Cada comptina se deu legir en començant per lo gròs det (se non es donada una indicacion contrària).

Comptina de …

Legir tot

Cada comptina se deu legir en començant per lo gròs det (se non es donada una indicacion contrària).

Comptina de Champ-Celat (05)
Aquel vai lavorar,
Aquel pòrta la civaa,
Aquel fai la sopa,
Aquel la manja tota,
Aquel ditz: "pieu, pieu, pieu,
I a plus res per ieu".

Comptina de L’Age-Michasne (Bussiera-Peitavina, 87)
La lièbe.
Queu ’quí l’a vude,
Queu ’quí l’a atrapade,
Queu ’quí l’a sagnade,
Queu ’quí l’a manjade;
Au champ le p’tit marmiton,
T’auràs ren deu tot!

Version cantada per Marcel AMONT dins lo disc "Canta en biarnés" (1979)
Per aquera carrereta
Qu’i a passat ua poriqueta,
Aqueth que l’a vista,
Aqueth que l’a gahada,
Aqueth que l’a plumada,
Aqueth que l’a hicada ’n topin,
E aqueth que se’n a hèt un grand bocin.

Comptina de Sospeu (rèire-país niçard)
Aquer va à la caça,
Aquer poárta una lebrassa,
Aquer la fa coáser,
Aquer la manja ,
E lo paure mermelin,
Leca, leca lo tondin.

Comptina de Toscana
Aquer va a caça,
Aquer l’espuelha,
L’autr’o fa còser,
L’autr’o manja,
E o pichinin se leca o tondin.

Aqueu ditz de Gui Matieu
Aqueu ditz qu’ama lo soleu,
Aqueu ditz que vòu un ostau
Aqueu ditz qu’a pron de sòus,
Aqueu ditz que lo pretz li fai pas paur,
E aqueu ditz : « Riu piu piu ! «I a pus ren per ieu
Qu’à trabalhar la tèrra
Me siéu crebat lo cuòu ! »

Comptina d’Ives- Loís Roux (Carpentràs)
Aquèu va a la caça,
Aquèu, pòrta la biaça,
Aquèu fai la sopa,
Aquèu la manja tota
E aquèu ditz :
"Piu, piu, piu,
I a plus ren per ièu !

Aqueu ditz que vòu de pan,
Aqueu ditz que n’avèm pas.
Aqueu ditz : « Coma farèm ? »
Aqueu ditz : « Coma porrèm… »
E l’autre fa : pieu pieu pieu
Cu travalha viu !

Aqueu a fach l’uòu
Aqueu l’es anat cercar
Aqueu l’a coïnat
Aqueu l’a tastat
E lo paure pichon
N’a ges manjat.

Aquel va quèrre de pan
Aquel va quèrre de vin
Aquel bota la taula
Aquel trempa la sopa
Aquel ditz: “Bon apetís”

Aquela comença per lo det menut
Quinèl
Reganèl
Rei de totes
Pasta-farina
Quicha-pesolhs / Cruca- pesolhs.

Aquela tanben
Pichon nanet
Pus grand que tu
Grand gusàs
Leca plats
Tua pesolhs

Tuga-pesolhs / Tua- pesolhs
Mòstra-camin
Lèca-plats
Pòrta-anèla
Cura-aurelha
(Aquel comença pel poce)

Aquel se’n va a l’aiga
Aquel se’n va al vin
Aquel se’n va al vinagre
Aquel se’n va a la sal
Aquel ditz: Quiriquiquí!

Aquel se’n va al bòsc
Aquel se’n va al prat
Aquel se’n va al fangàs
Aquel se’n va al riu
Aquel ditz: Coín!

http://textoc.ifrance.com/somaricat.html

PimpèPimpè
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
Pimpè, Pimpè, Pimpè
Se copèt …

Legir tot

PimpèPimpè
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
A! que dança ben
La saca de palha
A! que dança ben
La saca de bren.

Pica polet
- Vesiat, qué m’as panat?
- Un sac de blat!
- Ont l’as mes?
- Al trauquet!
- E pica, pica, pica polet!

Varianta:
- Vesiat, qué m’as panat?
- Un sac de blat!
- Ont l’as mes?
- Dins lo trauc de la paret!
- E pica, pica, pica polet!

