Paraulas en Òc

Nom:
Estiles:
Se pòt dançar:
Luòc:
Existís totjorn:

Dani PadPé

Musicas de dançar - Tolosa (França)

Foguèt educator esportiu, dançaire pels Fabulous Trobadors e las Bombes 2 Bal, musician en cò de Los d'Enlòc, Guilosôvent, Accordzeâm, Bombes 2 bal e Clica...

Ara es musician solista e passaire de danças, lo podètz trapar dins los grops Boreale, Lamzé o encara ClapTrio.

Daniel Daumàs

Nòva cançon/cançon - Mostier de santa maria (França)

Es nascut del rocàs e de la tèrra de las restancas. Es nascut de las fonts inesperadas. A la memòria de las pèiras e del vent que s'encanha dins las matas de rorachons. Es Ulissi plantat.

Caldriá encara apondre : Daniel Daumàs, gavòt, autor e cantaire occitan, trobador provençal del país de Verdon. Qu'escriu en lenga d'òc e en francés. Que tròba. Que ditz sas istòrias. Que canta. Que de còps que i a se pren per un arbre : los pès dins la tèrra, lo cap dins las estelas.

Daniela Mandrile

Musicas de dançar - Còni (Italia)

Daunas de Còr

Polifonias/còrs - Hauts Pirenèus (França)

L'ensemble Daunas de Còr foàguèt creat en 2005. Es dirigit per Pascal Caumont. Le grop es compausat de Laurence Bénac, Nadèta Carita, Anne Enjalbert, Émilie Manescau, Terèsa Pambrun, Valérie Védère.

De Barros

Divèrses - Arras en lavedan (França)

AMb sa vèrbia e son accent rocassut dels Pirenèus, Dominique De Barros tornèt partir en 2003 sus las traças de son enfància. Lo còr al sud, tornava téisser ligams en cançon amb sas rasigas.Lo parlat colorat de l'occitan e los ritmes bresilians rajavan dins sas venas.

De la Crau

- Bocas de Ròse (França)

De la Crau es un grop marselhés d’influencias Rock, Folk e Punk. Sam Karpienia inventa amb Manu Reymond e Thomas Lippens una novèla epopèa provençala. Sam Karpienia canta un provençal ruscós accompanhat de riffs en bocla de guitarras electricas. Thomas Lippens martèla l’estransi a còps de percussions e Manu Reymond a la contrebassa fa carrincar e nhaca son arquet dins de sequenças rytmicas sincòpadas que menon a l’extasi

decaDorum

Musicas de dançar - Rodés (França)

Antoine Charpentier : bodega e cant,
Yannick Delclaux : acordeons diatonics ,
Paulin Courtial : guittara electro-acoustique e electrica, bassa electrica

Délit Mineur

Musicas de dançar - Montpelhièr (França)

Delphine Aguilera

Trobar - Nimes (França)

Delphine Aguilera comunica son amor de las lengas per concèrts, animacions pedagogicas e corses desempuèi 1986. Sa sensibilitat e sas coneissenças tan universitàrias coma practicas fan qu'es apreciada per publics fòrça diferents.

Ancora son expression dins de repertòris teissats entre tradicion e modernitat. Sa sensibilitat vocala, la raretat de son expression, a mai sas coneissenças fan d'ela una artista.

Delta Sònic

Electro/experimental - Arles (França)

Henri Maquetes es un musicaire polivalent al servici d'una cultura viva e bio-dinamica. DELTA SÒNIC, es de l'electro-pop ipnotica que va cercar son vam dins los sons e los ritmes arcaïcs de las musicas popularas meridionalas. Un groove que bota lo fuòc a la farandola amb d'intruments tradicionals fargats a l'ostal.

Denis Frossard

Musica del mond - Pau (França)

Cantaire guitarrista, ancian membre de Larvath, es apassionat de musicas sud-americanas, mai que mai la musica instrumentala de las Andas e las polifonias argentinas, e tanben de musicas popularas en general.

Di Mach

Musicas de dançar - Le puy en velay (França)

Violon : Céline GOUPIL
Acordeon Diatonic : Didier BOIRE
Saxofòn Soprano : Sylvain HAON
Una musica franca, umil, sincèra, cadençada e melodiosa, inspirada, inventada o collectada, de còps que i a improvizada e que sortís essentialament de Velai, e tanben d’Auvernha.

Dià

Electro/experimental - Soustons (França)

Cant, escritura : Didier Tousis
Guitarra, cant, arrengements : Max Desbieys
Maquinas, arrengements : Florian Larriveau

Didier Tousis

Rock/blues - Vila desconeguda (XX)

De tèxte en tèxte, Didier Tousis dessenha los contorns d'una pensada en construccion, d'una proposicion politica e filosofica en marcha. Es pas aquò, tanben, lo ròtle d'una cançon? Didier Tousis n'es l'artesan lucid, intègre, servit per las guitarras de Lionel Gomez, tot en justesa e en sensibilitat.

Fòra la mòda mas dins son temps, vaquí un cantaire susprenent, provocaire, desconcertant, mas tant atrasent.

