Dison que les enfants
De las Antilhas
Naisson amb dins la man
Una valisa
Un pauc aprèp
E abans de …

Legir tot

Dison que les enfants
De las Antilhas
Naisson amb dins la man
Una valisa
Un pauc aprèp
E abans de partir
Aprenon lo francés
La lenga de l'exilh

R :
I tornaràs al tiu ostal
Un jorn o l'autre, t'en fasques pas
I tornaràs al tiu ostal
Un jorn o l'autre, benlèu tròp tard !

Dison que les enfants
De las Antilhas
Crénhon l'ivern de França
E de las vilas
La fred pertot
Al dedins, al defòra
E coma calor
L'alcòl de la musica

Dison que les enfants
De las Antilhas
Pensan al endeman
E a lor vida
Se fan gigants
Per dessús l'ocean
Se fan indians
Sus la tèrra dels grands

I tornaràs al tiu ostal
Un jorn o l'autre, l'oblides pas
I tornaràs al tiu ostal
Un jorn o l'autre,
T'arreste pas.

Atome, sweet atome
Du lumérien à l'homme
Combien de joies
Combien de peines
Et d'avancées quand même
Combien d'années en …

Legir tot

Atome, sweet atome
Du lumérien à l'homme
Combien de joies
Combien de peines
Et d'avancées quand même
Combien d'années en somme ?

Atome, sweet atome
Du big bang à bibendum
Combien d'années-patience
Pour que l'homme puisse enfin
Ramener sa science ?

Atome, sweet atome
S'il fait si doux ce soir
Est-ce donc un signe d'espoir ?
Sweet atome
On est si bien... at home !

Atome, sweet atome
Comment sera demain ?
Dis-moi vers quels matins
Et vers quelle lumière
Tu conduiras la terre

Atome, sweet atome
Tu en as fait des tonnes
Des tonnes
Mais ça serait pour des pommes
Si un feu d'artifice
Venait tuer nos fils...

Si t'en vas
Vièlh, cansat
Tornaràs
Jove, fat
Si t'en vas
Trist, afrós
Tornaràs
Amorós.

Es un viatge dins …

Legir tot

Si t'en vas
Vièlh, cansat
Tornaràs
Jove, fat
Si t'en vas
Trist, afrós
Tornaràs
Amorós.

Es un viatge dins la vida
Dins le temps
Dins le secret blau del vent
Es le visatge de l'amor
Cap a la mòrt
Del batèu cap a son pòrt

Cabussada dins le monde
De l'uman
Dins la sal de l'ocean
Cabussada dins les rires
E la sang
Dins les sòmis dels enfants

Si t'en vas
Per asard
Tornaràs
A ton grat
Si t'en vas
Tot d'un còp
Tornaràs
Plan mai fòrt

Es le viatge de l'Ulissa
Sense fin
Cap a son païs mitic
Es le viatge de l'inflús
Cap al cervèl
De la sòm cap al revelh

Cabussada dins la mar
Dels sentiments
Dins le riu del moviment
Cabussada dins la foliá
Del printemps
Dins las aigas del vivent...

Es vengut le temps
De mostrar sa cara
De daissar tombar
La falsa masqueta
Es vengut le temps
De durbir …

Legir tot

Es vengut le temps
De mostrar sa cara
De daissar tombar
La falsa masqueta
Es vengut le temps
De durbir l'ostal
D'èsser un moment
Un pauc sentimental...

Te dirèi qui som
Me diràs ont vas
E sense faiçon
Anirem somiar
Luènh dins las estèlas
Prigond dins la mar
Auèi sus la tèrra
Deman dins le passat...

Al païs de l'aiga
Nos podrem banhar
Perdrem la memòria
Per i demorar
Nos farem mainatges
Contes o istòria
Dins nòstre reialme
De rason madura...

Es vengut le temps
De passar lo pont
De durbir le còr
A d'autras sasons
Es vengut lo temps
De viure per jòc
D'oblidar ensems
Totas las leiçons...

