1- De bòna ora un jorn de fiera
Lo Marcèu s’èra levat,
Sa miula èra matiniera,
Aviá belèu devinat ! …

Legir tot

1- De bòna ora un jorn de fiera
Lo Marcèu s’èra levat,
Sa miula èra matiniera,
Aviá belèu devinat !
La Mariana preparava
Una biaça de gigant
E lo Marcèu atalava
La miula ‘mé leis enfants.

R- Mai la miula trepejava
Sensa tròp se socitar
Dau viatge que se cargava,
Pas molhen de l’arrestar.
Mai la muola trepejava,
La carreta bolegava
S’aviatz vist come i anava !

2- E lo Marcèu se cargava
De vin per pas aguer set,
Un ferrat clafit de ravas
E un borràs d’esparset,
Tres kilòs de cacalausas,
Dos lapins dins un panier,
E la Berta qu’èra veusa
E tota la companiá.

3- La carreta se’n anava
Dau vilatge lo matin,
La carriera devalava,
Sieguèt lèu a fons de trin
Lei guidas sus lei ridèlas,
I aviá plus ges de volant,
Urosament que la muola
Restava dins lei rodams !

4- La Mariana aviá sa rauba
Que volava amé lo vent.
Disiá qu’èra pas sa fauta,
Mai fasiá tot veire i gènts.
E la ròda que virava,
A la rauba se prenguèt,
Tot aquò s’entortolhava,
Qunte chaplàs ié faguèt !

5- Mai come un còp fai pas puta,
Marià dins son enavans
Ne’n diguèt de fans ! De flutas !
De jarnibieus ! De brigands !
Debalava son breviari
Sensa faire de façon
Dau temps que son tafanari
‘Companhava la cançon !

6- Marcèu qu’aviá pron de biais,
Ié prestèt son pantalon,
Mai, amé tot lo trantalh
Posquèt pas tenir d’aplomb.
Pan ! La ròda dins un trauc
Garcèt en l’èr lo pacan.
Coma i aviá de mistrau
Mandèt sei braias is escamps !

7- La muola que d’abituda
Aviá jamai fach ansin,
S’aviá pas ‘stat retenguda
Auriá manjat lo camin !
S’aviatz vist nòsta pacana,
Fasiá lèu dins lei contorns :
Derrabèt una platana
E l’antena dau Ventor !

8- Restava encara la Berta
Per freinar lo carreton,
Mai ‘mé sa boca duberta,
Cridava come un dragon.
La Mariana pas tròp fiera,
Lo Marcèu crebant de set,
Arrivèron a la fiera…
Dins lo borràs d’esparset !

Lo jorn que tornarà la prima e mai lo polit mes de Mai
Quora sautarem la rondissa que barr entre …

Legir tot

Lo jorn que tornarà la prima e mai lo polit mes de Mai
Quora sautarem la rondissa que barr entre mar e montanhas
Los pòrtas de nòstras presons
Aquí començarem lo conte, aquel qu'arrestava lo temps,
Quora m'aimavas e que t'aimavi e te sonavi per ton nom
Un òme fiula, una guitarra, e mai luònh un acordeon,
L'astrada es longa, una cançon que ne sabi pas las paraulas.
Mas perque monta dins ma cambra aquela femna pèl desfach,
Que me demanda de dançar e que coneissi pas encara
Dins aquel vespre sense nom ; la musica es a tot lo mond.

Les junòmes e les òmes venon per felicitar,
La musica manhifica qu'ongan nos ven far dançar.

Le piston que comanda, …

Legir tot

Les junòmes e les òmes venon per felicitar,
La musica manhifica qu'ongan nos ven far dançar.

Le piston que comanda, per totes de renom,
Tanben nos recomanda, de dire pas son nom.
El s'a trapat l'enflura, qu'avèm sovent al pè
E sap préner mesura, car es un cordonièr.

Les junòmes e les òmes...

Ací avèm la bassa que ditz "me van tocar !"
Quand siasquèt de la classa, se volguèt maridar.
Le burre de reserva que sabiá fabricar
Le metèt en consèrva, sa femna va manjar.

Les junòmes e les òmes...

Lo de la clarineta sembla lo mai crentós.
A l'ausir quand caqueta, sembla qu'es amorós.
Las filhas del vilatge dison qu'a agradat
E trapan 'quí domatge que siasque maridat.

Les junòmes e les òmes...

La bala de farina, qu'ara vos presentam,
A totjorn bona mina, sembla un vièlh veteran.
per butar le trombona, el, crenta pas degus :
Mai qu'aja una bombona, demanda pas res plus.

Les junòmes e les òmes...

La nèit es estelada
e la vila esclairada.
Daissa pel bassin trum
de rajadas de lum.
E coma una irondèla …

Legir tot

La nèit es estelada
e la vila esclairada.
Daissa pel bassin trum
de rajadas de lum.
E coma una irondèla
vòla una barcarèla
sus l’aiga que fresís,
se rufa, entrelusís.
A grailes e guitarra,
lusèrnas, votzes claras
de joves e galants
- tot fug en tremolant.
Atal dins la vidassa,
los vièlhs dison que passa
amor, gaug e vertut -
la bèla joventut.

