Joaneta’ ont vòls qu"anem gardar (bis)
Per passar una oreta, la,la;
Òi, ai, ai, Joaneta, la, la
Per passar una …

Legir tot

Joaneta’ ont vòls qu"anem gardar (bis)
Per passar una oreta, la,la;
Òi, ai, ai, Joaneta, la, la
Per passar una oreta.

Aval, aval, al prat carrat (bis)
I a d’erbeta fresqueta, la, la
Òi, ai, ai, Joaneta, la, la
I a d’erbeta fresqueta.

E n’èran pas al prat carrat (bis)
Joguèran una partineta, la, la
Òi, ai, ai, Joaneta, la, la
Joguèran una partineta

Lo pastorèl totjorn perdià (bis)
E joaneta ganhava, la ,la
Òi, ai, ai, Joaneta, la, la
E Joaneta ganhava.

Jol pont de Mirabel
Catarina lavava.

Venguèron a passar
Tres cavalièrs d’armada.

Lo primièr li diguèt
- Ne …

Legir tot

Jol pont de Mirabel
Catarina lavava.

Venguèron a passar
Tres cavalièrs d’armada.

Lo primièr li diguèt
- Ne sètz pas maridada ?"

Lo segond li donèt
Una polida bagua.

Mas la bagua del det
Tombèt al fons de l’aiga.

Lo tresième sautèt
Faguèt la cabussada.

Mas tornèt pas montar
Ne trobèt pas la baga.

Jol pont de Mirabel
Catarina plorava.

Quin te’n va l’aulhada aulhèr, quin te’n va l’aulhada?
Plan que’m va l’aulhada augan, l’an qui vien, dilhèu pas tant
…

Legir tot

Quin te’n va l’aulhada aulhèr, quin te’n va l’aulhada?
Plan que’m va l’aulhada augan, l’an qui vien, dilhèu pas tant
Qu’an passat capsus Bagés, la tèrra desirada

Lo matin son a l’omprè, lo vèspre a la solana
’lavètz que hètz, vos, aulhèr, -Dromi dens la cabana
Pensam a har lo miussat, lèu après la lhavada
Puch quan èm arregolats, batem la calhada

De çò qui èm drin fatigats drin luènh qu’ey l’aigueta
Mes certes, non èm tròp talats, sovent bevèm laitòta
Çò qui n’s da plan de chegrin, la scrabas mancan ben
Tan pòc n’auram au matin lait qui desiravèm

En passant a l’arre-plan s’i son esbarjadas
Los carboès de Lavedan las i an espleitadas
Quin te’n va l’aulhada aulhèr, quin te’n va l’aulhada?
Plan que’m va l’aulhada augan, l’an qui vien, dilhèu pas tant

L’auriòu qu’a nau plumetas
Que van com lo vent
Las plumetas dauradas
Que van com lo vent,
Las plumetas d’argent.

Legir tot

L’auriòu qu’a nau plumetas
Que van com lo vent
Las plumetas dauradas
Que van com lo vent,
Las plumetas d’argent.

L’auriòu qu’a uèit plumetas …

L’auriòu qu’a sèt plumetas

L’auriòu qu’a sièis plumetas

L’auriòu qu’a cinc plumetas

L’auriòu qu’a quat’ plumetas

L’auriòu qu’a tres plumetas

L’auriòu qu’a doas plumetas

L’auriòu qu’a una plumeta
Que va com lo vent,
La plumeta daurada
Que va com lo vent
La plumeta d’argent.

1) Endor-te lèu, que l’agnèu dor encaro !
Toucan sa maire, èi tant bon de dourmi.
Siés un agnèu, bel …

Legir tot

1) Endor-te lèu, que l’agnèu dor encaro !
Toucan sa maire, èi tant bon de dourmi.
Siés un agnèu, bel enfant moun ami
As toucan tu ta maire que t’aparo.

