Una fes de mai,
Desamarra !
Lèva lo fèrri dau bastiment !
Bòrd qu’avèm lo blu sus l’esquina,
La vela …

Legir tot

Una fes de mai,
Desamarra !
Lèva lo fèrri dau bastiment !
Bòrd qu’avèm lo blu sus l’esquina,
La vela cercarà lo vent.

L’aubre, coma una catedrala,
Monta drech dins lo firmament.
Agacha lo pònt e lei calas !
Veire s’aquò tendrà longtemps.

Vaicí lo large, interminable,
Sensa darrier, sensa davant,
Que fa parèu ambé lo coratge,
Que fa parèu ambé lo sang.

Lo large t’embarca e t’emmasca
E ti fa perdre la rason,
Oblidar que la mai polida
T’espèra, ailà, dins la maison.

De matin, se la mar es bòna
E qu’alèna dau bòn costat,
Vaicí la còsta, vaicí lei còlas
E lo lume de la ciutat.

Lo tréfoliment de mon espèrit
Mi fa trevalat dins lo prefond
Sieu a conquistar les autures de mon eime
Que …

Legir tot

Lo tréfoliment de mon espèrit
Mi fa trevalat dins lo prefond
Sieu a conquistar les autures de mon eime
Que totjorn s’espandisson leis ideias novas

Ai cercat dins lo camin ço qu’era mau segur
Voli pas d’un mestre, sieu ja desliurat
Si jamai entendiatz ma crida apassionada
Vaudra dire alors que sieu totjorn pas enclavelat

Quand de temps mi faudra per mi destraucat
Quad de batesta dins ma testa per aguet la patz
Contairitz, mi dies que la vida es un fleuvi
Onte leis negadas sont passagieras

Perdona mi, m’en vau cercar lo ruscla
Sovent mi dies que sieu alassat de tot
Sabi ja que la fam monta dins mon cor trebolat
Regachi un pau, sieu au lunh e m’en vau

Au prefond d’un desert mi sieu escondut
Esperant lo jorn onte l’esper mi fariau viure
Senti ja au tremont leis paraulas mescladas
D’un poble que se leva lo ponh sarrat

Quand lo gonflugi ti prend de matin
Esper un pau, sias encar dins la nebla
Lo monde que patit es lo monde tieu
Es eme tu que capitarem la conquista

Auria benleu pogut dins la lenga emperiala
Potonar la darriera e chantar mas amors
E m’aurian celebrat dins la premsa …

Legir tot

Auria benleu pogut dins la lenga emperiala
Potonar la darriera e chantar mas amors
E m’aurian celebrat dins la premsa locala
Coma Io grand poeta e mager trobador
De ma jos-prefectura e de sos alentorns.
Collegis curatiers comicis cantonaus
M’aurian fait presidar m’aurian fait presicar
Distribucions daus pretz e sembla-festenaus
Per me monstrar au mond e me glorificar.
Cartas per Parisians, desplejants toristics,
Auria, patesejant donat dins lo tipic
Chantat lo bon vielh temps e la gentor d’antan
A de noveus colons, auria per brilhajons
vendut, paubre colhon, mon eime d’Occitan
Coma politicards, maires e deputats
cresent far per lo mielh venden a gròs talhons
Nòstre païs a d’anonimas societats.

Ailàs, tres còps ailàs per mon eterna glòria
E la placa de maubre au dessus de ma pòrta
Ai n’autra conception dau sense de l’istòria
ma rabia de jovent me laissa pas lo temps
De me blasir, d’amor per l’ombre d’una mòrta.
Ai chausit sens visar d’onte venia lo vent
mon parlar vertadier ma lenga mespresada
la lenga d’un noveu esper de libertat
contra la lenga de las faussas veritats,
l’emperi parisenc, la cultura impausada
E l’assimilacion de las minoritats.
Lo parlar daus païsans, amar torna flurir
Jos la pluma de fer de joùnes trobadors.
Au vielh turlututu se boira coma un crit
E la revolta punh dins las chançons d’amor.

LOS TRACTORS AN BARRAT L’ESTRADA DAU SOLELH...

Sul camin del mercat
Tan tiroli-tirola
Sul camin del mercat
Un jorn de temps embrumat

Sul camin del mercat
Tan …

Legir tot

Sul camin del mercat
Tan tiroli-tirola
Sul camin del mercat
Un jorn de temps embrumat

Sul camin del mercat
Tan tiroli-tirola
Sul camin del mercat
Un jorn de temps embrumat

Ai encontrat un gat
Qu’èra encapuchat
E qu’aviá pas de bòtas als pès
As encontrat un gat
Qu’èra encapuchat
Que portava pas que de basquèts

Jèsus quinas causas !
Èra pas çò qu’èra dit !

