Margarida a l’atge de quinge ans
Avià ni paire ni parents
Avià que sa maire nòuriça
Margarida en istent petita …

Legir tot

Margarida a l’atge de quinge ans
Avià ni paire ni parents
Avià que sa maire nòuriça
Margarida en istent petita

Lo fieu dau rei ven a passar
La bargeireta a saludar
Ieu ti saludi bargeireta
Vòudriàs èsser mon esposa

Siàu l’esposa de Jèsu Críst
Que sus la crotz an fach morir
A Jèsu Críst ai fach promessa
Que seriàu totjorn sa mestressa

Margarida mi vòs pas aimar
Ieu ti farai marterisar
Ieu ti farai bolhir dins l’òli
Aquí passaràs precatòria

Prince totei vòstei torments
Mi faràn sofrir qu’un moment
Mai dau ciele la glòria benida
Per ieu jamai sarà fenida

Au peiròu la van presentar
E l’òli s’es tot escampat
L’òli corrià dins la carriera
Autant que l’aiga a la ribiera

Ben pus bèla qu’auparavant
Sòrt un crucifitz a la man
Lo dragon crèba per l’esquina
Vaquí la santa qu’es garida

Alòr d’amont dau paradis
Un ange descènd e li ditz
Margarida cantem ta glòria
Car as ramportat la vitòria

Cu aqueu sant Oreson saurà
Toei lei divendre lo dirà
Lo dirà’n granda sovenença
Per lei paurei fremas encentas

Mei bèi pichons per ganhar mai de sòus
Perdem pas de temps a l’escòla
D’un partit nos fau lèu jónher …

Legir tot

Mei bèi pichons per ganhar mai de sòus
Perdem pas de temps a l’escòla
D’un partit nos fau lèu jónher la còla
Per un jorn ne’n venir lei cabiscòus

Ansin porrem s’aparar dei gabiòlas
Capitarem de far de polits bòus
Emé l’argent farem garri-babau
Jamai pus sarem a palhòla

Lei militants militaràn
Nosautres li farem que de promessas
E de grandei sarraments
Costarà que de li tocar la man !

Ais eleitors jugam lo torn
Bensai creiràn encar un autre còup
Emai cambiem de color
Li veirián pas mai de vira-torn !

Nautres siam
Lei magicians de la manipòla
Avem saugit lo beu mestier
De poletician !

S’aguessiam
Pas pus de braç nimai de guibòlas
Bolegariam mai e sariam mai
Dei pègos leis academicians...

L’a ‘na ciutat qu’adoram mai que mai
La jòia de nòsta corona
Siam tant dedins e dins son environa
Que siam segurs de la quitar jamai !

Dei baloards a la mai pichòta androna
Marselha es nòsta per cent mila ans mai
Siam de la comuna e de sei palais
Lei fondamentas e lei colonas

Dei pègos ai
Mai gròs dei peis,
Pertot n’avètz, maugrat que siegon pas
Toei de nòste latz dau quei,
Cagam dins l’aiga que li buvon puei !

Li siam lei reis !
Li fèm la lèi !
Tot ce que viu que mòre e que bolega
Lo tenèm sota l’uèlh…
Lei gènts li vien que ce que li pareis !

Nautres siam
Lei magicians de la manipòla
Avem saugit lo bèu mestier
De poletician !

S’aguessiam
Pas pus de braç nimai de guibòlas
Bolegariam mai e sariam mai dei pègos
Leis academicians...

Ara per si partir lo gibassier
De sòcis n’avètz a miliassas
Demieg lei gús que ramplisson sa biassa
N’atrobarètz pas v-un de reborsier !

Cadun pr’aguer sa part a la fogassa
Tuariá sei gènts sensa precauciás
Enmaginatz, s’ela restrechissiá…
Lo gròs pantais que s’escagassa !

Si chaplarián
Si matarián
‘Quò d’aquí vos fariá ‘na selecien
Naturala dei vauriens…
Espranhará l’argent deis elecciens !

Chabisse que
Li chabiràs
Son piétgers entre elei mai que lo ferum
Vautornalha e corbatàs
Son d’anges respiech d’aquel aucelum

S’elei son
Lei magicians de la manipòla
E s’an saugit lo bèu mestier
De poletician !

S’aguèsson
Perdut sei braç emai sei guibòlas
Bolegarián mai e sarián mai dei pègos
leis academicians...

Soncòp si son puei toeis entre-saunats
De que farà la populassa ?
Vesent que vueja e neta an fach la plaça
Dau poder porriá ben s’empatronar !

Luega de l’antica lucha de classa
Es l’Anarquia que farem tronar !
Cacans, borgés saràn pardonats
S’emé nosautres fan vidassa !

