Uei qu’èm en plea – mondialisacion
Robotica – pasteurisacion
Clònes ogm – manipulacions
Ua crotz sus las sabors – las …

Legir tot

Uei qu’èm en plea – mondialisacion
Robotica – pasteurisacion
Clònes ogm – manipulacions
Ua crotz sus las sabors – las sensacions

Estupa la telé – lo minjar prefabricat
Pren-te lo temps – lo cap- desconectat
Obra la frinèsta – au vent de libertat
Que pòdes decidir- shens estar gavidat

De la vita- que vòs miar
Deu camin- que vòs gahar
Laura la tua vita- semia amistat
Aquiu l’espér- d’aqueth monde capvariat

Canta ta diferéncia- ton identitat
Noste riquèr qu’ei la- diversitat
Las tradicions- los ancians – que’ns a legat
Qui nos las – poderà tirar gojat !

Desbranca lo PC – a’t protegir cau pensar
Las maishantas ondas- qui’t vo- len impausar
Lo monde petrolièr- que va brondar
Guèrras – caumatge- las accions que van pujar !

Uei qu’èm en plea mondialisacion
Mes amic ne baishas pas l’atencion
Jo praubot- n’èi pas granas solucions
Guarda en cap – un mot – insomission

Deisha un drin la vergonha – lo noste cèu de fiertat
Que’ns arraja – lo desvelh qu’a soat
Escapa’t --deu horrat republican
Que’ns cau a tornar préner la man !

- Carbonièr mon amic, ont'es ta carbonièra ?
- Alai madomaisèla, al bèl mitant del boès
Se lai volètz venir, …

Legir tot

- Carbonièr mon amic, ont'es ta carbonièra ?
- Alai madomaisèla, al bèl mitant del boès
Se lai volètz venir, venètz.

- Carbonièr mon amic, quant lo vendes la lièura ?
- L'auretz madomaisèla, per un sòu dos dinièrs
E tres potons as carbonièrs.

- CCarbonièr mon amic, que ta camisa es negra !
- L'auriái madomaisèla, tant blanca coma vos
Se tocave pas les carbons.

- Carbonièr mon amic, as de polidas filhas !
- O be madomaisèla, polidas coma vos
Amai manejan les carbons.

- Carbonièr mon amic, quant lus fas de verquièra 7
- Lus fau madomaisèla, vint sòus quatre dinièrs
Se causisson de carbonièrs.

- Carbonièr mon amic, quora tu las marides 7
- Se vòs, madomaisèla, mi prestatz dos cent francs
Ieu las maridarai deman.

- Carbonièr mon amic, quora tu los mi tornes 7
- Sarà madomaisèla, per dret e per rason
Quand aurai vendut mon charbon.

Carcassona fo preza, si co avetz auzit.
De trastota la terrra s’en son per tot fugit ;
Montreail e Fanjaus …

Legir tot

Carcassona fo preza, si co avetz auzit.
De trastota la terrra s’en son per tot fugit ;
Montreail e Fanjaus an de l’ost establit.
No i remas del païs Hom, ni gran ni petit.

Crompar las particions : http://www.ocmusic.org/boutique/index.php?cPath=5

« Ai seissanta ans, sabi comptar,
Ai trabalhat tota ma vida
Sens que poguèsse contentar
Aquela enveja tan polida.
Que …

Legir tot

« Ai seissanta ans, sabi comptar,
Ai trabalhat tota ma vida
Sens que poguèsse contentar
Aquela enveja tan polida.
Que volètz far, mas aiçà-bas
I a totjorn quicòm qu’empoisona,
Mon sòmi se complirà pas:
Ai pas jamai vist Carcassona ! »

« Se ditz qu’alai tota jorna-
-da es un dimenge, o pauc se’n manca ;
Que cadun se va permenar
Vestit de nòu, en rauba blanca.
Que se vei un castèl feudal
Mai grand qu’aquel de Babilona,
Un evesque e dos generals !
Coneishi pas cap Carcassona ! »

« Nòstre vicari a plan rason :
Sèm totes fòls e ambicioses ;
Ba disiá dins son orason,
La fiertat nos fa maluroses.
Mas se podiái trapar le temps
Ara que la retreta sona…
Mon Dieu ! que morirai content
Quand t’aurai vista, Carcassona ! »

« Mon Dieu ! mon Dieu ! perdonatz-me
Se ma pregària vos ofensa ;
Òm vei totjorn mai naut que se
Tant en vielhum coma en jovença.
Ma femna, ambé mon filh Aignan,
A viatjat fins a Narbona ;
Mon filhòl a vist Lesinhan,
E ieu ai pas vist Carcassona ! »

Atal parlava a Limós
Un paisan plegat per l’atge ;
Diguèri : « Amic, levatz-vos,
Que deman farem le viatge. »
Carguèrem cadun nòstre sac
Cantant sus la rota plan bona,
Mas moriguèt a Cazilhac :
A pas jamai vist Carcassona !

