A chantar m'èr de sò queu no volria,
Tant me rancur de lui cui sui amia
Car eu l'am mais …

Legir tot

A chantar m'èr de sò queu no volria,
Tant me rancur de lui cui sui amia
Car eu l'am mais que nulha ren que sia
Vas lui nom' val Mercés ni Cortezia
Ni ma beltatz ni mos prètz ni mos sens ;
Qu'atressi'm sui enganad'e trahia
Com degr'èsser, s'eu fos desavinens.

Meravelh me com vòstre còrs s'orgòlha,
Amics, vas me, per qu'ai razon que'm dòlha
Non es ges dreitz qu'autr'amors vos mi tòlha,
Per nulha re que'us diga ni acòlha.
E membre vos quals fo'l comensamens
De nòstr'amor ! Ja Domnedeus non vòlha,
Qu'en ma colpa sia'l departimens.

Valer mi deu mos prètz e mos paratges
E ma beutatz, e plus mos fins coratges ;
Per qu'eu vos man, lai on es vòstr'estatges,
Esta chanson, que me sia messatges
E vòlh saber, lo meus bèls amics gens,
Per que vos m'ètz tan fères ni tant salvatges ;
No sai si s'es orgòlhs o mals talens.

Mas aitan plus vòlh li digas, messsatges,
Qu'en tròp d'orgòlh an gran dan maintas gens.

A l'intrada dau temps clar
Per joia recomençar
E per gelos'irritar
Vou la regina mostrar

A la Via, a la …

Legir tot

A l'intrada dau temps clar
Per joia recomençar
E per gelos'irritar
Vou la regina mostrar

A la Via, a la Via, gelos, laissatz-nos, laissatz-nos,
Balar entre nos, entre nos

Ela a fach pertot mandar
Non siá jusqu'a la mar
Piucela ni bachalar
Que toi non vòugon dançar
En la dança joiosa

A la Via...

Lo rei ven d'autra part
Per la dança destorbar
Que el es crementar
Que òm no li vòle emblar
La regina aboloasa

A la Via...

Qui donc la veguent dançar
E son gent cors de portar
Qu'au mond non n'i a sa part
La regina joiasa

A la Via...

A la guèrra, mon enfant,
I anaràs pas.

Legir tot

A la guèrra, mon enfant,
I anaràs pas.

Ai dobat per tu
Un monde pintat de verd e de blu
Lo ceu au tocat de la man
Un …

Legir tot

Ai dobat per tu
Un monde pintat de verd e de blu
Lo ceu au tocat de la man
Un soleu escandilhant encuei com'aier e deman
Ai adobat per tu
De chanavas sus lei terras secas
De mistraladas desplegant
L'argent, 'me son buf gigant
Deis ouliviers dins l'estelan

Ai per tu un ostau vièlh bastit sus lo ròc
Tancat au ped d'un rocas grand, un bau gigant,
Un barri sus lo ceu,
Lei pòrtas dubèrtas a brand, sensa clau, dubèrt
Sus lei flors d'ivèrn de l'amelièr blanc
Tant lèu tant blanc...

Ai adobat per tu
De potons ben cauds sus lei parpelas
De mots d'amor sus lo suc
Mots d'amor dins lo parlar
Que ma mame m'aviá donat
Ai totjorn les per tu
Cada mot tot caud per teis aurelhas
Farfantelas e pantais blus
E sus lei dets de la man, "sauta-lapin", "balin-balan"

Ai per tu un ostau vièlh...

Vòli gardar les per tu
Tant qu'aurài tengut, çò qu'aurài poscut
Mon pichòt còr emigrat
Parti de l'aute costat, de l'autre man de l'ocean,
Ai per rescaufar mon còr doas pichòtas nòtas de musica
Que fan Re e que fan Mi
Que voudriau partajar ambe tu mon còr polit

Ai per tu un ostau vièlh...

