Lo bal de la civada
Vos vòli contar
Lo paire quand la laurava
S'arrestava per bufar...
Nos daissava l'araire
E …

Legir tot

Lo bal de la civada
Vos vòli contar
Lo paire quand la laurava
S'arrestava per bufar...
Nos daissava l'araire
E nos fasiá cantar :

Trabalhem, trabalhem,
Que la civada, que la civada,
Trabalhem, trabalhem,
Que la civada ganharem !

Lo bal de la civada
Vos vòli contar.
Lo paire quand semenava
S'arrestava per bufar...
Nos balhava la dalha
E nos fasiá cantar :

Trabalhem, trabalhem...

Lo bal de la civada
Vos vòli contar.
Lo paire quand la manjava
S'arrestava per bufar...
Nos preniá a sa taula
E nos fasiá cantar :

Trabalhèm, trabalhem..

-Diga, mon grand, aquela rota
Que seguisses sens t'arrestar,
Diga, mon grand, vertat qu'es longa
E consí caminar ?
-Filhet, …

Legir tot

-Diga, mon grand, aquela rota
Que seguisses sens t'arrestar,
Diga, mon grand, vertat qu'es longa
E consí caminar ?
-Filhet, passaràs las crèstas
Per d'autres òmes, d'autres camps
D'amics e plan de sèrs de fèsta.
Es una jòia avançar
Mas si s'amaga ton solèlh,
Si vas ton camin dins lo fred,
Te faràs fòrt coma una pèira.
E avança !
-Traparàs de rotas grandas
Ont los pòbles parlan fòrt.
Passaràs per los vilatges
Aparats dels vents de mòrt.
Mas veiràs de malas sendas
Carrejar d'òmes plegats,
Rosegats per d'autres òmes,
E muts...
-Navegaràs dins los espacis
Saupràs totas las colors :
Lo negre qu'es lo silenci,
Lo roge coma una flor.
Mas tornaràs cap a ton pòble
Que s'encamina el tamben.
Alara serà grand ton vilatge
Amb el...
Vaquí çò que per la montanha
Contava un òme a un enfant.
Vertat disiàs e me remembri
La longa marcha a començat.

A la nòça del taisson
Tres candèlas, tres candèlas,
A la nòça del taisson
Tres candèlas, un pibol !

…

Legir tot

A la nòça del taisson
Tres candèlas, tres candèlas,
A la nòça del taisson
Tres candèlas, un pibol !

I aviá de monde conegut :
L'estacat de jos-prefectura,
Lo destacat de lanturlura
E lo pesolàs revengut !

A la nòça del taisson...

La mar mandèt la merlussa
La murena e un amiral.
Trincavan Picòta la piusa,
La craba e lo marsical !

A la nòça del taisson...

Un pol, POL-POT e la pincarda
Fasián la giga sul fangàs,
Francò fargat coma una sarda
Caralsolava sol del nas !

A la nòça del taisson...

I aviá lo grapau e sa pipa
Pie lo papa e son papà,
L'ayatollah ambe sa trica
E Pinochet : Alleluia !

A la nòça del taisson...

Eras valent, davant ta bòria
Mestre al solelh, mestre del vent
Daissa aquel camp, aquèla terra
Es pas per tu
…

Legir tot

Eras valent, davant ta bòria
Mestre al solelh, mestre del vent
Daissa aquel camp, aquèla terra
Es pas per tu
E cap al Nòrd dins una usina
Trabalharàs, seràs melhor

Sabiás parlar, e dins ta boca
Cantava l'òc, coma un rocàs
Daissa ta lenga
Aquela fòrça
Es pas per tu
Crida en francés, e se lo pòdes
Parla ponchut : Fa mai borgés

Coma ton paire, i a plan d'annadas
Eras l'amic d'un dieu calent
Dieu es missant
Aquela jòia
Es pas per tu
Prega en francés, cal que sofrigas
Lo cap baissat, Dieu es dolent

Atal t'an dit tant de messorgas
Per te panar l'eime e lo còs
E siás pas mòrt
E te revelhas
Sarra los punhs
Sèm de milièrs e per lo mond
Farem plegar los messorguièrs

Èra l’an 1907
Los paures manifestavan
E volguèron pas tirar
Pòble e soldats èran fraires.