Quand se veirà lo bombardièr
Escampar pluèjas de confettis
Quand se veirà lo canon
Faire riseta a l'objectiu...

Quand se …

Legir tot

Quand se veirà lo bombardièr
Escampar pluèjas de confettis
Quand se veirà lo canon
Faire riseta a l'objectiu...

Quand se veirà lo tank
Passejar filhas a la fèsta
La bala far de zigas-zagas
Coma lo serpentin...

Farai del Carnaval
La Festa Nacionala

Repic :
Va ! C’est mardi gras c’est le jour des fadas,
C’est carnaval donc sors dans la rue,
C’est …

Legir tot

Repic :
Va ! C’est mardi gras c’est le jour des fadas,
C’est carnaval donc sors dans la rue,
C’est mardi gras c’est le jour des fracas,
C’est carnaval donc tu sors de chez toi !

Dins ma sang brutla l’enveja de barcelar,
L’enveja de vos dire tot çò qu’es a pesar
Sus meis espatlas, sus mon còr esquichat,
Ma boca es lo gaudre, lo rajau desjalat.
Aquèu micrò me brutla dins la man,
Siau com desliurat, sempre fau avant,
Garci mei cançons de massacan
Dins la sala, sus la plaça, en occitan.
Destapi la botelha deis desirs escafats
Prèni la carrièra e tota la ciutat
Cada androna sus mon son dèu ressonar.

Montpelhièr embrutida, lo clapàs estrassat.
Fasèm la nica ai politicas que t’an venduda
Montpelhièr nos fai encuèi la benvenguda,
Masca e masquetas, Caramentran sus l’avenguda.

REPIC

Dins lo cèu de Candòla cercam lo camin
Romius per carrièra, tirassas refrins
Au teulat fasèm rajar lo bon vin
Antau Carnavàs va mèna son trin.
Tiram lei carris sul baloard de quitran
Largam leis amarras e fasèm avant
Siam la vila, siam la tèrra e l’estelam
Siam lo monde, lo ritme, tamborn barcelant.
Lei filhas e lei garçons, lei grands, lei jovents :
Lo grand brasàs ! brutlam toteis ensèm,
De ila lutz, mila solèus e mila espavents,
Mascarats, lei palhassas d’un moment.
CRS o poliça, plus de rason d’estre embarrats
Que nos laissèsson au mitan totei passar
Avèm pas d’ora, pas de plan, pas de securitat
Lo fuèc nos espèra per tot netejar.

REPIC

Laissarai pas la scèna, endralhat a de bon
Empegat de bonei e de bèlas versions
Fau fuec de tot bòsc e de totei cançons
Pilhaire de riddim e rapugaire de son
Caramentrant permanent dins lo sound system
Tant que ton cuou, tant que ton tafanari remèna
Caramentrant permanent dins lo sound system
Tant que ton cuou, tant que ton tafanari remèna…

Lo chivalet endilha al clar de luna
La carrièra se dubrís a la caça al tamarron
E los gueines an …

Legir tot

Lo chivalet endilha al clar de luna
La carrièra se dubrís a la caça al tamarron
E los gueines an cambiat
sas cauças de sang roge

Ambe lo faudal de las nòvias...
Lo tamborin i daissarà la pèl
Sus una musica d’esclandre
Dins de plors e de cacalas...

Carnaval

Le cheval jupon hennit sous la lune
La rue s’ouvre à la chasse aux chimères
Et les renards ont échangé
Leurs chausses de sang rouge

Avec les dessous des mariées
Le tambourin y laissera la peau
Sur une musique à scandales
De pleurs et d’éclats de rire ...

De ns’aver hicat cadenas
Carnaval qu’ès acusat
Nei e tiri sus l’estaca
E mei qu’n soi escanat

Carnaval, uei, e …

Legir tot

De ns’aver hicat cadenas
Carnaval qu’ès acusat
Nei e tiri sus l’estaca
E mei qu’n soi escanat

Carnaval, uei, e si m’anavi cambiar en òmi libre ?

Que’t vam arranjar la cara
La dondena, la dondena,
Dab un gran còp de baston
La dondena, la dondon
Qu’et vam cramar sus la plaça
La dondena, la dondena,
Sus un èr d’accordeon
La dondena, la dondon

De ns’aver miat la tristessa
Carnaval qu’ès acusat
Qu’avem la malèra a casa
N’èi lo còr tot enclavat

Carnaval, uei, e si m’anavi cambiar en òmi urós ?

