Ieu me soi levat per un matinet
Que l’alba preniá son blanc mantelet.

Cantem Nadal, Nadal Nadal,
Cantem Nadal …

Legir tot

Ieu me soi levat per un matinet
Que l’alba preniá son blanc mantelet.

Cantem Nadal, Nadal Nadal,
Cantem Nadal encara ! (bis)

Ai pres ma capòta e mon capulet
E mon cort mantèl de droguet violet.

Ieu me’n soi anat cercar Guilhaumet.
–Qu’escotas aquí, gai pastorelet ?

Escoti cantar lo rossinholet,
Jamais n’ai ausit cant tant aimablet !

-N’es lo rossinhòl ni autre auselet
Mas del paradís un bèl angelet.

Ditz qu’a Betelèm, dins un establet,
Es nascut anuèit un Dieu enfantet.

Carnaval es arribat
Fuma la pipa fuma la pipa
Carnaval es arribat
Fuma la pipa sens tabat.

Fuma la …

Legir tot

Carnaval es arribat
Fuma la pipa fuma la pipa
Carnaval es arribat
Fuma la pipa sens tabat.

Fuma la pipa fuma la pipa
Fuma la pipa sens tabat,
Fuma la pipa fuma la pipa
Fuma la pipa sens tabat.

Catarina ma vesina
Balha me lo polit tambor
Que ma gata se marida
La vòli far dançar un torn.

…

Legir tot

Catarina ma vesina
Balha me lo polit tambor
Que ma gata se marida
La vòli far dançar un torn.

Catarina ma vesina
Deman jogarai del piston
Que ma vaca Batistina
Se marida ambe lo quinson

Catarina ma vesina
Ont as amagat lo violon
Farem la fèsta per la prima
L’hirondèla e lo parpalhon

Catarina es coquina
Quand me canta sa cançon
Anam dançar sus la colina
Lo rondèu de l’acordeon

Catarina ma vesina
Balha me lo polit tambor
Anam dançar sus la colina
Lo rondèu de l’acordeon

Chas la maire Antoena, i a de bon vin blanc.(bis)
I a de bon vin blanc, de bon vin blanc,de …

Legir tot

Chas la maire Antoena, i a de bon vin blanc.(bis)
I a de bon vin blanc, de bon vin blanc,de polidas dròllas;
I a de bon vin blanc, de bon vin blanc,de bons enfants.

Lo molinièr passa, fa petar lo foet
Marisson l’agacha, l’i quilha lo det
Qual m’enpachara de l’agachar per la fenestra,
Qual m’enpachara de l’agachar quand passara.

Dins un establet aval
Es nascut polit nadal. ( bis )
Dins una grépia de rocada
Amb de palha per …

Legir tot

Dins un establet aval
Es nascut polit nadal. ( bis )
Dins una grépia de rocada
Amb de palha per flaçada, e !

Repic
Chut, chut, chut que l’enfant dòrm
Pas tant de bruch. ( bis )

Lo pastre a quitat son prat
En cantant es arribat. ( bis )
Sant Josèp se met sus la pòrta
E l’arrèsta d’una votz fòrta, e !

Repic

Un cordonièr ven exprès
Per i faire de solièrs. ( bis )
Pam, pim, pam, pica la semèla
Sul còp sont Josèp l’interpèla, e !

Repic

Lo pifraire del país
Pòrta tanben son otís. ( bis )
Per complaire al filh, a la maire
I vòl jogar son pus bel aire, e !

Repic

L’amolaire qu’a pas set
Vòl i faire un cotelet. ( bis )
A virar la mòla s’aprèsta
Mas Sant Josèp vite l’arrèsta, e !

Cada comptina se deu legir en començant per lo gròs det (se non es donada una indicacion contrària).

Comptina …

Legir tot

Cada comptina se deu legir en començant per lo gròs det (se non es donada una indicacion contrària).

Comptina de Champ-Celat (05)
Aquel vai lavorar,
Aquel pòrta la civaa,
Aquel fai la sopa,
Aquel la manja tota,
Aquel ditz: "pieu, pieu, pieu,
I a plus res per ieu".