Sul camin del bosquet
Tan tiroli-tirola
Sul camin del bosquet
Un jorn que fasiá fresquet

Sul camin del bosquet
Tan tiroli-tirola
Sul camin del bosquet
Un jorn que fasiá fresquet

Un dròlle me diguèt :
«Te’n fagas pas per ieu
Ai pas besonh de micas, de calhaus»
Un dròlle te diguèt :
«Te’n fagas pas per ieu
Ai un portable per trapar l’ostal

Jèsus quinas causas !
Èra pas çò qu’èra dit !

Sul camin del castèl
Tan tiroli-tirola
Sul camin del castèl
Un jorn que fasiá solelh

Sul camin del castèl
Tan tiroli-tirola
Sul camin del castèl
Un jorn que fasiá solelh

Ai vist una blonda dormissant dins un clar
E que voliá pas se revelhar
As vist una blonda
Attendant dins un clar
Un poton de Zidane o d’Òbamá

Jèsus quinas causas !
Èra pas çò qu’èra dit !

Sul camin de la mar
Tan tiroli-tirola
Sul camin de la mar
Un jorn de temps pas tròp clar

Sul camin de la mar
Tan tiroli-tirola
Sul camin de la mar
Un jorn de temps pas tròp clar

Ai vist una serena
Qu’amagaba sa coa
Que sortiguèt de l’aiga d’un còp
As vist una serena
Qu’amagaba sa coa
Per se poder faire prendre en estòp

Jèsus quinas causas !
Ara me cal cambiar de camin !

Sul camin del molin
Tan tiroli-tirola
Sul camin del molin
Un jorn que fasiá marin

Sul camin del molin
Tan tiroli-tirola
Sul camin del molin
Un jorn que fasiá marin

Una craba me diguèt :
«Tu conéisses Daudet
Sabès se un lop arribarà
Se’n demòra pas un diga-me, diga-me
Consí mon istòria s’acabarà»

La vida es pas
Un regde traçat
Totjorn  lo desequilibri es a mestresar

Oblid’un pauc                      
La tranquilitat
Que sol lo …

Legir tot

La vida es pas
Un regde traçat
Totjorn  lo desequilibri es a mestresar

Oblid’un pauc                      
La tranquilitat
Que sol lo desqulibri fa avançar

Gaita aqui lo nenon
Que cap a tu vòl avançar
Se s’elança pas pron
Jamai i podrà capitar
Bolegar es riscat
Mas l’estatua alèna pas
E per plan te sentir vivent mon amic
Oblida pas de gausar

Nòstra terra dessechada
Acialant tot çò que viu
espera la marçalada
e sem a la fin d’abriu
Sentem pus la …

Legir tot

Nòstra terra dessechada
Acialant tot çò que viu
espera la marçalada
e sem a la fin d’abriu
Sentem pus la saba fola
bufar son alen noveu
ni la chançon premieròla
nos venir a flor de peu

o, sèt d’un dieu
o, sèt de l’òme !

La sòla deven calhau
un pauc mai ujan qu’antan
e podria beure lo pauc
que nos demòra de sang
quand la mòrt es segura
es plan temps de destriar
l’injuria de la natura
e la de l’umanitat

o, sèt d’un dieu
o, set de l’òme !

L’una fai bufar lo vent
sus un tròç de terra nuda
l’autra veu venir lo temps
que la fara tornar muda
saubrem leù lo verbe naut
dins un pròche avenidor
si levar lo punh au ciau
o levar lo punh to cort

o, sèt d’un dieu
o, sèt de l’òme !

Lhi avia freid ent’l’aire e puèi nèu,
iu dai veires l’agachavo tombar,
lo presepi embe la mofla sechaa
e lo …

Legir tot

Lhi avia freid ent’l’aire e puèi nèu,
iu dai veires l’agachavo tombar,
lo presepi embe la mofla sechaa
e lo Bambin pas encara plaçat.
Ental salon la sentia de pin
de tuba de sopar e de vin,
d’aquel des grandas occasions
quora semelha d’èsser pus bons.
Lo sap avia mila colors
e dai veires panats la via
era arcana, antica, misteriosa,
era enroaa da dròllas emocions.

Mon parsier talhava lo biro
entant que chasqu’un istava a agachar,
sa man era fòrta e segura
me fasia un sorrís e m’escotava.
Puèi mon paire parlava de guèrra
o d’istòrias anticas e enmaschaas
e arribava da la foganha,
un bruch de claparias masseiraas.
La nòna servia lo cafè
e ma maire parlava d’escòla,
lhi taròcs brusiavon plan
e finia lo metz toscan.

