Darrié lou chastèu de Mount-Brun
I chantavo uno bello
La-la-la-la la-la-la-la,
I chantavo uno bello.

Lou fiéu dóu rèi que …

Legir tot

Darrié lou chastèu de Mount-Brun
I chantavo uno bello
La-la-la-la la-la-la-la,
I chantavo uno bello.

Lou fiéu dóu rèi que l’entendié
Sourtènt de la chapello.
La-la-la-la la-la-la-la,
Sourtènt de la chapello.

S’en vai lèu souna soun varlet
Li dis de bouta sello.
La-la-la-la la-la-la-la,
Li dis de bouta sello.

Moun Segnour ount’anas ansin,
La Rèino vous apello.
La-la-la-la la-la-la-la,
La Rèino vous apello.

Vol’entèndr’eila dins lou prat
Chanta la dameisello.
La-la-la-la la-la-la-la,
Chanta la dameisello.

Moun Segnour li fau pas ana
Eila dins la pradello.
La-la-la-la la-la-la-la,
Eila dins la pradello.

Aquéu que chanto pèr abas
Noun èi pas Dameisello.
La-la-la-la la-la-la-la,
Noun èi pas Dameisello.

Ei la pastresso de Mevoulioun
Aquelo chantarello.
La-la-la-la la-la-la-la,
Aquelo chantarello.

Pastresso siègue me n’en chau
Lou siéu chant me pivello.
La-la-la-la la-la-la-la,
Lou siéu chant me pivello.

Seule sans berger,
Que fais-tu la belle ?
Loin de ta chaumière,
Tu cours un danger.
N’as-tu pas peur la …

Legir tot

Seule sans berger,
Que fais-tu la belle ?
Loin de ta chaumière,
Tu cours un danger.
N’as-tu pas peur la belle
De la dent cruelle
Du loup dévorant
Et du chien méchant ?

En touto sesoun
Que me lou coumando
Moussu sus Mielandro
Garde mi moutoun.
De la sóuvagino
N’en siéu pas chagrino,
Pèr me garanti
Ai moun chin Labrit.

Quoi que carressant,
Ton chien ma mignonne,
Contre la furie
Serait impuissant.
Va, crois-moi la belle
Et sois moins rebelle,
Pour te protéger
Prends-moi pour berger.

Deveni bergié
D’uno pauro fiho,
Un ome de vilo
N’es pas soun mestié.
Laissas-me tranquilo
Que siéu pas doucilo,
Pèr moun chin Labrit
Vous farai blussi.

Bergère dis-moi,
Tu es bien méchante.
Vois-tu ma demande
N’est pas calculée.
Laisse aller ta chance,
Bergère charmante,
Regarde un seigneur
Se mettre à tes pieds.

Moun paure Moussu
Vòstri balivèrni,
Anas li counta
A d’áutri que iéu.
Ame moun bergié
Emé sis esclop,
Que se sian proumès
Qu’erian tout pichot.

Més perqué cau aïmàr
Co qui hè tan soufrir?
E d’on vien lo lugrà
Qui, la noeït, voù tan lusi? …

Legir tot

Més perqué cau aïmàr
Co qui hè tan soufrir?
E d’on vien lo lugrà
Qui, la noeït, voù tan lusi?

Repic : Com u matin d’estiù,
Com u sér chens adiù,
Qu’eï u beth clàr de lue
Qui hè desbroumbàr, la triste brume

Qu’ey meï hort que lo vent,
Qu’eï meï dos qu’u saunelh.
Ta’ue maï, plà soven,
U maïnat, qu’eï lo so reï.

Puch lo temps passera;
L’amor que l’i a balhat,
Segur que’u prenerà,
L’omi sera desvelhat.

Sus la màr, u batéu
Mau-adret, qu’eï partit.
Dab la-haùt, en lo cèu,
U estelle, entà’u seguir.

Chanto, piouro couro penso a Vernant
piouro tout-jour se poi pa retournà
chanto, piouro pien de malincouniò
la miò vito …

Legir tot

Chanto, piouro couro penso a Vernant
piouro tout-jour se poi pa retournà
chanto, piouro pien de malincouniò
la miò vito es pa ren senso tu
es la miò vito aquì
e mi poi pa viooure senso chalour
es la miò vito aquì
e lou diaou lou porte lou mioou travai
maire n’aourio pa mai de coumpanhio
maire mi t’ai leisà ben despera’
senso veire la miò belo meizoun
penso sempre de en bel jour retournar
me navizo i bei temp
couro cuorio libre din la miò court
boù lou semitoun dedin le mon
mi sui lou padroun d’la miò libertà
catre soun i més pasà da souleto
belo jamès tournarai ensemou a tu
la miò vito es triste belo fremeto
lou destach a l’es ja bele fenì
es la miò vito aquì
e lou diaou lou porte lou miò amour
e pensarai sempre a i jour
senso la tristeso e boù libertà
chal pa que tu pioures mendiò
l’es trop gaire lou temp di vint’ann
chal pa que tu pioures m’amio
ven dansar boù mi fin a demon
es la miò vito aquì
e lou diaou lou porte lou mioou travai
ma lou mioou cor e mi
pus pouien pa viooure senso soulei