Comptina de L’Age-Michasne (Bussiera-Peitavina, 87)
La lièbe.
Queu ’quí l’a vude,
Queu ’quí l’a atrapade,
Queu ’quí l’a sagnade,
Queu ’quí l’a manjade;
Au champ le p’tit marmiton,
T’auràs ren deu tot!

Version cantada per Marcel AMONT dins lo disc "Canta en biarnés" (1979)
Per aquera carrereta
Qu’i a passat ua poriqueta,
Aqueth que l’a vista,
Aqueth que l’a gahada,
Aqueth que l’a plumada,
Aqueth que l’a hicada ’n topin,
E aqueth que se’n a hèt un grand bocin.

Comptina de Sospeu (rèire-país niçard)
Aquer va à la caça,
Aquer poárta una lebrassa,
Aquer la fa coáser,
Aquer la manja ,
E lo paure mermelin,
Leca, leca lo tondin.

Comptina de Toscana
Aquer va a caça,
Aquer l’espuelha,
L’autr’o fa còser,
L’autr’o manja,
E o pichinin se leca o tondin.

Aqueu ditz de Gui Matieu
Aqueu ditz qu’ama lo soleu,
Aqueu ditz que vòu un ostau
Aqueu ditz qu’a pron de sòus,
Aqueu ditz que lo pretz li fai pas paur,
E aqueu ditz : « Riu piu piu ! «I a pus ren per ieu
Qu’à trabalhar la tèrra
Me siéu crebat lo cuòu ! »

Comptina d’Ives- Loís Roux (Carpentràs)
Aquèu va a la caça,
Aquèu, pòrta la biaça,
Aquèu fai la sopa,
Aquèu la manja tota
E aquèu ditz :
"Piu, piu, piu,
I a plus ren per ièu !

Aqueu ditz que vòu de pan,
Aqueu ditz que n’avèm pas.
Aqueu ditz : « Coma farèm ? »
Aqueu ditz : « Coma porrèm… »
E l’autre fa : pieu pieu pieu
Cu travalha viu !

Aqueu a fach l’uòu
Aqueu l’es anat cercar
Aqueu l’a coïnat
Aqueu l’a tastat
E lo paure pichon
N’a ges manjat.

Aquel va quèrre de pan
Aquel va quèrre de vin
Aquel bota la taula
Aquel trempa la sopa
Aquel ditz: “Bon apetís”

Aquela comença per lo det menut
Quinèl
Reganèl
Rei de totes
Pasta-farina
Quicha-pesolhs / Cruca- pesolhs.

Aquela tanben
Pichon nanet
Pus grand que tu
Grand gusàs
Leca plats
Tua pesolhs

Tuga-pesolhs / Tua- pesolhs
Mòstra-camin
Lèca-plats
Pòrta-anèla
Cura-aurelha
(Aquel comença pel poce)

Aquel se’n va a l’aiga
Aquel se’n va al vin
Aquel se’n va al vinagre
Aquel se’n va a la sal
Aquel ditz: Quiriquiquí!

Aquel se’n va al bòsc
Aquel se’n va al prat
Aquel se’n va al fangàs
Aquel se’n va al riu
Aquel ditz: Coín!

http://textoc.ifrance.com/somaricat.html

PimpèPimpè
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
Pimpè, Pimpè, Pimpè
Se …

Legir tot

PimpèPimpè
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
A! que dança ben
La saca de palha
A! que dança ben
La saca de bren.

Pica polet
- Vesiat, qué m’as panat?
- Un sac de blat!
- Ont l’as mes?
- Al trauquet!
- E pica, pica, pica polet!

Varianta:
- Vesiat, qué m’as panat?
- Un sac de blat!
- Ont l’as mes?
- Dins lo trauc de la paret!
- E pica, pica, pica polet!

Pòrc gras
T’ai comprat, te vòli pas vendre
T’ai comprat te vòli gardar
Pòrc gras te vòli pas vendre
Pòrc gras te vòli gardar
T’ai comprat, te vòli pas vendre
T’ai comprat te vòli engraissar
Pòrc gras te vòli pas vendre
Pòrc gras te vòli engraissar
T’ai comprat, te vòli pas vendre
T’ai comprat te vòli manjar
Pòrc gras te vòli pas vendre
Pòrc gras te vòli manjar.