La neoou aribo silensiouso
e couata tout boù sioou coulour
lou buosc d’entour à papus fueios
ma ou mantel bionc …

Legir tot

La neoou aribo silensiouso
e couata tout boù sioou coulour
lou buosc d’entour à papus fueios
ma ou mantel bionc l’à ja vestì
e l’aouro sufio les moutanhos
que semeo de sucre enmacoulà
e lou travai de la campanho
per lou moument es abandounà
Pichot s’amuzen boù la neoou
e maire i crio da lou poujol
lou viei travaia boù la lieio
per carjar ou fen qu’à fach d’istà
e charamaio fino-fino
e charamaio touto la nuech
su i pra, les meire e la bouscaio
e charamaio encà n’autre jour

Dóu tèms que li cabro gardave
Dóu tèms, dóu tèms, Dóu tèms,
Dóu tèms que la lano fielave
Dóu tèms, …

Legir tot

Dóu tèms que li cabro gardave
Dóu tèms, dóu tèms, Dóu tèms,
Dóu tèms que la lano fielave
Dóu tèms, dóu tèms, Dóu tèms,
Dóu tèms que me disien la Nerto
Au bèu soulèu de mi vint an,
Dóu tèms qu’ère proun poulideto
Dóu tèms de la liberta.

Dóu tèms di bèlli castagnado
Dóu tèms, dóu tèms, dóu tèms,
Dóu tèms di soupo bajanado
Dóu tèms, dóu tèms, dóu tèms,
Dóu tèms di proumiéris amour
Que li tourrènt n’en soun temouin,
Dóu tèms dóu pan cue dins lou four
Dóu tèms de la liberta.

Mai di Ceveno
Ai dins li veno
La forço e la valènci ,
Liuen di Ceveno
Cante ma peno,
Touto moun amo crido « Resistènci »

Dóu tèms qu’espelissié la nerto
Dóu tèms, dóu tèms, dóu tèms,
Dóu tèms que me l’avien óuferto
Dóu tèms, dóu tèms, dóu tèms,
Dóu tèms que de moun noum l’ecò
Dins li gaudre reboumbissié,
Dóu tèms dóu parla di gavot
Dóu tèms de la liberta.

Mai di Ceveno
Ai dins li veno
La forço e la valènci,
Liuen di Ceveno
Cante ma peno
Touto moun amo crido « Resistènci »

Deman l’oumbro di dragounado
Deman, deman, deman,
Deamn se sara esvartado
Deman, deman, deman,
Segur qu’au tresen milenàri
Plus jamai bramaran li loup,
Saran enfugi lis esglàri
Deman vendra la liberta.

Deman pèr li siècle venènt
Deman, deman, deman,
Li tèmple li rebastiren
Deman, deman, deman,
De la pas veiren la lusido
Ges de guerro de religioun,
Entènde deja la brounzido
Dóu tambour de la liberta.

Mai di Ceveno
Ai dins li veno
La forço e la valènci,
Liuen di Ceveno
Cante ma peno
Touto moun amo crido « Resistènci »

E sus lis alo de ma fe
Coume uno estello de papié
Encadenado, à l’abanDóun ;
Pode espera...

Mai segur qu’un jour entendrés
De mi sorre li sóurni voues
Di vièi paret de la presoun
Lagremeja...

Dens lo païs que soï partit
Cauques dias après nadau,
Per lo camin de blanc bestit,
Lo viladje parech meï …

Legir tot

Dens lo païs que soï partit
Cauques dias après nadau,
Per lo camin de blanc bestit,
Lo viladje parech meï nàu. (bis)

Repic : Espia drin càder la nèu!
No lo printems n’eï pas tan loegn,
Après lo ret biù de l’iber, lo sor que vien!
Enten, enten siùlar lou ven !
Domàr la nèu s’en tornerà,
Que desherà so gran capet blanc s’estompar.

Au mielh do prat u merlo blanc
Cap au cèu gris s’eï envolat;
Com ta’s hiquat drin au sobac,
Permor lo ven que s’eï lhevat. (bis)

Taus maïnadets, tu bèra nèu,
La plà- biengude qu’es tostem,
Despuch l’aube e dincau sér,
Que passeran u bon moment ! (bis)

Quan lo sorelh puntejarà,
Suu cap do nas reviscolat,
La nèu d’iber s’en anirà
Com si volè diser adichatz ! (bis)

La neu arriba silenciosa
E coata tot bo siu color
Lo bòsc d’entorn a pas pus fuelhas
Mas o mantèl …

Legir tot

La neu arriba silenciosa
E coata tot bo siu color
Lo bòsc d’entorn a pas pus fuelhas
Mas o mantèl blanc l’a já vestit
E l’aura sofla las montanhas
Que semelha de sucre emmacolat
E lo travalh de la campanha
Per lo moment es abandonat

Pichòts s’amusen bo la neu
Maire ilh cria da lo pojòl
Lo vielh travalha bo la lieia
Per charjar o fen qu’a fach d’istat
E charamalha fina fina
E charamalha tota la nuech
Sus lhi prats, las meiras e la boscalha
E charamalha encà n’autre jorn

Crompar lo libret amb tèxtes e particions

A la nòça del taisson
Tres candèlas, tres candèlas,
A la nòça del taisson
Tres candèlas, un pibol !