Refrin (bis) :
Ne-ne som, som.
Fermo tis iue : bono niue.

2) Endor-te lèu, que la flour vièrginalo
Dessout si fueio a plega soun boutoun !
Siés uno flour, o moun bel enfantoun ;
As toucan tu ta maire que t’acalo.

3) Endor-te lèu ! La couloumbo à-n-un caire
Dessus sa branco amo bèn de dourmi !
Tu siés couloumbo, enfantoun, moun ami ;
E siés bressa dins li bras de ta maire.

Trapat sus www.zictrad.free.fr.

Guilhaumes se marida,
Guilhaumes tan polit.
La pren tan joveneta
Que se sab pas vestir.

Lo ser la desabilha,
…

Legir tot

Guilhaumes se marida,
Guilhaumes tan polit.
La pren tan joveneta
Que se sab pas vestir.

Lo ser la desabilha,
L’abilha lo matin.
Guilhaumes part en guerra
Per la daissar grandir.

E la balh’a sa maire
Per la li far noirir.
Al cap de sèt annadas,
Es tornat al país.

S’en va tustar la pòrta
« Escriveta dorbís ! »
Sa maire a la fenèstra,
Respond - Es pus aicí ! »

Lo More te l’a presa,
Lo More Sarrasin!
« Trobarai l’Escriveta.
Quand sauriái de morir !»

Rencontra de lavairas,
Lavavan linge fin.
« Digatz, digatz lavairas,
Qu’es lo castèl d’aici ? »

« Es lo castèl del More,
Del More Sarrasin.
-Cossí que se pòt faire,
Per i dintrar ? Cossí ? »

« Abilhatz vos en fòrma
De paure pelegrin.
E demandatz l’almòina,
Al nom de Jèsus-Crist. »

Tot en fasent l’almòina,
Reconeis son marit.
« Dintra dins l’escurièra,
Sèla lo bèl rossin »

« Ieu monti dins ma cambra,
De sèrga me vestir. »
Dins lo còfre del More,
Prenguèt l’aur lo plus fin.

De tot l’aur que n’empòrta,
Fariá la mar lusir.
« Escriveta es partida !
Desleial de pelegrin !»

«Sèt ans ieu l’ai noirida,
De bon pan de bon vin.
Sèt raubas li ai compradas,
De seda, o de satin. »

« Se sèt ans l’as vestida,
Al diable Sarrasin !
Èra la miá femneta
La flor de mon país. »

Repic
leu n’ai un òme qu’es pichon
Pòdi ben dire pòdi ben dire
Ieu n’ai un òme qu’es pichon
Pòdi …

Legir tot

Repic
leu n’ai un òme qu’es pichon
Pòdi ben dire pòdi ben dire
Ieu n’ai un òme qu’es pichon
Pòdi ben dire qu’es pichon

Amb un clòsque d’avelana
I faguèri una cabana
E del demai un cabanon
Pòdi ben dire qu’es pichon

Amb un palm de tela grisa
I faguèri una camisa
E del demai un mocador
Pòdi ben dire qu’es pichon

Amb una pèl de mirgueto
I faguèri una casqueta
E del demai un boneton
Pòdi ben dire qu’es pichon

Amb quatre aluquetas
N’i ai facha una bicicleta
E del demai un petaron
Pòdi ben dire qu’es pichon

Quora se planta la bèla castanha, la bèla castanha, se planta coma aquò,
Se planta coma aquò
Ò ò ò …

Legir tot

Quora se planta la bèla castanha, la bèla castanha, se planta coma aquò,
Se planta coma aquò
Ò ò ò ò, la bèla castanha !

Quora grandís la bèla castanha, la bèla castanha, grandís coma aquò,
Se planta coma aquò, grandís coma aquò
Ò ò ò ò, la bèla castanha !

Quora floreja la bèla castanha, la bèla castanha, floreja coma aquò,
Se planta coma aquò, grandís coma aquò, floreja coma aquò,
Ò ò ò ò, la bèla castanha !