Bota fuòc, cachafuòcPrends feu, bûche de Noël
Comptine de Noël
Bota fuòc, cachafuòc,
que nos alegre,
que nos fague la jòia d’èstre aquí l’an que ven,
e se sèm pas mai,
que siaguem pas mens!

Quand èri pichonet
Quand èri pichonet
Ma maire me bragava
Ara que siái grandet
Me bragui tot solet.
La dansarem pas pus
La borrèia d’Auvèrnha
La dansarem pas pus
Lo violon es romput

Sus aquela planeta
Sus aquela planeta
Passèt una lebreta
Aquel l’a vista
Aquel l’a tuada
Aquel l’a facha còire
Aquel l’a manjada
E lo pichon a lecat lo plat.

Autra version
Sus aquela planeta
Passèt una lebreta
Aquel la vegèt
Aquel la tuèt
Aquel la faguèt còire
Aquel la mangèt
E lo pichon plorèt
"I a pas res per ieu!"

Tintalan, tintalan
Tintalan, tintalan
(lo bruch de las campanas)
Las campanas de xxxxx-an"
(quin nom de vilatge que siá que finisca per "an")

Quinèl
Quinèl
Reganèl
Rei de totes
Pasta-farina
Quicha-pesolhs / Cruca-pesolhs.

Pichon nanet
Pichon nanet
Pus grand que tu
Grand gusàs
Leca plats
Tua pesolhs

Tua-pesolhs
Tuga-pesolhs / Tua-pesolhs
Mòstra-camin
Lèca-plats
Pòrta-anèla
Cura-aurelha

Zin zin zon la sopa a la ceba
Zin zin zon la sopa a la ceba
Zin zin zon sopa de cebilhons
La sopa a la ceba es per las domaisèlas
Sopa de cebilhons es per los garçons.

http://www.mamalisa.com/fr/occitanie.html

Darrièr lo castèl de Montvièlh
I cantava la bèla,
Lai lai lai lai, lai lai lai lai,
I cantava la …

Legir tot

Darrièr lo castèl de Montvièlh
I cantava la bèla,
Lai lai lai lai, lai lai lai lai,
I cantava la bèla.

La bèla cantava tant clar,
Semblava domaisèla.

Lo filh del rèi ne l’entendèt
De sa nauta fenèstra.

Sona Petit Joan, son vailet,
Que bride la cavala.

- Nòstre Monsur, ont volètz anar,
Que volètz la cavala ?

- Me’n vòli anar al joli bòsc
Ausir cantar la bèla.

- Nòstre Monsur, non i anguètz pas :
Aquò’s nòstra bergièra!

- Siasca bergièra o bargieron,
Ma fe, cal que i angue !

Mas de pus luènh que la veguèt
La cançon s’abaissava.

- Acaba, bèla, ta cançon,
Ta cançon es tant bèla !

- Nòstre Monsur, l’acabarai,
Se n’èri desolada.

- Bèla, qual te pòt consolar :
Un amic o un fraire ?

- N’ai pus ni fraire ni mai amic,
Que son mòrts a la guèrra.

Dejós l’pont de Lion Laderi,
Margarida se banha.

Ela se banha pas Laderi,
Ne lava la bugada.

Passan …

Legir tot

Dejós l’pont de Lion Laderi,
Margarida se banha.

Ela se banha pas Laderi,
Ne lava la bugada.

Passan tres cavalhèrs Laderi,
Tres cavalhèrs d’armada.

Çò fèt lo de davant Laderi :
"Quala bela lavaira

Entend mon filh Armand Laderi,
Que dison de ta femna.

Non la te cal pas tuar Laderi,
Mes la te cal bien batre ".

Ne sauta pel jardin Laderi,
Copa ’na pomierada.

Tres còps la ne frapèt Laderi,
Per mòrta l’a quitada.