Pòrc gras
T’ai comprat, te vòli pas vendre
T’ai comprat te vòli gardar
Pòrc gras te vòli pas vendre
Pòrc gras te vòli gardar
T’ai comprat, te vòli pas vendre
T’ai comprat te vòli engraissar
Pòrc gras te vòli pas vendre
Pòrc gras te vòli engraissar
T’ai comprat, te vòli pas vendre
T’ai comprat te vòli manjar
Pòrc gras te vòli pas vendre
Pòrc gras te vòli manjar.

Bota fuòc, cachafuòcPrends feu, bûche de Noël
Comptine de Noël
Bota fuòc, cachafuòc,
que nos alegre,
que nos fague la jòia d’èstre aquí l’an que ven,
e se sèm pas mai,
que siaguem pas mens!

Quand èri pichonet
Quand èri pichonet
Ma maire me bragava
Ara que siái grandet
Me bragui tot solet.
La dansarem pas pus
La borrèia d’Auvèrnha
La dansarem pas pus
Lo violon es romput

Sus aquela planeta
Sus aquela planeta
Passèt una lebreta
Aquel l’a vista
Aquel l’a tuada
Aquel l’a facha còire
Aquel l’a manjada
E lo pichon a lecat lo plat.

Autra version
Sus aquela planeta
Passèt una lebreta
Aquel la vegèt
Aquel la tuèt
Aquel la faguèt còire
Aquel la mangèt
E lo pichon plorèt
"I a pas res per ieu!"

Tintalan, tintalan
Tintalan, tintalan
(lo bruch de las campanas)
Las campanas de xxxxx-an"
(quin nom de vilatge que siá que finisca per "an")

Quinèl
Quinèl
Reganèl
Rei de totes
Pasta-farina
Quicha-pesolhs / Cruca-pesolhs.

Pichon nanet
Pichon nanet
Pus grand que tu
Grand gusàs
Leca plats
Tua pesolhs

Tua-pesolhs
Tuga-pesolhs / Tua-pesolhs
Mòstra-camin
Lèca-plats
Pòrta-anèla
Cura-aurelha

Zin zin zon la sopa a la ceba
Zin zin zon la sopa a la ceba
Zin zin zon sopa de cebilhons
La sopa a la ceba es per las domaisèlas
Sopa de cebilhons es per los garçons.

http://www.mamalisa.com/fr/occitanie.html

Mon filh n'aniràm pus a Comarca
Somiar alentorn del vièlh castèl
Lo Comte novèl zo vai far interdir
Serà una …

Legir tot

Mon filh n'aniràm pus a Comarca
Somiar alentorn del vièlh castèl
Lo Comte novèl zo vai far interdir
Serà una reserva per monsur argentat.

D'aquela roina d'ont monta lo dòl
D'òmes escrasats qu'an bastit lo castèl
A fòrça de suor e de còps de baston
Una autra revòlta se levara.

Paire pertant an dich que ren èra decidat
An dich qu'anaviam tots ensemble estudiar
An dich que caliá pas decidar sens nosautres

Mon filh son deus fenhants nadan a l'envèrs
Vendràn per recoltar l'argent
Vendràn per nos far quitar la combeta
Nòstra tèrra e tot per el l'exilh per nosautres

Omes drechs anam cridar a plena boca
Volèm viure dins la Beuna coma antan
E quò's pas un comte ni un notable
Que van far la lei sus nòstra tèrra.

Paire ai talent mon fraire tanben
Demoram emb la tèrra avèm a minjar
Paire los estanhs de la Beuna son prionds
Mon paire anem permenar a Comarca
La Beuna restarà nòstra

Au comissariat l’a nòu condés
Coma de costuma a l’an nòu fasián pistolada
Pèta que pèta en plen quèpi si …

Legir tot

Au comissariat l’a nòu condés
Coma de costuma a l’an nòu fasián pistolada
Pèta que pèta en plen quèpi si prenguèt una bala

Au comissariat l’a vuech condés
Tot esfraiats d’aguer far crebar son cambarada
Prènon son arma mai li restava encar’una bala

Au comissariat l’a sèt condés
L’un ditz va fau dire a la policia nacionala
Ne’n faguèt pas mai perqué si prengu’a son torn ’na bala

