Duo Bibonne Raibaud

Musicas de dançar - França

Arnaud Bibonne: Boha Camille Raibaud: Violon

Duo Càpia

Trobar - Marsilha (França)

Duo Cavalié/Verger

Musicas de dançar - Vila desconeguda (XX)

Lo rescontre entre la musica dels balètis e la musica improvisada que balha una plaça a las doas voses. Se canta encara, Cavaliè torna a sas originas de percussionista e Vergé lo sosten amb son acordeon jazz. Lo costat improvisat empacha pas los dançaires de profietar del balèti.

Duo Cheops

Musica del mond - Vila desconeguda (XX)

Autora, compositritz, interprèta, Christine Bout canta e jòga de pianò. Apassionada per la lenga provençala que parla desempuèi l'enfància, son desir mai car es que la practica d'aquela lenga se perpetue. Es dins aquel esperit qu'escriu cançons dins estiles diferents.

Clavierista e arrenjaire, Philippe Rey a aprés lo pianò e se passionèt lèu pels instruments electronics que li permetèron de trabalhar amb formacions divèrsas.

Duo Cheops prepausa un repertòri compausat de composicions originalas en provençal, d'adaptacions provençalas de cançons francesas e d'adaptacions de cançons tradicionalas sus de ritmes actuals.

Duo Corbefin-Marsac

Musicas de dançar - Astafòrt (França)

Dempuèi 2005, Pèire Corbefin e Philippe Marsac mènan ensemble una experiéncia d'ensenhament que mescla la dança e lo cant a dançar de Gasconha, e que tròba son perlongament natural dins l'animacion de bals gascons cantats.

Duo Esbelin Quintard

Musicas de dançar - Vila desconeguda (XX)

Musica d'Auvernha<br />
Michel Quintard (accordéon) <br />
Claude Esbelin (cabreta) <br />
<br />
Es l'istòria de la rescontra de Michel, lo « folkeux » de las annadas 1980, e de Claude d'una familha d'acordeonistas e de cabretaïres

Duo Falco-Charrié

Musicas de dançar - Seta (França)

Lo Duo Falco-Charrié se consacra en prioritat a la musica de balèti : danças tradicionalas de Lengadòc, de totas las regions d'Occitania, dels parçans vesins, practicadas e apreciadas pels dançaires d'uèi.

Duo Lopez Herremans

-

Guillaume Lopez : cant, flaütas, boha
Guus Herremans : acordeon diatonic, stomp box, cantadís

Duo Lopez Rousse

Musicas de dançar - Vila desconeguda (XX)

Duo Minvielle-Suarez

Eslam/rap - Vila desconeguda (XX)

Duo Oliver Sentou

Musicas de dançar - Lodeva (França)

Aqueles jogan amassa dempuèi un detzenat d'annadas suls emponts de musica del mond. Lor repertòri es compausat de tròces d'en pertot (Tex-Mex, Bretanha, Caraïbas, Galicia, Païs Basc, Scandinavia, Occitania...)

Duo Silvio Peron e Gabriele Ferrero

Musicas de dançar -  Cuneo (Italia)

Silvio Peron (accordeon, Gabriele Ferrero (violon)

Duo Tras

Cants tradicionals - Vila desconeguda (XX)

Dupain

Electro/experimental - Marsilha (França)

Dupain se farguèt un imatge fodiga e fòra los encastres en cò dels enfants de la sòno mondiala de las annadas 90. Dins lo pairòl de la planèta Marselha, lo barri de la Plana enfantèt Dupain, organisme viu en bolh permanent.

Lo cant occitan, partida integranta de l'identitat de Dupain, relèva de la fraternitat amb los insomeses de tota mena. Una dobertura totala sul mond coma es, deuriá èsser o serà pas jamai. Un vèrb dur coma la ròcha, una lenga gorjada de solelh, una revòlta polida e lirica, un realisme temperat pel pantais.

Dus de canta

Cants tradicionals - Pau (França)

Dus de canta, grop compausat de D. Frossard e J.F. Tisnèr, prepausa variacions sus de cants tradicionals occitans de Gasconha, de la musica anciana a la d'uèi, ont los raices de l'universal fan los ligams que tota tradicion viva sap entretenir amb d'autras culturas.

D’aqui dub

Eska/reggae/ragga - Marsilha (França)

Sota-bandiera internacionalista ambé seis artificiers marselhés e bosniac, d’Aquí Dub experimenta una musica apatrida, abeurada d’un cant occitan lancejant, de bofadas balcanicas e ritmicas tremolantas post punk.

D’en haut

Musicas de dançar - Pau (França)

Se fan lo resson d'una Gasconha que pauc de mond coneisson, mas que la màger part an ja poscut ressentir. Pòrtan las novèlas de los d'amont. Sus vòstre convit, pòsan lors bagatges cargats d'aquela granda lana que corrís fins als Pirenèus. Lo temps d'una etapa, ne sortisson lors ofrandas musicalas, abans de tornar a lors exploracions.