Al diable los jalós Laderi,
Que ne batan lor femna.

Dessus la grava de Bordèu (4còps)
I a n’alba lisa . (4còps)

Totas las damas de la cort...
I …

Legir tot

Dessus la grava de Bordèu (4còps)
I a n’alba lisa . (4còps)

Totas las damas de la cort...
I se permenan...

Sus dètz e sèt que n’i n’aviá...
Nai besat sètze...

E l’autre totjorn me disiá...
Besats-me, sénher...

Tornatz tantòt, deman matin...
Farem sopeta...

Farem sopeta de pan blanc...
E fòrça pebre...

Lo pebre fa dançar leugièr...
E sautar redde...

Diga Joaneta
Vòls tu te logar ?
Larireta
Diga Joaneta
Vòls tu te logar ?
Nani ma maire
Me vòli …

Legir tot

Diga Joaneta
Vòls tu te logar ?
Larireta
Diga Joaneta
Vòls tu te logar ?
Nani ma maire
Me vòli maridar
Larireta
Nani ma maire
Me vòli maridar

Vòli un òme
Que sache trabalhar
Larireta
Vòli un òme
Que sache trabalhar
Podar las vinhas
E dalhar los prats
Larireta
Podar las vinhas
E dalhar los prats

Dins Paris i a una vielha, oes ! (bis)
Qu’a mai de quatre vints ans,
E ram plam plam la …

Legir tot

Dins Paris i a una vielha, oes ! (bis)
Qu’a mai de quatre vints ans,
E ram plam plam la vielha,
Qu’a mai de quatre vints ans,
E ram plam plam !

La vielha vai a la dansa, oes ! (bis)
Se sieta pres d’un galant,
E ram plam plam la vielha,
Se sieta pres d’un galant,
E ram plam plam !

La vielha se bota a rire, oes ! (bis)
Fai veire sas doas dents davant,
E ram plam plam la vielha,
Fai veire sas doas dents davant,
E ram plam plam !

N’i a una de besilhada, oes ! (bis)
L’autra vai en cascalhant,
E ram plam plam la vielha,
L’autre vai en cascalhant,
E ram plam plam !

La li dis : « Si tu m’esposas, oes ! (bis)
Te farai riche marchand »,
E ram plam plam la vielha,
« Te farai riche marchand »,
E ram plam plam !

Lo diluns l’es esposada, oes ! (bis)
Lo dimarç 1’enterraram,
E ram plam plam la vielha,
Lo dimarç 1’enterraram,
E ram plam plam !

De l’argent de quela vielha, oes ! (bis)
N’auram ’na jòuna de quinze ans,
E ram plam plam la vielha,
N’auram ’na jòuna de quinze ans,
E ram plam plam !

Doman es lo prumièr mai
Mironfla, mirolirò
Doman es lo prumièr mai
Cadun vei sa mia
Soi anat al polit …

Legir tot

Doman es lo prumièr mai
Mironfla, mirolirò
Doman es lo prumièr mai
Cadun vei sa mia
Soi anat al polit bòsc...
Per florir ma mia

Mentre qu’ai copat lo mai...
Lo tamborn sonava

Mentre qu’ai portat lo mai...
Lo pifre jogava

"Obris, mia! obris-me...
Lo bèl mai se planta!"

Doman es lo prumièr mai...
Cadun vei sa mia

Doman ’i lo prumièr de Mai
Mironfa mirolira
Cadun va veire mia
Non farai pas io pauròt
Mironfa mirolira
Que …

Legir tot

Doman ’i lo prumièr de Mai
Mironfa mirolira
Cadun va veire mia
Non farai pas io pauròt
Mironfa mirolira
Que io non n’ai pas una