Quora se desrusca la bèla castanha, la bèla castanha, se desrusca coma aquò,
Se planta coma aquò, grandís coma aquò, floreja coma aquò, se desrusca coma aquò,
Ò ò ò ò, la bèla castanha !

Quora s’amassa la bèla castanha, la bèla castanha, s’amassa coma aquò,
Se planta coma aquò, grandís coma aquò, floreja coma aquò, se desrusca coma aquò, s’amassa coma aquò,
Ò ò ò ò, la bèla castanha !

Quora se grasilha la bèla castanha, la bèla castanha, se grasilha coma aquò,
Se planta coma aquò, grandís coma aquò, floreja coma aquò, se desrusca coma aquò, s’amassa coma aquò, se grasilha coma aquò Ò ò ò ò, la bèla castanha !

Se manja

Se digerís

La Marion se’n va’l molin
Portar’na carga de blat fin. (bis)
A caval sus son ase,
Lapon-tapa, lapon-tapon
A caval …

Legir tot

La Marion se’n va’l molin
Portar’na carga de blat fin. (bis)
A caval sus son ase,
Lapon-tapa, lapon-tapon
A caval sus son ase,
La bèla Marion

Lo Molinièr la vei venir,
De jòia non se pòt tenir. (bis)
Li descarga son ase,
Lapon...

Del temps que lo molin moliá,
Que la farina se fasiá. (bis)
Lo Pierril l’embraçava,
Lapon...

« Molinièr, laissa me’n anar,
Entendi l’ase recanar
Lo lop a manjat l’ase, »
Lapon...

« Molinièr tu m’as fait grand tòrt
Tu m’embraças, mon ase es mòrt
Que ne dirà nòstr’òme ? »
Lapon...

« Darrèr l’cabeç i a dètz escuts
Pren-te ne uèit, laissa ne dus.
Vai te crompar un ase »
Lapon...

Quand son òme la vei venir,
De plorar non se pòt tenir.
« Aquò es pas nòstr’ ase »
Lapon...

« Lo nòstr’ aviá quatre pès blancs,
Los de darrèr los de davans,
Las aurelhas rasièras, »
Lapon...

« Es arribat lo temps novèl,
Cada bèstia cambia de pèl
Atal a fait nòstr’ ase, »
Lapon...

Iò vau sovent dins un site acomplit
Per en admirar la richessa.
Li sai uros, mon cuer ne ’n es …

Legir tot

Iò vau sovent dins un site acomplit
Per en admirar la richessa.
Li sai uros, mon cuer ne ’n es remplit,
Quò me rapela ma jòunessa.
Los prats li son cuberts de bravas flors,
L’auseu li chanta sa romança.
Per me garir de mas paubras dolors
Iò vene pres de la Briança.

La jòuna gent, braç dessur braç dessos,
Rajòunissen sa permenada.
Vòl-t-om peschar, l’es plena de peissons,
D’abord om’n a ’gut ’na paelada.
Quand ’na filha a perdut son amant,
La li vai plena de confiança.
A son retorn la ’n a un pus charmant
Que l’a trobat vers la Briança.

Lo rebeneit i chanta dins l’ivern
Sa brava chançon mandiniera;
Au mes de mai un i vet lo piver
Peschar au bòrd de la ribiera.
Pendent l’estiu,cent auseus diferents
Tos qui de nostra bela França,
Fan dau acòrds, batissen, desmorenen bis
Au pres de lor chara Briança. bis

Sur son percor un troba Chalusset
Chateu-fòr dau ten qu’un tremblava,
Tos n’en parlen, pertan degu ne sap
Qui era queu que l’abitava.
Quoique esbolhar, un lo vet sur nautor
Sur nó montanha granda, imensa
Qu’era lo nich de cauqua fiera vautor bis
Qu’aimava la doça Brianca. bis