Sus la blanca arena que calinha la mar
Tornarà jamai la piada de ton pas
Un camin solitari de pena …

Legir tot

Sus la blanca arena que calinha la mar
Tornarà jamai la piada de ton pas
Un camin solitari de pena e de silenci ven
Fin qu'a l'aiga pregonda
Camin solitari de dolors mudas que ven
Finqu'a l'escuma.
Dieu sap quina crenta t'acompanhava,
Quant, de dolors novas an degut escondre
Per t'alongar aquí, breçada per lei cants
Dei cacalausas marinas.

Refranh :
Te'n vas Alfonsina ambe ta solituda,
Qu'un poema nou siás anat cercar,
Una votz antica de vent e de sau
T'a empurat l'arma, e siás emmascada
E te'n vas, coma dins un sòmi,
Dormir, Alfonsina, vestida de mar

Cinc sirenetas te menaràn per de camins
D'algas e de corau, e de fosforescents chivaus-marins
Faràn un rondeu per tu. Puei leis estatjants
De la mar granda vendràn
Festejar ambe tu.
Amossa lo lum, maire, laissa-me
Laissa-me te dise, que sorme en patz
E se eu veniá, diga-ie jamai que siáu aquí,
Diga-ie que siáu partit.
E se eu veniá, diga-ie jamai que siáu aquí,
Qu'Alfonsina jamai tornarà.

ame l'amor, quand giscla d'un rise d'enfant
coma de meu, coma un envou de nivous blancs
coma una passejada dins …

Legir tot

ame l'amor, quand giscla d'un rise d'enfant
coma de meu, coma un envou de nivous blancs
coma una passejada dins l'estang
coma un dimenche com'un talhon de pan.

ame l'amor qu'estrifa lo doç de la peu
co'un mistrau, lo mossegar de cent cadeus
coma milanta velas dins lo ceu
timbladas coma una miugrana au soleu.

ame l'amor fer, fou coma un fuoc
o fiu de farfantela o fiu de fada
ame l'amor linde coma l'uou
clar, O, clafit clavelat de colors.

ame l'amor que trapeja li marrits temps
per estrassar li jorns neblos d'esblougiments
que nega li nuechs tebas e que te ten
cabussat dins un chicolon de non-ren.

Sota lo cèu que l'aura empòrta
Dins un maset sèns ges de pòrta
Aquí
Sus una terra que s'engruna
Mentre …

Legir tot

Sota lo cèu que l'aura empòrta
Dins un maset sèns ges de pòrta
Aquí
Sus una terra que s'engruna
Mentre lo jorn se'n vai que landa
Solets dins la Camarga granda
Au bruch dau vèspre dins la sanha
Lo crit di bèstias per companha
L'espèr matat, la fe poirida
Pauris enfants de paura vida
Un diluns que dimars lo buta
Tot l'avenir en desbaruta
Aquí siam sols e nos aimam.

M'engarce ben se vendrà l'auba
E tu se trobaràs ta rauba
Aquí
Tot l'univers a fach sa plega
Coma la mòrt l'amor nos nega
Siam vaus, siam nus dedins la bauca
Au fons de l'ombra a la votz rauca
Ton nom, lo mieu, aquò s'oblida
Siáu ren que fòrt e tu polida
Avè perdut la parentèla
Ganham lo cèu, perdèm l'estèla
Per tu siáu plus un marrit dròlle
E voles tu tot çò que vòle...

De tot mon pes dessús ton anca
Pas una jòia que nos manca
Aquí
Quau sap se plores o se rise
E li paraulas que te dise ?
Tota li dents a mossegadas
A ras dis aigas delargadas
Siáu pas mai ren, e tu quau veses ?
Laissa, deman dins tu lo prenes
Sus una tèrra qu'es tan plana
I a que nosautres e lis enganas
Mèstres dau temps, jogam a l'auba
Mentre lo cèu, la nuech lo rauba...

Aquí siam sols e nos aimam.

