A la ruàa de Rore i a una bella filha
I a una bella filha da maridar,
Ilh vòlen donar-la …

Legir tot

A la ruàa de Rore i a una bella filha
I a una bella filha da maridar,
Ilh vòlen donar-la a un vielh e quiei ilh lo vòl pas

Mas piora pas tant, ò bella filheta
‘quel vielh feniarè fito soterrat,
E tu sares padrona de tot çò que a

Que vòs que me ne fau mi de tanta ròba?
Per mi m’es ben pus char anar a trabalhar
E a pilhar-me ‘quel bel jove sarei consolàa

Jove en bó jove, vielh en bó vielh
Jove en bó jove, vielh en bó vielh,
A l’ombra d’un bel jove s’esta sempe mielh

Ah! La bòna novela,
Nòste bòn Diu es nat
Una jove piocela
Stanuech nos l’a donat
Compaires, comaires,
Sabetz que …

Legir tot

Ah! La bòna novela,
Nòste bòn Diu es nat
Una jove piocela
Stanuech nos l’a donat
Compaires, comaires,
Sabetz que devem faire?
Anem-ie tuchi ensem
A veire la jacent

Anem a far-ie festa,
Portem-ie quarquaren
N’aurem pus mal de testa,
N’aurem pus mal de dent
I pastres e i astres,
I rei que son tant sages
Fasaren son present
A la paura jacent

Chal que preguem la maire,
En bó son filh tant doç:
Quand n’aurem pus a faire
Al monde maluros
Nos sòne, nos dòne,
Nos bute dins son tròne
E sarem tuchi ensem,
L’enfant e la jacent

Ai decidat de montar sus mon ai
per anar veire l’acochada
Ai decidat de montar sus mon ai
per anar …

Legir tot

Ai decidat de montar sus mon ai
per anar veire l’acochada
Ai decidat de montar sus mon ai
per anar veire s’es verai

De malhons e e de camisetas
N’en cargarem nòstas saumetas
Un fromatge coma un mortier
Lo manjarem totis de companhier

En menarem la frema de Simon
Emé sa sòrre, la talhosa
En menarem la frema de Simon
li farà quauques calotons

Oblidatz pas de portar lo caban
e de vieure dins la manseta
Oblidatz pas de portar lo caban
de vin, de lach e de bon pan

Anem, anem a Nòsta Dama, per veire aquela dama
Qu’a fach un enfant
Arubarem vers mieja nuech, anem-ie tot espres …

Legir tot

Anem, anem a Nòsta Dama, per veire aquela dama
Qu’a fach un enfant
Arubarem vers mieja nuech, anem-ie tot espres
E cantarem Nové!

Veici venir totis li pastres adreiçats per lis astres
Embè si saions;
L’un de fromatge ié donet e l’aute un caufa-pes
E canteron Nové.

Puei li bergiers ié corregueron e totis li vengueron
Portar quauquaren
L’un li apòrta de bosquet e l’aute de pan cuech
E canteron Nové.

Anem se me cresetz, bregada, tocarem una aubada
Per aquel bòn Dieu
Davian jogara dòu rebec di mans, non pas di pes
E cantarà Nové.

Anueit nòsti vesin eron toti en festa
emé si tamborins me fasien mau de testa
Corrien per campanha emé gran …

Legir tot

Anueit nòsti vesin eron toti en festa
emé si tamborins me fasien mau de testa
Corrien per campanha emé gran plesir
ieu avieu la lanha, podieu pas dormir

D’entendre aqueu gran brut ieu sabieu plus che faire
cresieu d’estre perdut, revilhere ma maire
Come podetz creire me sieu abilhat
e sieu anat veire çò qu’era arribat

En fasent mon camin, rescontrere Justina
ieu ie diguere ansin: "Digatz-me, ma vesina:
me porriatz pas dire çò qu’es arribat?"
S’ei botada a rire e me l’a contat

M’a dich qu’un beu garçon a pres nòsta natura
Per pagar la rançon de totas creaturas
Tre que l’entendere aguere gran gau
e ié correguere come ’n perdigau

En arribant au liòc ont’era l’Acochada
ie faguere bòn fiòc: era tota jalada
e puei despleguere un beu pedas blanc
e ieu ajudere a mudar l’enfant

Tre que fuguet mudat prenguere mi clinquetas
me botere a cantar la tan-lura-lureta
Cantere e dancere per lo rejoir
Mai m’enraumassere, fau ren che tussir.

