Estéla dou Coqe

Eslam/rap - Tolosa (França)

Doas joventas, doas voses, dos tamborins, e un fum de gags e de cançons que s'i exprimisson l'umor e la saviesa tipics del barri Arnaud Bernard de Tolosa.

Eth Chòt

Musicas de dançar - Vila desconeguda (XX)

Fondat a la debuta de 2008, lo Trio Eth Chòt es un grop de musica tradicionala qu'anima balètis a partir del Comminges. La memòria dels ancians de lor familha e de lor cèrcle - eissuts del mitan rural - constituèt un eiritatge plen de las valors d'un biais de viure uèi quitament passat.

Eths amassats de Bigorra

Polifonias/còrs - Ibos (França)

Eths Amassats de Bigòrra, son pas de professionals de la cançon mas an totes en comun l'amor de lor pichon país, de lor lenga e del cant. Es aquò qu'ensajan de comunicar pendent lors prestacions que i cantan cants tradicionals en bigordan, occitan o francés.

Eths amics

Cants tradicionals - Gerde (França)

Eths Autes

Musicas de dançar - Banhèras de bigòrra (França)

Eths autes, son qualques amics recampats a l'entorn de lor cultura, lors musicas, lors danças, lors contes e legendas... Son tres acordeons diatonics, doas bohas, tres flaütas de tres traucs, dos claris e, a l'escasença, una vièla de ròda e una guitarra. De còps que i a, es tanben una votz sola que remonta lo temps de fa fòrça temps.

Eths Bandolets

Polifonias/còrs - Hauts Pirenèus (França)

Es en 1977, dins las Baronias, al fond de Bigòrra, que tres amics se retroban e forma lo grop de cants tradicionals pirenencs Eths Bandolets, qu'anirà de França a Euròpa tota e a America del Nòrd, sens doblidar fèstas de vilatges, de familha o matches de rugbí.

Eths Cantayres d’Esparros

Polifonias/còrs - Esparros (França)

La corala Eths Cantayres d'Esparros foguèt creada en 1985 per qualques amics natius del vilatge qu'aimavan la cançon. D'hesteïadas en fèstas localas, de maridatges en taulejadas... uèi la corala perseguís aquela passion amb sos 20 membres.

Eths micalets

Cants tradicionals - Ibos (França)

Eths Micalets an per tòca de far viure la lenga bigordana e d'un biais mai larg occitana per lo cant. Es un grop de 7 cantaires, joves e dinamics. Ensajan de trasmetre lors passions del cant e de l'occitan per concèrts, animacion de carrièra o de repaís...

Euphorica

Trobar - Vila desconeguda (XX)

Eviternity

Punk/metal - Vila desconeguda (XX)

Eviternity foguèt creat en 1991 amb la tòca de menar un pauc d'umor e de derision dins la scèna techno-death que ne mancava tarriblament. Pauc a pauc, lor estile a evoluat cap a quicòm que se pòt qualificar de metal neo-classic. Lo grop s'es desseparat en 1998 mas podètz trapar sos membres dins diferents projèctes: Stille Volk, Hantaoma, By the swords, Hypocras...

Eydolon

Electro/experimental - Tolosa (França)

Un son novèl per temps ancians, un biais novèl de devenir quicòm.
Eydolon utiliza pas que la votz, samplada en dirècte, sens maquinas ni electronica... D'unes instruments corrisson de còps dessús, mas la Votz, la Votz e pas res d'autre.
Los tèxtes en occitan venon del fond des edats, escrits pels trobadors o d'inconeguts illustres dels sègles passats.
Benvengut en tu, t'arribarà pas res qu'agèsses pas volgut...

Fabulous trobadors

Eslam/rap - Tolosa (França)

Los Fabulous trobadors son un grop de musica tolosana, estacat al barri Arnaud Bernard, qu'a desvolopat un estile particular basat sus la declamacion de tèxtes en lenga tolosana, lo folclòre occitan e los ritmes del Nordeste del Brasil.

Faburden

Musicas de dançar - Vila desconeguda (XX)

Una musica de dançar, solida, enrasigada e que muda tot lo temps.
Camille Raibaud: violon
Arnaud Bibonne: boha
Simon Guillaumin: vièla electro-acostica
Julien Esteves: batariá
Mateù Baudoin: cant, violon

Fadamen trobadors

Divèrses - Vila desconeguda (XX)

Fai Deli

Musicas de dançar - Montpelhièr (França)

Fai deli es l'encontrada d'un guitarrista de jazz e d'una flaütista classica. An decidit de tornar descobrir la musica tradicionala. Lors repertòri es enrasigat dins la cultura musicala occitana mas tanben inspirada de l'exploracion de las musicas mediterranencas

Fai lum

Divèrses - Montpelhièr (França)

Faï petar

Musicas de dançar - Saint bonnet près riom (França)

Sonia Rogowski (clarineta)
Freddy Dussaillant (acordeons diatonics)
Basile Brémaud (violon)

Son de musicians de bal ,encadenan scottishs, mazurkas, borrèias, valsas…

Familha Artús

Electro/experimental - Pau (França)

L'expression d'una cultura minorizada pòt pas èsser moderada. La familha Artús fa una musica radicala, enrasigada, tribala e etnica.

