Los esclòps d’Elena
Èran enfangats ;
Un sargent que rena
Auriá dich : « De losa es plena » ; …

Legir tot

Los esclòps d’Elena
Èran enfangats ;
Un sargent que rena
Auriá dich : « De losa es plena » ;
E la paura Elena
Èra coma un anma en pena…
Cerques pas pus de font dins l’arena
Quand l’aiga va mancar ;
Cerques pas pus, que los plors d’Elena
Ton òrt van asagar.

Prenguèri la pena
De los descauçar,
Los esclòps d’Elena,
Que siái pas sargent que rena.
Vejèri ma pena
Lèu-lèu s’amorçar…
Dins cada esclòp de la paura Elena,
Cada esclòp enfangat,
Ieu ai trobat lo pè d’una reina,
E cadun l’ai gardat.

Lo faldal d’Elena
Èra tot arnat ;
Un sargent que rena
Auriá dich : « de losa es plena » ;
E la paura Elena
Èra coma un anma en pena…

Prenguèri la pena
De lo regussar
Lo faldal d’Elena,
Que siái pas sargent que rena.
Vejèri ma pena
Lèu-lèu s’amorçar…
Que jol faldal de la paura Elena,
Jos son faldal arnat,
Ieu ai trobat doás cambas de reina,
Lo parelh l’ai gardat.

E lo còr d’Elena
Sabiá pas cantar ;
Un sargent que rena
Auriá dich : « de losa es plena » ;
E la paura Elena
Èra coma un anma en pena…

Prenguèri la pena
De m’i arrestar,
Dins lo còr d’Elena,
Que siái pas sargent que rena.
Vejèri ma pena
Lèu-lèu s’amorçar…
Que dins lo còr de la paura Elena
Qu’aviá jamai cantat,
Ieu ai trobat l’amor d’una reina,
E segur l’ai gardat.

En hant din de tica taca
A l’ombra devath l’envana
Haut espardanhaire !
Chaca deçà, cama enlà suu banc
Qu’as …

Legir tot

En hant din de tica taca
A l’ombra devath l’envana
Haut espardanhaire !
Chaca deçà, cama enlà suu banc
Qu’as lo taulèr tà pagèra
D’un còp de cisèu zic, zac
E la trena en bandolièra
Un tròç copa te’n a trac
Un còp copa te’n a trac

En quate torns vira bara
Arromèra e lo talon
De la punta dessepara
Plan fremut dab un linhon
Aplateish-te la semèla
D’un trucòt de man pam, pam,
Chaca espardanhaire e pèla
Sarra hòrt au dobledan

A pillas a crotz vira vira
E punta tostemps de dret
D’aplom suu calinhon tira
Hardit l’agulha apunta’t
Un còp de lenga a qui passa
Anilha e canta, tòc, tòc
Guinha qui paga ua tassa
Tà hicà’t lo còth a lòc

Ieu ause amont lo gau que canta sus lo teume
Adieu patron Sigaud, lo brande de Sant Eume,
Lo gau …

Legir tot

Ieu ause amont lo gau que canta sus lo teume
Adieu patron Sigaud, lo brande de Sant Eume,
Lo gau vò non lo gau fasem coma se l'èra
Lanlira, lanlèra e vòga la galèra.

Ieu ause lo siblet dau mèstre d'equipage
Adieu lo risolet dei filhas dau rivatge
Siblet vò non siblet...

Ieu vese Garlaban amb la Santa Bauma
Fau metre pé sus banc, la magdalèna embauma,
S'aquò's pas Garlaban...

Ieu ause lo trinhon de Santa Reparada
De Napl'en Avinhon n'avem qu'una estirada,
Trinhin vò non trinhon...

Ieu vese un grand portau que cuerb tota la rota,
Marsilha e seis ostaus i passarien dessobta
Portau vò non portau...

Ieu vese au mirador Roson tota esmoguda
Qu'amb son mocador nos fai la benvenguda
S'es pas un mirador...