De ns’aver balhat promessas
Carnaval qu’ès acusat
Tan de beròias paraulas
Qu’at’as tot arrenegat

Carnaval, uei, e si m’anavi cambiar en òmi hart ?

De ns’aver hicat uelhèras
Carnaval qu’ès acusat
Que tiram tots la galèra
Sèi pas mei on èi lo cap

Carnaval, uei, e si m’anavi cambiar en òmi qui pensa tot sol ?

Carnaval qu'ès un brave òmi
mès qu'ès un fotut gormand
s'a minjat totas las polas,
n'a dishat que lo hasan. …

Legir tot

Carnaval qu'ès un brave òmi
mès qu'ès un fotut gormand
s'a minjat totas las polas,
n'a dishat que lo hasan.
Adiu praube, praube, praube,
adiu praube Carnaval.

Carnaval qu'ès un brave òmi
mès qu'ès un fotut gormand
s'a minjat totas las tripas,
n'a dishat que los royans.
Adiu praube, praube...

Carnaval qu'ès un brave òmi
plenha los horns de pastis
hei humar las chaminèias,
met la galhèra au pais
Adiu praube, praube...

Carnaval qu'ès un brave òmi
s'èi la toca suu taulot
quan eth passi davant nòste,
jo li harèi bèver un còp.
Adiu praube, praube...

Carnaval qu'ès un brave òmi
que l'inviti pr'un aute an
qu'aurèi tornat avèr polas,
que torn'rà har lo gormand.
Adiu praube, praube...

Estiu sens grana, feda sens lana,
E carn sens sal sens Carnaval,
Molin sens ala, pòrta barrada,
Taula sens vin... …

Legir tot

Estiu sens grana, feda sens lana,
E carn sens sal sens Carnaval,
Molin sens ala, pòrta barrada,
Taula sens vin... torna venir !

M’avián dit que t’eres anat
Al pais d’ont se torna pas
Entre la mar de l’amargant
E las planas del pas res mai.

Estiu sens grana, feda sens lana...

M’avián dit que t’eres perdut
Dins las brumas del pas nascut,
Al ras de mòrtas esperanças
Del costat de la desmembrança.

Estiu sens grana, feda sens lana...

E segur qu’aviás cabuçat,
Cambas e braces barrejats,
Al cambal de las bocas mudas,
Pais clavat, terras vendudas !

Estiu sens grana, feda sens lana...

E segur qu’aviás cabuçat,
Cambas e braces barrejats,
Al cambal de las bocas mudas,
Pais clavat, terras vendudas !

Carnaval es arribat,
Fuma la pipa, fuma la pipa,
Carnaval es arribat,
Fuma la pipa sens tabat.

Fuma la pipa, …

Legir tot

Carnaval es arribat,
Fuma la pipa, fuma la pipa,
Carnaval es arribat,
Fuma la pipa sens tabat.

Fuma la pipa, fuma la pipa,
Fuma la pipa sens tabat. (bis)

Quand aurem tot acabat
Farem la fèsta, farem la fèsta
Quand aurem tot acabat
Farem la fèsta a tot petar !

Farem la fèsta, farem la fèsta
Farem la fèsta a tot petar ! (bis)

A cinc sòus los castanhons
Venètz lo quèrre, venètz lo quèrre,
A cinc sòus los castanhons
Venètz lo quèrre son plan bons.

Venètz lo quèrre, venètz lo quèrre,
Venètz lo quèrre son plan bons. (bis)

Carnaval es arribat
Fuma la pipa fuma la pipa
Carnaval es arribat
Fuma la pipa sens tabat.

Fuma la pipa …

Legir tot

Carnaval es arribat
Fuma la pipa fuma la pipa
Carnaval es arribat
Fuma la pipa sens tabat.

Fuma la pipa fuma la pipa
Fuma la pipa sens tabat,
Fuma la pipa fuma la pipa
Fuma la pipa sens tabat.

Carnaval es un gusàs
A manjat tot lo milhàs
Lo milhàs la milhassina
N’i aurà pas per la vesina
Carnaval …

Legir tot

Carnaval es un gusàs
A manjat tot lo milhàs
Lo milhàs la milhassina
N’i aurà pas per la vesina
Carnaval ò Carnaval
Carnaval es un paucval.

Carnaval es un gusàs
Dança coma un vielh petaç
Un petaç de tela fina
L’a panat a la vesina
Carnaval ò Carnaval
Carnaval es un paucval.