A l’entorn de l’invern clinat su lo monde
Sus lo toet de la vida, las, estracs son lu omes
A …

Legir tot

A l’entorn de l’invern clinat su lo monde
Sus lo toet de la vida, las, estracs son lu omes
A la virada dau camin quand luha l’aiga gelada
Que li mans fan gingin las, estracs son lu omes

Quora Chiqueta ven
S’enganar dins la pèu
Quora Chiqueta ven
Baronar per carriera

A la sosta dei recordis quand l’istoria si debana
Dau breç à l’atahut las estracs son lu omes
Au baleti estremat dei soguinhes e dei regrets
Tra pont vielh e pont nou las estracs son lu omes

A la nuech dei temps cremats quand li forças s’escondon
Sota li alas d’un ganavèu las estracs son lu omes
Per estre à l’apontament sensa trop regretar
De cada jorn far una festa de cada jorn una vida nova

Quora chiqueta ven s’enganar dins la pèu
Quora Chiqueta ven baronar per carriera

Un camin mulatier, esquasi denembrat
Pòrta dont la rotalha, li peadas dei passatgiers
L’odor un chícol fòrta de la sudor …

Legir tot

Un camin mulatier, esquasi denembrat
Pòrta dont la rotalha, li peadas dei passatgiers
L’odor un chícol fòrta de la sudor dei òmes
Que clinats vers la Tèrra crepan de travalhar

Es la memòria roja d’una lòna d’aiga
Que garda l’istòria d’aqueu país
Es la mémòria roja d’una lòna d’aiga
Que garda l’istòria d’aqueu país

Un camin contrabandier perdut en li romegàs
Pòrta sota cada peira, lo patiment dei gents
Lo cracament d’un genolh qu’a totplen tròup marchat
Lo dolor d’una esquina tròup de temps plegada

Un camin viatjator trebolat per l’ilusion
Pòrta com’un senhal l’esper dei emigrants
La canson eterna d’aquelu que se’n van
Embé dintre un pantais una vida novèla

Su lo davan de la pòrta
La carriera vuéia regadja bessai
Lo contor d’un miratge
Lo viélh banc escondut au …

Legir tot

Su lo davan de la pòrta
La carriera vuéia regadja bessai
Lo contor d’un miratge
Lo viélh banc escondut au canton de la plaça
Que sembla audir lu crits sarvages
Sera encor un còp lo campdei indians

Canson soterana canson dei baumas
Canson dau cavo dins lo còr dei omes
Canson d’un sera canson testarda
Canta que lu pichons s’en van (bis)

La cohina tròp quieta rebomba coma fòla
Dau cant dei culhés dins li bocas engortis
Lo jardin un pau si garda en flors
Lu rires dei dròles li après dinas urois
Roge mercurochrome grafiniadas glorois

REPIC
L’home e la frema dins lo silenci passat
Senton l’esperança que bofa su la paur
pauc d’estre desprovit quora la vida s’engana
sus un sentié estrech don Barolan li peiras
E que de ben segur cau donar l’abuton

Lu òmes aquí arecampats
Son fachs emb’ai fius dau vent
Aqueu que subla en li bandieras
Au merlet dau vielh …

Legir tot

Lu òmes aquí arecampats
Son fachs emb’ai fius dau vent
Aqueu que subla en li bandieras
Au merlet dau vielh castèu
Es la votz de Montsegur
Lu mòts que grunhisson
An la memòria dei ròcas

Cants e sangs d’Occitania
sensa frontiera, un tròç de ren a partajar

Venguts per l’amontanhage
En un pantais a ensegre
Ai ressons d’aquela tèrra
Lu còrs remonteràn lu rius
Se l’istòria es endurmida
L’aiga que la revilherà
Sauprà lo gust dei ròcas

Cants e luchas d’Occitania
Sensa frontiera, un tròç de ren a partajar

Per lo camin dei frusados
Sota soleu siam douze mile
Per ascendre lo lume
Far lúser una beluga
Pas mai d’una beluga
Per emberlugar lu bòrnis
Emb’ai mòts dei ròcas

Lenga dau breç, lenga occitana
Un tròç de ren a far cantar
A partajar

Es de minga país es de minga luec
Lo pichon que mi regarja
Un soguinhe en grimaça
Com’un artifici si …

Legir tot

Es de minga país es de minga luec
Lo pichon que mi regarja
Un soguinhe en grimaça
Com’un artifici si dessenha sus li sieu labras

A traversat l’istòria sensa n’en far una
Paure palhasso desganguilhat
Li gròssi tèstas vani d’un triste carneval
An embarilhat la vida

Cerca un pauc pus luenh
Cerca bessai dont es deman sas
Cerca un pauc pus luenh
Cerca bessai dont es deman

Li mans coma doi alas
Desplegadi sobre la tèsta
Es l’aucèu de l’esper
Lu sordats que l’acompanhan
Son esquasi trasparents
Es ja en d’autres luecs

Cerca un pauc pus luenh
Cerca bessai dont es deman sas
Cerca un pauc pus luenh
Cerca bessai dont es deman...