Ara n’ai pas lesir de vos contar lo resta
mai se voletz venir deman que sarà festa
Veirem l’acochada e l’enfant au breç
Tocarem l’aubada, direm de Nové

Sòn, sòn, veni, veni, veni
Sòn, sòn, veni, veni, sòn!

La sòn-sòn s’en es anada a Paris sus una craba, …

Legir tot

Sòn, sòn, veni, veni, veni
Sòn, sòn, veni, veni, sòn!

La sòn-sòn s’en es anada a Paris sus una craba,
Tornarà deman matin a cavalet sus un rossin

La mamà es al canton, fai rustir un milhasson
Lo papà pòrta un aucel dins lo clòt de son capel

La son-soneta vendrà, lo mainatjon s’endurmirà
Nen-nen, migon, sòn-sòn, toston

Nen! Sòn! e sòn-sòn lo mainatge dròm...
E nen-nen, lo mainatge duerm....

Frederi, Estella
Vincent, Esterella
Miqueu d’eici, Luci d’eila
de que sarà?
Emili o Julian
Eugeni o Bastian
Bessai Juli, pusleu …

Legir tot

Frederi, Estella
Vincent, Esterella
Miqueu d’eici, Luci d’eila
de que sarà?
Emili o Julian
Eugeni o Bastian
Bessai Juli, pusleu Norat
es d’esperar

Filha o enfan, balin-balant, chata o garçon, pichon
Filha o enfan, balin-balant, chata o garçon

Un fautelh de canas
d’agulhas e de lana
e tricòtì e tricòtà
l’enfan vendra
De debas, de bralhas,
de pedas, de malhas
e tricotì e cordurar,
l’enfan es nat

Un breç blanc de vela
Barca breçarella
E breçolì, e breçolar
e tintorlar
Lo pichòt reneja
Guinha, plorineja
e tintorlì, e tintorlar,
la sòm vendrà

San Jòusé dòu ped breçava e cantava
a Jesu: dormetz, dormetz
Lis anges e lis angelicas fan musica
a l’entorn …

Legir tot

San Jòusé dòu ped breçava e cantava
a Jesu: dormetz, dormetz
Lis anges e lis angelicas fan musica
a l’entorn dòu pichòt breç

Vòsta maire jamai laça vos pedaça
vòste pichòt camison
D’enterin che sa man pura vos cordura,
bòn Jesu, fasetz som-som

Barratz leu vòsti parpellas totas bellas,
crosatz vòsti braç ansin
Que vòste polit frònt d’ile ben tranquile
repause sus lo cussin

L’ase e lo biòu en calauma dins la bauma
bofon dins l’ombra a geinons
sota la cauda alenada ben reglada
dormetz, ò sant Enfanton

Calant de Villafranca, sota d’un carrobier
Faiú la contradança em’un sarjant forier

Li gandaulas si maridon… li gandaulas son maridàas …

Legir tot

Calant de Villafranca, sota d’un carrobier
Faiú la contradança em’un sarjant forier

Li gandaulas si maridon… li gandaulas son maridàas
Fai que l’amor ti passerà, fai la vireta…la viràa

S’es maridat un rango em’una qu’es sença dents
Sa maire n’es contenta, son paire n’en sai ren

La filha n’es promessa, li an donat l’aneu
N’a pus de contentessa que fins a San Miqueu

Tu creies d’estre bella mas bella non sies pas
Te cal pagar lo pintre per te faire pintar

Iu me siu levat
Fito d’matinàa
Quora fins l’adrech
Era encar brinat

Chantem Natal, Natal Natal,
Chantem Natal encara

Me …

Legir tot

Iu me siu levat
Fito d’matinàa
Quora fins l’adrech
Era encar brinat

Chantem Natal, Natal Natal,
Chantem Natal encara

Me siu enchaminat
A cercar Janet
Qu’escotes iqui,
Ò pastorelet?

