Mon Dieu, quelle misère de tant de réfugiés,
Qui sont dans nos Vallées et qui ne font que soupirer.
Ils …

Legir tot

Mon Dieu, quelle misère de tant de réfugiés,
Qui sont dans nos Vallées et qui ne font que soupirer.
Ils n’ont plus de quoi vivre, ni biens, ni or, ni argent,
Ni chose qui leur puisse donner soulagement.

Par la vallée de Pérouse et la val de Cluson,
Que de pauvres qui pleurent, qui n’ont plus de maison
Les paysans qui crient, courant parmi les bois,
S’en vont tout en furie, oh, les pauvres Vaudois

Oh! La cruelle guerre qui est cause de malheur
Qui se fait sur la terre au pauvre laboureur.
Hélas, que de personnes qui souffrent tant de froid
La guerre en est la cause s’ils sont parmi les bois.

Ò la mieu bella Niça, regina de li flors
Li tieu vielhis taulissas ieu canterai totjorn
Canterai li montanhas, lo …

Legir tot

Ò la mieu bella Niça, regina de li flors
Li tieu vielhis taulissas ieu canterai totjorn
Canterai li montanhas, lo tieu tan ric decòr,
Li tieu verdi campanhas, lo tieu gran soleu d’òr

Totjorn ieu canterai sota li tieu tonelas
La tieu mar d’azur, lo tieu ciel pur
E totjorn criderai en la mieu ritornela
Viva! Viva Niça la bella!

Canti la capelina, la ròsa e lo lilas
Lo Pòrt e la Marina, Palhon, Mascoinat
Canti la sofiéta, dont naisson li cançons
Lo fus, la colonheta, la mieu bela Nanón

Canti li nòstri glorias, l’antic e beu Calén
Dòu donjon li vitòrias, l’odor dòu tieu printemps
Canti lo vielh Sincaire, e lo tieu blanc drapeu,
Puei lo breç de ma maire, dòu monde lo pus beu

Un bergier se promenava tot al long d’un riu
Tot al long d’un riu, al bòrd de la ribera
Per …

Legir tot

Un bergier se promenava tot al long d’un riu
Tot al long d’un riu, al bòrd de la ribera
Per entene cantar ra bergera de la

Ò bergera de la r’aiga passatz bon de ça
Passatz bon de ça, al long d’aquesta prada
Passatz bon de ça, que parlarem d’amor

E quin voletz que iu passi che no i a de bateu
Que no i a de bateu, ni mai de pont d’arcadas
Ni mai de pastureu qui me siá fideu

Si tu n’eras fidelòta iu be t’en sirió
Iu be t’en sirió, pendent tota ra vita
E iu be t’en sirió, be t’en espusarió

L’aura que suelìa nòste pastural
que se pòrta via lo bruir dal bial

Ò reira montanha cròs de nòsta gent …

Legir tot

L’aura que suelìa nòste pastural
que se pòrta via lo bruir dal bial

Ò reira montanha cròs de nòsta gent
sies neu, aura, eiganha dal Senhor potent

La neu que s’embarma sobre d’mon cubert
sa lindor m’encharma sa grandor me perd

Me senhar d’eigagna me senhar la crotz
sus la dralha terranha sies, Senhor, bó nos

Pastres de i nòstas montanhas,
Se durmetz revilhatz vos
Se durmetz revilhatz vos
Anatz veire Maria
N’a fach un tant …

Legir tot

Pastres de i nòstas montanhas,
Se durmetz revilhatz vos
Se durmetz revilhatz vos
Anatz veire Maria
N’a fach un tant bel enfant
Se sòna lo Messia

Qu’es que fai tan de tapatge?
Qu’es tota aquela quiaror?
Qu’es tota aquela quiaror
que i a sus lo visatge?
Me sembla de sente chantar
I angels sus lo vilatge

Pastres de l’Argentiera
Calen da l’aut en bas
Pòrten formatge gras
De dins la formatgera
Per far la presentiera
Al …