En estiéu li vese arriba
Lampon tout dre dins lis engano,
An qu’uno idèio : s’arresta
Sus li bord de …

Legir tot

En estiéu li vese arriba
Lampon tout dre dins lis engano,
An qu’uno idèio : s’arresta
Sus li bord de la Miéterrano.
Regardon jamai li palun,
La sansouiro vo li bestiàri,
Uno fes i Santo, cadun,
Se fai couire lou tafanàri.

Garde li biòu, sus moun chivau,
Vive tout l’an.
Treve entre lou cèu e la sau,
Siéu lou gardian.

An tort, veiran pas lou verai
De la Camargo, de ma terro,
Veiran pas lou vibre au travail,
Li becarut dins li sagniero.
Entendran pas l’ego endiha
Au trelus de l’aubo salino,
E lou vièi brau despoudera,
Mouri, soulet, liuen, à l’oumbrino.

Garde li biòu, sus moun chivau,
Vive tout l’an.
Treve entre lou cèu e la sau,
Siéu lou gardian.

Quand toumaran dins sis endré
Racountaran lis abrivado,
Nòsti courso e li coucardié,
Nòsti fèsto, nòsti ferrado.
Mai auran pas sachu sousprendre
La vido dins li segounau,
E pièi, pourran jamai coumprendre
La pouésio d’un d’ARBAUD.

Garde li biòu, sus moun chivau,
Vive tout l’an.
Treve entre lou cèu e la sau,
Siéu lou gardian.

Au mes de Mai, sus uno busco
Lou roussignòu, plegant lis iue,
S’èro endourmi dedins la niue ;
Mai lou …

Legir tot

Au mes de Mai, sus uno busco
Lou roussignòu, plegant lis iue,
S’èro endourmi dedins la niue ;
Mai lou rejit d’uno lambrusco
Dins sa vediho l’arrapè –
E lou vaqui pres pèr li pèd.

Lou roussignòu, quand se reviho,
A bèu, pecaire, arpeteja ;
Au quicho-pèd se vèi penja :
« Ah ! que soun traito li vediho !
Adiéu ma bello e mi cansoun :
Me fau mouri sus un bouissoun. »

Es desempièi que, dins Prouvènço,
À la jitello dóu maiòu
Ié dison gripo-roussignòu ;
E desempièi, pèr sa defènso,
Dedins li niue dóu mes de Mai,
Li roussignòu dormon jamai.

E sus si gardo, quite e lite,
Touto la niue menant rumour,
Fan que canta pèr sis amour :
Ah ! que li vigno crèisson vite !
En tèms d’amour, mi bèus ami,
Vau miés canta que de dourmi.

Se sentou d’matin l’oudour marì
Stremà en i cantoun, malouro a rabel
Ai l’uei pentì, la bàveo a la boucho …

Legir tot

Se sentou d’matin l’oudour marì
Stremà en i cantoun, malouro a rabel
Ai l’uei pentì, la bàveo a la boucho
Lou pres de la festo, l’es un serqui a la testo
O paoure Jufres, Rudeis de Blaia
Sies mouort gentilment cherchand la tiò fremo
Ma mi din la nuech ai vist dui servan
Ai bruzà l’tioou souris, de fuec din la mon

Vaqui lou jòlio mès de mai
Que lei galant planton lou mai.
N’en plantarai un à ma mìo
Sara plus …

Legir tot

Vaqui lou jòlio mès de mai
Que lei galant planton lou mai.
N’en plantarai un à ma mìo
Sara plus naut que sa tauligno.

E boutaren pèr lou sougna
Un garde de chasque coustat.
Me boutarai pèr sentinello,
Sarai lou galant de la bello.

Mai quand venguè la miejo-niue,
Que lou galant s’enduermiguè,
Que lou galant s’ensoumeiliavo,
Moun jòlio mai se desplantavo.

Iéu, save bèn ce que farai :
A Marsiho m’enanarai,
M’enanarai jusqu’à Marsiho
E pensarai pas plus à ièlo.

Quand de Marselio revendrai,
Davans sa pouarto passarai ;
Demandarai à sa vesino
Coumo se pouarto Catarino ?

Catarino se pouarto bèn,
Ei marida i’a pas longtèms
Am’un Moussu de la campagno
Que li fai bèn faire la damo.

A noun ! Jamai auriò creigu
Que se marièsse am’un boussu ;
Li’ai perdouna car èro en age
De pensa un pòu au mariage.