E volguèron pas tirar
…

Legir tot

Èra l’an 1907
Los paures manifestavan
E volguèron pas tirar
Pòble e soldats èran fraires.

E volguèron pas tirar
Los soldats lengadocians
Governament tre vengaràs
Amb una guèrra als Alemands.

Èra l’an 1907
Per Besièrs manifestavan
E volguèron pas tirar
Pòble e soldats èran fraires.

tu que deviás pas morir
Entre flors desconegudas
T’an enterrat dins un lençòl
De freda tèrra del Nòrd.

Aquel an 1917
T’escriviá ta maire :
« Torna lèu per la vinha.
Plori quand la regardi. »

S’es poirida la flor roja
S’es poirida la flor
L’an enterrada dins un lençòl
Amargant de messorgas
S’es poirida la flor roja.

A l’ombreta d’un rosièr
Joana se pausava
Joana se pausava en ça
Joana se pausava en la
Joana se pausava.

Legir tot

A l’ombreta d’un rosièr
Joana se pausava
Joana se pausava en ça
Joana se pausava en la
Joana se pausava.

Un boçut ven a passar
Que la regardava.

Qué me regardas boçut
Ièu som trop pichona.

Per tant pichona que siás
Al que siás ma mia.

Se ta mia vòls que siái
Cal que ta bòça salta.

Se ma bòça deu saltar
Adieu paura Joana

Seguissèm lo camin del pèch
Anam veire, anam veire,
Seguissèm lo camin del pèch
Anam veire lo solèlh.

Se …

Legir tot

Seguissèm lo camin del pèch
Anam veire, anam veire,
Seguissèm lo camin del pèch
Anam veire lo solèlh.

Se levar darrièr las corbièras
Tot rajent d’aiga de la mar
De la mar mediterranèia
Entre Leucate e Sijan.

Miègjorn : caminam susents
Anam veire, anam veire
Miègjorn : caminam susents
Anam veire lo solèlh.

Coma una roda dins lo cèl
Dançar damont las pirenèas
Sus la musica d’un rondèu
Barrejat d’un aire de fecas !

Davalam lo camin del brèlh
Anam veire, anam veire
Davalam lo camin del brèlh
Anam veire lo solèlh.

Amanhagar la malapèira
Negra montanha del lop,
Clinhar de l’uèlh e puèi de pèrdre
Darrièr las brancas d’un pibol.

Nos en tornam a Coffolens
Monta l’ombra, monta l’ombra
Nos en tornam a Coffolens
Monta l’ombra de la nuèit.

Quand se veirà lo bombardier
Escampar plueja de confettis
Quand se veirà lo canon
Faire riseta a l’objectiu

Quand …

Legir tot

Quand se veirà lo bombardier
Escampar plueja de confettis
Quand se veirà lo canon
Faire riseta a l’objectiu

Quand se veirà lo tanc
Passejar filhas a la festa
La bala far de zigas-zagas
Coma lo serpentin…

Farai del Carnaval
La festa nacionala.

Ièu soi un paure conscrit
De l’an mila uèit cent dètz (bis)
Cal daissar lo lengadòc, lo Lengadòc lo Lengadòc
…

Legir tot

Ièu soi un paure conscrit
De l’an mila uèit cent dètz (bis)
Cal daissar lo lengadòc, lo Lengadòc lo Lengadòc
Cal daissar lo Lengadòc
Per se’n anar a la mòrt.

Luènh d’aicí i a un país
De nèu blanca, de cèl gris (bis)
Nos i cal anar morir, anar morir anar morir
Nos i cal anar morir
Per l’Emperaire e son filh.

Lo rector e lo regent
Nos an parlat plan longtemps (bis)
Partissèm fòrça contents, fòrça contents fòrça contents
Partissèm fòrça contents
Serèm sus lo monument.

Mainatz-vos Lengadocians
De faire d’autres enfants (bis)
N’auràn besonh dins vint ans, dins vint ans dins vint ans
N’auràn besonh dins vint ans
Negres e Republicans.

Vos a escrit un gojat
Nascut pròche vòstre ostal
Dormís, a pro caminat, pro caminat,pro caminat
Dormís, a pro caminat,
E son conte es acabat.