Au jardin de mon paire
I a tant beus pins
Meis amors
Totei leis auceus que canton
Li fan son …

Legir tot

Au jardin de mon paire
I a tant beus pins
Meis amors
Totei leis auceus que canton
Li fan son nis
Ai ! calha, bela calha
Que li a dedins
I a quatre joinas filhas
E ieu fau cinc
Preni mon aubaresta
Li vau tirar
Ai tirat sus ma mia
E l'ai nafrada
Se passi dins la vila
Me penjaran
Se passi dins lo Rose
me negaran.

au pont de Mirabeu
Catarina lavava (bis)

vengueron a passar
tres chivaliers d'armada

lo primier ie diguet:
es que sietz …

Legir tot

au pont de Mirabeu
Catarina lavava (bis)

vengueron a passar
tres chivaliers d'armada

lo primier ie diguet:
es que sietz maridada

lo segond ie donet
una polida baga
mai la baga dau det
tombet au fons de l'aiga

lo tresen cabusset
mai jamai sortiguet de l'aiga (bis)

au pont de Mirabeu Catarina plorava (bis).

Auriái aimat de te donar la man
Quand ton ceu se fai bas, mon amic
Quand lo freg monta e …

Legir tot

Auriái aimat de te donar la man
Quand ton ceu se fai bas, mon amic
Quand lo freg monta e te nega lo còr
E t'escana la votz e lo crit
Quand la nuech ven e te rauba lei mots
Que lo negre espandis sa color
Sus ton esper e puèi pauc a chapauc
Te fai s'empalunar ton amor

Auriái aimat de te donar la man...

Auriái aimat de te donar la man
Quand florís lo matin dins tei dets
Quand lo matin se leva cada jorn
Que ta votz fai madurar lei blats
Quand ton esper reviscola lo ceu
Que lo riu canta clar sas cançons
Quand la tèrra asaigada de doçor
Te pren e fai la vida en flors

Auriái aimat de te donar la man...

basta per ieu de morir dins mon pais
basta per ieu de ie estre aclapada
de me ie fondre, de …

Legir tot

basta per ieu de morir dins mon pais
basta per ieu de ie estre aclapada
de me ie fondre, de me ie avalir
de me ie anaquelir, de me ie fondre dedins
basta per ieu de morir dins mon pais
e de renaisse, de renaisse bauca o flor
una flor que culira un enfant abalit
dins mon pais

basta per ieu d'estre dedins ma terra
dins lo ventfie de ma terra
dins lo cor de ma terra
dins la fauda de ma terra
estre bauca, flor, dins mon pais.

De bon matin an pigat
Son ja davans la pòrta
La maire sorte dubrir
A pece mesa la blosa

Refran …

Legir tot

De bon matin an pigat
Son ja davans la pòrta
La maire sorte dubrir
A pece mesa la blosa

Refran :
Que vòlon aquestei fens
Que venon pigar a l'auba

- Vòstre fiu es pas aquí ?
Es endormita sa cambra
- Que li volètz a mon fiu ?
Lo fiu just se desrevelha

La maire ben pauc ne saup
De totei lei esperanças
De son fiu qu'es estudiant
Mai eu compren e se cala

Fa de jorns que parla pauc
E cada nuech s'agitava
Li veniá un tremoler
De la paur, un còp a l'auba

Encara mau resvelhat
Que ja pigon a sa pòrta
E eu d'un vou s'es mandat
Au quitran per la fenèstra

Lei que pican restan muts
Manca un, que belèu mena
E qu'a l'èstre s'es clinat
Darrièr udola la maire

De bon matin an pigat
Que la lei li fau son ora
Ara l'estudiant es mòrt
D'un còp sus lo còp de l'auba.

2 - Una amistat pregonda e fòrta
Se bastit sus l'egalitat
Te vòli prendre coma siás
Sens ren levar
Pòdi …

Legir tot

2 - Una amistat pregonda e fòrta
Se bastit sus l'egalitat
Te vòli prendre coma siás
Sens ren levar
Pòdi gardar mon biais de faire
E mon parlar

4 - Mai una lenga impausada
Tancada a còps de baston
Dins la tèsta d'enfants macats
Me demòra en travèrs de la garganta
D'amarum

6 - Ou mon amic te'n fagues pas...
... La lenga de la libertat...
... Nòstra amistat sarà mai bela...