Puèi quarqu’un me mandava a durmir
iu dal liech escotavo lo bruch
e la ment desvalia plan planet
atendent qu’arribeisson lhi dons.
La pendola sonava las oras
lhi veires sonalhavon plan,
un vòt esquasi besodeat,
Desneal… era… arribat.

Siám fous, siám falords, siám fadats,
Jamai onte fau, jamai onte faudrà,
Siám baug, siám madurs, decervelats,
Caplucs, capbords, siám …

Legir tot

Siám fous, siám falords, siám fadats,
Jamai onte fau, jamai onte faudrà,
Siám baug, siám madurs, decervelats,
Caplucs, capbords, siám dessenats !

Hey tu, te coneissi pas
Mai cu siás per venir m’engarçar,
Siáu mitat fòl, en plen fire
Dintram au dancehall ambé lei fracàs
Avèm tròp begut de mòl e ben tròp fumat,
De sang dins l’arcòl, lo micrò emponhat,
Lo blanc bec que vòl ? Vòl venir me testar ?
Siáu mitat fòl en plen fire…
Donc per començar :
Es un bon plan, i a molon de gens,
Anem leis enfants, lo fasèm ben…
garçam lo oai, craman lei neurònas
Enca pièger que Jaguar Gorgon
HipHop Rock o Reggaetone
Molon de plagiats, molon de clònas
Si y’a les fracas, la flore et la faune,
Faut l’original au microphone
Pour monter l’aioli, de l’ail à la tonne,
Des kilos d’huile, le mc en forme,
La rime pile, la balle et le chrome
Je rêve au mic comme Akhenaton,
Tic Tic Tac, tu trembles bonhomme…
Au cou de flavor flav ton heure sonne.

Siám fous, siám falords, siám fadats,
Jamai onte fau, jamai onte faudrà,
Siám baug, siám madurs, decervelats,
Caplucs, capbords, siám dessenats !

Sabios del monte locos del mar
Sabios en la letra locos para bailar
MFD pa’ luchar y festejar
MFD pa’ caminar

Chicos minas abuelos y changito
Bourrée tarentelle morenada y bailecito
Viene Carnaval, paso del diablito
La noche pa tomar cerveza y roncito

Borrachera militante
Camino rapero dancehall en la mente
Totei ensem dins lo quartier
Per Tolosa marsilha e Montpellier

Loco castellano pa levantar la calle
Fuego cuando se mueve la gente
Sage occitan trobadors dau Reggae
Per faire dansar lei polidas tota la nueh

Dison que siám fòls, que siám dessenats,
Cadun son ròtle, cadun son cinemà,
Lo MC vòla sul beat enfuocat,
Lo Sage e lo Fòl, productor papa !
Dison que siám sages, que siám tròp pausats,

On est pas à la page, on prend le temps papa,
Pour faire un carnage, faut savoir où on va,
Connaître chaque étage, maîtriser ses états,
Anticiper les virages et filer tout droit
Les fous sont sages où ne le sont pas,
Je suis en nage et tu sais pourquoi
Comme Isaac le sage, les fous seront Roi.

Tu nous a pris pour des gars braves
Sympas et rigolos
Mais c’est finit gros cave
On change de niveau
Tu nous a pris pour des sages
Alors qu’on est des fous
Surveille ton langage
Quand tu parles de nous
MFD dans tes oreilles et ça va être un carnage
Fais gaffe à tes neurones y a ton cerveau qui boue
Bouh bouh bouh
Tu pleures petit bonhomme, comme une gamine,
Le son est énorme et au mic j’assassine
Les idées que tu te fais sur la musique qu’on fait,
On explose le tiroir dans lequel tu nous as rangé,
L’étiquette musique festive tu peux te la carer
Même si c’est vrai qu’en soirée
On fait danser les gens
Les lyrics sont conscients,
Engagés, militants
Beaucoup plus authentique que le rap à 2 francs
Bien plus original que le ska pour adolescent
Que la pop pour minette et bien plus dérangeant
Que les raggamufins bloqués weed et jah jah
C’est sans pitié qu’on va fumer tout ça.

Siám fous, siám falords, siám fadats,
Jamai onte fau, jamai onte faudrà,
Siám baug, siám madurs, decervelats,
Caplucs, capbords, siám dessenats !

Dessus la grava de Bordèu (4còps)
I a n’alba lisa . (4còps)

Totas las damas de la cort...
I se …

Legir tot

Dessus la grava de Bordèu (4còps)
I a n’alba lisa . (4còps)

Totas las damas de la cort...
I se permenan...

