Dins la lutz dau matin, dins la lutz…

Au ped dau liech, au fond de l’ostau
Ere pichota, ben endormida …

Legir tot

Dins la lutz dau matin, dins la lutz…

Au ped dau liech, au fond de l’ostau
Ere pichota, ben endormida
Dins lo sòm, soleta m’en vau
Solèu d’abriu ven me desrevelha d’ora

Per la fenèstra pas ben barrada
Lei rais de prima tocàvon meis uelhs
E mon pantai de terra mairala
Una beluga d’esper dins mon còr

Dins la lutz dau matin, dins la lutz…

E l’ombra de la bèla montanha
Dins lo valon lèu va a morir
Senhor e mestre, eu se pavana
Lo mont Toubkal, regent dins la lutz

Dau moment que lo jorn torna mai
Ieu tanben tornarai eilamont
Vida vidanta, espèr d’encuei
Me portarà au cap de mon pantai d’enfant

Dins la lutz dau matin, dins la lutz…

De l’autre costat de ieu,
Dins la nuech de mon astre,
De l’autre costat de ieu,
Dins ma nuech.
Monte …

Legir tot

De l’autre costat de ieu,
Dins la nuech de mon astre,
De l’autre costat de ieu,
Dins ma nuech.
Monte lei mascas dau chale
Fan ribòta,
Monte lei mascas dau chale
Fan sei juecs.

Misé,
Soleta tu, sas monte mi mèna
La rota que passa
Per dessota ton mantèu.

De l’autra man de ma tèrra,
Dins lei blancs de ma carta,
De l’autra man de ma tèrra
Au secret.
Monte lei diables dau chale
Tènon lei claus dei pòrtas,
Monte lei diables dau chale
Fan son liech.

Darrier lei lumes de ma vila,
Au trefons de ma seuva,
Darrier lei lumes de ma vila,
Dins mon bòsc.
Monte lo mèstre dau chale
Es una reina lachosa,
Monte lo mèstre dau chale
Fa lo caud e lo frech.

Siáu anat cercar Marieta
Per la fèsta dau Roret.
Talament qu’èra contenta
Sautava autant qu’un grilhet.

R. Leva, leva, leva …

Legir tot

Siáu anat cercar Marieta
Per la fèsta dau Roret.
Talament qu’èra contenta
Sautava autant qu’un grilhet.

R. Leva, leva, leva la camba.
Leva, leva, leva lo pè (bis).

Siam partits ‘mé la Marieta
Sus lo camin dau Roret.
I ai dich : « Fasem lèu filheta,
Arrivarem lei promiers ».

Quand siam estats ‘mé Marieta
Dedins lo bòsc dau Roret
L’ai agantada a braçeta
Per dansar lo menuguet.

Ai tant fach virar Marieta
Que son cotilhon sovent
Fasiá veire sei braietas,
Tot lo monde èra contents.

Marieta èra risoleta
E ieu n’ère tot colhon.
Tot en fasènt l’escobeta
I ai escrachat leis arpions.

Dempuei me fai la fonheta,
Siáu maluros com’un pet.
Per que siegue risoleta
Li farai un potonet.

Dins vint ans se fan mai fèsta
Dedins lo bòsc dau Roret,
Segur sarem totjorn lèstes
Mai dansarem lo reggae.

Dins lo cèl i a nòu estèlas
Pus pichonas que la man
Mas pareis que son pus bèlas
Que la …

Legir tot

Dins lo cèl i a nòu estèlas
Pus pichonas que la man
Mas pareis que son pus bèlas
Que la tèrra e la mar
La nuèch quand lo temps es clar
Que lo vent brèça las fuèlhas
La nuèch quand lo temps es clar
Sovent las vesèm dançar.

Dins lo cèl i a uèch estèlas...

Dins lo cèl i a sèt estèlas...

Dins lo cèl i a sièis estèlas...

Dins lo cèl i a cinc estèlas...

Dins lo cèl i a quatre estèlas...

Dins lo cèl i a tres estèlas...

Dins lo cèl i a dòas estèlas...

Dins lo cèl i a una estèla
Pus pichona que la man
Mas pareis que n’es pus bèla
Que la tèrra e la mar
La nuèch quand lo temps es clar
Que lo vent brèça las fuèlhas
La nuèch quand lo temps es clar
Sovent la vesèm dançar.