La tisana de mèl
Fa garir del cancèl
La tisana de tè
Fa davalhar la sang al pè

Lailalalalèra
…

Legir tot

La tisana de mèl
Fa garir del cancèl
La tisana de tè
Fa davalhar la sang al pè

Lailalalalèra
Lai ! som l'adobaire
Lailalalalèra
Lai ! l'endevinaire

La tisana de caucida
M'a fait venir la pepida
La tisana de saniçon
Fa venir l'estomac bon

La tisana de pimpanèla
Fasquèt morir madomaisèla
La tisana de jolverd
Fa venir lo gosièr verd

La tisana de glaujòl
Farà morir l'aujòl
Per la tisana de socin
Val mès beure un còp de vin

La tisana de grata-cuol
Fa tombar redde coma un pibol
La tisana de gabèl
Fa atrapar la pèl.

Ieu tanben coma un fat
Sens repaus cap al final
Cantaré cantaré
Ieu tanben paure damnat
Juscas al darrièr badalh
…

Legir tot

Ieu tanben coma un fat
Sens repaus cap al final
Cantaré cantaré
Ieu tanben paure damnat
Juscas al darrièr badalh
Cantaré cantaré

Es que podriá viure
Un jorn sens cançons
E sens la musica
Dels rires, dels mots ?
Es que podriá viure
Sens beure a la font
De la poësia
E de la doçor ?

Ieu tanben jamai cansat
Per una autra societat
Lutaré lutaré
Ieu tanben revoltat
Fidèl a mon ideal
Lutaré lutaré

Es que podriá viure
Un jorn coma un sord
O coma un avugle
Sens véser lo mond ?
Es que podriá viure
Sens fe ni rason
Sens actes ni libres
Per avançar totjorn ?

Ieu tanben embruèissat
Per la vida e son art
Aimaré aimaré
Ieu tanben captivat
Per la bèstia e l'uman
Aimaré aimaré

Es que podriá viure
Un jorn sens plaser
Sens crocar tranquille
Las pèls, les païsatges ?
Es que podriá viure
Un jorn sens conéisser
Lo gost d'èsser liure
L'enveja d'aquel monde

Ieu tanben coma un fat
Sens repaus cap al final
Cantaré cantaré
Ieu tanben paure damnat
Juscas al darrièr badalh
Cantaré cantaré !

Per la carrièra passa-misèria
I a una femna sus sa cadièra
Seitada contra son gos
E son tritum entre los …

Legir tot

Per la carrièra passa-misèria
I a una femna sus sa cadièra
Seitada contra son gos
E son tritum entre los dits

Plega ta farda, ta misèria
E vai t'en crebar pus luènh !

Sus lo mur blanc i a un papièr
Color d'una vergonha d'uissièr
Dessús en negre i a escrit :
"l'autòrota passarà aquí"

Veirèm lo bitum enrubanat
Préner la plaça de l'ostal barrat
Degun vendrà pus li comprar de vin
Mes jos la pèira podrèm ausir :

Una cançon, un refranh
Una votz, un vièlh planh
Una femna que plora
E un gos que jaupa

Se mon istòria es communa
Tot parièr mesfisatz-vos plan
Benlèu per vos - deman -
Vendràn vos dire :

Plega ta farda, ta misèria
E vai t'en crebar pus luènh !

Dins la vila i a un potz sens fons ont naisson las nívols
Que s'en van cap a la plana
…

Legir tot

Dins la vila i a un potz sens fons ont naisson las nívols
Que s'en van cap a la plana
L'autan a barrejat lo cèl e i a pas mai de cant d'aucèl
Sus nòstra tèrra occitana

Arrèsta-te tu cavalièr
Cavalièr del temps que passa
Arrèsta-te tu cavalièr
Cavalièr de la blanca espasa !