Ai pilhat lo gran car, Luceram par Blausasc
Laissi la mar sus la riba, l’esposc au gabians
Puhi en pais …

Legir tot

Ai pilhat lo gran car, Luceram par Blausasc
Laissi la mar sus la riba, l’esposc au gabians
Puhi en pais aut, una gijoala en la sac
Per charrar au sapes, de l’amor, dau destin

Sieu dja a l’escarea, pensi encara a tu
D’un crit un tordo, amuerce la radio
Sieu a l’autre virada, esquasi au terminus
Per charrar au sapes, de l’amor, dau destin

La mieu quieta peada, mi bressola plan-plan
arribi a Peira-cava, sieu banhat de tu
Embe lo ciel per vana, lu tieu uelhs per soleu
Charri embe lu sapes de l’amor, dau destin

M’aponteli a un aubre, sus una branca bassa
Un esquirotol benurat subla Bob Dylan
Un gros-dugo spiegle, canta lo blues de l’ontario
Charri embe lu sapes, de l’amor, dau destin

Es un gran, un centenari, survivent e uros
Li dii la mieu bela, Lo mieu ben voler
Embe l’aiga d’una raissa, levem lo goto ensems
Festi embe lu sapes, lo mieu amor, lo destin

Una votz que remena, tartalha embreiaga
Paraulas descorduradi darrier d’un barri
Choàs lo vielh pescaire a pas pipat
D’una man …

Legir tot

Una votz que remena, tartalha embreiaga
Paraulas descorduradi darrier d’un barri
Choàs lo vielh pescaire a pas pipat
D’una man nervoa pica plan sus l’àncora
Embilat

Passejada dins la vila
Li reven l’estòria
Passejada dins la vila
Fa bus, desgenat

Un seca-molea debana una dicha
D’avenir radios, esperança nebleda
Embornissent lo ment, MIAMI de pacotilha
Choas embe la racuenha, esclupe dins l’aiga
Embilat

L’autre Jan-promessa embe un plan a la man
Si pilha d’alegressa per un chaple meravelhos
Lo bosin dei camions amuerce lu gabians
Choas si desfoga, cascalha li espalas
Embilat

REPIC
Au son de Niça la bèla, a pitat a l’esca
Eu qu’a jamai dich ren, a un pes que l’afoga
Vòlon embarrar lo pòrt dins lo betum
Choas embe la sieu bila manifesta, embilat, liberat

Lu pens dins una lòna a ti banhar fins au cuòu
A ti rotlar dins lo bachàs per ti far …

Legir tot

Lu pens dins una lòna a ti banhar fins au cuòu
A ti rotlar dins lo bachàs per ti far una fora de rire
Sensa pensar a ren, sensa pensar a mau
E se ti fas chinchar per la maire, cau cantar

Corre pichon corre
Que la vida non t’arreste
Corre pichon corre
Non ti laisses agantar

La tèsta dins lo juec a ti rire fins a totjorn
Quora apuiat sus la taula vees pas lo tieu quadern
Sensa pensar a ren, sensa pensar a mau
E se mi meti a cridar coma un fòl

Quora meti dei làgrimas dintre lu tieus uelhs
Quora t’estofi de conseus per lo tieu ben
Sensa pensar a ren, sensa pensar a mau
Mi pilhes per la man e mi dies

Corre, papà, corre
Que la vida non t’arreste
Corre, papà, corre
Non ti laisses agantar

Ti cau mai d’una vida
Per saupre dont se’n van li estelas
Quora s’enauça lo soleu
Dont s’escondon ò bessai …

Legir tot

Ti cau mai d’una vida
Per saupre dont se’n van li estelas
Quora s’enauça lo soleu
Dont s’escondon ò bessai dont s’amuerçon
Quora s’enauça lo soleu

De l’autra part
Dau ment dei òmes

N’en cau de passejadas
De rires e de làgrimas
A pròvar de li segre
Entre trabucs e Monjòias
Dins lo ròdol d’un pantais
A pròvar de li segre

N’en pilheras de patelas
Sensa acapir per cenque
A picar dau morre en camin
D’amigas en amor
D’amics a l’entorn
Per levar lo gòto au camin