E davant que sian tres jorns
Benlèu n’aurai qualqu’una

M’en anguèri au bois-joli
Culhir lo Mai per una

E tot en lo li copant
Lo pifre ne jogava

E tot en lo li portant
La chabreta n’anava

E tot lo li plantant
Lo tambor ne frapava

E drubetz, mia, drubetz
Per vos lo Mai se planta

Non se planta pas per io
Se planta per una autra

Drubetz, mia, drubetz
O defonsi la porta

Enfonsatz ço que voldretz
Farai un’ autra pòrta

N’ai mon palre menisièr
Me farà n’autra pòrta

N’ai mon fraire sarralhèr
Me farà ’na clau tòrta

Duerm, mon pitit, desjà la nuech s’avança
E los bargiers desboiren lors bestiaus.
Duerm, mon pitit, desjà l’estela dansa
E …

Legir tot

Duerm, mon pitit, desjà la nuech s’avança
E los bargiers desboiren lors bestiaus.
Duerm, mon pitit, desjà l’estela dansa
E la luna pica drech dins los ciaus.
Te veirai iò jamai, dins la charriera,
Menar tos buòus, desvirar ton aplech ?
Te veirai iò fringar quauqua bargiera
En li chantant queu tan brave coplet ?

Repic
Rossinholet, chanta ta chansoneta
Que fai sautar los lebraus de plaser.
Fie, chantarai per far dansar Joaneta
Dins quauques ans, quand n’auram dau leser, (bis)

Duerm, mon pitit, te fau frotjar d’enguera
Si tu voletz devenir fauchador.
Pervust, mon Diu, que venhe pas la guerra
Quand tu siras un bon trabalhador.
Sirai iò ’qui, ni jòuna ni tròp vielha,
Quante faudra ninar mos pitits filhs
E petassar lors pelhas d’una pelha ?
Sirai iò ’qui ? Qu’as ’qui lo paradis !

Refrain
Rossinholet, chanta ta chansoneta
Que fai sautar los lebraus de plaser,
L’es granda mair devenguda, Joaneta,
E per dansar la n’a pus de léser ! (bis)

Siáu un gròs malurós
Escotatz joventura
Siáu estat amorós
Ai augu’n aventura
Un jorn ai cogorgons
Ai gastat la miéu …

Legir tot

Siáu un gròs malurós
Escotatz joventura
Siáu estat amorós
Ai augu’n aventura
Un jorn ai cogorgons
Ai gastat la miéu vida
Despi de l’abandon
De la miéu Margarida.

En calant de Cimiér
Sota d’una figuièra
Ai rescontrat’Noré
’mbé la miéu calinhèra
Aquò-t-es lo destin
Que lo bon Dieu ne’n dona
Ai pilhat lo fisiu
E tuat la pichona.
E despí d’aqueù jorn
Pensi a l’infidèla
En regretant totjorn
La siéu mòrt tant crudèla
En lu prats de Cimiér
Vau portant la miéu pena
En plorant lo malur
Dont lo destin nen mena.

Entre La Rèula e Marmanda,
Entre La Rèula e Marmanda.
L’òm vei un tan bèl pijonièr,
Que la paloma, s’i …

Legir tot

Entre La Rèula e Marmanda,
Entre La Rèula e Marmanda.
L’òm vei un tan bèl pijonièr,
Que la paloma, s’i reposait
Arrièr lauret, lèva lo pe.

En per aquí, passa un caçaire,
En per aquí, passa un caçaire.
Que la paloma vai regarder,
Dessús lo bòrd, del pijonièr
Arrièr lauret, lèva lo pe.

Tira-t’enlai brava paloma,
Tira-t’enlai brava paloma.
Se te’n vas pas iò te tuaïré,
Dessús lo bòrd, del pijonièr
Arrièr lauret, lèva lo pe.

Se l’a tirat l’a plan tocada,
Se l’a tirat l’a plan tocada.
E la paloma ne retomber,
Dessús lo bòrd, del pijonièr
Arrièr lauret, lèva lo pe.

En per aquí, passa un paure òme,
En per aquí, passa un paure òme.
Que la paloma vai ramasser,
Dessús lo bòrd, del pijonièr
Arrièr lauret, lèva lo pe.

E se l’a presa, l’a portada,
E se l’a presa, l’a portada.
A la dama del pijonièr,
Dessús lo bòrd, del pijonièr
Arrièr lauret, lèva lo pe.