Son mòrts totes los trobadors e se canta pas mai l'amor
Sonque per la desesperança
Dins l'ombra de nòstre passat una guitarra a espintat
Una flor roja a sa sofrença

Arrèsta-te tu cavalièr
I a una crotz sus ton escut
Arrèsta-te tu cavalièr
Dotze clavèls i son nascuts !

Totes los fuòcs de la Sant Joan s'alucaràn benlèu ongan
De Lemosin a Lengadòc...
E lo Gascon, lo Vivarés, lo Provençau, lo Biarnés
Tota la lenga farà fuòc !

Arrèsta-te tu cavalièr
S'acaba lo trigossadís
Arrèsta-te tu cavalièr
Ara sèm plan luènh de Paris !

Peisses de mar ambe vin blanc
E filha negra sus un banc
Le sòl del bar que s'enfugís
Fum de …

Legir tot

Peisses de mar ambe vin blanc
E filha negra sus un banc
Le sòl del bar que s'enfugís
Fum de tabac e fum de sòmi

R:
Cèl o aucèl
Es que me caldrà causir ?
Mar o vaissèl
Es que me caldrà morir ?
Ombra o solelh
Ont s'amaga le camin ?
Sòm o revelh
Cossí tornar de l'exilh ?

Un piàno vièlh dins son canton
Repapia qualques mots d'amor
'na pluèja fina dins la tèsta
La nuèit s'enfonsa dins la bruma

E som aicí coma un falord
A esperar le brut del jorn
Amb la certesa del marin
Que vòl conquistar l'avenir

Botelhas voidas sus la taula
La filha negra me sorís
Darrièras cartas jos la lampa
L'escuritat que s'avalís

E lèu partirèi clandestin
De l'autre costat de la tèrra
I a dins aquel novèl païs
La filha negra que m'espèra...

De Còrdas sus Cèl a Còrdas d'Espanha
De fil en cordura ai cercat mon si.
Ai cercat lo si per …

Legir tot

De Còrdas sus Cèl a Còrdas d'Espanha
De fil en cordura ai cercat mon si.
Ai cercat lo si per rompre la còrda
Lo nos corredor - per misericòrdia -
De francimand - Franco ficelat fin-fin,
Tot çò que se tòrç, se trèssa en patena,
L'estaca, l'entrava, la guida e l'sedon,
Çò qu'embartassís e que fa cadena
De barbelats, naut coma una preson,
Tot çò qu'entrabuca e liga lo jo,
Faisset e cabestre, cingla, cinturon...
Mas, penjat al cròc lo si que s'escana,
Ai pas res trobat que longa e bridèl
De Còrdas d'Espanha a Còrdas sus Cèl.

De còps le ser
L'enveja me pren
De tot acabar
De còps le ser
L'enveja me pren
De pas pus …

Legir tot

De còps le ser
L'enveja me pren
De tot acabar
De còps le ser
L'enveja me pren
De pas pus pensar
De m'anar perdre
Dins le silenci
De la mar
Al luènh dels crits
De patiment
De l'autre costat

De còps le ser
Tot se fa negre
Dins mon cap
Naut dins le cèl
Voldriá volar
Cap al repaus
De còps le ser
Èi pas la fòrça
D'esperar
Tot es tan dur
Tot es escur
E som tan cansat.
M'en vau durmir
Coma un mainatge
M'en vau somiar
Quand ven le jorn
Tot aquel mond
L'èi tornat far
Ajètz pas paur
De mas paraulas
De ma musica
Abans le pòrt
E le bonastre
Son las tempèstas

De còps le ser
L'enveja me pren
De cantar
Naut dins le cèl
Me fau esper
Per contunhar...