Un ser d’infortuna
Ta vida a virat, pecaire
E as vist la dintrada del desèrt
Lo vent de la luna …

Legir tot

Un ser d’infortuna
Ta vida a virat, pecaire
E as vist la dintrada del desèrt
Lo vent de la luna
T’a butat l’esquina, Gari
E te siásretrobat dins lo desèrt

Davant tu la plana
Èra voida, espauruganta  
E i aviá pas ges de camin traçat
Pas de marcha reira
Lo retorn èra barrat
E cap al destin caliá traversar

Tot d’un còp la vida
A perdut son chuc, Pecaire
Quand siás a caminar dins lo desèrt
Pas ges de convida
Ont son passats tos amics, Gari
Quand ses a caminar dins lo desèrt

Serva  ta colèra
T’es utila per soscar
Que l’avenidor te cal preparar
E ton energia
Usa la per apelar
Que dins lo desèrt siás pas isolat

Garda ta consciéncia
E ta fiertat, Pecaire
Quand siás a caminar dins lo desèrt
Troba ta cadança
E traça ta rota, Gari
E podràs benlèu sortir del desèrt

Dins la solituda
Laissa te pas embarrar
E ta lenga muda, desliura la
Escota la crida
Que monta de ta fiertat
E ben lèu ta lutz podràs retrobar    

Camina camina
Anem camina dins lo desèrt

Caumatge, galèras, desumanitat
Te cal tot cambiar, cal tot escampar

Camina camina
Cap a la sortida del desèrt

Paratge, convivencia, solidaritat
Vas benlèu trobar … lèu
La sortida del desèrt

Un jorn de fortuna
Prendràs tos amics, Pecaire
Per anar caminar dins lo desèrt
E ambe ta mia e
Tota ta familha, Gari
Anaràs amistonar lo desèrt

Dins lou bouas de la coumuno
Iéu garde lei moutou.
Iéu garde lei moutou, bergeiro jueineto.
Iéu garde lei moutou, …

Legir tot

Dins lou bouas de la coumuno
Iéu garde lei moutou.
Iéu garde lei moutou, bergeiro jueineto.
Iéu garde lei moutou, bergeiro d’amour.

Mai ièu n’en garde pas gaire,
N’en garde qu’un vou dous.
N’en garde qu’un vou dous, bergiero jueineto.
N’en garde qu’un vou dous, bergiero d’amour.

E pèr moun troupèu defendre,
N’ai ni fouet, ni bastou.
N’ai ni fouet, ni bastou, bergeiro jueineto.
N’ai ni fouet, ni bastou, bergiero d’amour.

Iéu, n’ai que ma coulougneto,
Pèr me para dóu loup.
Pèr me para dóu loup, bergiero jueineto.
Pèr me para dóu loup, bergiero d’amour.

Mai garde jamai souleto,
N’en garde ‘m’un pastrou.
N’en garde ‘m’un pastrou, bergiero jueineto.
N’en garde ‘m’un pastrou, bergiero d’amour.

Pièi à chasco revirado
Me demando ‘n poutou,
Me demando ‘n poutou, bergiero jueineto.
Me demando ‘n poutou, bergiero d’amour.

Coumo iéu noun siéu ingrato,
Li dise : « Fai m’en dous ».
Li dise : « Fai m’en dous », bergiero jueineto.
Li dise : « Fai m’en dous », bergiero d’amour

Una cançon dins mon canton
Ambé mon bambó
Siáu pas lo mai malurós
Una cançon dins mon canton
Ambé mon …

Legir tot

Una cançon dins mon canton
Ambé mon bambó
Siáu pas lo mai malurós
Una cançon dins mon canton
Ambé mon bambó
Mi senti totjorn amorós.

Me lèvi pas tròp matin perque siáu cofle de la nuech
La serada fuguèt tant lònga
Ai fach bolegar lei pòssees
Cantat un molon d’estylees
Me siáu pas repausat une segonda
Me bèvi lo cafè e la radiò de mon vesin
Me dona totei lei novèlas
M’entòrni dins mon liech dins la man un gròs babolin
E me canti una ritornela.