A la guèrra, los qui van,
Los qui van no’n tornan guaire.
Òc ! Los dus hilhets deu Rei
Qu’èran …

Legir tot

A la guèrra, los qui van,
Los qui van no’n tornan guaire.
Òc ! Los dus hilhets deu Rei
Qu’èran partits har la guèrra.

Joanet, jamei n’ei tornat
Non pas Joan-Francés enqüèra.
La soa mair lo vi tornar
Per un prat qui verdejava.

Que vedó au son anar
Que son hilhòt n’èra triste.
- Que ne’n pòrtas, tu, Hilhòt,
De tot’aqueras batalhas ?

Entre jo e mon chivau,
Que portam vint-e-nau plagas :
Mon chivau que’n pòrta las nau,
Jo, praubòt, totas las autas.

La mia mair, hètz-me lo lheit,
Non i demorarèi guaire.
Serèi mort a mieja nueit,
Mon chivau a punta d’auba.

Enterratz-me au segrat,
Mon chivau a la passada
M’enramelaratz de flors,
Au chivau totas las armas.

Passaràn los sentorèrs
Diràn : « Quina bèra tomba ! »
La tomba deu hilhet deu Rei
Qui n’ei mort a las batalhas.

Siam mond de viatge fasem de cançons
la pluèja e l´auratge son bons companhons
Fasem e musica de danças tanben …

Legir tot

Siam mond de viatge fasem de cançons
la pluèja e l´auratge son bons companhons
Fasem e musica de danças tanben
E sabem plan faire bolegar los pes

Sabem faire rire e tanben plorar
e çò que cal dire lo sabem cridar
defendem lo paure contre lo borges
coma nostre reire contra lo marquès

Vesem sus las rotas los fraires bomians
cercam dins las vilas d´autres musicians
contra l´injusticia fasem carnaval
e passa carrièra per cantar nadal

A l´enfant ploraire fasèm risolet
al repotejaire fasèm martelet
amb la joinessa sabem festejar
e siam de premiera per potonejar

Dins l´auberja vielha de brave Leon
chucam la botelha per cantar melhor
levam nostre veire al paire Bacus
e mandam al diable tot nostre malur.

Tornan los jorns longs de mai,
Los aucels cantan de long.
Cridarai ço que ma plai :
L’amor monta de …

Legir tot

Tornan los jorns longs de mai,
Los aucels cantan de long.
Cridarai ço que ma plai :
L’amor monta de prigond.
Florisson los albespins,
Sabi totes los camins,
Lo còr se fond coma glaç…

Te mordirai a bèl cais,
Tu me tiraràs lo tronc.
Filha de darrièr lo plais,
Nos baisarem tot de long.
Presta me lo teu còs lis,
Volontarem un pais
Que serà nòstre solaç…

Pro viste passan los jorns de mai
Lo temps de l’estiu enquèra mai.
Cal vos mesfisar
De pas daissar passar …

Legir tot

Pro viste passan los jorns de mai
Lo temps de l’estiu enquèra mai.
Cal vos mesfisar
De pas daissar passar
Vòstra bèla joinessa.
Lèu passa l’atge dels amors
Lo vent bufa e n’empòrta las flors.

Devath lo pè qu’èi nau junquets. (4 còps)
A, si los i èi, que’us i èi fresquets,
Qu’ei au bòsc …

Legir tot

Devath lo pè qu’èi nau junquets. (4 còps)
A, si los i èi, que’us i èi fresquets,
Qu’ei au bòsc la mauga,
A qui darèi, jo, la mea amor ?
A qui la’m demanda…

Devath lo pè qu’èi ueit junquets…
…sèt, sheis, cinc,…

Quand degun voliá trabalhar
Per ganhar mins qu'una misèra
Aquí fuguèron amenats
Per bolegar tèrra e peiras

Venguts d'un pais …

Legir tot

Quand degun voliá trabalhar
Per ganhar mins qu'una misèra
Aquí fuguèron amenats
Per bolegar tèrra e peiras