Se ieu sabiái qu la m’a tuada,
Se ieu sabiái qu la m’a tuada.
Seriá pendut, mai benlèu tué,
Dessús lo bòrd, del pijonièr
Arrièr lauret, lèva lo pe.

Es aici lo mes de mai
Gironflà Mirolalirà
Cadun va veire mia

Io me’ nau al bòsc tantòst
Copar …

Legir tot

Es aici lo mes de mai
Gironflà Mirolalirà
Cadun va veire mia

Io me’ nau al bòsc tantòst
Copar lo mai an d’una

E en tot lo i copant
Lo tamborn ne frapava

E tot en li portant,
Lo pifre ne jogava

E en tot lo i plantant
Lo violon violonava

"E durbètz, mia durbètz,
Vos enfonci la pòrta."

"Ai mon fraire charpentièr,
Me farà n’autra pòrta.

Ai mon fraire saralhièr,
Me farà ’na clau tòrta

Es pelut, pelut coma un artichaut,
A de pels darrèr, davant, dessus l’esquina
Es pelut, pelut coma un artichaut,
E …

Legir tot

Es pelut, pelut coma un artichaut,
A de pels darrèr, davant, dessus l’esquina
Es pelut, pelut coma un artichaut,
E se dança pas es de paur d’aver caud

Es pelut davant, es pelut darrèr,
Es pelut dels braces duscas als pompilhs,
Es pelut davant, es pelut darrèr,
Se se fa pas tondre es de paur d’aver freg.

arrepic :
Estela de la mar, en tot meishant passatge
Guida lo ton mainatge, e nos que’t prometem
De’t servir, …

Legir tot

arrepic :
Estela de la mar, en tot meishant passatge
Guida lo ton mainatge, e nos que’t prometem
De’t servir, de t’aimar, tostemps, tostemps (bis)

Lo jorn on la sofrença
E n’s vienerà visitar,
Apren’nse dab paciencia
A saber tot suportar.
Vierje dolorosa
E tant generosa,
Au Golgotà.

Quan l’oratge menaci,
Gitant pertot la terror,
Shens har nat mau, que passi
Suu camp deu laboredor.
Per ta bona ajuda
Ne sia pas perduda
Tant de sudor.

A l’orfelin qui plora
En se créder abandonat
Ditz qu’ua mair qu’u damora
De tu qu’ei tostemps aimat
Doça protectriça
E consolatriça
De l’aflijat.

A l’òra deu gran viatge
Tentats pr’eu demon gelós
Entà qu’ajim coratge
Prega e pleiteja per nos.
Tu, la mair deu Jutge,
Tu, qui es lo refutge
Deus pecadors.

A nuèit festa de Nadal,
Que sèm en vacanças,
Nosaus sèm contents aital,
E plens d’esperança,
Viste a deman matin,
…

Legir tot

A nuèit festa de Nadal,
Que sèm en vacanças,
Nosaus sèm contents aital,
E plens d’esperança,
Viste a deman matin,
Per vèire al pe del sapin,
Lo pichon paquet,
Lo del Pairolet,
Ah quina escasença,
Quina benaürença !

Que demora dins lo cèl,
Dessus una estela,
Que vola cap a la nèu,
Lo sac a l’espatla,
Que passará dins la nuèit
Ièu que serai dins mon lèit ,
Per portar joguets
A tots los nenets
Ah, quina escasença,
Quina benaürença !

Filhas que sètz a maridar,
S’avètz d’argent, gardatz lo plan
Siètz pas tant « cap levadas » !
Que lo …

Legir tot

Filhas que sètz a maridar,
S’avètz d’argent, gardatz lo plan
Siètz pas tant « cap levadas » !
Que lo vos fara’n acatar,
Quand seretz maridadas !

Quand seretz per vos maridar,
Que lo pressar vos tengue pas.
Siaguetz plan malfisentas,
E disètz pas totjorn « Òc-ben ».
Coma ’n tròç d’innocentas !

Quand maridadas ne saretz.
Un pauc de melhor temps auretz.
Un pauc, mas non pas gaire
Vòstre marit serà jalós,
Emai un pauc renaire.