Que nos demòra de pèrdre
aculats contra lo ròc ?
Se demòra res a pèrdre
jogarem lo darrièr jòc.

…

Legir tot

Que nos demòra de pèrdre
aculats contra lo ròc ?
Se demòra res a pèrdre
jogarem lo darrièr jòc.

Cada sang per cada vena.
Cada vida la siá mòrt.
Cada dolor la siá pena
del pus flac contra lo fòrt.

Son bonas totas las armas.
Val lo cuol coma lo còr.
Se morisson pas las armas
ne portarem pas lo dòl.
Nos demòra res a perdre.
Quantes sèm per cridar òc ?
Se demòra res a pèrdre
jogarem lo darrièr jòc.

S’ acabavan las vendémias
Avem vist dins lo cèl blau
Per damont la roca blanca
Un gabian clar de la …

Legir tot

S’ acabavan las vendémias
Avem vist dins lo cèl blau
Per damont la roca blanca
Un gabian clar de la mar.

-Gabian de alas blancas
Ont as daissat ton estanh ?
Las rassisas e las rasas
Son pas de bon repausar !

-Volavi, volavi
E mas alas son cansadas
De tan camin.
Volavi, volavi...
Voli demorar aici !

-Gabian de las alas blancas
Ont as daissat ton estanh ?
Cèrs que chiula per las matas
Val pas musica del larg.

-Cantavi, cantavi...
E ma votz s’es amargada
Pèl camin,
Cantavi, cantavi...
Voli demorar aici !

-Gabian de alas blancas
Ont as daissat ton estanh ?
Dins los brèlhs de mon vilatge
L ’ aiga del rèc raja sens sal !

-Cercavi, cercavi,
Ma vista s’es embrumada
De cops de nuèit.
Cercavi, cercavi...
Vòli bemorar aici !

-Gabian de alas blancas
Qué cresias aici trapar ?
Ras de tèrra o dins l’aire
Nos cansam per avançar.
Desvaries pas ta rota
Per una falsa amistat,
Una lagrema trop salada
O un solelh d’amagat !

Tu me cridas tu m'espèras
Galerian de las galèras
Dins la vila de Tolon
Nafrat de totas las guèrras
Escapat …

Legir tot

Tu me cridas tu m'espèras
Galerian de las galèras
Dins la vila de Tolon
Nafrat de totas las guèrras
Escapat del gorg prigond

Dempuèi miègjorn siás deliure
Tornas començar de viure
T'as crompat un cotèl bèl
N'as talhat un tap de siure
Te menarai al bordèl

La ramèla pus fricauda
Te ven far niflar la Fauda
L'alisas darrèr lo còl
Te pren dins la cramba cauda
S'i donas tot çò que vòl

Fanga de salmoira fòrta
Galèra sus l'aiga mòrta
Quand s'escantis lo solèlh
Ieu de mòri sus la pòrta
Me cal tener lo calèlh

La nuèit es longa, aicí, as dit
L'ivèrn s'acaba pas, as dit
La vergonha nos ten, as dit
E d'autres, …

Legir tot

La nuèit es longa, aicí, as dit
L'ivèrn s'acaba pas, as dit
La vergonha nos ten, as dit
E d'autres, d'autres, d'autres
Se son levats aicí, qu'an dit :
« Sul païs jamai fa pas
Que lo temps que fan los òmes
Avançam a grand compàs
Lo jorn ven que serem d'òmes. »

Lo Vietnam es luènh, disián
Lo Biafrà es quicòm mai, disián,
Nosautres, siám pas de negres, disián.

E d'autres, d'autres, d'autres, d'autres
Se son levats aicí qu'an dit :
« Lo negre es totjorn la color
Dels esclaus del capital.
Portam totas las dolors
Nòstre cant es general. »

Al servici del pòble lutam.
Siám sortits del silènci, lutam.
La paraulas es presa, lutam.
E d'autres, d'autres, d'autres, d'autres
Se son levats aicí que dison :
« La colèra s'assolida
De pertot al meteis temps
La vergonha es abolida
Lo païs viu al present. »

La grava a conflat mon ventre
La pluèja a manjat ma pèl.
Es plan sofrir de pas mai esser
L'eternitat …

Legir tot

La grava a conflat mon ventre
La pluèja a manjat ma pèl.
Es plan sofrir de pas mai esser
L'eternitat la cal coneisser.
Vos prègui : ont es lo solelh ?