Quora vau trabalhar de còp que i a
M’agrada pas
Mai li vau pamens gai
Que mon mestier es de cantar
Siam totei d’obriers
Païsan, pastre o fornier
Un trabalh es un trabalh
Lo sound system es mon talher
Dei nòtas de musica
Lo son de l’electronica
Un riddim e zo mai
La cansoneta me repica.

Dança, dança pichonela
Dins lo soleu de miegjorn
La carriera t’apartene
E t’apartendrà totjorn
L’uelh redon de la merleta
Protegisse sei pichons
Tot en aut de sa brancheta
Te regacha a l’escondon
D’asseton davans ma pòrta
Vèsi venir lo charivari
L’espectacle que m’encanta
Tot lo pòple de mon barri.

Es la fin de la jornada
E ja lo soleu se’n va
Ai passat l’après-dinnada
A ren faire a badar
A escotar de bòn raggà
A escotar lei gents parlar
Tè me siáu jamai fach cagar
Es melhor que lo cinemà
Es l’ora de me recampar
Es l’ora de me preparar
Me mèti l’abit d’aparat
Me vèrsi un grand pastagà
Prèni un saquet de ganjà
Prèni un paquet de Rizlà
Ara siáu lèst per bolegar
Lo micrò es a m’esperar…

Siòi davalat dins mon jardin (bis)
Per i culhir de romanin

Parpilhòl novèl ma dama
Parpilhòl novèl tant bèl (bis) …

Legir tot

Siòi davalat dins mon jardin (bis)
Per i culhir de romanin

Parpilhòl novèl ma dama
Parpilhòl novèl tant bèl (bis)

N’aviài pas gaire dins la man (bis)
Qu’un rossinhòl ven se pausar

Me ditz de causas en inglès (bis)
Que los òmes valon pas res

Que los òmes valon pas res (bis)
E los dròlles encara mens

De las damas me ditz pas res (bis)
De las filhas me ditz de ben

Ils ont passé la musique au round up
Ils gèrent leur prod comme des startup
Ils réduisent le monde, comptent …

Legir tot

Ils ont passé la musique au round up
Ils gèrent leur prod comme des startup
Ils réduisent le monde, comptent les billets
Nos jardins sont des frondes, aux armes jardiniers !

Dins mon jardin, i a lo mond entièr
Tot es mesclat, tout est mêlé,
Dans mon jardin, de fruchas per milièr,
Mais tout est ouvert : Jardins partagés.

Dins lo mieu jardin
I a un pauc de Jamaïca
I a molon de refrins
Inspirats deis Americas,
Lei liumes e lei fruchas
Lei viatges numerics
La sudor e lei luchas
Faràn creisse lo repic.
Ai dubert lo canal
Per asaigar ma musica
L’aiga d’Augal
Dins l’ortolalha poetica
Ai trabalhat lo terrador
E ensartat lei ritmicas
En bon trobador
Destibat ma retorica.

Dins mon jardin, i a lo mond entièr
Tot es mesclat, tout est mêlé,
Dans mon jardin, de fruchas per milièr,
Mais tout est ouvert : Jardins partagés.

Benvenido a la chacra comunal.
Pedazo de tierra Colectiva internacional
Aquí pequeña Producción cien por ciento natural
Entre papa quinoa coca y reggae digital
Aquí puro Campesino musical sin frontera radical
Trabajamos a casa de manera original
Cada temporada Sembramos semilla poetica
Instrumental Alimentamos con agua sol
y toda la riqueza de lo local lejos de lo comercial
Cosechamos frutas de revuelta Baleando
Latifundistas ladrones en camisas a la cabeza del sistema colonial
Agro empresas burguesas produciendo en masa muerte cultural

Dins mon paradis
I a lei sabors de la vida,
Lei fruchas dau país,
Lei flors lei mai polidas,
D’aquí, d’endacòm mai,
D’en delai dei confinhas,
L’òrt de mei pantais
Es clausurat de rimas,
Lichetat ambé paciéncia
Coma una cançon,
Noirit ambé consciéncia
Dins lo respièch e la rason,
Cada paraula es trabalhada
Au còr de mon lieumier
Aquí mei jardinadas
Dins lo mond entier.

Dins mon jardin, i a lo mond entièr
Tot es mesclat, tout est mêlé,
Dans mon jardin, de fruchas per milièr,
Mais tout est ouvert : Jardins partagés.