Sos vilatjes son ma fe, bien plasan:
Pòn-Ronpu, Solenha , lo vijan;
Los abitants un pau tròp maudisents,
Quò los degrada, quò m’aflitja !
Òr queu defaut, i seriam plan uros:
De bon pòt, de bona pitança,
Car lo climat io mena saboros bis
Dau dos cotat de la Briança bis

Quante la mòrt vendra per me querir
Beleu sirai dins l’Angleterra ;
Mas li dirai : « Laissa me ‘nar murir
Dins queu coenh charit de la terra.
Qui me ’nirai dins ma simplicitat,
Dins tot lo fuec de ma cresença.
Conservarai d’aici au bot ma gaitat
Si muere pres de la Briança.

Ò calha, bèla calha ont as ton nis (bis)
Amont sus la montanha lo long d’un riu (bis)

Ò …

Legir tot

Ò calha, bèla calha ont as ton nis (bis)
Amont sus la montanha lo long d’un riu (bis)

Ò calha, bèla caha de qu’es bastit
De flors de majorana de romanin

Ò calha, bèla calha que i a dedins
Tres uòus coma los autres dels pus polits

Ò calha, bèla calha qual te servís
Tres joventas filhetas de mon país

Una va querre l’aiga l’autra lo vin
E l’autra de musica per m’endormir

Refranh

La camba me fa mau
bota sela bota sela
la camba me fa mau
Bota sela mon chivau

Legir tot

Refranh

La camba me fa mau
bota sela bota sela
la camba me fa mau
Bota sela mon chivau

I a pron de gents
que van en romavatge
i a pron de gents
que van a Betelem
Ié vòle anar,
Ai quasi pron coratge
Ié vòle anar,
S’ieu pòde caminar

R
Totei lei bergièrs
qu’èran sus la montanha
Totei lei bergiers
An vist un messatgier
Que i a cridat
« Metetz-vos en campanha ! »
que i a cridat
L’enfant polit es nat.

R

Ara 1’avèm Barbès
A la tèsta solida
Sovent aviá promes
París la granda vila
E podètz tremolar
Totes bs relalistas
…

Legir tot

Ara 1’avèm Barbès
A la tèsta solida
Sovent aviá promes
París la granda vila
E podètz tremolar
Totes bs relalistas
E vos caldrà dintrar
Cadun dins sa guerita
Se volètz ne sortir
Dansaretz en musica
E vos direm cossí
Viva la Republica.

Lo rei n’aviá l’pel gris
Farem far de redobtas
Per combatre París
El e tota sa tropa
Se pensèt de morir
Quand vejèt son armada
Que voliá pas servir
A çò qu’i comandava
Faguèt sa demission
E partiguèt de suita
Sense nos dire adieu
Viva la Republica.

Filhetas del quartièr
Près de Montpelhièr
I a ‘na font tan bèla
Venètz i pèrmenar
Venètz i gostar
Sus l’èrba …

Legir tot

Filhetas del quartièr
Près de Montpelhièr
I a ‘na font tan bèla
Venètz i pèrmenar
Venètz i gostar
Sus l’èrba novèla
L’aiga que ne sortís
Dòna l’apetís
Tan qu’es naturèla.
Anarem tot l’estiu
A la font de Sant Bertomieu

Vesètz de grand matin
Braç a braç venir
Tircis e Roseta
S’avançan totes dos
Se fan de potons
Sovent en cacheta
E toyt lo long del jorn
Los coples d’amor
Cantan sus l’erbeta.
L’amor dona lo fieu
A la font de Sant Bertomieu

Lo pastor ven après
Dire sos regrèts
A son amigueta
Un còp d’uelh solament
Lo rendrà content
De sa bergiereta
A l’ombra totes dos
Van de rescondoins
Beure aquela aigueta.
L’amor dona lo fieu
A la font de Sant Bertomieu

Quand son òme ven dal marchat
troba sa frema lorda.
"Òla ma frema, ço qu’avèu?"
"Ai tant mal a la …

Legir tot

Quand son òme ven dal marchat
troba sa frema lorda.
"Òla ma frema, ço qu’avèu?"
"Ai tant mal a la testa"

Vau subit cerchar lo metge
que ven veire la maladia

Quand lo metge es arubat
coneguèt la maladia

"Quant de litres as tu begut,
que as tant mal a la tèsta?"