Ai agachat per la finèstra
Del vagon que vai m'emportar
Dus amorós que se quitavan
Qu'un trin anava separar

…

Legir tot

Ai agachat per la finèstra
Del vagon que vai m'emportar
Dus amorós que se quitavan
Qu'un trin anava separar

Dolent foguèri de los veire
Atal se beure e se sarrar
Uèlhs amagats al fons de l'anma
Pòts ufles de se potonar

La dròlla aviá lo pièl volaire
Lo dròlle, del, l'avián rasat
Sul quitran rufe de la gara
Finissián pus de se quitar

E quand los duns trins partiguèron
Encara se volián parlar
La dròlla durbiguèt la boca
Del faguèt signe de la man
Es al moment que se quitavan
Qu'anavan enfin se trobar

La dròlla aviá lo pièl volaire
Lo dròlle, del, l'avián rasat
Sul quitran rufe de la gara
Finissián pus de se quitar

Es al moment que me quitères
Benlèu qu'anavi te trobar...

Montarem en primièra linha
Ieu la man e tu l'estilò
Menarem guèrra a la rima
Les sovenirs, la libidò...

…

Legir tot

Montarem en primièra linha
Ieu la man e tu l'estilò
Menarem guèrra a la rima
Les sovenirs, la libidò...

Quand sortirem de las trencadas
Ieu l'occitan, tu l'espanhòl
Benlèu s'arrestaràn las bombas
E fiularà le rossinhòl
Batalharem dins le no man's land
Ieu le regent, tu l'obrièr
De las paraulas voidas de sang
Jos l'ofensiva del tintièr

Una batèsta per pagina
Un alfabet fortificat
Dels sentiments farem la pilha
Ieu l'oficièr tu le soldat

Atal serà la nòstra guèrra
Digus ne portarà lo dòl
E daissarem benlèu la pluma
Quand fiularà le rossinhòl.

El meu germà era un aviador
Un dia va rebre un avís
Va fer les maletes
I va marxar cap …

Legir tot

El meu germà era un aviador
Un dia va rebre un avís
Va fer les maletes
I va marxar cap al sud.

El meu germà és un conqueridor ;
Li cal espai al nostre poble,
I guanyar terres ha estat sempre
El nostre sommi més antic.

L'espai que el meu germà ha guanyat
Es a la Serra de Guadarrama.
Té un metre viutanta de llarg
I de fons un metre cinquanta.

En montant l'escalièr de pèira
Aviái perduda la rason
Aviái perduda la sason
Emai la drèita, emai l'esquèrra
En montant …

Legir tot

En montant l'escalièr de pèira
Aviái perduda la rason
Aviái perduda la sason
Emai la drèita, emai l'esquèrra
En montant l'escalièr de pèira

En dintrant dins la cambra cauda
Èra la filha al canton
Diguèt pas òc, diguèt pas non
Tombèron lèu camisa e rauba
En dintrant dins la cambra cauda

Tot lo temps que cramèt lo fuòc
Faguèrem un camin d'estèlas
Floriguèron de flors novèlas
Coma n'en florís pas enluòc
Tot lo temps que cramèt lo fuòc

Mas lo temps virèt a la bisa
S'atudèron fuòcs e candèlas
S'en tornèt faire fintanèla
La filha dins la vila grisa
Mas lo temps virèt a la bisa

Perdèri lo nom de l'ostal
De la carrièra, de la vila
I a plan cent ans o benlèu mila
Las causas s'acabèron aital
Perdèri lo nom de l'ostal...

Fuí por la noche cansada
Fuí por la noche
Pero nunca vino el día
Y nunca vino la muerte

…

Legir tot

Fuí por la noche cansada
Fuí por la noche
Pero nunca vino el día
Y nunca vino la muerte

Hondo es el mar
Y tengo que cantar

Ví países sin miradas
Ví países
Donde vivían sombras
Con caritas de hombres

I que venga otro tiempo
De vida nueva
Vamos por los caminos
Esperando el alba !