O, o, o sentes l'alh, sentes l'alh...

RMC. Radio M'ont es Carlo...
En cette magnifique journée du 17 août, nous …

Legir tot

O, o, o sentes l'alh, sentes l'alh...

RMC. Radio M'ont es Carlo...
En cette magnifique journée du 17 août, nous souhaitons
Une bonne fête à toutes les "Jacinthe" pour la régione et
La région, voici nos informations :

"Die Sonne scheint uber ganzen Sud Frankreich.
Das Wetter wird bis zum nachsten Sonntag schön sein.
Radio M'ont es Carlo und die Französiche Zeitungen
Uns sagen, es gibt noch einige Dörflein zu kaufen,
Es ist doch nicht zu spat um einiges Geld zu
Investieren. Die Sonne glantz, der Himmel ist
Blau, die See ist schon, des Deutsch Mark ist
Stark, die Ferien im Sud Frankreich sind also
Wunderbar"

Plus près, plus chaud, Radio M'ont es Carlo

O, o, sentes l'alh...

Nous avons acheté un petit hameau, wunderbar, wunderschon.
We have bought un petit mas provençal, fantastique, width
300 hectares... Nous avons obtenu le téléphone et le goudronnement
Du petit route. Mr le Maire s'est montré très collaboratif Yé.

Lei toristas se son enanats mai nos an laissat un molon de causas :
De terras embarbeladas, de plancardas "Camin Privat", de camins clafits
De bordilhas, de plajas embetonadas, la mar que podem
Pus i anar, e de colas rabinadas, mai...

Bilan de l'été 1979. 130 mille hectares ont brûlé cet été dans
Les départements du Sud de la France et en Corse. Le Services
Départementaux et communaux ont enlevé quelques centaines de
Tonnes de déchets le long des routes. Par ailleus les besoins
D'uranium pour les centrales nucléaires...

... Mais Mr le Promoteur, moi qui suis notaire, je partage entièrement
Vos préoccupations. Le Midi, il vivrait de quoi s'il n'y avait pas le TOURISME ?

Gramaci la vida que me donèt tant
Me donèt dos lumes que quora lei duerbi
Perfiechament vesi lo negre dau …

Legir tot

Gramaci la vida que me donèt tant
Me donèt dos lumes que quora lei duerbi
Perfiechament vesi lo negre dau blanc
E dau ceu amondaut son fond d'estelan
E dins la molonada vesi l'òme qu'aimi.

Gracias a la vida que mi ha dada tanto
Mi dio el sonido e l'abe cedario
Con él las palabras que pienso i declaro
Madre, amigo, hermano, i luz alumbrando
La rota de l'ala del qu'estoy amando

(corse)

Gracies a la vida que m'ha donat tant
M'ha donat la marxa dels meus peus cansats
Amb eus vaig caminar per ciutats i tolls platjes
I deserts, muntanyes i planes
I la casa teva, el teu carrer i el teu pati

Gramaci la vida que me donèt tant
Me donèt lo rise, me donèt lei plors
Ansin coneguèri la jòia e la dolor
Lo cant de vosautrei qu'es lo mesme cant
Es lo cant de totei qu'es mon propre cant
El canto de todos qu'es mi propio canto.

Sovent monta de luènh
Coma una vaga cauda
Emmascarada per ton buf
Quand lo ser se fa pesuc

Quand lo …

Legir tot

Sovent monta de luènh
Coma una vaga cauda
Emmascarada per ton buf
Quand lo ser se fa pesuc

Quand lo vent te fa sol
E que la nuech me dòu
Escampi una tèsta fòla
Dins de musicas pas d'aquí

M'embarqui sus un saxò
Pas mens qu'un novèu monde
Per revirar lo segle
Cau aprene a pantaissar

lo vielh sissou me palava
de bon matin au portau
mentre au soleu esparavian
li carris vesent passar
"Sissou non …