Legir tot

Pastres de l’Argentiera
Calen da l’aut en bas
Pòrten formatge gras
De dins la formatgera
Per far la presentiera
Al bòn Jesus qu’es nat

Ven Ròsa, cala Guita
Bramen alegrament
Bramen "compaire Laurent!
Mai causa tant polida
Al temps de nòsta vida
S’es vist en Betelem"

Ma se ia una massiera
Que fai lo pan forniat
Vai fito fòra, i disem,
Al lòng de la carriera,
Te butem la premiera,
Janeta, fai lo pan

Senten un’armonica
Que cala ju dal ciel
Ilh chanta un’aire tant bel,
I auti fan la replica
Chantem tot en musica
"Viva l’enfant novel!"

Per non languir lòng dòu camin
contem quauquas sornetas
Sus lo fifre e lo tamborin
disem la cançoneta

Repic : …

Legir tot

Per non languir lòng dòu camin
contem quauquas sornetas
Sus lo fifre e lo tamborin
disem la cançoneta

Repic :
Cantem Nové, Nové, Nové, Nové sus la museta
Cantem Nové, Nové, Nové, Nové sus la museta

Lo temps nos a gaire durat,
ves’eici la grangeta
Lo beu prumier que i’intrarà
que leve la bareta

Ai d’iòus, de farina e de lach
emai una casseta
S’avieu de fiòc, i aurieu leu fach
una bòna popeta

L’enfant es freit come de glaç,
porgetz-me l’escaufeta
Tenetz, caufatz-ie son pedas,
comaire Guilhaumeta

Bòna vierge, Maire de Dieu,
bela e joina bruneta
N’autres vos anam dire adieu,
vos leissam pas soleta

Quand la miejanueit sonava
ai sautat dòu liech au sòu
ai vist un bel ange que cantava
mila fes pus …

Legir tot

Quand la miejanueit sonava
ai sautat dòu liech au sòu
ai vist un bel ange que cantava
mila fes pus doç qu’un rossinhòu

Lei mastin dòu vesinatge
se son totis atrupats
N’avien jamai vist aqueu visatge
se son tot d’un còp mes a japar

Lei motons, agneus e fedas
se son toi mes a belar
Se n’i aguesse ges agut de cledas
Se sarien anats de ça, de la

Lei pastres dessus la palha
Durmien come de socas
Quand an ausit lo brut dei sunalhas
An cresegut qu’era lo suiraç.

De sauts e de cambadas
n’ai fach mai que non podiéu
Lòrs que m’a parlat d’un’acochada
qu’avié mes au jorn lo Fieu de Dieu

Maire se sabiatz d’onte veni d’onte veni
Maire se sabiatz d’onte veni me battriatz
Veni de Tolon, de Tolon e …

Legir tot

Maire se sabiatz d’onte veni d’onte veni
Maire se sabiatz d’onte veni me battriatz
Veni de Tolon, de Tolon e de Marselha
Veni de Tolon, de dançar lo rigodon

Avíu un calinhaire m’agradava pas
Aviá lo nas de caire, sabiá pas dançar
Aqueu calinhaire m’agradava gaire,
Aqueu calinhaire m’agradava pas

I a de chivaliers de l’armada, de l’armada
I a de chivaliers, parlon d’amor volontiers
L’espasa au costat, bella mina, bella mina,
L’espasa au costat, sabon se faire escotar

I a tant de marins, per la dança, per la dança
I a tant de marins, per la dança, plens d’entrin
Rire que fai gau, camba lesta, camba lesta
Rire que fai gau, camba lesta e pes descaus

I a li gròs marchands, li pistòlas*, li pistòlas
I a li gròs marchands, li pistòlas e li diamants
N’an si còfres plens, de colanas, de colanas
N’an si còfres plens, de colanas e de pendents

Ah! Lo beu pais, tot fa festa, tot fa festa
Ah! Lo beu pais, tot fai festa e tot ié ris
Maire se voliatz vòstra filha, vòstra filha,
Maire se voliatz aqui la maridariatz!