Que cal patir d'èsser una femna
A cada jorn sufís sa pena
Caliá breçar, far la cosina
Dempuèi vint ans …

Legir tot

Que cal patir d'èsser una femna
A cada jorn sufís sa pena
Caliá breçar, far la cosina
Dempuèi vint ans plègui l'esquina
A cada jorn sufís sa pena
Que cal patir d'èsser una femna
Ai la bugada sul bartàs

Baste deman ploguèsse pas

De tant qu'ai sofèrt dins ma vida
Ai pas lèser d'èsser marrida
Entre mon òme e los enfants
Se son demesits mos vint ans
Ai pas lèser d'èsser marrida
De tant qu'ai sofèrt dins ma vida

Ai la bugada sul bartàs
Baste deman ploguèsse pas

L'amor s'es negat dins lo temps
Nos tornam pas aimar sovent
Dins nòstra cambra i a lo lèit
Que demòra freg cada nuèit
Nos tornam pas aimar sovent
L'amor s'es negat dins lo temps

Ai la bugada sul bartàs
Baste deman ploguèsse pas

Pòrta de lenha, mon amic
Farem de fuòc beurem de vin
Dins lo còr de la chiminièra
Farem cremar nòstra lassièra
Farem de fuòc beurem de vin
Pòrta de lenha, mon amic

Ai la bugada sul bartàs
Baste deman ploguèsse pas

Quan en tinc prou del vent
Quan en tinc prou del temps
En tinc prou de la mar
I del …

Legir tot

Quan en tinc prou del vent
Quan en tinc prou del temps
En tinc prou de la mar
I del seu compás
Quan no ni ha remei
Quand no ni ha res més

Quand en tinc prou de tots
Quan en tinc prou de tu
En tinc prou de la mort
D'eixe vell païs mut
I que sóc l'amant
D'un somni massa gran

Creme la meua vida
Creme la meua sort
En la platja de nit
Com si fora un joc
El foc que crema allà
Es un foc de paper
Arreu s'apagarà
I no quedarà res

Només estrelles blanques
En el negre del cel
Només espurnes vives
Com paraulas d'esper
Només cendres calentes
En la sorra d'abril
Com missatges secrets
Llançats a l'infinit
En el aire del dia
El desig de cantar

Hi ha quan ve el matí
Ammb el seu pas tranquil
Una colla d'infants
Que recull el meu cant
El foc que cremarà
Serà foc de paper
Arreu s'apagarà
I no quedarà pas...

La nuèit les vièlhs se sarran del fòc
Quand l'espital es plan malaut
Les vièlhs se sarran un darrièr còp
…

Legir tot

La nuèit les vièlhs se sarran del fòc
Quand l'espital es plan malaut
Les vièlhs se sarran un darrièr còp
Sense parlar, sense parlar...
Ont son la vida e las cançons,
Quand la calor veniá del còs ?
Ont es la vida, ont es la sang
De lor vint ans, de lor vint ans...

Ieu som ací, nas al carrèu
Gaitant totjorn tombar la nèu

E tornan viure dins lor silenci
Çò qu'es passat e acabat
E tornan viure un darrièr sòmi
En esperant, en esperant...
A ! si podián res qu'un moment
Far le camin a contra-sens
A ! si podián tornar partir
Al mes d'Abril, al mes d'Abril...

Ieu som ací, nas al carrèu
Gaitant totjorn tombar la nèu
Ieu som ací, nas al carrèu
Pensant al jorn que saré vièlh...

La pluèja tomba fina
Sul fieral, pel camin,
Mas la set es canina
Qual pagarà lo vin ?

Dins …

Legir tot

La pluèja tomba fina
Sul fieral, pel camin,
Mas la set es canina
Qual pagarà lo vin ?

Dins una rèiraubèrga
Demadam un pinton,
Salsissa de la pèrga
De pan del tirador.

La canal totjorn raja
Podèm pas mai sortir
Aquel pè que me cacha
Demorarem aici.

Botelh sus botelha
Per accabar l’argent.
Lo vin pur desrevelha
Perque siás pas content ?

Deman serà pas fièira,
De trabalh n’aurem pron.
Fins a l’ora darrièra
Cent àvols per un bon.

La pluèja tomba fina
Sul fieral, pel camin
Paga-te la cosina,
Te pagarai lo vin.