Escoto chantar
Aquel rossinhòl
Ai jamai sentut
Un chantar pus bel!

Ni l’es rossinhòl
Ni d’aute aucelet
Es dal Paradis,
Un bel angelet

Dis que a Betelem
Dins de n’estabiet
I es naissut stanuech
Jesus l’enfantet

Erem tres pastoreletas
que gardavem dins lo prat
Fasiam paisse las ovalhetas Nové! Nové!
lo long d’un riu argentat Nové! …

Legir tot

Erem tres pastoreletas
que gardavem dins lo prat
Fasiam paisse las ovalhetas Nové! Nové!
lo long d’un riu argentat Nové! Nové!

Avem vist volar un ange
que cantava dins lo cel
Anonçava un Diu mainatge Nové! Nové!
Sus un aire tot novel Nové! Nové!

Lo Salvador ven de naisse
Pus doçet q’un jove anhel
Laissatz las ovalhetas paisse Nové! Nové!
Venetz veire, pastorels Nové! Nové!

Ha qu’una bela mervelha
E qu’un polit enfanton
Sa gauteta es pus vermelha Nové! Nové!
Qu’una ròsa de buisson Nové! Nové!

Pastorel, pren ta museta
Ta fluta e ton caramel
Cantarem sus sa breceta Nové! Nové!
çò que sàbem de pus bel Nové! Nové!

Jan de la Rivella aviá un prat, las lengostas l’an siat
L’aura mena, l’aura fena, Jan de la Rivella es …

Legir tot

Jan de la Rivella aviá un prat, las lengostas l’an siat
L’aura mena, l’aura fena, Jan de la Rivella es sença pena
L’aura mena, l’aura fena, Jan de la Rivella beica far

Jan de la Rivella aviá un chin, que mosiá nueit e matin
A-o butava en la feisella se fasiá la toma bella
A-o butava en la feisella e se minjava toma e pan

Jan de la Rivella s’es mariat, quatre filhas l’an pilhat
Uno cos, l’autra talha, l’autra fai chapels de palha
L’autra fai chapels de flors, Jan de la Rivella fai l’amor

Joana s’en vai querre d’aiga,
d’aiga, l’aiga per pastar

Dal temps che pausava l’aiga
un monsur ven a passar

Joana, …

Legir tot

Joana s’en vai querre d’aiga,
d’aiga, l’aiga per pastar

Dal temps che pausava l’aiga
un monsur ven a passar

Joana, dona-me un pauc d’aiga
per mon caval abeurar

Cavalher ma dorna es plena
de caval cal davalar

Filheta se iu davali
un poton te costarà

Un poton n’es pas gran causa
mas tan plan vos mancarà

Jutjatz un pauc, de quinta sòrta
lo bòn Jesu es a cubert
Non li a ni fenestra, ni pòrta,
aquel …

Legir tot

Jutjatz un pauc, de quinta sòrta
lo bòn Jesu es a cubert
Non li a ni fenestra, ni pòrta,
aquel estable es tot dubert
E fai un’aura qu’es pus fòrta
que non sarà de tot l’iver

Aquel Enfan dona dins l’ama
Es tot nud sus de palhossas
e sa maire, la bòna dama
Li vodrié caufar son pedas
Mai come n’i a ni fuec ni flama
Lo li met fret come de glaç

N’i a que dison que l’Enfan plora
Per ieu, l’ai ren ausit plorar
Vodrieu que me diguesson quora
An vist que se sié rancurat
Eu s’acostuma de bòn’ora
Ei torments que deu endurar

La bòna Vierge es fòrt modesta
Dins una granda umelitat
Pòde pas vos dire lo resta
De toi lei trèts de sa beutat
Car lo vuel c’a sus la testa
M’en a ben raubat la mitat