Li fai pourta chapèu mounta
E mouastro d’or à soun coustat.
Sarié pas ti, marrit cardaire
Que la nourririé sens rèn faire

Parpayoun moun bel ami
Parpaioun marido-ti
Deis ancian seguent l’usage
Penso a ti metre en meinage
Parpaioun moun bel ami …

Legir tot

Parpayoun moun bel ami
Parpaioun marido-ti
Deis ancian seguent l’usage
Penso a ti metre en meinage
Parpaioun moun bel ami
Parpaioun marido-ti

Coumemi maridarai
Que ges de mouie ieu n’ai
Vai li responde la toro
Ieu sarai la tieu segnouro
Parpaioun moun bel ami
Parpaioun marido-ti

Coumemi maridarai
Que ges de loujamen n’ai
Li responde la limaco
Ieu ti cedarai la placo
Parpaioun moun bel ami
Parpaioun marido-ti

Coume mi maridarai
Que ges de lincou ieu n’ai
Vai li responde l’aragno
Ieu ti fielarai l’escagno
Parpaioun moun bel ami
Parpaioun marido-ti

Coume mi maridarai
Que de pan per aco n’ai
Li responde la founigo
En servo gardi l’espigo
Parpaioun moun bel ami
Parpaioun marido-ti

Coume mi maridarai
Que de pitanco noiun n’ai
Vai li responde lou garri
Sieu lou mestre de l’armaari
Parpaioun moun bel ami
Parpaioun marido-ti

Coume mi maridarai
Que ges de lume ieu n’ai
Vai responde laluserno
Ieu servirai de lanterno
Parpaioun moun bel ami
Parpaioun marido-ti

Coume mi maridarai
Que ges de sucre ieu n’ai
Va li responde l’abiho
N’en trovi sus la ramiho
Parpaioun moun bel ami
Parpaioun marido-ti

Coume mi maridarai
Que ges de cantaire n’ai
Vai responde la cigalo
De moun quiei farai timbalo
Parpaioun moun bel ami
Parpaioun marido-ti

Tout countent e satisfa
Parpaioun s’es marida
Au sant retour de la messo
Dei doun qu’avien fa proumesso
Chasque animau vengue leu
Ounoura l’espous nouveu

O es aisi lou mes de mai
que lous galan planten lou mai
n’en plantarei un per ma mio
pasaré …

Legir tot

O es aisi lou mes de mai
que lous galan planten lou mai
n’en plantarei un per ma mio
pasaré mai que sa teoulino

Que i mettres per lou gardà ?
un sooudà de cado coustà
que i mettres per sentinelo ?
saré lou galan de la belo

Quan ven l’ouro de mejoneit
que lou galan s’endumigueit
s’al durmio e s’i sumiavo
que lou bel mai se desplantavo

Iou sabi ben so que farei
a Marseiho m’en anarei
e de Beoucaire a Marseiho
ne pensarei pa pus a nelo

Quan de Marseiho iou vendrei
devan sa porto pasarei
demandarei a sa vesino
coumo se porto Catarino

"Catarino se porto pla
es maridado i a ben loun temp
amè ’n bourges de la campanho
que li fai pla faire la damo

Al porto de capel mountà (o bourdà)
la moustro d’or a soun coustà
e la fai vioure san ren faire
lou faries pa, paoure cardaire!"

O es pasà lou mes de mai
que lous galan planten lou mai
mi l’ai plantà per Catarino
pasavo mai que sa teoulino.

Aven vist sus l’esquina
D’un grand peï touplen de bila
Un ome negre de pele pica
dau morre sus la …

Legir tot

Aven vist sus l’esquina
D’un grand peï touplen de bila
Un ome negre de pele pica
dau morre sus la riba.
Lou morou, lou morou de Carras es mai arribat.

Toui lu gen dau quartier escoutoun canta la lenga dau beu estrangie.
A una vous de gargamella. E la figura de bravi gen.
Paure mesquin aura pas de regret, endura a soufri es un vigourous.

La gentaia la parola pilha :
"En lou pais pa de malurous,
e de bella frema nem manca pa,
a un carater en or que pasta
Ahura es buon per si marida"
Mieu gari" brama la bella filha,
"La lenga dau pais t’ensegnerai".
Toui li tiron una capelada.

Toui lu gen dau quartier s’aventoun per regarià lou beu estrangie.
Blemé de figura si ramassa, n’i a touplen bella quaucaren.
"A una testa que mi reven pa", crida un ome brut envious.

Lou cacan la parola pilha :
"En lou pais cadun si counouisse
e de travai nem manca pas.
Prestera ajuda a qu lou vuòle,
per touta la journada travaia".
Es lou còst aquo li fa plesi.
Va plu vitou que la musica
aquel ome s’arrestera jamai.