Ambe las fadas dançarèi duscas a punta d'alba
Ambe las ninfas cantarèi a la broá de l'aiga !
Sòrres aimablas …

Legir tot

Ambe las fadas dançarèi duscas a punta d'alba
Ambe las ninfas cantarèi a la broá de l'aiga !
Sòrres aimablas de la selva a la debuta del jorn
Me balharètz l'embriaguesa a l'entorn de la font

Mes deman, deman m'arrestaràn
Al vilatge bas
Deman, deman me getaràn
En preson sense faiçon
Mes deman, deman m'arrestaràn
Les que creson pas
Deman, deman començaràn
A me pausar de questions

Oc, nos tornem trobar la nuèit per faire la bugada :
Lavar, fretar e sustot batre las camisetas blancas !
Le bacèl d'aur de la font cauda es mon primièr amic
Sap fer lusir la mia vida quand le curat dormís

Mes deman, deman me jutjaràn
Al vilatge bas
Deman, deman demandaràn
Mon abjuracion
Mes deman, deman me jutjaràn
Les que veson pas
Deman, deman m'ordonaràn
L'ultima confession

M'ensenharètz cossí volar ambe mas alas blancas,
Coma lo vent poder passar pel trauc de la sarralha
Per vos serèi bon escolan tot al long del riu
Doça flaüta de l'amant e fraire de l'estiu

Mes deman, deman me penjaràn
Al vilatge bas,
Deman, deman m'acabaràn
Ieu l'enfant misteriós
Mes deman, deman me penjaràn
Les que sabon pas
Deman, deman òc me faràn
Liure per totjorn

Ambe las fadas dançarèi duscas a punta d'alba
Ambe las ninfas cantarèi a la broá de l'aiga !
Sòrres aimablas de la selva a la debuta del jorn
Me balharètz l'embriaguesa a l'entorn de la font.

Quand lo dius farlabicaire
Volguèt far un òme nòu,
Se n'anguèt trobar sa maire,
Per aver quaranta sous.
Se crompèt …

Legir tot

Quand lo dius farlabicaire
Volguèt far un òme nòu,
Se n'anguèt trobar sa maire,
Per aver quaranta sous.
Se crompèt una maquina,
Que lusissiá al solèlh :
Un motor, una turbina,
De fèr blanc e de niquèl.

Cric, crac,
L'òme nuclear...
Cric, crac,
Aurà lèu ganhat !

Trabalhèt coma una bèstia,
Sens quitar son obrador,
E puèi se carguèt la vèsta
Per anar beure un pinton.
D'aquèl temps, lo vièlh San Pèire
Qu'aimava de se gaudir
Dins la maquina de fèrre
Metèt de grana de lin.

Foguèt un òme sens cervèla
Que sortiguèt del molin,
S'espandiguèt sus la tèrra
Coma l'agram pel camin.
Bastiguèt qualquas centralas
Nuclearas dins son òrt,
Puèi butèt la manivèla :
Cresiá d'èsser lo pus fòrt.

Mas cadun dins sa carrièra,
Faguèt lo meteis trabalh,
Atal espetèt la tèrra,
Dins un fòrt sarrabastal !

Cric, crac,
L'òme nuclear...
Cric, crac,
Ara es acabat ?

La filha qu'aimarai
Serà d'un pòble vièlh
La darrièra flor de gràcia
Clinarà pas lo cap
Clinarà pas los uèlhs
…

Legir tot

La filha qu'aimarai
Serà d'un pòble vièlh
La darrièra flor de gràcia
Clinarà pas lo cap
Clinarà pas los uèlhs
Agacharà l'esper en fàcia

E tornarem bastir
Los vilatges mòrts
Nòstre esper es roge e negre
E farem sul païs
Que dòrm dempuèi mil ans
Lusir deman l'estèla d'òr.

Nòstre amor serà fòrt
Coma una vièlha soca
Sus l'ispra tèrra del vent
La lenga dels aujòls
Florirà sus ta boca
Saurem totis dos vencir lo temps.