Venguts d'un pais de solelh
Emplits de dòl e de misèra
L'an vesiá al fons de lors elhs
L'avenir com'una preguièra

Los lops son pus dins las istòrias
Son davalats dins la carrièra
Lo sang e la mòrt los pòrta
Los lops son darrier nòstra pòrta

Avián un parlar diferent
Tanben degun ne lor parlava
Un biais de viure diferent
Tanben degun ne los aimava

Pertant lo ser de lor ostal
Montava una musica clara
Cançon d'amor o de trabalh
Mesclada al son d'una guitara

Per una dròlla un ser de vòta
Los lops esgorjèron l'anhèl
Per l'estrangièr quò's una fauta
D'oblidar sa color de pèl

Pèira jetada dins lo jardin
Dels òmes a la blanca pèl
La mòrt èra sus lo camin
Còp de fusil entre los elhs

Los seunes son tornats partir
Dins lor pais per oblidar
Mas l'un d'els es al cementeri
La vita quò se crompa pas

Tots los ans lo ser de vòta
Una drolleta del pais
S'en va portar sus una tomba
Una ròsa de son jardin.

Lo solitari qu’av èm pas
Penjat encara a la biga
Que s’estrème tant que voldrà
Al mitan de sas aroinas …

Legir tot

Lo solitari qu’av èm pas
Penjat encara a la biga
Que s’estrème tant que voldrà
Al mitan de sas aroinas :
Avèm pas ren contra el.

Lo pregadieu que sabiá pas
Que gemecar a la muralha,
Los uèlhs virats int ren ven pas,
Que s’estofe de contaralhas :
Comptarem pas mai amb el.

E lo que jamai volguèt pas
Que comptar amb lo temps que passa,
Fa de temps que l’avèm liurat
A las onglas de las baujas :
Lo temps arrengará pas ren.

E ara de mans en mans
Sus la vila que bronzina
Lo solèlh nos fasèm passar
Coma una peira per bastir
Nòstre ostal e lo bastissèm.

Sèm montanhòls, n’avèm l’independença
L’avèm, l’avèm e mai la gardarem
S’i a pas de Rei en França
Nautres , i …

Legir tot

Sèm montanhòls, n’avèm l’independença
L’avèm, l’avèm e mai la gardarem
S’i a pas de Rei en França
Nautres , i regnarem

Fasèm justicia a mòda montanhòla
Shens desringar los jutges enugièrs
Lo còde de Laguiòla
Es de boès de drulhèr.

Nòstre sol mèstre es Aquel que fa nàisser
Lo blat l’auton e l’èrba lo printemps ;
Lo pregam que nos daisse
Lo gost del pan longtemps

Tu, vinhairon, siàs fièr de tas vendémias
Mès jo, te planhi, paure costolin,
Tu cultivas la vinha
Nautres, bevèm lo vin.

Dels fièrs Galès, n’avèm lo crit de guèrra ;
Possèm lo ri-i-i que fa tot resondir.
En passant sus la tèrra
Qu’aimam de nos far ausir.

Un còth torçut,
Lo còs pamparrut

Los caishaus puntaguts
E un o dus perucs

Avisatz-ve aus mostres!
Avisatz-ve aus mostres! …

Legir tot

Un còth torçut,
Lo còs pamparrut

Los caishaus puntaguts
E un o dus perucs

Avisatz-ve aus mostres!
Avisatz-ve aus mostres!

Ua trompa blua
Ua longa coda

Las mans peludas
Las urpas puntagudas

Avisatz-ve aus mostres!
Avisatz-ve aus mostres!

Los uelhs rois
Avisatz-ve aus mostres!
Sus lo cap pedolhs,

Avisatz-ve aus mostres!
Que son gigantàs
Avisatz-ve aus mostres!
Lo hum que'us i sorteish deu nas
Avisatz-ve aus mostres!

Avisatz-ve aus mostres...
Que son mei charmants que çò qui pensatz!