A tu lo mieu enfant
Aqueu matin de marrit ancuei
Coma ti pareisson bessai luenh
A tu lo mieu pichon
Siás pròpi desprovist
A caminar sensa la respòsta

Soguinhes, juecs
Baietas, nuechs
Per ti menar emb’ai estelas
Berris escarpinats
Per una man aimada
Per ti menar emb’ai estelas

Es mens qu’un òme
Qu’estirassa la grola
Grunha solet dins la carriera freioa
Minga vanaglòria per lo retorn dau eròe …

Legir tot

Es mens qu’un òme
Qu’estirassa la grola
Grunha solet dins la carriera freioa
Minga vanaglòria per lo retorn dau eròe
Eròe fantaume d’una guèrra luencha

Reven cargat d’ans
Matusalem a vint ans
testimòni viu
De l’òdi e la vergonha
A l’odor testarda
Sang , beta e merda
Dei ossaris ordinari dei fèstas guerrieri

Grozni canta pas Jenine bala pas
Chechenia es pas un gropa
Palestina una chorma
L’indiferença es regina a estraça academia
Duermon dau sòm dei justs
En si panant li mans

Es ren qu’un òme
Qu’estirassa la grola
Canta solet, la cançon dei pichons
Dont crepon lu rires
Coma bòfas de sabon
Dins lo gorgoiament dei gòrjas que talhan

Es pas plus un òme
Que reven de la guèrra
A l’ànima que brama
A estofar lo silenci
Son la rason e lo drech
Qu’estirassan la grola
A fach lo sieu dever, li a laissat...
Es mens qu’un òme que s’estirassa...

Dont se’n van lu marins
Quora s’escondan sota lo vent
bessai en lo país blu
Dont lu pantais d’enfants navigan …

Legir tot

Dont se’n van lu marins
Quora s’escondan sota lo vent
bessai en lo país blu
Dont lu pantais d’enfants navigan
Demandar au miralh
Lu mòts revenguts dau viatge
Per dire en lo libre
Dont lu pantais d’enfants si cuentan

Et puis le vent du large,
a repris son bagage

Escota la flor blanca
Va ne’n dire d’istòrias
A vist lo vòl de l’aigla
Pintar un ciel per la sieu bèla
A laissat una pluma
Per firmar li nius que passan
Au luenh un tròn que canta
Ne’n pòrta la poèsia

Et puis le vent des cimes
a refermé l’abîme

Lo vent terrador
Fa balar li erbas lòngui
Despí l’òrle dau bòsc
La selva ne’n fa l’oferta
Laissar córrer lu uelhs
A l’autra man dau païsatge
Aquí li es un escorch
Dont lu sospirs s’entanan

Alors le vent des plaines
a emporté la haine

a Laurent Jalabert e René Vietto
Cristalh que grinha,
Perla d’aiga blu
Qu’escorre e s’engana
Ancuei denembrada

Taca de glòria …

Legir tot

a Laurent Jalabert e René Vietto
Cristalh que grinha,
Perla d’aiga blu
Qu’escorre e s’engana
Ancuei denembrada

Taca de glòria
Cremada per soleu
Bràvos, crits e rires
Ancuei esvanits

Cristalh que grinha
Perla d’aiga blu
Que banha la rota
Ancuei esventada

Tunica de glòria
Vestida de soleu
Bràvos, crits e rires
Ancuei esvanits

Galeròto la memòria
T’a laissat una plaça
Au somp dau tieu BRAUS
Galeròto, la memòria
T’a laissat una plaça..

Lo matin s’es pauat com’un jorn de vacanças
Dins l’aléa dau parc, naisson li aventuras
Sus lo banc barotlier, ti …

Legir tot

Lo matin s’es pauat com’un jorn de vacanças
Dins l’aléa dau parc, naisson li aventuras
Sus lo banc barotlier, ti regarji pichon
Siás au país dei juecs
Emb’ai tieu cambas corti

E la fònt au mitan dont vas a t’abeurar
Es un chícol tròup auta
Venes a mi cercar, beves emb’ai mans

Un velociraptor, toti àrpias sortidi
Rescòntra un indian qu’a ganhat la guèrra
Un chivalier espacial per sauvar la Tèrra
Pica morre en tèrra e si fa consolar

E la fònt au mitan dont vas a t’abeurar
Es un chícol plus bassa
En ti clinant un pauc, beves coma vòles

Lo sera es vengut e m’emplissi de tu
Dins l’aléa dau parc es totjorn li vacanças
Ti regarji pichon fier com’un Artaban
Percorres la vida, emb’ai tieu cambas lòngui

E la fònt au mitan dont ti siás abeurat
Es esquasi eterna
Li revendràs bessai
per cercar lo gust de l’aiga