Au comissariat l’a pus que sièis paurei condés
L’un d’elei vòuguèt partir per si tirar d’afaire
Véguèt lèu que leis autrei èron pas de son vejaire

Au comissariat l’a pus que cinq paurei condés
Donca l’aviá un de tròup per jugar a la contrada
Per li far faire lo mòrt li meteguèron una bala

Au comissariat l’a pus que tres paurei condés
Arribèt lo moment de tirar a la corta palha
L’en aviá pas mai trobèron de que tirar ’na bala

Au comissariat l’a pus que dos paurei condés
Quand s’avisèron que restava pus qu’una arma
En sautant dessus s’encapèt l’un d’elei una bala

Au comissariat l’a pus qu’un paure condé
Sensa municien podiá pus far montar l’ambiança
En cò de l’armurier s’en anèt per crompar de balas

Au comissariat l’aviá nòu condés
Mai cadun saup que fau pas s’amusar ’mé leis armas
Subretot quand siatz environats d’aquelei gendarmas.

Vèrs lo nòrd partem
e tot laissem
trobarem ilai nòstre futur
Vèrs lo nòrd anem
lo bonaür cerquem
nòstra vita …

Legir tot

Vèrs lo nòrd partem
e tot laissem
trobarem ilai nòstre futur
Vèrs lo nòrd anem
lo bonaür cerquem
nòstra vita es tot lòn que avem

Sabla chauda, vènt
passant lo desèrt
lo pantais dins las estelas la nuèch.
Aiga, onda , sal
passem lo grand mar
lo sumi pòde pas s'arrestar.

En tempèsta, esluçis
èrsa , lo mar gròs
lo bòn Diu nos a fach salvar.
Crotz, devisas, gais
siam sarrats aquí
ent la gàbia esperem lo deman

Tèrra nòva es
tèrra de pantais
l'avenir per nosautres es aquí
Coma li astres nos
ent la nuèch dau tèmp
trobarem aquí
constellacion

L’òbra es colossala
Per faire lo canal
Avèm besonh de man-d’òbra
Òmes, femnas e chavals

Interprétation française (l’œuvre)
Le chantier …

Legir tot

L’òbra es colossala
Per faire lo canal
Avèm besonh de man-d’òbra
Òmes, femnas e chavals

Interprétation française (l’œuvre)
Le chantier est colossal
Pour faire le canal
Nous avons besoin de main d’oeuvre
Hommes, femmes et chevaux

Èram ua tropa de joens
En landrar dins lo carrelòt
Mos passejam, dançam, bramam
Cantam las cançons deus Berús
Se …

Legir tot

Èram ua tropa de joens
En landrar dins lo carrelòt
Mos passejam, dançam, bramam
Cantam las cançons deus Berús
Se maufisan los milicians
Tremolan las vielhas meninas
Los joens qu’ei l’insecuritat
Los caleré tots enclavats.

Mos botèm mascas sus la cara
Entà que poscóssem de plan
Combatre atau la societat
Espauventar les policièrs
I èra Helnòc, Laul e lo Stongà
Mastò, Gabò, Maxwell e jo
I èran tanben quauquas companhas
Les Arpalhands e sas nenetas.

Èram un brave vintenat
En tot marchar dins la ciutat
Sens armas tanpauc sens malícia
En tot dançar com enfadats
Un tipe cap au finestron
Pertot qu’ei l’insecuritat
« Encara joens aquera puta
Cresetz-me, los vau espotir ! »

L’òme sortiscoc son fusilh
E te tirèc suus Arpalhands
Dus que son caijuts suu pavat
Los autes que s’escampilhèran
Lèu son venguts los infirmièrs
La telé e los policièrs
« Qu’èi defendut ma libertat »
Ça ditz aqueth innocentàs.

« Èra defensa legitima
Èra la sola alternativa »
Los joens qu’ei l’insecuritat
E l’òme qu’estec aquitat
Que l’an trobat escoterat
Capvath l’escalèr de son barri
L’avem trobat escoterat
Diguns sap pas qui l’a tuat.

De pas víver coma los autes
Mos tiran ensus dins la vila
Sent mau de Diu ! tostemps nosauts !
Brave ciutadan qu’es fotut
Pr’aquò l’an trobat ponhardat
Sus l’escalèr de son quartièr
Que l’an trobat tot ponhardat
Mès sabón pas qui lo matèc.