França, som mòrt a tas guèrras
Rocroy, Verdun e Rivoli
Mòrt per pas res, plan mòrt, misèria
Per Loïs Catòrze o Galliéni.

Mon istòria totjorn se sembla.
Me venián prene dins mon camp
Dins mon usina o dins ma bòria.
« Per França », disiá lo notable
« Per Dieus », disiá lo capelan...

Coma ieu aqueles d'en fàcia
Eran partits flor al fusilh.
Ara de tèrra plen la boca
Pòdon pas pus mandar son crit :
« Sèm mòrts per los profitaires
Sèm mòrts per engraissar los rics. »

Vergonha, vergonha, vosautres
Enropats dins vòstres drapèus
Venètz parlar a nòstra plaça
Quand n'a besonh vòstre govèrn !
Venduts, recoflats de messorgas
Calharetz lèu ! Calharetz lèu !

Escota plan mon fraire
Lo sòmi que m'an fait
Escota plan mon fraire
Lo sòmi d'un damnat

Per la …

Legir tot

Escota plan mon fraire
Lo sòmi que m'an fait
Escota plan mon fraire
Lo sòmi d'un damnat

Per la carrièra granda
Passejan quatre vièlhs
pas ges d'uèlh, de maintages
Pas cap de cant d'aucèls.
I aurà pas de vendemia
Tornarem pas al bòsc
Nos an tampat las pòrtas
Fraire, lo cap me dòl !

Lo regent de l'escòla
A pro tustat mos dits
Quand disiái las paraulas
Del dialecte maldit
Aurià pas degut creire
Al nòstre deputat
Parlament o escòla
Son estats mos pecats !

Sortissi de la vila
Per dintrar dins los camps
As arrancat ta vinha
As fait rajar ton sang
E res que te demòre
De mila ans de trabalh
T'an vendut al torisme
Siás pargue nacional !

E ma tèsta se leva
E mon pecat es mòrt
E ma testa se leva
Vesi venir del bòsc
Mila òmes de ma tèrra
Que cantan ma cançon
Deluvi de colèra
L'Armada de Liberacion

Escota plan mon fraire
Lo sòmi que m'an fait
E plores pas mon fraires
Me levi desliurat !

« Marti fa de politica
Amb sas cançons.
La serenitat biblica
E los aucelons
Bèl parlar e cortesia
Son nòstre …

Legir tot

« Marti fa de politica
Amb sas cançons.
La serenitat biblica
E los aucelons
Bèl parlar e cortesia
Son nòstre païs :
Versificacion causida
Per monde causits. »

Tu letrat apolitic
Ome d'ameinatjament
Fai plan cantar tas cigalas
Dins lo circus parisenc
Demorat academic,
Piòt d'un sempitèrn Nadal
Al grand chapàs del menistre
Seràs lo chapat !

Salça ta pluma dins l'aiga
Per tas cançons sens color :
Finiras tamborinaire
E seras mut aquel jorn.
A l'image d'aquel pòble
Ieu vòli sarrar las dents.
Lucharem per la victòria
E puei cantarem :

Marti fasiá de politica...

Gents del pais d’Occitania
Vos vau cantar una cançon
Serà un conte d’un còp èra
Una funèbra orason.

Jos …

Legir tot

Gents del pais d’Occitania
Vos vau cantar una cançon
Serà un conte d’un còp èra
Una funèbra orason.

Jos lo solelh i aviá un pòble
Ni mai ni mens grand que nosaus
Amb una sola diférencia :
Era mèstre del seu ostal.

Vaquí qu’un jorn de Tramontana
Arribèt lo pòble corbàs
Diguèt « Demorarem pas gaire
Venèm son que vos ajudar ».

Demorèron mai de sèt sègles
Chapèron tot, vinhas e blats,
Bòsques e camps, òmes e femnas,
Ges de pais mai ajudat.

Òme d’òc, escota mon fraire,
Se dins ton òrt i a un corbàs
Rapèla-te d’aquela istòria :
Pren un fusilh, lo manques pas !