L’explicarem
Li mostrarem
Coma si fa per viure sens’argent
Es lo vin que pagarà
E l’amistat que nos governarà !

Liures sarem
Fèsta farem
En pòple nòu enfin s’auborarem
Dau mitan demorarà
qu’un còrro de galapiàs per cantar :

Nautrei eriam
Lei magicians de la manipòla
Aviam saugit aqueu mestier
de poletician !

Ara siam
Toteis egaus e de monopòla
De conservar, ne coneissem qu’un
Es la libertat !

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si …

Legir tot

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si levar d’ora e trabalhar tota la jornada
Susar plen d’aiga e de sang fin qu’a la retirada
Faire de pichons que vesem sonqu’a la dimenchada
Pagar de crèdits e manjar soncament d’ensaladas

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Sonca ganhi au lòto cromparai la Ferrari
Una Jagoar se tòqui lo complementàri
La farai mostrar en toei lei colègas dau barri
Me de bombassas dedins tot plen de tafanàri

Pas besonh de trimar aurèm lei pòchas farcidas
Pus degun per dire que la vida es pas polida
Mi cromparai un ostau per metre la familha
Cromparai un batèu per m’enanar de Marsilha
Cromparai un avion farai lo torn dau monde
E farem de grands festins per que lo vin abonde

L’a ti quauqu’un per dire qu’aquòta es pas la vida
Pus besonh de trimar pr’aguer lei pòchas farcidas
Jogarai tot mon argent en borsa a Oai Strita
Farai venir lo Oai Star la nuech sarà pas trista
Cromparai d’esclavas per far l’amor a la fila
Ieu comprarai tot com’aquò sarem mai tranquilas

Pus besonh de trimar aurèm lei pòchas farcidas
E pus degun per nos far cagar tota la vida
Mai se tot si pòu comprar sarà pas ben utile
De ganhar de sòus per aguer de bònurs faciles
Lei cavas que si pòdon pas ni crompar ni vendre
Emé l’argen dau lòto li faudrà pas atendre

L’a ti quauqu’un per dire qu’aquòta es pas la vida
Pus besonh de trimar pr’aguer lei pòchas farcidas
Lei bònurs secrèts que degun ti vendrà jamai prendre
Que lei richàs pòdran jamai reduir en cendre
Li trobraràs pas au fons d’un pòcha farcida
Pas besonh per aquò d’aguer la borsa ben garnida

Nimai degun per nos far cagar tota la vida
Dormir tostemps si levar per faire la merenda
Jugar ai cartas e cantar dansar tot lo oiquenda
Tornar cabuçar dins lo liech per la potonada
E s’entremesclar dins lei braçs de sa tendr’aimada

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si levar d’ora e trabalhar tota la jornada
Susar plen d’aiga e de sang fin qu’a la retirada
Faire de pichons que vesem sonqu’a la dimenchada
Pagar de crèdits e manjar soncament d’ensaladas

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
L’a d’autrei moiens pr’aguer la borsa ben garnida
Tocar en un momenet lo salari d’una vida
Sièis chifras sus un carton marcats d’una man rapida
E adieu lei pensaments d’una vida poirida

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
L’a d’autrei moiens pr’aguer la borsa ben garnida
Tocar en un momenet lo salari d’una vida
Sièis chifras sus un carton marcats d’una man rapida
E adieu lei pensaments d’una vida poirida

Pas besonh de trimar aurèm lei pòchas farcidas
E pus degun per nos far cagar tota la vida
Sonca ganhi au lòto cromparai la Ferrari
Una Jagoar se tòqui lo complementàri
La farai mostrar en toei lei colègas dau barri
Me de bombassas dedins tot plen de tafanàri

Nau gojatas a Castelnau (bis)

Eras que volerén dançar
E los gojats que cercan l’ombra
Eras que volerén dançar
E …

Legir tot

Nau gojatas a Castelnau (bis)

Eras que volerén dançar
E los gojats que cercan l’ombra
Eras que volerén dançar
E los gojats que vòlon pas.

Ueit gojatas a Castelnau...

Etc.

Au país que volèm viure
Que li vengon d’estrangiers
Emai que li siegon liures
De restar lo còr leugier

Se …

Legir tot

Au país que volèm viure
Que li vengon d’estrangiers
Emai que li siegon liures
De restar lo còr leugier

Se lo país fa son viure
Dau trimar deis estrangiers
Li fague toei venir liures
E demorar sensa dangier

En pantaiant la cocanha
Vivon pièger que l’infèrn,
Dei caïmans, dei maganhas,
Enduran toei lo govèrn

S’amolonan a la bruna
Per bravejar lo dangier
Subre de naus de fortuna
De Tiranà vò d’Argier

Quant de lagremas van beure ?
Per pas si negar lo respiech
De quant de sau van embeure
Tant d’espèrs e de despiechs ?