Ils ont passé la musique au round up
Ils gèrent leur prod comme des startup
Ils réduisent le monde, comptent les billets
Nos jardins sont des frondes, aux armes jardiniers !

Dins mon vilatge, dins mon vilatge, dins mon vilatge i a bèl temps,
I aviá de monde, i aviá de …

Legir tot

Dins mon vilatge, dins mon vilatge, dins mon vilatge i a bèl temps,
I aviá de monde, i aviá de monde, i aviá de monde, i a bèl temps.

I aviá aquí:

Un fustièr, un ressaire, un boscatièr, un petaçaire, un saunièr, un luquetaire un topinièr
Un flaütaire, un fornièr, un estamaire, un molinièr, un maçonaire, un grolièr, un adobaire, un rotlièr.
Un crivelaire, un cantonièr, un enterraire, un coconièr, un barricaire, un olièr, un panieraire, un pairolièr.
Un papieraire, un sabatièr, un tabataire, un posatièr, un cabretaire un perruquièr, un candelaire un ferblantièr.
Un cardaire, un vacassièr, un remessaire, un tombassièr, un cadieraire, un maselièr, un asugaire, un terralièr.
Un enrengaire, un merlussièr, un bonbonaire, un porcatièr, un anhelaire, un vinotièr, un anelaire, un clotièr.
Un tamboraire, un joatièr, un devinaire, un rodièr, un cridaire, un cordièr, un redonaire, un semalièr.
Un carrejaire, un sarralièr, parapluejaire, un quintalièr, un raquejaire, un quincalhièr, un aplechaire, un lobatièr.
Un espelaire, un rossatièr, un galinaire, un bondonièr, un satinaire, un teissièr, un sanaire, un salsissièr.
Un sagnaire, un topinièr, un seringaire, un sabonièr, un pelhaire, un rafièr, un tanaire un tachièr.
Un ramonaire, un sanhièr, un ressolaire, un ribanièr, un espelaire, un carretièr, un potingaire, un carbonièr.
Un crestaire, un carpentièr, un cardielaire, un clavetièr, un amolaire, un barbièr, un brocaire, un boièr.

Dins mon vilatge, dins mon vilatge, de mond auèi i n’i a pas pus,
Dins mon vilatge, dins mon vilatge, deman, deman se ba volèm,
I aurà de monde, i aurà de monde, e de trabalh per plan de gents.

I aurà aquí:

De scratchièrs, de trobaires, payadièrs, de rapsodaires, gershwinièrs, de tchatchaires, fabulosièrs.
Massiliaires, lubatièrs, hip-hopaires, be-bopièrs, raggassaires, freejazzièrs, discjocaires, e scattièrs.
De brasileiros, sertaõnièrs, e de violeiros, improvisièrs,de vaqueiros, boum-amœbièrs, de forroeiros, lampiãonièrs.
De poetas, computièrs, de savents, aiolisièrs, blek-rocaires, aveironièrs, ba-cal faires, provincièrs.
Festivalaires, gasconièrs, lengadoçaires, provencièrs, de limosaires, auvernhèrs, e delfinaires, aranièrs.
Maieuticaires, socratièrs, mastegaires, meschonniquièrs, castanhaires, toquevillièrs, padenaires occitanièrs.
Des bozaires, enzenièrs, d’engenhaires, antisidièrs, cosmopensaires, tolosièrs, imaginaires, planetièrs.
Des cercaires, decentralièrs, inventaires, dazironièrs, astrugaires, connectièrs, de cablaires, universièrs.
Des escrivaires, keroacquièrs, brautiganaires, enganièrs, jorgeamadaires, esteinbekièrs, borisvianaires, kafkaièrs.
Dessenhaires, benVautièrs, pigassaires, picassonièrs, illustraires, ramonièrs, de pintraires, joapièrs.
Des cow-boyaires, indianièrs, sacamandaires, redfordièrs, èra-un-còp-aires, leonièrs, westernaires, eastwoodièrs.
magicaires, johnsonièrs, cabanaires, gaudissièrs, jardinaires, trenetièrs, samplaires, funkatièrs.

Dins París i a una vièlha (bis)
Qu’a passat quatre-vints ans
Tant amorosa
Qu’a passat quatre-vints ans
Tant amorosament.