Legir tot

lo vielh sissou me palava
de bon matin au portau
mentre au soleu esparavian
li carris vesent passar
"Sissou non veses l'estaca
que ie siam toti ligats
se podem pas s'en desfaire
jamai podrem caminar"

refranh :
se tirem toti vai tombar
gaire de temps pou pas durar
segur que tomba. tomba, tomba
ben clinada es deja
si tu la tires fort d'aqui
e ieu la tire fort d'aila
segur que tomba. tomba, tomba
se n'em podrem desliurar

Pamens fai pron de temps ara
Que s'escaraunhan li mans
e quand la forca me laissa
Pareis mai granda qu'avans
es ben segur qu'es poirida
pamens Sissou pesa tant
de cops la forca m'oblida
torna-me dire ton cant

refranh :
se tiram...

lo vielh Sissou ara dis pus ren
un marrit vent l'emportet
qual saup mont'es, en qun endrech
e ieu siau sola au portau
e quand passon d'autri drolles
levi lo cou per cantar
lo darrier cant dau vielh Siset
lo darrier que m'ensenhet
refranh :
se tiran...

La cambia mi fau mau bota sela, bota sela
La cambia mi fau mau, bota sela a mon chivau
I …

Legir tot

La cambia mi fau mau bota sela, bota sela
La cambia mi fau mau, bota sela a mon chivau
I a pron de gens que van en romavage
I a pron de gen que van a Betelem
Lo vòli anar, ai quasi pron corage
Li vòli anar se pòdi caminar
La camba...
En aquest temps lei febres son pas sanas
En aquest temps lei febres valon ren
Ai agantat una febre quartana
L'ai endurat sensa me rencurat
La camba...
Un gròs pastras que fai la catamiaula
Un gròs pastras s'en vai au pichot pas
S'es revirat au bruch de ma paraula
S'es revirat, li ai dich de m'esperar
La camba...
Ai un rossin que vòla dessús tèrra
Ai un rossin que manja lo camin
L'ai achetat d'un que ven de la guèrra
L'ai achetat cinq escuts de patacs.

Jogam a la targa
Bravei martegaus
Se tomba dins l'aiga
Si farem pas mau

Es sus la tinteina
Qu'un marin …

Legir tot

Jogam a la targa
Bravei martegaus
Se tomba dins l'aiga
Si farem pas mau

Es sus la tinteina
Qu'un marin adrech
Coma la polena
Deu se tenir drech

Per agradar ai filhetas
Quand anatz targar
Fau de pampalhetas
Ben estre abilhats

Se l'i a d'amolaires
Que vòugon montar
Lei aurem pegaire
Ben lèu desbaussats

Quand es d'atarraires
Que tonbon solets
Li disem de targaires
Dau bon rei René

Que podem lo dire
Quad lei vesetz tombar
Manca pas de rire
Li vesent sautar

Mai lei traucs dins l'aiga
Si coneisson pas
Se si banhon lei bralhas
Lei faràn secar.

Ma Traviole !
Ça fait bientôt dix ans que je t'ai quittée.
Ma Traviole !
Avec leur autoroute ils t'ont …

Legir tot

Ma Traviole !
Ça fait bientôt dix ans que je t'ai quittée.
Ma Traviole !
Avec leur autoroute ils t'ont toute enclapée.
Quelques destrussi de malheur
Occupent le quartier avec leurs bulldozers.

Ma campagne !
Derrière une baragne après la voie ferrée.
Ma campagne !
Où tous les marque-mals étaient venus rester
Y'a plus qu'un seul caramentran
Qui fait de l'estampèu pour des appartements.

Ma Traviole !
Le rencart pour furer dans les petits coins noirs
Ma Traviole !
Où j'avais la pétoche en revenant le soir
Quelques destrussi de malheur
Occupent le quartier avec leurs bulldozers

Ma campagne !
L'estrassaire a perdu son chien en s'escapant
Ma campagne !
La caraque a vendu ses derniers ravans
Y'a plus qu'un seul caramentran
Qui fait de l'estampèu pour des appartements.