E còntra la sòrt enversa
Laisson fins qu’au darrier sòu
Entre l’espravent deis èrsas
Que li vòlon far lançòu.

L’a qu’arribon puei en quista
D’una sosta e de papier
Que l’estrassa emai li pista
Un òste mai qu’espitalier

E de patrons esclavistas
Lei fan crebar a son profiech
Dau temps qu’un estat racista
Lei menaça dau poarfèct

E tant lei menon a l’òbra
Coma au mazelier lei buòus
Lei pagon ce que s’atròba
Leis abenon tant si pòu

Aduson leis esperanças
E lo vam de l’avenidor
Li porjissèm qu’abusança,
Arroïna e crebador

Ribat ribat sonat
Ribat lo guè l’an neu lo cau donar

Lo guè l’an nèu lo cau donar gentil senhor …

Legir tot

Ribat ribat sonat
Ribat lo guè l’an neu lo cau donar

Lo guè l’an nèu lo cau donar gentil senhor
Lo guè l’an nèu lo cau donar als companhons

De las pomas de las peras
Lo guè l’an neu lo cau donar

De las nosas de los noselhons
Lo guè l’an neu lo cau donar

De las figas de rasim dotz
Lo guè l’an neu lo cau donar

De las favas de los peses
Lo guè l’an neu lo cau donar

Coma passar lo temps sensa ges de colègas
Coma passar lo temps sens far de conariá
Passaràs totjorn : La …

Legir tot

Coma passar lo temps sensa ges de colègas
Coma passar lo temps sens far de conariá
Passaràs totjorn : La man sus lo solitari
Un còup per lo frigidari
E en passejant dins lo cafè per beure de còups

Coma beure de còups sensa ges de botelha
Coma beure de còups quand s’atròba pas d’argent
Trobaràs totjorn : Una fest’ originala
E un amic que ti regala per t’acompanhar

Repic :
Òu rompe bassas ! n’as pas ton pròn d’esperar ?
Òu rompe bassas ! basta pas de demandar
Òu rompe bassas ! basta pas de demandar
Òu rompe bassas ! un jorn ti faudrà far !

Coma trobar quauqu’un per tenir companhia
Coma trobar quauqu’un que vòu demorar ’mé ieu ?
Trobaràs totjorn : Un crestian vò una bestia
Se n’as pas ieu ti la presti
E meme per temps de tempèsta pòudras calenhar

Coma calenharem quand trobam pas de dròlas
Coma calenharem coma si regalarem
Ti regalaràs : Avau a la discoteca
Veiras que saràn pas secas
E l’a d’endrechs per far la deca tot en fènt l’amor

Coma faire l’amor quand trobam pas de cambra
Coma faire l’amor quand s’atròba pas de liech
La faràs totjorn : De Bordèu fins qu’a Marselha
De la test’a la cavelha
E se se’n garçon pas lei filhas pòudras lei cubrir de potons

Coma la potonar quand trobam pas la boca
Coma la potonar quand s’atròba pas lo sen
La potonaràs : Quand sarà pas lo contràri
Meme sus lo tafanari
E mai aquò’s pas meis afaires ben pietger faràs.

Messièrs ai l’arma desvirada
Despuei lo jorn dau quatre abriu
Car aqueu jorn la fusilhada
M’aviá rendut pus mòrt que …

Legir tot

Messièrs ai l’arma desvirada
Despuei lo jorn dau quatre abriu
Car aqueu jorn la fusilhada
M’aviá rendut pus mòrt que viu
Dins lei sovenirs que mi resta
Lo pus grand crime que se’s fach
Es qu’aqueu jorn de grand combat
Sant Trofima a perdut la tèsta

Pareis qu’en tirant lo canon
Siegue tot drech vò de rebond
Son còle a sautat rond
Aqueu malaür èra de resta
Ploratz vos Dieu gènts dau Bòn Dieu
Sant trofima a perdut la tèsta

Voei despuei d’aquela novèla
Ai mancat la perdre a mon torn
Ai tant plorat que ma parpèla
Si ferma plus ni nuech ni jorn
Pareis donc que la Bòna Mèra
En tirant dessús l’enemic
A pres lo Sant per un bandit
Talament aviá la colèra

Pareis qu’en tirant lo canon
Siegue tot drech vò de rebond
Son còle a sautat rond
Aqueu malaür èra de resta
Ploratz vos Dieu gènts dau Bòn Dieu
Sant trofima a perdut la tèsta