"N’ai begut ja quatre o cinc,
lo roge m’agradava"

"Se butatz d’aiga dins son vin
deman es ja garia"

"Se butatz d’aiga dins mon vin
deman siáu pei ja mòrta"

La galino coco
Mounto sus la roco
De la roco sus lou banc
Sus la barbo de Sant Jan.
Se …

Legir tot

La galino coco
Mounto sus la roco
De la roco sus lou banc
Sus la barbo de Sant Jan.
Se la poudian prendre
La menarian vèndre
À la fiero d’Avignoun
Tu i’anaras pas
Ni tu, ni tu, ni tu...
Bello fiho, vai-ié tu !

Trapat sus www.zictrad.free.fr.

Qu’es uei que nos fam gerba bauda,
Qu’es uei que nos mingem lo jau.
Einuech n’auram la testa chauda,
Deman …

Legir tot

Qu’es uei que nos fam gerba bauda,
Qu’es uei que nos mingem lo jau.
Einuech n’auram la testa chauda,
Deman la feure dins los piaus.

Sur la darriera charretada
Qu’es me qu’ai plantat lo boquet.
I ai possat ’na bon’ esluiada,
Aura vau chantar mon coplet.

Per bien chabar quela jornada,
Qu’es deu bon vin que nos beuram.
Far petar los uelhs dins la coada,
Quò ne vau res per los paisants.

Bufa, Piaron, dins ta chabreta.
Fai veire que t’as de la len.
Emb la Mion que ne ’n lebreta
Vòle dansar lo pelele

Quò n’es pas tots los jorns balada.
Si quete sern nos som contents,
N’am pro sufert tota l’annada
Dau solelh mai dau meschaent temps.

Repic
Nos som ’qui per chantar mai beure,
Portatz-nos de queu vin claret.
Iò’aime mas mon gobelet,
V’autres podetz me creire,
Iò n’aime mas mon gobelet
Quant eu es plen.

Li a pron de gènts que van en romavatge,
Li a pron de gènts que van en Betelèm;
Li vòlo …

Legir tot

Li a pron de gènts que van en romavatge,
Li a pron de gènts que van en Betelèm;
Li vòlo anar, ai quasi pron coratge,
Li vòlo anar, s’ieu pòio chaminar.

Repic
La jamba me fai mau, bota sèla, bota sèla,
La jamba me fai mau, bota sèla a mon chivau.

Tots les bergiers qu’eron sus la montanha,
Tots les bergiers an vist un messatgier
Que li a criat: "Metetz-vos en campanha",
Que li a criat: "Lo fiu de Diu es nat!"

En aquest temps, lei fèbres son pas sanas,
En aquest temps, lei fèbres valon rèn;
Ai endurat una fèbre quartana,
Ai endurat sensa me rencurar.

Un gròs pastràs que fai la chatamiaula,
Un gròs pastràs se’n vai au pichon pas;
S’es revirat au bruch de ma paraula,
S’es revirat, li a dich de m’esperar.

Aquèu palòt deschauça sei sabatas
Aquèu palòt se’n vai au grand galòp
Mai, s’un còp l’ai, li donaréi la grata,
Mai s’un còp l’ai, ieu lo tapotaréi

Ai un rossin que vòla dessus terra,
Ai un rossin que manja lo chamin;
L’ai achatat d’un que ven de la guèrra,
L’ai achatat cinc escuts de patacs.