Duo acostic, mas mèfi... la dolçor afichada es pas aquí que per vos enganar, que lèu rodaràn a l'entorn de vòstras aurelhas los sòmis d'una Gasconha qu'a pas acabat de se bolegar.

D’estiu

Rock/blues - Montpelhièr (França)

D'Estiu. Jos aquel nom de grop s'amaga Bruno Martin, guitarista montpelhierenc eissut de la scèna rock, mas que s'es totjorn interessat a las autras musicas, entr'autres folk, bossa-nova, musica medievala, blues. Una diversitat abondanta de sonoritats e d'influéncias crosadas.

Els ministrils del Rosselló

Musicas de dançar - Pirenèus Orientals (França)

Un viatge instrumental e cantat per diferents territòrits de lenga catalana, un balèti catalan o de musica de carrièra.

Encantat's

Polifonias/còrs - Saint gaudens (França)

Encantat's es un còr d'òmes compausat de sièis voses. Interprèta polifonias còrsas, bascas, occitanas, e de gospels, de cançons tradicionalas francesas e internacionalas.

A Capella o acompanhats de guitarra e pianò, se distinguisson per un repertòri variat, d'armonias e d'arrengaments originals.

Enco de Botte

Polifonias/còrs - Marsilha (França)

Lo grop canta un repertòri popular occitan de Provença e tanben un repertòri còrse, sacrat e profan . A causit aqueste nom perque se remembrava qu'a Marselha, dins lo barri que se sona ara "Enco de Botte ", i aviá una albèrga que s'i amassavan nombroses artistas a la debuta del sègle XX.
Lo grop es compausat de Florence Croisy-Boué, Cristel Garin, Caroline Tolla, Olivier Meynard, Annie Maltinti

Enlòc

Punk/metal - Sant africa (França)

Ensemble Archemia

Divèrses - Orgon (França)

Creat en 2003, l'ensemble Archemia abòrda amb originalitat e conviccion un repertòri especificament orientat cap a la creacion contemporanèa per flaütets e tamborins. Aquela formacion de musica de cambra fa dialogar flaütets, percussions, pianò e violoncela.

Eric Fraj

Nòva cançon/cançon - Bordèu (França)

Son gost de l'Autre, sa fidelitat als pantaisses e a las tribulacions de l'enfància an menat Eric Fraj a la pluralitat lingüistica: escriu, compausa e canta en lenga d'òc, castelhan, catalan e francés e bota en musica poètas a vocacion universala: d'André du Pré a Jean Boudou, de Robert Marty a José-María Caballero Bonald...

Sa musica e son cant son plurals tanben, per la varietat de las inspiracions que se conjugan en gamas sudistas, la varietat dels instruments, de las tonalitats e dels palps, a mai la de la votz.

Atal cada espectacle d'Eric Fraj es un viatge poëtic, que l'emocion n'es lo fial conductor.

Es Corbilhuèrs

Espectacle folcloric - Les (Espanha)

Escamandre

Espectacle folcloric - Vedena (França)

Inspirat per la musica folclorica provençala, Escamandre mescla galobet provençal e instruments mai modèrnas (guitarra, sintetisor) sens doblidar percussions, flaütas, acordeon diatonic.

Escapado

Musicas de dançar - Frèjus (França)

Escapado es un orquèstre de musicas tradicionalas. Es la tradicion occitana, de musicians que van al rescontre de son public. Un dotzenat de musicians que fan costejar galobets, tamborins, flaüta traversièra, acordeon, cornamusas, vièlas de ròda, violons, guitarras electricas, batariá e cants.

Un mescladís susprenent dins una ritmica d'una vitalitat contagiosa, una convidacion a la dança; una musica noirida de las influéncias mai divèrsas d'Occitania, de Provença a Itàlia, amb una escapada sus las rivas celticas.

Escota si plau

Polifonias/còrs - Angaïs (França)

Escota si Plau es un grop de cant bearnés compausat d'un bon vintenat de membres que prepausa espectacles amb cants de creacion pròpias, cants tradicionals e istòrias de son contaire Jausèt.

Sa diversitat, sa creativitat, sa disponibilitat li perméten de s'adaptar a tots publics e totas situacions. Desempuèi mai de vint ans, anima seradas bearnesas, repaisses, fèstas locala, fièras artisanalas, vresperons, bòdegas...

Espartenhas

Musicas de dançar - Pau (França)

Aqueths quate musicians occitans que hèn víver musicas e danças tradicionaus de la loa Gasconha e d'Euròpa (Catalonha, Portugau, Italia...) frut deus lors encontres e deus lors escambis. Que hèn tanben dançar lo monde dab las loas composicions.

Esta

Nòva cançon/cançon - Laruns (França)

Jean Lagueyte, Jean-luc Mongaugé e Sylvain Latry
Esta canta sas creacions en bearnés, la lenga del país. Lors creacions abòrdan nombroses tèmas qu'alternan l'universal e lo local.
De la balada als ritmes new-folk o latins en passar per la polifonia tradicionala, lors melodias encantan l'assabentat coma lo curiós. Lors voses balharàn a cadun l'escasença d'apreciar e de pertejar un moment plen d'emocion e de sinceritat.