Un …

Legir tot

Dins París i a una vièlha (bis)
Qu’a passat quatre-vints ans
Tant amorosa
Qu’a passat quatre-vints ans
Tant amorosament.

Un jorn se’n va a la dança (bis)
Per trapar jove galant
Tant amorosa
Per trapar jove galant
Tant amorosament.

Lo mai jove de la dança (bis)
Lo ven prene per la man
Tant amorosa
Lo ven prene per la man
Tant amorosament.

Ai de l’aur dedins mon còfre (bis)
Te farai òme d’afars
Tant amorosa
Te farai òme d’afars
Tant amorosament.

Vèni aquí ma bona vièlha (bis)
Nos maridarem deman
Tant amorosa
Nos maridarem deman
Tant amorosament.

Lo diluns l’a esposada (bis)
Lo dimars se l’a enterrada
Tant amorosa
Lo dimars se l’a enterrada
Tant amorosament.

Paure, coma pòdi faire (bis)
Per portar lo dòl un an ?
Tant amorosa
Per portar lo dòl un an ?
Tant amorosament.

Faràs portar lo dòl a l’ase (bis)
Al gos, al gat per tres ans
Tant amorosa
Al gos, al gat per tres ans
Tant amorosament.

Dins Paris i a una vielha, oes ! (bis)
Qu’a mai de quatre vints ans,
E ram plam plam la …

Legir tot

Dins Paris i a una vielha, oes ! (bis)
Qu’a mai de quatre vints ans,
E ram plam plam la vielha,
Qu’a mai de quatre vints ans,
E ram plam plam !

La vielha vai a la dansa, oes ! (bis)
Se sieta pres d’un galant,
E ram plam plam la vielha,
Se sieta pres d’un galant,
E ram plam plam !

La vielha se bota a rire, oes ! (bis)
Fai veire sas doas dents davant,
E ram plam plam la vielha,
Fai veire sas doas dents davant,
E ram plam plam !

N’i a una de besilhada, oes ! (bis)
L’autra vai en cascalhant,
E ram plam plam la vielha,
L’autre vai en cascalhant,
E ram plam plam !

La li dis : « Si tu m’esposas, oes ! (bis)
Te farai riche marchand »,
E ram plam plam la vielha,
« Te farai riche marchand »,
E ram plam plam !

Lo diluns l’es esposada, oes ! (bis)
Lo dimarç 1’enterraram,
E ram plam plam la vielha,
Lo dimarç 1’enterraram,
E ram plam plam !

De l’argent de quela vielha, oes ! (bis)
N’auram ’na jòuna de quinze ans,
E ram plam plam la vielha,
N’auram ’na jòuna de quinze ans,
E ram plam plam !

De caminar dins lo fred de la nèit,
aviam trapat aquel estable vièlh.
De jaire dins la palha èrem contents, …

Legir tot

De caminar dins lo fred de la nèit,
aviam trapat aquel estable vièlh.
De jaire dins la palha èrem contents,
per una nèit dedins non pas al vent.
Acoconats al caud tu contra ieu,
montèt una cançon dal monde vièlh.
Acoconats e los èlhs dins los èlhs,
montèt una cançon d'un autre temps.

Un draconet* sortiguèt de la palha
l'ombrilha lo fasiá brave ganèl.
En se trufant se botèt dins la dança
e d'un còp desrevelhèt lo tropèl.
Se penjolèt a la coga de l'ase
que recanèt, petnèt e l'escampèt.
Fotèt còpsec un estrevelh dal diable
e s'entornèt dedins lo monde vièlh.

de caminar dins lo fred de la nèit...

l'Òme-pelut* sortiguèt de la palha.
Fintava cossí cavar l'ataüt.
la Cacha-vièlha* t'afustèt la dalha,
Tanta Chiqueta* li tombèt dessus.
Una mitona* al canton romegava.
Darrièr'l portal fiulava Bardanís*.
lo Paisan, quilhat, nos agachava
despietadós nos a fòrabandits.

Se sèm trapats dins lo fred de la nèit.
Avèm daissat aquel estable vièlh.
De jaire dins la palha, èrem contents,
per una nèit dedins non pas al vent.

*personatges de la mitologia lengadociana.