Quand auréi vist lo Fiu de Diu lo Paire,
Quand auréi vist lo Rei de Paradis
E quand auréi felicitat sa maire
E quand auréi fach tot cé que deuréi...

N’auréi plus ges de mau, bota sèla, bota sèla,
N’auréi plus ges de mau, bota sèla a mon chivau.

Nòstra lenga limosina
A denquera lo sang viu.
Totjorn mocandiera e fina
L’es totjorn reina au país.
Despuei lo temps …

Legir tot

Nòstra lenga limosina
A denquera lo sang viu.
Totjorn mocandiera e fina
L’es totjorn reina au país.
Despuei lo temps qu’om l’enterra,
Om pòd denquera l’auvir.
La n’es pas mòrta denquer
E la ne vòl pas murir.

Visatz coma la se carra,
L’a bon pè mai bona dent,
La peu lena, la votz clara
E lo resta a l’avenent.
Sos sa coifa de dentela
Sas jautas son de velors,
Dins sos uelhs lusis ’n estela
E sa bocha, qu’es ’na flor.

A ’na si genta bargiera
Los galants ne manquen pas.
Totjorn risenta e legiera
La ne ’n tròba a chasque pas.
A quilhs que saben li plaire
La se laissa calinar ;
Los felibres dau terraire
Ne se fan gaire prejar.

Coma antan, tropa fidela
Ilhs van tener cort d’amor
Dins lo vergter de la bela
Que jamai ne passa flor.
L’a picat per lor far festa
Na ròsa entre sos tetons ;
lhs pausaran sur sa testa
Na corona de chançons

Repic
Dins lo pais daus trobadors
Lo rossinhòu li chanta, li chanta;
Dins lo pais daus trobadors
Lo rossinhòu li chante tojorn

Tu que siás arderosa e nusa
Tu qu'as sus leis ancas tei ponhs
Tu qu'as una vòtz de cleron
Uei …

Legir tot

Tu que siás arderosa e nusa
Tu qu'as sus leis ancas tei ponhs
Tu qu'as una vòtz de cleron
Uei sòna sòna a plens parmons
Ò bòna musa.

Siás la musa dei paurei gus
Ta cara es negra de fumada
Teis uelhs senton la fusilhada
Siás una flor de barricada
Siás la Venús.

Dei mòrts de fam siás la mestressa,
D'aquelei qu'an ges de camiá
Lei sensa pan, lei sensa liech
Lei gus que van sensa soliers
An tei careças.

Mai leis autrei ti fan rotar,
Lei gròs cacans 'mbé sei familhas
Leis enemics de la paurilha
Car ton nom tu, ò santa filha
Es Libertat.

Ò Libertat coma siás bela
Teis uelhs brilhan coma d'ulhauç
E croses, liures de tot mau,
Tei braç fòrts coma de destraus
Sus tei mamèlas.

Mai puei, perfés diés de mòts raucs,
Tu pus doça que leis estelas
E nos treboles ò ma bela
Quand baisam clinant lei parpèlas
Tei pès descauç.

Tu que siás poderosa e ruda
Tu que luses dins lei raions
Tu qu'as una vòtz de cleron
Uei sòna sòna a plens parmons
L'ora es venguda.

Pè petiton qu’a la Margarideta
Pè petiton qu’a la Margaridon.
Pelses de seda…
Front afrontaire…
Uèlhs amoroses…
Nas tabacaire…Gòrja gormanda… …

Legir tot

Pè petiton qu’a la Margarideta
Pè petiton qu’a la Margaridon.
Pelses de seda…
Front afrontaire…
Uèlhs amoroses…
Nas tabacaire…Gòrja gormanda… Barba ponchuda
Còl de tartuga… Ventre moflet… Cuèissa blanqueta…
Genolh redond… Camba longueta...

Autra version

A los polits uèlhs qu’a la Margaridon (bis)
Uèlhs amoroses
E lo pè pichon qu’a la Margaridon!