Sus dètz e sèt que n’i n’aviá...
Nai besat sètze...

E l’autre totjorn me disiá...
Besats-me, sénher...

Tornatz tantòt, deman matin...
Farem sopeta...

Farem sopeta de pan blanc...
E fòrça pebre...

Lo pebre fa dançar leugièr...
E sautar redde...

Dessus las lanas de Bordèu (bis)
Qué y avé una bère aulhère
Dira la, la la la
Qué y avé …

Legir tot

Dessus las lanas de Bordèu (bis)
Qué y avé una bère aulhère
Dira la, la la la
Qué y avé una bère aulhère.

Un beth mossur ven a passar (bis)
Qui dé loengh l’arregardaba

Qu’arregardaba mossuret (bis)
Jo qué soi maridada

Dab un aulher de noste endret (bis)
Qui de longtemps m’a cortisada

De vint a trente cavaliers (bis)
Qui dé tots m’en soi trufada

Autan harrei de vos mossur (bis)
A la permère rencontrada

Estacat lo voste chivalet (bis)
A bestia voi dar virada

L’arrevirada qué jo ei da (bis)
E l’Ador que l’an passada

Estenetz lo voste mantolét (bis)
E au cas dé la fresque arrosada.

Dessús lo pont de nantas
Lo rossinhòl i canta,
Don dèna latuda larèna
Don dèna latuda laré.

- Rossinholet salvatge …

Legir tot

Dessús lo pont de nantas
Lo rossinhòl i canta,
Don dèna latuda larèna
Don dèna latuda laré.

- Rossinholet salvatge
Vòli dintrar en mentage,

Tu que n’as lo cur tendre
Diga me quala prendre ?

- Ne prenguès pas de rojas
An las amors farochas,

Pren-te brunetas
Son totas polidetas.

Vòli ben
Se me permetes
T'èstre agradiu

Èstre lo tèxte
Que te careça
E la paraula
Dins ta tèsta

Vòli …

Legir tot

Vòli ben
Se me permetes
T'èstre agradiu

Èstre lo tèxte
Que te careça
E la paraula
Dins ta tèsta

Vòli ben
Te dire suau
L'ora dau desvelh
E te veire sorrire
De simplicitat

Perqué l'estona d'ara
Es pas encara dicha

Paraula doça
De temps ancians
Per te curbir
Dei mòts-careças
Que fas nàisser
A mon desvelh

Ai ton imatge
E ton abséncia
Dau meme tèmps
Me fan levar
E fargar
Lo lengatge doç
De meis ainats
Per seis amors

Tant de paciéncia
Me geina pas
T'esperarai sens m'avisar
Que lei pensadas
De tu a mon caire
Ja li son

E li saràn per d'autrei
Temps que la consciéncia
Coneis gaire

D'un pas sens pes
Ai esquichat la brasa
Que l'auba aviá
Afrescolida

Sentiá la lenha passida
E l'aiganha
E ma man dessenhava
Lo retrach de tei mòts

Ai quitat mon liech per lei camins

Quitat teis uelhs
Per lei rius de montanha
E lei meles d'auturas

Ai destriat leis enganas
Deis oras simplas
Per m'endralhar devèrs
La lutz

Çò qu’es e l’alen
E la valor

De nos

Una nuech
Que passaràs
Sens m’avisar
Me far riseta

Dintre mei braç
Ton pitre viu
Tei mans seguras
Me diràs: ven

Coma un recòrd
Dau promier mòt
Ton còrs aquesto còp

Tu que sabes
Lo gost de nos
Çò qu’es e l’alen
E la valor

De nos

Una nuech
Que passaràs
Sens m’avisar
Me far riseta

Dintre mei braç
Ton pitre viu
Tei mans seguras
Me diràs: ven

Coma un recòrd
Dau promier mòt
Ton còrs aquesto còp
Pas escondut

Escotarai
Lipet tei bocas
Me dire just
Que siam lo nos

De tot

Ai dançat
Sus lo monde endormit
Coma un fiu
De seda banhada
Sus un fuec amorçat

I : INSOMNÍA

La nacre del matin lo ser li a raubada (bis)
La nuèit que n’es venguda a ben …

Legir tot

I : INSOMNÍA

La nacre del matin lo ser li a raubada (bis)
La nuèit que n’es venguda a ben des uèlhs de gat
La nuèit que n’es venguda m’emplirà lo meu cap.

Ratapenada aicí, ratapenada ailà (bis)
Tu que veses pas res la nuèit es dins tos braces
Tu que n’en veses res la nuèit t’embarcarà.