Prends ta biasse !
Le cagnard tape dur la chavane est pas loin
Prends ta biasse !
Et partons baroler le long des grands chemins
Y'a plus degun dans mon quartier
Y'a plus qu'à se tailler ou je vais m'encagner.

Assetada au lindau
Ma cadiera balança
Se lo fege me lança
La solesa m'enclaus
Peralin Leberon
Quora la vielha dansa …

Legir tot

Assetada au lindau
Ma cadiera balança
Se lo fege me lança
La solesa m'enclaus
Peralin Leberon
Quora la vielha dansa
Tresana doçament

Quand leis amics s'en van
I a tot l'ostau qu'es vueje
La calama negreja
L'aort sei lumes sanc
Peralin Leberon
Sa blanca rocareda
S'es vestida de seda
Au vespre ensanausit

Ma testa restondís
De fonfonhas de festas
Lo resson que me resta
D'un rire que clantís
Peralin Leberon
Dedins la nuech tant doça
S'escafa a soleu colc

Lei valadas tant luenh
Darrier tant de montanhas
Fau esperar l'aiganha
Dei pradas au matin
Peralin Leberon
Com'una granda bestia
Rondina doçament

Avau a la riviera i a 'na richa maison
Dedins son tres fielairas que fielan tot lo jorn.
L'una s'apela …

Legir tot

Avau a la riviera i a 'na richa maison
Dedins son tres fielairas que fielan tot lo jorn.
L'una s'apela Jana e l'autra Marion
L'autra s'apela Clara esclara nuech e jorn
Sa maire la penchena d'un penche d'argenton
E son paire la coifa d'una auna de galons
Quand ela se miralha dins l'aiga de la font
Un ancelon se i pausa per li far una cançon
Lo fiu dau rei passava. L'a trobada a la font
"Digatz, bela fielaira, aquò's vos Janeton ?"
" Nani ma sòr l'ainada s'apela d'aqueu nom
Se cercatz una amiga dintratz dins la maison."

Lei filhetas de Tolon
Aimon lei cachoflas
Se mainejon lo menton
Dien que n'an pas pron

La tanta Norada fasiá …

Legir tot

Lei filhetas de Tolon
Aimon lei cachoflas
Se mainejon lo menton
Dien que n'an pas pron

La tanta Norada fasiá de saladas
Per pas donar sa chata
A un mocò dau port
La tanta Norada que vendiá de doradas
Maridet sa filha
A un marin dau grand cors

La tanta Loisa
Aviá fach la valisa
Per pas degalhar sa vida
A la sorba a vint ans
Dins la capitala
Li fau a fons de cala
Destriar lei sacas postalas
Au PTT despuei trenta ans

La tanta Gertruda
Qu'aviá seis abitudas
Vouguet pas maridar Tòni
Un pacan de Gonfaron
Demoret a la vila
AMbe lo beu Emile
Que la tanquet a l'obra
Cariera dau Canon.

Tant de cèops ai laissa la luna
Jugar sus un tròç de ta peu
E cassar a poncha d'ombra
Lei …

Legir tot

Tant de cèops ai laissa la luna
Jugar sus un tròç de ta peu
E cassar a poncha d'ombra
Lei chavanas de quimeras

Aimavi tant passar ton ventre
Au penche de ma boca
Dins la nuech, silenci fòu,
De nostreu còrs atelats

Vesi tei uèlhs pausats sus ieu
A l'auba d'una d'aquelei nuèchs tròp raras
Dins de matins de tendras abséncias
Au fond d'un liech estrech

Coma cèu tei plafons d'escolana
Quaquei nivols de tabac
E lei vagas blavidas dau linçòu
Moressant sus una esquina teba

Me siau aganit a retener lo temps
Lo galòp d'un chavalòt
E maugrat lei noveus sòmis
Lo passat, de còps, se resvelha

Lo sergent Pepper se soven
Tot sol sus un mòble oblidat
E Lucy dins son cèu de diamant
Vei passar dos parallels usats...