Fruit vertadièr d'un laboratòri d'experimentacion, es una mena d'aplicacion musicala de la recèrca d'identitat, la resulta del rescontre de las musicas d'esséncia patrimoniala gascona e de las musicas actualas.

Fan de bruch

Fanfaras/espectacle de carrièra - Seta (França)

Fan de Bruch posa son repertòri seguent sas inspiracions, dempuèi las musicas neo-tradicionalas de Brasil, Catalonha, e solide d'Occitània, fins a las melodias de la Renaissença, sens doblidar las composicions recentas.

Los autbòis e autras cornamusas de Lengadòc, atal coma lors companhs tradicionals tambor e bomba se jonhan al tuba per crear un son original mas prigondament ancorat dins la tradicion populara.

Fan de bruch : lo son lengadocian dins lo monde d'uèi : dobèrt e mirgalhat.

Fanfare des Goulamas

Fanfaras/espectacle de carrièra - Puisserguier (França)

Es compausada de 7 musicians als coires, grailes catalanas, percussions e guitarra electrica. Prepausa de ritmes festius e endiablats.

Es una fanfara de las mai dinamicas que retén pichons e grands e que provòca, sus son passatge, la curiositat, la bona umor e la dança.

Fanny et les gascons

Polifonias/còrs - Colomièrs (França)

Faydits

Rock/blues - Bize minervois (França)

Feiz Noz Moc'h

Musicas de dançar - Pirenèus Atlantics (França)

Feiz Noz Moc'h com ua sageta de l'arc Atlantic lançada enter Gasconha e Bretanha, zòna de movement e de dança. Roland Conq qu'a acampat tad aqueth treitiatge d'aurelha lo cantaire Lors Landat, atau com Roman e Matèu Baudoin deu grop de musica radicau de Gasconha Familha Artús.

Totes que son geissits de las musicas actuaus enrasigadas. La riquessa de las lengas, la poténcia deu son, la fòrça deu grop e l'engatjament deu musicians que han de Feiz Noz Moc'h un grop unic, que honha los còdis e los lòcs comuns.

Femmouzes T

Musica del mond - Tolosa (França)

Feràmia

Electro/experimental - Vila desconeguda (XX)

Format en 2015 per Louis Pezet e Hugo Collin, Feràmia es un grop tolosan de musica actuala occitana.
Sas influéncias eclecticas, de l'electro a la cançon en passar pel jazz e qualques excursions etiopianas, dona a ausir una lectura originala de l'occitan e de sos universes. Lo primièr album de feràmia, "Lo drac pòt èsser tanben una soca", pareis en Març 2017.
Aduèi Feràmia es un qintet live amb un bateire, Corto Falempin-Creusot, un bassista, Aurelio Espinoza, un trompetista, Ludovic Schmidt, un saxofonista, Hugo Collin e un cantaire, Louis Pezet.

Ferrine Floc

Musicas de dançar - Vila desconeguda (XX)

Fial de lana

Musicas de dançar - Vila desconeguda (XX)

Fial de Lana es un grop de musica tradicionala eissut de la Montanha Negra. A per tòca de manténer e desvolopar la cultura occitana per la practica del cant tradicional. Amb lo temps, lo repertòri del grop s'es enriquesit mercés als escambis amb de musicians d'autras regions de França e d'endacòm mai (País Basc, Bearn, Berrí, Bretanha, Irlanda...).

Flamen’oc

Musica del mond - Vila desconeguda (XX)

Aquel trio original, occitano-catalano-flamenco, es lo rescontre entre un artista del viatge e doas voses de femnas de la Mediterranèa.

Miquèla l'occitana, Jòia la catalana e Antonio Negre lo gitan, es la passion que se mescla a la tendresa.

Dison, afirman, cantan que ont la memòria demòra, lo present se resigna pas jamai.

Testimoniatge tan modèrn coma autentic de la vivacitat de totes los suds.

Flor de zinc

Musicas de dançar - Paris (França)

Presentas a Paris dempuèi mai de dos cents ans, las musicas e danças d'Auvernha i demoran encora a l'ora d'ara. Lo trio Flor de zinc es compausat del cabretaire e violonista Esbelin, l’acordeonista Ludovic Rio e lo banjoista Olivier Sulpice.

Flor Enversa

Trobar - Corsegolas (França)

Flor Eversa canta la lirica cortesa dels trobadors e mena son public 800 ans en rèire, dins l'Occitania de l'Edat Mejan, dins aquelas corts del sud de la França abitadas per la cortesia e la fin'amor.