S’es jamai vist dins la natura
Ren de si doç, ren de si beu
Es pus blonda que la daurura
Cent fes pus doça que lo meu
Vos vodrieu faire sa pintura
Se sabieu menar lo pinceu

L’ase d’Alegre fai testament
Laissa la vida per lo convent

E levrin e levron ton-ton
E levran dalión e levrin …

Legir tot

L’ase d’Alegre fai testament
Laissa la vida per lo convent

E levrin e levron ton-ton
E levran dalión e levrin e levron

Laissa las chambas ai pauri sòps
Quora corrián, corrián au galòp

Laissa ‘s’aurelhas ai pauri chòrnhs
Quora auvián, auvián da luenh

Laissa l’uelhes ai pauri bòrnhs
Quora veián, veián da luenh

Laissa l’òsses ai pauri chans
Quora mordián fasián an! an!

Laissa la coa ai cusiniers
Parar las moishas dai potagiers

Sem partits da i nòstres cases
Era ja scasi sera
Sem venguts ici a chantar e sonar
Sença chamar licença …

Legir tot

Sem partits da i nòstres cases
Era ja scasi sera
Sem venguts ici a chantar e sonar
Sença chamar licença

Oh bòna sera senhor padron
e dequò la padrona
Sem venguts ici a chantar e sonar
Donar-vos la bòna sera

E se voletz, donatz-nos d’iòus
De la jalina rossa
Tuchi tuchi li matins
ilh es s’al nid que possa

E se voletz, donatz-nos d’iòus
De la jalina bianca
Tuchi tuchi li matins
ilh es s’al nid que chanta

La bòna novela
que nos venguet dòu ceu
D’una qu’es pieucella,
Ansin creire se deu
Es istada facha maire
d’un …

Legir tot

La bòna novela
que nos venguet dòu ceu
D’una qu’es pieucella,
Ansin creire se deu
Es istada facha maire
d’un tan bel enfan
San Jusep, son calinhaire
Dieu l’amava tan

Dins un paure estable
entr’un ase e’n bieu
Lòc ben miserable
Ela a fa lo beu fieu
Rejoissetz vos, donc, filhas
Anem vers l’enfan
Anetz-li, tropa gentilha
Aqui rirem tan

Ò maire pieucella
pregatz ben vòstre fieu
che totas querelas
apaise lo bòn Dieu
Nos, per tota recompensa
Direm a l’enfan
"Nové, Nové" de plasença
"Nové" trionfant

I es vengut una gaseta, tot’ora de novel
I es vengut una gaseta, la pòrta un angel dal ciel
L’angel …

Legir tot

I es vengut una gaseta, tot’ora de novel
I es vengut una gaseta, la pòrta un angel dal ciel
L’angel dal ciel dis que una vergineta
I a fach un enfant que teta, i a pas ren de pus bel

L’enfant qu’es nat tot’ora, es nat en Betelem
L’enfant qu’es nat tot’ora, es paure que n’a ren
Paure que n’a ren, e lo bòn Diu l’emplora
E sa maire lo adora, cojat s’un pauc de fen

La santa vergineta ensem al bòn vielhon
La santa vergineta lhi chanta una chançon
Chanta una chançon que fai liron-lireta
Lhi dona una posseta, duerm, mon bel garçon

’N cò de mair’Antoni
I a de bon vin blanc, filheta
’N cò de mair’Antoni
I a de bon vin …

Legir tot

’N cò de mair’Antoni
I a de bon vin blanc, filheta
’N cò de mair’Antoni
I a de bon vin blanc

I a de bon vin blanc, de bon vin blanc, de gentas dròllas
I a de bon vin blanc de bon vin blanc de bons enfans

Sauta un pauc, filheta, sauta un pauc
Prengas pas vergonha de levar la chamba
Sauta un pauc, filheta, sauta un pauc
Prengas pas vergonha de sautar tròp aut

Lu molinier passa
Fai petar lo foet, filheta
Sa frema l’agacha
e quilha lo det

Qual m’empacharé de l’agachar per la fenestra
Qual m’empacharé de l’agachar cant passaré

Sauta un pauc...