A lo polit nas qu’a la Margaridon (bis)
Nas tabataire
Uèlhs amoroses
E lo pè pichon qu’a la Margaridon!

La polida boca qu’a la Margaridon (bis)
Boca gormanda ...

La polida barba qu’a la Margaridon (bis)
Barba de craba ...

Las polidas popas qu’a la Margaridon (bis)
Popas rondetas ...

A lo polit ventre qu’a la Margaridon (bis)
Ventre mofle ...

Las polidas cuèissas qu’a la Margaridon (bis)
Cuèissas blanquetas ...

Lo polit genolh qu’a la Margaridon (bis)
Genolh redondet

Las polidas cambas qu’a la Margaridon (bis)
Cambas longuetas ...

Chas nos mi maridavan diòmenc ,
I fasia la bujada.
Ah ! Ah ! Ah ! tant mau maridada i …

Legir tot

Chas nos mi maridavan diòmenc ,
I fasia la bujada.
Ah ! Ah ! Ah ! tant mau maridada i sai !
O ! de sai-iò mau maridada ! …

I renvoiei mon lordaud au riu
Avequ’un fai de bujada.
Ah ! Ah ! Ah ! …

I creiava qu’eu lavava
Mon lordaud se nejava.
Ah ! Ah ! Ah ! …

I i anguei, i lo portei
Sur un fagòt de palha.
Ah ! Ah ! Ah ! …

I creiava qu’eu sechava
Mon lordaud se bruslava.
Ah ! Ah ! Ah ! …

I i anguei, i lo portei
Dedins nòstra volalha.
Ah ! Ah ! Ah ! …

Quand quò venguet sur la miegnuech
Nòstre jau 1’estranglava.
Ah ! Ah ! Ah ! …

I credava : « A jau ! A jau ! »
E lo rire eu m’estofava.
Ah ! Ah ! Ah ! …

La nòvia lo diguèt al nòvi
"Ont farem jaire lo cosin?"
Aval, aval dins la cambreta
Al bòrd, al bòrd …

Legir tot

La nòvia lo diguèt al nòvi
"Ont farem jaire lo cosin?"
Aval, aval dins la cambreta
Al bòrd, al bòrd de nòstre lech

Quand lo nòvi se desrabilha
Ne tròba la nòvia al lech
Cresià de n’embrassar la nòvia
E n’embrassava lo coisin,

Metèt lo cap a la fenèstra
N’entendèt cantar lo cocut
"Taissa-te fotuda bèstia!
Zaver tan lèu sachut".

A Paris i a ua tòrta
Que se’n va barlin-barlàn.
Se’n va per totas las vòtas
Per se cercar un …

Legir tot

A Paris i a ua tòrta
Que se’n va barlin-barlàn.
Se’n va per totas las vòtas
Per se cercar un galant.
Son còr lo bat, gai, gai,
Son còr lo bat, gaiement.

Se’n va per totas las vòtas
Per se cercar un galant.

La prumèra contradança
Se’n tròba u a la man.

....Era lo ditz a l’aurèlha:
-Vòs-te maridar, galant ?

....-Non, pas dambe tu, tortassa !
Qu’ès totjorn barlin-barlan !

....- Se sèi tòrta, serai dreta,
Los escuts me dresseràn !

Sus la nostra trilha
I a nòu* ausels que criden

Tot los nòu que criden mai
Lo pic e …

Legir tot

Sus la nostra trilha
I a nòu* ausels que criden

Tot los nòu que criden mai
Lo pic e lo tord e lo trid e lo merle
Tot los nòu que criden mai
Lo pic e lo tord e lo trid e lo gal

*uèit, sèt, seis, cinq, tres, dus, un**

** tot solet que cride mai

A Pibrac i a una vièlha,
Qu’a mai de quatre-vints ans.
Va dins totas las velhadas,
Per i cercar un …

Legir tot

A Pibrac i a una vièlha,
Qu’a mai de quatre-vints ans.
Va dins totas las velhadas,
Per i cercar un galant.