Se volètz anar permenar,
En lòc vos daissarà anar
Qu’en çò de vòstra maire,
Amai encara vos dirà
« li demores pas gaire » !

Ai cap de nòu meses, un an,
Auretz ’na filha o ’n enfant,
L’enfant serà ploraire,
Tota la nèit caldrà breçar,
Non dormiretz pas gaire

Auretz los cotilhons pissós,
Auretz lo devantal crassós.
Seretz las « mal-cofadas »,
Maudiretz l’ora emai lo jorn
Que vos sètz maridadas

L’era jòuna e bien esvelhada,
L’avia vust naisser vint printemps,
E per la veire a la velhada
Los garçons venian …

Legir tot

L’era jòuna e bien esvelhada,
L’avia vust naisser vint printemps,
E per la veire a la velhada
Los garçons venian de bien luenh.
Sos uelhs semblavan doas estelas
Que brilhen lo sern dins la nuech.
Frescha coma la flor novela,
N’i a pas si bien au jorn d’einuech.
Quand la ’nava se permenar
Le monde la gaitavan passar.
Quand la pausava los uelhs sur vos,
Quò vos fasia quauquares maugrat tot.
La parlava totjorn en risent
Per vos far veire sas bravas dents.

Un l’apela Flor de Blad negre.
Un monsur se metet de la segre
Per li parlar d’amor
E per ne ’n far sa dama.
« De mon sòrt ie sai bien contenta,
N’ai pas besuenh de vòstra renta.
Farai, avaque quauque garçon,
Valer mon benasson ».

Pas content de quela paraula,
Se disset : « M’n vau me ’n anar
Ie te quite. Adissias, ma dròla,
Beleu que tu regretaras ... »
Mas coma l’amor lo raujava,
Lo veiqui que tòrna un beu jorn.
« Dròla, t’avia dich que t’aimava,
I t’aime, t’aimarai totjorn.
De las filhas ’n ai bien conegut,
Mas coma te n’ai jamai vust,
E tant que gaite ton portrech
Ne ’n durmisse pus de la nuech.
Quò me barra sur l’estomac
E dins mon còu dise tôt bas :

« Ma petita Flor de Blad negre,
Tu siras ma femna, i espere.
T’auras bagas, còliers,
Chamisas de dentela.
Te tirarai de tas charrieras,
T’auras doas, beleu très chambarieras,
Sirai, avaque te ’maijon,
Uros coma un pijon ».

La dròla, la testa baissada,
Escotava quilhs compliments.
La disset : « Io sai decidada,
Ne ’n parlarai a mos parents ».
Un sern, en rentrant de l’estolha,
Quand tot lo monde fuguet atablat,
En copant un bocin d’andolha
La disset tot bas a son pair :
« Despues longtemp Monsur Joanton
Voldria ben venir ’maijon.
Eu disset qu’eu me prendria,
Que granda nòça un faria,
- « Quò n’es point qu’eu sia beu garçon,
Ma filha, eu a deus sòus, pren-lo !

Ma petita Flor de Blad negre,
Quand Monsur Joanton ven te veire
Parla-li en risent,
Sia dolça, sia aimabla.
Qu’es un brave òme, puisque eu es riche
E per son monde n’es pas chiche.
Un dira : « Madama Joanton,
La filha a Jòrgilhon ».

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Que m’avetz minjat …

Legir tot

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Que m’avetz minjat las castanhas,
Que m’avetz curat lo topin!
Que m’avetz minjat las castanhas,
Que m’avetz curat lo topin!

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Que m’avetz fotut sus la palha,
Que m’avetz bevut tot lo vin!
Que m’avetz fotut sus la palha,
Que m’avetz bevut tot lo vin!

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Rondèu en fòrma de responsa :

No’n vam pas enqüèra, Jana,
No’n vam pas enqüèra!
N’am pas minjat lo torrin,
De la grana padèra!
N’am pas bevut tot lo vin
De la pinta darrèra!