Ma se tu l’agaches
Te cal plan gardar, filheta
Ma se tu l’agaches
Te cal plan gardar

Te cal plan gardar de çò que te dirà, la bella
Te cal plan gardar e ren donar sens maridar

Sauta un pauc...

De matin ai rescontrat lo trin
De tres grands rei qu’anavon en voiatge
De matin ai rescontrat lo trin
De …

Legir tot

De matin ai rescontrat lo trin
De tres grands rei qu’anavon en voiatge
De matin ai rescontrat lo trin
De tres grands rèi dessus lo grand camin
Ai vist d’abòrd de guardacòrs,
De gent armats em’una tropa de patges
Ai vist d’abòrd de guardacòrs,
Totis daurats dessus si justaucòrs.

Li drapeus qu’eron segur fòrt beus
I ventolets servien de badinatge;
Li cameus, qu’eron segur fòrt beus,
Portaven de bijos totis noveus;
E li tambors, per faire onor,
De temps en temps fasien brosir son tapatge;
E li tambors, per faire onor,
Batien la marcha chasqu’un a son tour.

Esbaït d’entendre aquò d’aquì,
Me siéu renjat per veire l’equipatge;
Esbaït de veire aquò d’aquì,
De liuen en liuen lis ai totjorn seguit;
L’astre brilhant qu’èra davant,
Serviet de guida, en menant li tres rèi mages
L’astre brilhant qu’èra davant,
S’arrestet net quand fuguet vers l’Enfant

Ai platanas de la plana
Nos convida San Vincent
que de chança, per la dança
ven de s’abaucar la tramontana …

Legir tot

Ai platanas de la plana
Nos convida San Vincent
que de chança, per la dança
ven de s’abaucar la tramontana
La plovina se devina
Per anuech lo fret cocent
En cadenci, emé scienci
Dançarem d’acòrd totis ensem

Au son doç dei clarinetas
dei flutets e dei violons
lei joves, lei chatonetas
venetz leu d’un luenh valon
Lo vent s’a tombat lei fuelhas
ai vielhs ormes dau draiòu
la masurca desennueia
dins lo bòsc de Sant’Andiòu

En renguiera, de Verquieras
come de pijons ramiers
a grand destre per leu i estre
fasent voguejar sei lambrusquieras
vers lei pibas sença gibas
d’un valat pien a demieg
au boscatge dau vilatge
elei ié saran lei beu prumiers

Au son doç...

De Cabanas, lei mai cranas
davalaran mai que d’un
per la festa, longas vestas
lusent soliers prims, bralhas de lana
plens de jòia e de vòlha
oblidaran sei plantums
de violetas fescoletas
quand n’auran son fresc boquet cadun

Au son doç...

Sot li brancas de geu blanca
pas un que demòre siau
sus lo germe, lo ped ferme
jamai degun la mesura manca
bramadissas, cridadissas
en espaventant lo Riau
se revilha dins d’aubrilhas
la machòta que vai faire «miau»!

Bela Françon lo temps es a la plueia
ben leu li fuelhas van degotar
Dins ton ostal soleta emé ta …

Legir tot

Bela Françon lo temps es a la plueia
ben leu li fuelhas van degotar
Dins ton ostal soleta emé ta maire
ieu ton amaire vòs m’escotar

Plòu, plòu, plòu doça amiga plòu
Vene dins la cabana es negra la chavana
Plòu, plòu, ma doça amiga plòu
Vene dins la cabana, ven m’agues ren de pòu

Se t’en soven tot en gardant li fedas
Dins la pineda au bòn dòu jorn
S’eriam promés qu’avant d’estre a l’autona
Genta chatona, parlar d’amor

Just au jorn d’uei a pareigut de nivas
Aquò m’aviva per te sonar
T’ai fa un baston a mis oras de pausa
Trevant li lausas l’ai festonat