I …

Legir tot

A la nòça del taisson
Tres candèlas, tres candèlas,
A la nòça del taisson
Tres candèlas, un pibol !

I aviá de monde conegut :
L'estacat de jos-prefectura,
Lo destacat de lanturlura
E lo pesolàs revengut !

A la nòça del taisson...

La mar mandèt la merlussa
La murena e un amiral.
Trincavan Picòta la piusa,
La craba e lo marsical !

A la nòça del taisson...

Un pol, POL-POT e la pincarda
Fasián la giga sul fangàs,
Francò fargat coma una sarda
Caralsolava sol del nas !

A la nòça del taisson...

I aviá lo grapau e sa pipa
Pie lo papa e son papà,
L'ayatollah ambe sa trica
E Pinochet : Alleluia !

A la nòça del taisson...

Ma mia i a ges de rason
d’amenaçar lo Cupidon
de sa sageta
Aquel sacrilègi gastèt
mai d’un parelh que …

Legir tot

Ma mia i a ges de rason
d’amenaçar lo Cupidon
de sa sageta
Aquel sacrilègi gastèt
mai d’un parelh que s’i perdèt
e o regreta

Ai l’onor de
non vodre te
passar l’anèl
Nos cau signar
ges de perga-
-min blanquinèl

Engabiem pas lèu lo quinson
e serem totes dos preso-
-nièrs de paraula
Au diable, las femnas d’ostau
que mèsclan dins son davantau
l’amor, la taula

Venús se fai vièlha e pèrd
tot son latin dins lo jauvèrd,
l’aiga bolida
Imagina un pauc lo trabalh
desfuolhar dins la sopa a l’alh
la margarida

L’encant perdut balha regrets,
cau pas levar tròp los secrets
de Melusina
Las letras d’amor van pallir
lèu entre las fuòlhas d’un li-
-bre de cosina

Es ben aisit, quau dirà non,
d’embarrar dins un topinon
de confitura
lo fruch madur e defendut
mas quand es cuòch sai qu’a perdut
son gost natura

De sirventa me passarai
e dau recapte, aquò rai,
siás dispensada
Baste que demorèsses la
promesa que deu demorar
dins ma pensada

La nòstre crabideta
Crabida tres còps l’an
Crabida tres còps l’an
Drin dran drena
Crabida tres còps l’an
Drin dran …

Legir tot

La nòstre crabideta
Crabida tres còps l’an
Crabida tres còps l’an
Drin dran drena
Crabida tres còps l’an
Drin dran dran.

La fantasiá la trapa
D’anar a l’òrt de Bertrand...

Lo garda la i troba
I a ficat un verbal...

La nòstra crabideta
Se’n va al tribunal...

Relèva la coeta
E se sieta sul banc...

Fa tres panièrs de cròtas
Per pagar lo verbal...

Lo juge la condamna
A junar tot un an...

La crabideta es mòrta
E n’es mòrta de fam...

La nòvia qu’avè brilhants suu cap ( bis )
Cinc brilhants suu cap
E l’anèth au dit

tres, dus, un

Legir tot

La nòvia qu’avè brilhants suu cap ( bis )
Cinc brilhants suu cap
E l’anèth au dit

tres, dus, un

Anuech tocarem lo pè a la nòvia (bis)
A la nòvia noviá,
tocarem la faridondena
A la nòvia noviá,
tocarem …

Legir tot

Anuech tocarem lo pè a la nòvia (bis)
A la nòvia noviá,
tocarem la faridondena
A la nòvia noviá,
tocarem la faridondé
.
Anuech tocarem leis arpions a la nòvia…

Anuech tocarem la camba a la nòvia…

Anuech tocarem lo ginólh a la nòvia…

Anuech tocarem la favolha a la nòvia…

Anuech tocarem lo cuòu a la nòvia…

La nòvia lo diguèt al nòvi
"Ont farem jaire lo cosin?"
Aval, aval dins la cambreta
Al bòrd, al bòrd …

Legir tot

La nòvia lo diguèt al nòvi
"Ont farem jaire lo cosin?"
Aval, aval dins la cambreta
Al bòrd, al bòrd de nòstre lech

Quand lo nòvi se desrabilha
Ne tròba la nòvia al lech
Cresià de n’embrassar la nòvia
E n’embrassava lo coisin,

Metèt lo cap a la fenèstra
N’entendèt cantar lo cocut
"Taissa-te fotuda bèstia!
Zaver tan lèu sachut".