mòrtas partirai pèl camin

Ma vida a mendicar entre mar e montanha
De Gasconha en Provença al mond vaù cridar
Refusatz de partir per faire aquèla guèrra
Volem pas de frontièra refusatz de morir
Se cal donar de sang anatz balhar lo vòstre
E gardarem lo nòstre monsur lo President
Se voletz m’agantar e qu’avetz de gendarmas
Ièu portarai pas d’armas eles podràn tirar

Siam mond del viatge fasem de cançons
La plueja e l’auratge son bons companhons
Fasem de musica de dansas tamben …

Legir tot

Siam mond del viatge fasem de cançons
La plueja e l’auratge son bons companhons
Fasem de musica de dansas tamben
E sabem plan faire bolegar los pés

Sabem faire rire e tamben plorar
E çò que cal dire lo sabem cridar
Defendem lo paure contra lo borgès
Coma nostre reire contra lo marquès

Vesem sus las rotas los fraires bomians
Cercam dins las vilas d’autres musicians
Contra l’injusticia fasem carnaval
E passa carrièra per cantar nadal

A l’enfant ploraire fasem risolet
Al repotegaire fasem martelet
Amb la joinessa sabem festejar
E siam de premièra per potonejar

Dins l’auberga vielha del brave Leon
Chucam la botelha per cantar melhor
Levam nostre veire al paire Bacus
E mandam al diable tot nòstre malur

Lo lauzerp a perdut la claù de la sarralha dins la peira

E se plora pas que d’un uèlh la …

Legir tot

Lo lauzerp a perdut la claù de la sarralha dins la peira

E se plora pas que d’un uèlh la lauzerda es nusa sul lèit

Amb lo riton de la parroquia e dabant un sant sagrament

Que capvira lo sorelh e lo lauzerp plora plora entre las flors de cocut

E cofle de demorar mut d’un sol cop se descoèta