Dins un moment se la plueia desbonda
Se puei lis ondas vòlon bramar
Vene vers ieu, saras sença escaufestre
Farà bòn i estre per nos amar

Te sercho, Te tròbo
S’i brics e combals
Te parlo, Te prego
o miu bon Senhor

Escòuta lo bram dal …

Legir tot

Te sercho, Te tròbo
S’i brics e combals
Te parlo, Te prego
o miu bon Senhor

Escòuta lo bram dal miu còr montanar
protegg mia montanha,
mia terra, mia gent
escòuto la votz de tiu filh montanar

Te sercho, Te vèu
S’i ròches d’i crests
de nuech bó i esteles
me parles d’amor

Escòuta…

Te sercho, Te sento,
‘nte l’aiga dal bial
T’escòuto ’nte l’aire
bó i angels chantar

Escòuta…

Montanha, Montanha,
mia terra d’i fiors
per la mia Montanha
Te prego, Senhor

Escòuta…

La terra es freja
Lu ciel neveja
Mòrta sason
Ausetz los anges
Cantar loanges
Del Nadalon

Venetz floretas
Ròsas, violetas …

Legir tot

La terra es freja
Lu ciel neveja
Mòrta sason
Ausetz los anges
Cantar loanges
Del Nadalon

Venetz floretas
Ròsas, violetas
Li far la cort
Jamai la terra
N’a vist d’enquerra
Tant bela flor

Aquel que dona
Al rei corona,
Glòria, palais
Dins un estable
Plan miserable
Anueit se plai

No! Sus la terra
I a res d’enquerra
Amont, al len
De comparable
Al paur’estable
De Beetelem

La Vierge Maria a fa l’Enfant
Li pastors van l’adorant
Chascun quauquaren li dona
Dòna Peirotona, Dòna Peirotona,
ieu vau …

Legir tot

La Vierge Maria a fa l’Enfant
Li pastors van l’adorant
Chascun quauquaren li dona
Dòna Peirotona, Dòna Peirotona,
ieu vau faire una corona
de bella façon per lo beu garçon

Dieu dòu ceu nos l’a vorgut donar
E puei l’a recomandat
A sa maire doça e bona

Son marit Jòusé, sage e leiau
Es totjorn aupres dòu joiau
E pren garda a sa persona

La premiera nuech com’eu nasquet
Claretat granda i aguet
Lo ceu si torchas raiona

De tota la nuech lo beu pichòt
N’aguet ni calor ni fiòc
Qu’aqueu que la palha dona

E per tots meinatges bòns e beus
Non s’atrobet qu’un drapeu
Dont sa maire l’environa

Aro chascun dona au petit fis
Qui un drap, qui un tapis
Enfin chascun fai sa dona

N’es pas la reson que ten eici
chascun deu donar per si
Portatz li quauquas cotonas

Tots nòstri vesins van lo trobar
Cadun a-chà l’un l’ie va
Qui a d’estruments li sona

Anem donc tots joiosament
Ço qu’aurem li donarem
Anem, leu, dòna Peirona!

Aval en la ribiera i a una richa meison
Dedins son tres filairas que filan tot lo jorn

Una s’apela …

Legir tot

Aval en la ribiera i a una richa meison
Dedins son tres filairas que filan tot lo jorn

Una s’apela Jana e l’autra Marion
L’autra s’apela Clara, esclaira nuech e jorn

Sa maire la penchena d’un penche d’argenton
E son paire la còfa d’un’auna* de galon

Quand ela se miralha dins l’aiga de la font
Un aucelon s’i pausa per ié far l’orason

Lo filh del rei passava, l’a trobada a la font
“digatz, bela filaira, aquò’s vos, Janeton?”

“Nani, ma sòrre ainada s’apela d’aquel nom
Se cercatz un’amiga, intratz dins la meison”

Iu siu un paure conscrit
de l’an 1810
cal daissar lo Lengadòc
per se n’anar a la mòrt.