Una ora e mièja de poësia, d'emocion, de reflexion, puèi crides, eslam, vida, colèra, un quicòm de rock dins l'arma; e de còps que i a, fin finala, inesperada, serena, prigonda, simplament de jòia.

Dirty Caps'

Musicas de dançar - França

Un còp èra un landés, un bigordan e un carcinòl. Se metèron a jogar amassa. Fasián dançar lo mond e notadament una joveneta del nom de Capucine que dançava amb un estile tan « dirty » qu'inspirava fòrça lo nom del grop : Dirty Caps.

Ara, cada còp que jògan, espèran trapar dançaires tan « dirty » coma Capucine.

Victor Dreyfus : Violon
Mickaël Vidal : Clarineta, cant
Clément Rousse: Acordeon diatonic, tambourin a còrdas e flauta a tres traucs.

Disque collectiu

- Vila desconeguda (XX)

Diubiband

Eska/reggae/ragga - Monenh (França)

Entre concèrt e mesa en scèna umoristica, Diubiband conta l'istòria d'una comunautat de personatges extravagants incarnats per Ricou, cantaire atipic amb d'energia comunicativa.

Djè Baleti

Eska/reggae/ragga - Tolosa (França)

Djé Balèti es un grop nascut a Nissa, dins la dralha de Nux Vomica e Gigi de Nissa. Lo grop es compausat de Jérémy Couraut lo fondator, Nicolas Mausmond a la batería e Sophie Ramia Medina a la bassa. Las compausicions mesclan ragga, côco tolosan e tarantella italiana.

Doctors de Trobar

Electro/experimental - Montpelhièr (França)

Dolàn Xakò

Electro/experimental - Perigüers (França)

Aquel òme fa espelir de composicions experimentalas entre Abstract Hip Hop, Trip-Hop e Downtempo. Una identitat musicala a l'encòp tintada de negre e de gris que l'escurina s'i escracha dins l'esperit.

Druc Drac

Electro/experimental - Vila desconeguda (XX)

Druc Drac, alias François Dumeaux, explòra la psychotrance mas tanben l'idm, l'electrodub, la musica d'ambiança e la musica experimentala.

Du Bartàs

Cants tradicionals - Aude (França)

Du Bartàs canta en òc e en arabe las piadas ancianas e recentas daissadas per l’istòria al pus prigond del Lengadòc mediterranenc, tèrras de mescladisses culturals. De cançons que parlan del monde d’aquí, dels plasers e dels patiments de la vida, entre cronica sociala e poesia libertària. Una musica que balha vida e carn al « continent mediterranenc », dusca al Saharà. Cinc voses que fan gisclar de paraulas intimas e coloradas, ritmadas per las percussions e maridadas a la calor del cuatro, de l’oud, de l’acordeon e del violon oriental.

Du vent dans la peau

Musica del mond - Gers (França)

Guillaume Loez e Bijan Chemirani, dos generoses portaires de tradicion, afogats de rencontres novèls, mesclan lors ritmes, desligan e ligan las lengas per dessenhar una musica mediterranèa espontanèa e rafinada.

Ritmes, instruments, cants tradicionals se mesclan a de composicions e d'improvizacions dels dos musicians. Un viatge poetic e ritmat, virtuòsa e esmoguent, e tan musical.

Duo Abela-Vidal

Musicas de dançar - Tolosa (França)

Robin Abela (violon, cant)
Mickaël Vidal (clarineta, acordeon diatonic, cant)

Aqueste grop trapa son inspiracion dins la musica tradicionala mas tanben dins lo jazz. A fait dançar un mollon de dançaires dins lo collectiu "Les cousins du Quercy "

Duo Ancelin-Fay

Musicas de dançar - Le puy en velay (França)

Pel Duo Ancelin-Fey, jogar la musica de voilon d'Auvèrnha e de Lemosin, es primièr lo plaser de viure dins un univèrs musical fait d'energia e d'emocion. Es tanben lo plaser de pertejar aqueles aires, de dançar aquelas melodias amb lo mai grand nombre.

Lo duo prepausa concèrts, bals, animacion, a mai estagis de violon.

Duo Anne Rivaud et Alexandra Lacouchie

Musicas de dançar - Vila desconeguda (XX)

Anne Rivaud : acordeon diatonic,
Alexandra Lacouchie : violon
Anne Rivaud e Alexandra Lacouchie jògan musicas del Lemosin per dançar.

Duo Artense

Musicas de dançar - Cantal (França)

Duo Artense es lo rescontre entre dos musicians fascinats per aquela musica de l'Artense. Una musica rica de per sa diversitat, sa libertat melodica e ritmica.

Atencion! Aquel duo vos pòt balhar enveja de dançar...

Duo Azaïs

Cants tradicionals - Mormeiron (França)

Lo rescontre entre cant occitan e dança contemporanèa a l'entorn de tèxtes poëtics e de cançons de femnas trobadors. Duo de femnas, una cantaira, una dançaira, l'enveja de crosar mai intensament dos repertòris...

La fòrça del cant occitan relevada per d'accents d'acordeon, de tamborin o de tampoora, e la gràcia en suspension d'una coregrafia delicata.

Duo Ber Marguno