San Jusep en bó Maria
Tuchi dui van viatjar
E demanden retirada,
I a degun que i vòl lotjar

Ont’anetz, …

Legir tot

San Jusep en bó Maria
Tuchi dui van viatjar
E demanden retirada,
I a degun que i vòl lotjar

Ont’anetz, tant bela dama,
E lo filhet qu’avetz da cant?
Ai pa encar trobat un’estrema
Per proteger nòste enfant

Ici, dins d’aquesta meira
Degun venarè cercar
Vai querre lo dalh, siaire
Que lo biat te chal copar

Aquò fai tres jorns areire
Que l’avìu semenat
Tu brau òme, vai a veire
S’al es pas encara brulhat

E la palha ent’un quart d’ora
Aviá grandit e espigat
E apres un’aute quart d’ora
L’espic era ben meurat

E la primera siada
N’aviá fach la linçolàa
Ma ia iqui la banda armada
D’i Judeus renegats

"Dis-nos un pauc, marrit siaire
Quita de talhar lo biat
As pa vist aquela maire
Que portava un novel nat?"

"Son passats aquela jornada
Quora ai semenat lo biat"
"Anem via d’ici bregada
Aquò l’era l’an passat!"

Denant de ma fenestra i a un aucelon,
Tota la nuech chanta, chanta sa chançon

Se chanta, que chante
Chanta …

Legir tot

Denant de ma fenestra i a un aucelon,
Tota la nuech chanta, chanta sa chançon

Se chanta, que chante
Chanta pas per iú
Chanta ma ‘mia
Qu’es da luenh de iú

Aquelas montanhas que tant autas son
M’empachon de veire meis amors ont son

Baissatz-vos, montanhas, planas levatz-vos,
Perqué pos-que veire meis amors ont son

Sem montanhòls, n’avem l’independença
L’avem, l’avem e mai la gardarem
Si a pas de rei en França
N’autres i renharem! …

Legir tot

Sem montanhòls, n’avem l’independença
L’avem, l’avem e mai la gardarem
Si a pas de rei en França
N’autres i renharem!

Nòstre sol mestre es aquel que fa naisser
Lo blat l’autumn e l’erba lo printemps
Lo pregam que nos laisse
Lo gost del pan longtemps!

Fasem justicia a mòda montanhòla
Sens derrengar los jutges inustiers
Lo còde de Laguiòla
Es lo bòsc del drilher

Tu vinhairon, sias fier de ta vendemia
Mas ieu te planhi, paure costovin
Tu coltivas ta vinha
N’autres bevem lo vin

Dels vielhs Gales n’avem lo crit de guerra
Possam de crits que fan tot ressontir
En passant sus la terra
Aimam de nos far ausir

Sentetz, compaire Andrea
I a ren de pus charmant
Per l’aire de Judea
’Es anges van chantant
"Gloria in excelsis …

Legir tot

Sentetz, compaire Andrea
I a ren de pus charmant
Per l’aire de Judea
’Es anges van chantant
"Gloria in excelsis Deo"
A l’onor de l’enfant

Pòrten la messagiá
’S anges alegrament
La guerra i es finiá
Despuei d’aquest moment
La pas i es estabiliá
En tota la bòna gent

Sònen de l’espineta
’S anges estamatin
Lo pifre e la trombetta
La viola e lo violin
E musica e museta
Viren i balarins

Stomatin, lo jal chantava, iu me siu levat
N’ai sentut un que bramava "Lo Senhor es nat!
Achampatz-vos, leu, bregada, …

Legir tot

Stomatin, lo jal chantava, iu me siu levat
N’ai sentut un que bramava "Lo Senhor es nat!
Achampatz-vos, leu, bregada, anarem ensem
Per far festa a la borjada qu’ilh dien Betelem!"