Dien qu’aqueu jorn la Bòna Mèra
Tirava ambé San Micolat
E qu’en pas viant lo sant ont èra
Es lo fòrt qu’èla a canonat
Mai puei qu’èra a la prefeitura
La Bòna Mèra l’a que dien
L’a pres per un Garibaldien
E l’a bombardat la figura

Pareis que la Vierge quand tira
Respeita pas manca leis sants
Pregatz-la ben car se vos mira
Seriatz perduts mei beis enfants
Vielhards e vos brava joinessa
Que l’aviatz pas vista tirar
Ren qu’aqueu fèt vos sufirà
Car viatz que tira emé justessa

Pareis qu’en tirant lo canon
Siegue tot drech vò de rebond
Son còle a sautat rond
Aqueu malaür èra de resta
Ploratz vos Dieu gènts dau Bòn Dieu
Sant trofima a perdut la tèsta

De tot çò qu’aviá pres leis armas
Per sostenir la libertat
Se ne’s mòrt tòmbi pas de larma
Car elei podián v’evitar
Mai planhi totjorn Sant Trofima
Aviá ren fach e lo mesquin
A subit lo sòrt d’un coquin
De la Bòna Mera es vitima

Mai se quauque jorn nom de nom
Trobam sa tèsta a un canton
Fau que cantem un Te Deum
E direm dins la glèisa en fèsta
Cantatz vos Dieu gènts dau bòn Dieu
Sant Trofima a trobat sa tèsta

Vuei la vida es lònga e vieu qu’a fòrça gens
Li manca de temps per apréner
Que si cochar lei …

Legir tot

Vuei la vida es lònga e vieu qu’a fòrça gens
Li manca de temps per apréner
Que si cochar lei rapròcharà au mens
Dos còups pus lèu dau paire eterne
Mai lei marselhés tot plens d’enveciens
Sensa vòuger far de morala
N’ensenhon davant ’questa situacien
Una respònsa universala :

Repic :
Tant deman cu va saup siam pas pressats
Tant deman pas besonh de s’estressar
Tant deman li sarai vò li sarai pas
Deman ti ne’n demandarai pas tant

Cadun son biais e cadun son trin
Coneissem pas d’autra mesura
Per de l’acomençança fins qu’a la fin
Pas menar ’na vida tròup dura
A n’aquelei que rosiga l’ambicien
De chabir tot per de dardenas
Lo temps raubarà cada satisfacien
Se’ns’espranhar deguna pena

L’a que manjon pus emé lei pensaments
Que li fan bolhir la çarvèla
E per pas si gavar d’emerdaments
Nos fan pitar dins sa gamèla
Em’aquela coïna mèfi mon bèu
Si beu soncament de lagremas
E lo coïnier lo fau pren’a baceus
Dins sa facia de carema !

Mon proprietari de lònga mi fa
Mi fau pagar davans lo terme
Tremòla amenaça e ven tot escaufat
Lo vesi s’agitar coma un verme
A ieu mi fa pena e sensa mi trufar
Li dieu d’esperar e li lanci
Qu’es pas ieu mai puslèu son marrit pretzfach
Que lo farà crebar d’estranci

Quand la mòrt a ma pòrta vendrà tustar
Mi dire que l’ora es venguda
D’anar dins lo sapin mi faire enfustar
Que ma botelha es pron beguda
Li respondrai qu’avem l’eternitat
Per s’encaminar sus sa rota
E se son veu es pas ’queu de la fiertat
Siáu segur que dirà dessota :

Tant deman cu va saup siam pas pressats

Volètz auvir una novela
Qu’ara m’an dich per vòstre ben
Dins un estable una pieucèla
A fach un fieu en …

Legir tot

Volètz auvir una novela
Qu’ara m’an dich per vòstre ben
Dins un estable una pieucèla
A fach un fieu en Betelem

Anem donc lèu vèrs l’estable correm
Vonte lo vent boffa boffa boffa ben
Portem quauca cauva
Car non a pas ren

Joan, Guilhòt, Matieu, mon compaire
Volètz pas que quitem l’aver
Per l’anar veire va fau faire
E s’aquitar de son dever

Anem donc lèu vèrs l’estable correm...
Margòt de dintre sa panièra
Portarà d’uòus de fromajons
Ieu portarai de ma fenièra
A l’ai de palha un barrion

Ai auvir dire que la maire
Emai l’enfant son mau lojats
Dison que l’a fach dins un caire
Dedins la gràpia dins un jas

Anem donc lèu vèrs l’estable correm...

Dison que lei rei et lei pastres
Per l’anar veire an tot quitat
Lo cèu la terra et toei leis astres
Li an toei jurat fidelitat

Anem donc lèu vèrs l’estable correm
Vonte lo vent boffa boffa boffa ben
Portem quauca cauva
Car non a pas ren