Sies vengut au mitan de mon calabrun
Coma un degot de meu dins l'amarum
As abeurat mon còr de doçor …

Legir tot

Sies vengut au mitan de mon calabrun
Coma un degot de meu dins l'amarum
As abeurat mon còr de doçor
Mon còr secat que cresiau mòrt
Mas sies vengut
Sies vengut au mitan de mon vueje grand
Varaiar, trevirar ma vida. Subran
Te sies dreissat com'una montanha per far
Un'iscla dins ma mar...
Mai te demandi ren
Vòli ren, solament
Cauqueis còps
Ren qu'un còp
E de luenh, de luenh t'ausir
De luenh t'aimaar
Sies vengut au mitan de mon calabrun
Com'un degot de meu dins l'amarum
As abeurat mon còr de doçor
M'as asaigada d'amor.

Lo Nòu OC es un tipe que passa a costat
De sa vida, de son paire, de sa terra
Que …

Legir tot

Lo Nòu OC es un tipe que passa a costat
De sa vida, de son paire, de sa terra
Que camina a costat de seis esclòps...
A gés d'esclòps, plus ges d'esclòps
Lo Nòu OC
A tot fach per se n'anar de son ostau
A vergonha de parlar de son vilage
A abandonat sa lenga au claveu
Ame sei pelhas, vielhas pelhas
Lo Nòu OC

Refran :
Lo Nòu OC te fai " Qu'es aquò OC ? " (bis)

Lo Nòu OC es pas d'aquí, es de pertot,
A desrabat lei rasigas de son ventre
S'es enlevat lei mesolhas de la testa
Ges de memòria per lo Nòu OC
A quitat l'accent quand a mes la cravata
A jamai sauput lo patoes paisan :
"Qu'est-ce que c'est que ce drôle d'outil par terre ?...
Aie, aqueu con de rasteu !!"

Refran :
Lo Nòu OC te fai " Qu'es aquò OC ? " (bis)

Lo Nòu OC te dis que compren ren
Ai cançons de totes aqueleis cantaires OC
Mai quand la radio fai bramar :
"Come with me. Nobody but you" Every body
Hey ! New OC !
My tailor is rich and time is money
It's prohibited to give bananas to the monkeys
I' have a big surprise for you in my trousers
Go to the blackboard !
Aquí compren, aquí compren.

alentor dau "baby" qu'es i "mila colonas"
eriam toti aqui avans qu'una ora sona
algerians, portugues, tunisians, espanhous
e nosautrei, …

Legir tot

alentor dau "baby" qu'es i "mila colonas"
eriam toti aqui avans qu'una ora sona
algerians, portugues, tunisians, espanhous
e nosautrei, bastards, reis de "la placa is erbas"
toti gens de la mar o paures montanhous.

lo patron soganhava a cadun sus la porta
pas lo temps de lo dire qu'eriam deja servits
i avia que de ben rire, a l'entor dau "baby"
sabie despuei lontemps ço que beu un "popo"
un tipe de la mar o ben un montanhou.

una longa cigareta, la pipa que tuba blanc e blu
la mostra que s'arresta, lo bonur es perdut
un chicou de cafe, dos dets de garlaban
ai begut dins tis uelhs, ai begut ti vint-ans.

e li "mila colonas" s'emplisson de la votz
di longas charadissas que passaviam aqui
per se levar l'ennuelh, per pus estre solet
per se pausar un pauc, per parlar a quauqu'un
un tipe de la mar o ben un montanhou

de cops que i a li vau per ague de novelas
d'un que vesi pus despuei ja tant de temps
Ahmed se'n'es tornat, Pedro s'es maridat
e sa pichota ven cade jorn saludar
li tipes de ia mar o ben li montanhous.

se de cops, a l'azar, passatz d'aqueu costat
dintratz per beure un cop, saludatz ben lo "jo"
digatz-li que vau ben, qu'ai fach pron de camin
s'ai de cops de chagrin. aquo ten pas lontemps
per un 'chon de la mar, qu'es vengut montanhou.