Puei dedins la gabaneta ilh nos an menats
E n’avem vist la logeta onte Díu es nat
L’avem trobat sus la palha sença degun linçòus
Ni servietas, ni tovalhas al mes de un ase e un biòu

E bofant dins la museta dessus ‘n autre ton
Ai chantat una chançoneta dran de l’enfanton.
E dequò la vesinança qu’i era iqui d’entorn
An dançat sus la cadança d’aquela chançon.

Sus, pastorets d’i montanhes, venetz vos leu achampar
venetz bate i campanhes, que nòste Senhor es nat

Aüra lo bon …

Legir tot

Sus, pastorets d’i montanhes, venetz vos leu achampar
venetz bate i campanhes, que nòste Senhor es nat

Aüra lo bon Jesu, aüra lo bon Jesu, aüra lo bon Jesu de una vierja es nat

Avetz pas sentut ’es anges que vos son venguts sonar?
Corretz veire, ’es arcanges son dedins l’estabi anats

Accurdetz vòstes musetes, chal lo tamborin tochar
E chantetz de chançonetes, per ben rire e ben dansar

Sus, venetz que Jesu piura, l’avetz pas sentut quilar?
Venetz tuchi de bon’ora, venetz-lo veire e consolar

Tora lora lora, lo gau canta
e n’es pas encara jorn
ieu m’en vau en Terra Santa
per veire Nòste …

Legir tot

Tora lora lora, lo gau canta
e n’es pas encara jorn
ieu m’en vau en Terra Santa
per veire Nòste Senhor
Vòs tu venir? Nanì nanì!
Vendras pro ben! N’en farai ren!
Guilhaume, Guilhaume!
Au mens s’ieu non torne plus
fai mi dire uni set-Saumes
Elás mon Dieu, que farai ieu?
Sieu paurós come un polet
Quand sieu solet, quand sieu solet

Tora lora lora, l’aura mena
e me fai bofar li dets
Certas, ieu sieu ben en pena
Ai pòu de morir de freit
Hòu de l’ostau! Quau pica avau?
Vodrieu lotjar. Siam toi cojats!
Grangiera, Grangiera!
Durbetz me, sieu tot jalat
Botatz-me dins la feniera
Elás mon Dieu, que farai ieu?
Lo paure, onte tirarai,
beleu morrai, beleu morrai

Tora lora lora li ribieras an deja tot inondat
Vese plus ren li brotieras
Beleu me faudra nadar
Quauque barquet! N’ia pa de que.
Ont passarai? Certas, non sai.
Sauvaire, Sauvaire!
Tu n’as ges de caritat,
n’es pas ànsin que fau faire
Elás mon Dieu, que farai ieu?
Lo paure, onte passarai
Me negarai, me negarai

Tora lora lora, per fortuna sieu sortit d’un michant pas
La pode contar per una
Enfin ai trobat lo jas
Bonjorn a tots! E mai a vos
E que fasetz? Vos lo vesetz!
Maria, Maria!
Vos estrugue dòu beu fieu
Lo verìtable Messia
Bòn San Jòusè - se me cresetz
Me fairetz veire l’enfant
qu’ieu ame tant, qu’ieu ame tant

Triste ei lo ceu, triste ei la terra,
Qu’ei triste dinc’au hons do còr !
Autorn de iu tot ch’ei …

Legir tot

Triste ei lo ceu, triste ei la terra,
Qu’ei triste dinc’au hons do còr !
Autorn de iu tot ch’ei helera
Perqu’ei tot triste com’ aquò?
Qu’ei triste dinc’au hons do còr !

Ont va l’aucel, ont va l’abelha ?
ont va la lebre do branar?
ont va lo vent quand se desbelha?
mes iu non sei per ont anar,
tot florit qu’ei lo branar

Que ven lo tems de primavera,
abriu que tornara doman
iu qu’ei au còr dolor nabere
a-res, ailas, non m’vòu aimar,
a-res, ailas, non m’vòu aimar.