Luènh d’aicí …

Legir tot

Iu siu un paure conscrit
de l’an 1810
cal daissar lo Lengadòc
per se n’anar a la mòrt.

Luènh d’aicí i a un país
de nèu blanca e de cèl gris
nos i cal anar morir
per l’Emperaire e son filh.

Lo rector e lo regent
nos an parlat plan longtemps
partissèm fòrça contents
serem sus lo monument.

Mainatz-vos, Lengadocians
de faire d’autres enfants
n’auràn besonh dins vint ans
Negres o Republicans.

Vos a escrit un gojat
nascut pròche vòstre ostal
Dormís… A pro caminat
e son cònte es acabat.

Monsur lo president
Escusatz la mia arrogança
Se per corripondença
Vos ròbo un pauc de temps

M’avetz mandat pr’escrich
Marcat …

Legir tot

Monsur lo president
Escusatz la mia arrogança
Se per corripondença
Vos ròbo un pauc de temps

M’avetz mandat pr’escrich
Marcat en bòna maniera
que chal anar en guera
denant de jòus matin

Monsur lo president
mi siu estat fach per d’autre
e pas pr’anar iqui-òuta
massar la paura gent

L’ai ren abó vos, senhor
vos prego, devetz creire
mas viro pus areire
d’encuei siu desertor

Encar ren qu’ero enlevat
Ai vist murir mon paire
ai vist partir mon fraire
ai vist piorar i minàas

Ma maire a tant soffert
E aüra qu’ilh es en la tomba
S’embat ben pro d’i bombas
S’embat dequò d’i verms

Dal temps qu’ero en preson
L’amor ilh m’an raubat
E tot lo miu passat
E tuchi i ans pus bons

Deman me levarei
E i mals de tota sòrta
Barrats dareir’dla pòrta
Pian pian m’en anarei

Anarei mendicar
Travers de la Provença
Travers d’tota la França
A dir que chal pas anar

Que chal se refusar
Chal far desobediença
A l’ordine d’partença
Pr’anar a batalhar

Se chal donar de sang
Mustatz che siatz bon mestre
Anatz donar lo vòstre
«Monsieur le President»

Se me voletz cercar
Disetz pura ai gendarmes
Che iu pòrto pas d’armes
Me pòlen d’quò tirar

Ò es aici lo mes de mai
que los galants planten lo mai
n’en plantarei un per ma ‘mia
passaré …

Legir tot

Ò es aici lo mes de mai
que los galants planten lo mai
n’en plantarei un per ma ‘mia
passaré mai que sa teulina

Que i mettres per lo gardar?
un sòudat per cada costat
que i mettres per sentinela?
sara lo galant de la bela

Quand ven l’ora de mejaneit
que lo galan s’endurmigueit
s’al durmia e si sumelhava
que lo bel mai se desplantava

Iu sabi ben çò que farei
a Marselha m’en anarei
e de Beucaire a Marseha
ne pensarei pas pus a-n-ela

Quand de Marselha iu vendrei
denant d’sa pòrta passarei
demandarei a sa vesina
coma se pòrta Catarina

Catarina se pòrta plan
es maridada i a longtemps
a-n-un borges de la campanha
que li fai plan faire la dama

Al pòrta de chapel montat
la mòstra d’òr a son costat
e la fai viure san res faire
lo faries pas, paure cardaire!

Ò es passat lo mes de mai
que los galants planten lo mai
Mi l’ai plantat per Catarina
passava mai que sa teulina...

L’aiga de ròcha
te farà murir, pecaire
L’aiga de ròcha
te farà murir

T’en cal malfisar
d’aquel’aiga, pecaire
t’en cal …

Legir tot

L’aiga de ròcha
te farà murir, pecaire
L’aiga de ròcha
te farà murir

T’en cal malfisar
d’aquel’aiga, pecaire
t’en cal malfisar
beu un còp de bon vin

S’una filheta se vòl maridar, pecaire
S’una filheta se vòl maridar

Li cal pa donar
d’aquel’aiga, pecaire
Aimarà milhor
beure un còp de bon vin