Refranh
Aò ! la vièlha ! ò ! la vièlha !
Que crei n’aver que vint ans.

Ela n’es dintrad’en dança,
Dins la ronda dels fringants.
Causís per la contra-dança,
Le gojat le pus charmant.

Ela li ditz a l’aurelha
« Escota me mon enfant,
Io te pagarai botelha.
Se me maridas d’ongan ! »

« Pas amb tu paura vièlha
Quand auriàtz vint-mila francs
N’ai cent mila dins ma borsa,
Dins mon còfre n’ai autant »

« Se n’as tant dins ta borseta,
Podriàm veser... dins un an !
Dins un an ! çò ditz la vièlha,
Nos maridarem doman ! »

Adonc al notari manda,
De portar de papièr blanc.
Lo diluns l’an fiançada,
Lo dimarç la maridam.

Lo dimècres l’a batuda,
Lo dijòus se n’ vai plorant.
Lo divendres èra morta !
Lo dissabte l’enterram.

Lo dimenge la novena,
Lo diluns lo cap de l’an.
Quand dorbiron la casseta,
N’i trobèron... tres pèls blancs.

Aval a la ribièra
I a’na richa maison
Dedins son tres fielairas
Que fielan tot lo jorn

L’una s’apèla …

Legir tot

Aval a la ribièra
I a’na richa maison
Dedins son tres fielairas
Que fielan tot lo jorn

L’una s’apèla Joana
E l’autra Marion
L’autra s’apèla Clara
Es clara nuèit e jorn

Sa maire la penchena
D’un penche d’argenton
E son paire la còfa
D’una auna de galon.

Lo filh del rei passava
L’a trobada a la font
Digatz, bèla fielaira
Aquò’s vos Joaneton ?

Nani ma sor ainada
S’apela d’aquel nom
Se cercatz una amiga
Dintratz dins la maison.

Lèva-te viste Bertomieu
Lèva-te per l’amor de Dieu
Vai te’n veire sus la teulada,
Çò que se passa dins la …

Legir tot

Lèva-te viste Bertomieu
Lèva-te per l’amor de Dieu
Vai te’n veire sus la teulada,
Çò que se passa dins la prada,
E se quicòm charma ton uèlh
Balharàs un còp de fiulèl.

-Vesi venir tres monsurets,
Totis ribans, totis boquets,
Que ne cantan tant bèlis aires
En l’onor de la Vièrja Maire.
Per encantar lo Rei del Cèl
Cantan çò que i a de pus bèl!

-Vai te’n cargar lo gilet blanc
Per anar veire aquel enfant.
Regarda plan lo cèl, escota,
Nos podèm pas trompar de rota.
Anem, anem, fasem camin,
Arribarem deman matin.

L’estela que lusís al luènh
Nos menarà a Betelèm.
E quand aurem trobat l’estable
Ont es nòstre Dieu tant aimable,
Li ofrirem nòstres presents,
No’n tornarem totis contents.

1) Lei det de la man : pichot nanet, anèu espous, mai long que tóuti, lipo mourtié, esquicho pesou.

…

Legir tot

1) Lei det de la man : pichot nanet, anèu espous, mai long que tóuti, lipo mourtié, esquicho pesou.

2) Aquéu fai li courso, aquéu fai la soupo, aquéu lou mai grand sèr la soupo, aquéu la manjo touto, e aquéu lou mai couquin que dis : "Piéu-piéu-piéu, i’a plus gi pèr iéu".

Trapat sus www.zictrad.free.fr.

Un e dous e tres e quatre
Lou coucu te fara batre
Cinq e sièis e sèt e nòu
Sarai …

Legir tot

Un e dous e tres e quatre
Lou coucu te fara batre
Cinq e sièis e sèt e nòu
Sarai batu emai l’iòu.

Trapat sus www.zictrad.free.fr.