Un rotlier qu’es ben montat
Fau qu’ague de ròdas
De sieis poces, a la Marbrough
aquò’s a la mòda
em’un …

Legir tot

Un rotlier qu’es ben montat
Fau qu’ague de ròdas
De sieis poces, a la Marbrough
aquò’s a la mòda
em’un eissieu de des pans
em’un pichòt bidet blanc
per lo governatge
de son equipatge

En arribant a Lion
nos cercon rancuras
e nos fau passar dessus
de la bassa-cula
aquò n’es d’aqueli gent
que demandon que d’argent
per far de dentellas
a si damisellas

Lo matin, a son levar
la sopa au fromatge
aquò’s un friand manjar
qu’ama lo latatge
Puei, per s’escarrabilhar
un veire de ratafià
e lòng de la rota
beurem mai la gota

En arribant a Paris
usança novela
de talhòlas n’i a pus gis
culòtas a bretellas
Aquò n’es de franchimands
qu’atalon de fòra mau
E fan tot au burre
que lo tròn ie cure!

Venetz, venetz en bó io, Guilhaumeta,
A veire lo bòn Dieu
Nòste bòn Dieu,
Qu’es nat de una filheta sença …

Legir tot

Venetz, venetz en bó io, Guilhaumeta,
A veire lo bòn Dieu
Nòste bòn Dieu,
Qu’es nat de una filheta sença fuec

Io i donarei -ilh di dòna Peirona-
Lo miu bel cuberton,
E de chaussons,
Se quarqu’un d’auti i dona i escofons

E tu, Miquel, portares la fiasqueta
E lo tiu gròs barlét
E dui miconets
Que prontaré Janeta, per lo filhet

Lu gròs e gras compaire de la Ròcha
Al pòrta un bel grinet
E dequò un cunilhet
Per còier-lo a la bròcha per lo filhet

E tuchi ensem anarem en cadança
A veire l’enfanton
An-aquel garçon
Ofrirem pro de danças e de chançons

Lo pregarem: garda nòsti vilatges,
E tota nòsta gent
E lo pregarem
Que i sibi pro d’mariatges l’an que ven!

Voletz ausir una novela
Qu’ara m’an dich: per vòste ben
Dins un estable una pieucella
A fach un filh en …

Legir tot

Voletz ausir una novela
Qu’ara m’an dich: per vòste ben
Dins un estable una pieucella
A fach un filh en Betelem

Anem anem, a l’estable correm
Onte lo vent sofla, sofla sofla ben
Portem quarquas causas que non a ren

Ai ausit dire que la maire
emé lo filh son mal lojats
Car ela l’a fach ent’un caire,
dedins la grepia, dins lo jas

Jan, Tòni, Peire mon compaire
Voletz pas que quitem l’aver
Per l’anar veire lo chal faire
E s’aquitar de son dever

Margòt dedins de sa paniera
Portaré d’iòu, de formatjon
Io portarei de ma feniera
A l’ase de palha un barrion

V’autres, que siatz assemblats au don-don de la campana
Podetz ben vieure en solaç mentre que l’infern s’afana
Siam venguts …

Legir tot

V’autres, que siatz assemblats au don-don de la campana
Podetz ben vieure en solaç mentre que l’infern s’afana
Siam venguts a sauvament, cantem donc joiosament

L’enfant que n’era promés ven per nos sauvar la vida
Es naissut apres de nòu mes d’una vierja tan polida
Que la planeta dòu jorn d’ela empronta sa lusor

Per tot caire e canton non si vei que faire festa
Lis uns brandon lo menton, lis autres clinon la testa
Quand non pòdon pus velhar non fan ren que badalhar

Per veire aquel bel garçon fau laissar tota cautela
Car el n’es totjorn amont que fai bòna sentinela
Non vòl que ren de malin intre dins son bel jardin