Lo gal que cantarà son còl li torcerai (bis)
Ne vòli pas entendre lo jorn que n’es tornat
Ne vòli pas saber vòli que doblidar.

II : EROTIC FANTASY

Es pas Lapin que ieu regreti es la zinzonha del Lapin (bis)
Quand Lapin tornarà la zinzonha la zinzonha
Quand Lapin tornarà la zinzonha tornarà.

Es pas Frances que ieu regreti es la rassega del Frances (bis)
Quand Frances tornarà la rassega la rassega
Quand Frances tornarà la rassega tornarà.

Es pas Laurenç que ieu regreti es la tustada del Laurenç (bis)
Quand Laurenç tornarà la tustada la tustada
Quand Laurenç tornarà la tustada tornarà.

III : MONINA GARGADA

Detràs la nuèit
L’ora se cala
De las ombras, fa son lèit

E de la bruma
Un autre monde bèl …

Legir tot

Detràs la nuèit
L’ora se cala
De las ombras, fa son lèit

E de la bruma
Un autre monde bèl
Passa lo sòm
Se desrevelha

Detràs la nuèit
La luna sàvia
Sus nautres velha
En sentinèla

Sorne camin
Luènha lusor
Se jòga aquí amb la calor

Aquí se ditz que i a d’estèus
Que s’encalan de batèus
La votz, la lira de la nuèit
Tiran aquels que son pas reis

Detràs la nuèit
L’orient penèca
Lo matin per ailà s’i pèrd

Fòra mentida
Falsa aparéncia
Lo temps desliura cada sens

Aquí se ditz que i a d’estèus
Que s’encalan de batèus
La votz, la lira de la nuèit
Tiran aquels que son pas rei

Aquí se ditz que i a d’estèus
Ont s’engravan de vaissèls
De las serenas lo cant bèl
Esparnha pas que lo rei d’Itaca

Oltramar cap a l’orient
Cossiros d’un amor de luènh
Canti la canso per Midons
Quan las folhas dansan al vent …

Legir tot

Oltramar cap a l’orient
Cossiros d’un amor de luènh
Canti la canso per Midons
Quan las folhas dansan al vent
Ò ! Dèu d’amor

Ò ! Dèu d’amor
Ad hora dona joi
E ad hora dolor
Ò ! Dèu d’amor
Ad hora dona joi
E ad hora dolor

No la vei retornar
No la vei retornar
No la vei retornar
No la veiretz !

Ò ! Dèu d’amor
Ad hora dona joi
E ad hora dolor
Ò ! Dèu d’amor
Ad hora dona joi
E ad hora dolor

No la vei retornar
No la vei retornar
No la vei retornar
No la veiretz !

Badut com las flos au printemps
Gaujos com u arralh de sorelh
S’en va viver ta longtemps (bis)
Dàb drin …

Legir tot

Badut com las flos au printemps
Gaujos com u arralh de sorelh
S’en va viver ta longtemps (bis)
Dàb drin d’esper hens los oelhs (bis)

Repic : File lo temps, e las sasons
De cap d’an dinco Nadau
Que decheram nostes amors,
Com l’auset tostem meï haut
S’emvoleram...

Hagar com l’oradje en estiu
E fier de portàr sus vint ans
Que jumpa au mielh de l’arriu (bis)

Puch taleu qu’arriva l’abor
E lo bosc cambia de color
Segut au pèr deu Litor (bis)
Enten lou crit deu pastor (bis)

Lou vent e la neu de l’hiver
Acaban la fin du saunelh
Que volè u cop darrè (bis)
Vèder a lusir lo sorelh (bis)

Deus trèits d’ua bruneta
Mon còr s’ei alebat ;
Sos uelhs e sa boqueta
Tots mos sens an charmat.
Sa …

Legir tot

Deus trèits d’ua bruneta
Mon còr s’ei alebat ;
Sos uelhs e sa boqueta
Tots mos sens an charmat.
Sa gòrja clarejanta
Resplandeish com lo só,
Que’m hè morir d’amor.

Despuish qui jo t’èi vista
Jo’n soi tot interdit ;
En tu, bèra, Calista,
Son mon còr, mon esprit.
En tu be son fixadas
Mas riquessas, mos bens ;
En tu son acostadas
Mas jòias, mos plasers.

Ni las ròsas musquetas
Ni la flor deu bruishon,
N’an pas de tas popetas
L’esclat ni la blancor ;
Urosa la maneta
Qui un dia aurà l’aunor
De tirar l’esplingueta
Qui las tien en preson.