Hilhotas de delà l’aiga, passaretz ençà
Passaretz ençà, ta d’aquesta ombreta
Ors l’arai dau sor, parlarem de har l’amor

…

Legir tot

Hilhotas de delà l’aiga, passaretz ençà
Passaretz ençà, ta d’aquesta ombreta
Ors l’arai dau sor, parlarem de har l’amor

Quin voletz que jo que passi, que non i a batèu
Que non i a batèu, ni nat pont d’arcdas
Ni nat pastorèu qui ’m sia fidèu

Si tu m’eras fidelòta, trobaretz batèu
Trobaretz batèu tanben pont d’arcadas
Tanben pastorèu qui ’t sia fidèu

Non m’hidi a vostra promessa, plan v’arrideretz
Plan v’arrideretz de la mia faiblessa
quen parletz d’amor, vos trufaretz de jo.

Ian Petit que dança BIS
Per lo rei de França BIS
Dab lo dit, dit, dit,
Dab lo dit, dit, …

Legir tot

Ian Petit que dança BIS
Per lo rei de França BIS
Dab lo dit, dit, dit,
Dab lo dit, dit, dit,
Atau dança Ian Petit!

Dab la man, man, man....

Dab lo coide, coide, coide....

Dab lo pè, pè, pè....

Lo genolh, nolh, nolh....

Dab lo ventre, ventre, ventre....

Dab lo cuu, cuu, cuu....

Dab lo nas, nas, nas.... Dab l

’espatla, patla, patla....

Dab lo cap, cap, cap....

Ié, vira, Margarida
Nau aucas au casau
Dèisha-las pèisher, Margarida
Dèisha-las pèisher, hèn pas mau!

Legir tot

Ié, vira, Margarida
Nau aucas au casau
Dèisha-las pèisher, Margarida
Dèisha-las pèisher, hèn pas mau!

Ja venon las vendémias (bis)
Las pampas conflas de gran !
Lo chuc que cola d’octòbre
serà lo lach de …

Legir tot

Ja venon las vendémias (bis)
Las pampas conflas de gran !
Lo chuc que cola d’octòbre
serà lo lach de Sant Joan (bis)

Las caras son de tèrra cauda (bis)
Las mans an gost de festin !
Van desliurar maire vinha
de sos enfants de rasim (bis)

S’es la vendémia de vin blos (bis)
benesit siague lo most
qu’en genièr caufa la boca
e la refresca en agost (bis)

Ja venon las vendémias (bis)
Las pampas conflas de gran !
Lo chuc que cola d’octòbre
serà lo lach de Sant Joan (bis)

S’es la vendémia de vin blos (bis)
benesit siague lo most !
Lo chuc que cola d’octòbre
serà lo lach de Sant Joan (bis)

Joan Petit que dança (bis)
Amb lo rei de França (bis)
Amb lo det det det
Amb lo det det …

Legir tot

Joan Petit que dança (bis)
Amb lo rei de França (bis)
Amb lo det det det
Amb lo det det det
Aital dança Joan Petit

Joan Petit que dança (bis)
Amb lo rei de França (bis)
Amb la man man man
Amb lo det det det
Aital dança Joan Petit

amb lo braç
amb la camba
amb lo pè
amb lo cuol
eca…

Joan Petit que dança (2 còps)
Per lo rei de França (2 còps)
Amb lo pè, pè, pè
Amb lo …

Legir tot

Joan Petit que dança (2 còps)
Per lo rei de França (2 còps)
Amb lo pè, pè, pè
Amb lo dit, dit, dit
Per aquel dançava Joan Petit*.
(*autra version
"Atal dança Joan Petit")

Joan Petit que dança (2 còps)
Per lo rei de França (2 còps)
Amb lo pè, pè, pè
Amb la camba, camba, camba
Amb lo dit, dit, dit…

Joan Petit que dança (2 còps)
Per lo rei de França (2 còps)
Amb lo pè
Amb la camba
Amb la cuèissa
Amb lo dit…

…Amb lo cuol…

…Amb lo ventre, amb lo pitre, amb l’esquina,
amb lo braç, amb lo coide, amb la man, amb
lo còl, amb las gautas, amb la boca, amb lo
nas, amb los uèlhs, amb lo cap…