Fradins de Vielha

Espectacle folcloric - Vielha (Espanha)

Frederic Fortes

Divèrses - Vila desconeguda (XX)

L'occitan es una lenga d'una expressivitat formidabla per un artista coma Frederic Fortes que l'emplega amb talent e se'n fait atal l'ambassador. S'agís pas aquí de folclòre mas d'una creacion vertadièra que la lenga d'òc i demòra lo ligam secular entre modernitat e tradicion.

Frédéric Mistral

Divèrses - Maillane (França)

Se presenta pas aquel escrivan e lexicograf provençal, menaire istoric de la renaissença occitana e prèmi Nobel de literatura per son òbra Mirèio. A tanben escrida cançons que son ara cantadas dins Occitania tota.

Fulbert Cant

Nòva cançon/cançon - Vila desconeguda (XX)

Gacha empega

Polifonias/còrs - Marsilha (França)

Aquel grop folcoric reviscola lo patrimòni musical de Provença sens pas se prene al seriós, amb un vam mai pròche del rock'n roll que dels grops folclorics tradicionals.

Gadalzen

Cants tradicionals - Tolosa (França)

Los membres de Gadalzen venon d'orizonts musicals fòrça variats, e lor rescontre produsit una musica susprenenta. S'insrivon dins la sfèra de la cultura occitana contemporanèa, pr'aquò lor desir d'exporacion musicala pren lo dessús sus tota autra consideracion.

Gahem la lua

Musicas de dançar - Pau (França)

D'orizonts mediterranèus, nord-americans, gascons e pirenencs, aquelas quatre femnas son resolgudas a jogar una musica eclectica sus las basas de las danças tradicionalas immemoriala. Aquelas quatre musicianas an ja percorrut d'emponts divèrses. Se rejonhan ara per una novèla creacion qu'amassa las musicas actualas amb la musica tradicionala. Acordeon ditaonic, violon, flabuta e tom-tom, guitara acostica, bassa electrica e votz en polifonia ; tant de fòrça per animar las pistas de bal tradicional e reivindicar la plaça de la femna e del viure-ensemble dins aquel monde.

Gahús Blues

Rock/blues - Bordèu (França)

Gahús blues es un grop virtual qu'existís pas que sul web. Mas ensajan de crear, de còps, tròces novèls.

Gai saber

Musicas de dançar - Poranh (Italia)

Gai saber s'es de'n primièr inspirat de la significacion prigonda de la poësia trobadorenca, basada suls principis de la convivéncia, la tolerança, lo paratge e la largesa.

Musicalament, son a la recèrca de tot çò que se pòt trapar d'actual dins las linhas melodicas dels trobadors, amb d'un còp referéncias a la musica araba, ligams amb la musica populara e manlèus a la musica sacrada gregoriana. De la presa de consciéncia d'aquela varietat de significacions e d'influéncias nasquèt l'idèa de far un mescladís entre los sons d'uèi, en espleitant la possibilitat expressiva e la varietat dels sons sintetics, e las caracteristicas del timbre dels instruments tradicionals occitans.

A aquò s'ajustan melodias mai tipicaments popularas e musicas de composicion, que se mesclan dins una fusion dels genres (fòlc, rock, musica latina e electronica) per una musica entre tradicion e modernitat.

Gaia Voci

Cants tradicionals - Chatou (França)

Gaia Voci nasquèt del rescontre de tres musicians qu'an en comun l'amor dels cants tradicionals. Lo repertòri s'es constituit segon las originas e experiéncia de cadun e los cants son interpretats dins lor lenga originala: dialèctes regionals d'Itàlia del sud, occitan, ladin. S'i pòdon tanben trapar composicions musicalas sus de tèxtes poëtics d'autors mediterranèus.

Gargamas

Musicas de dançar - Dordonha (França)

Gargamàs èra un gigant del Peirigòrd que botiá un pè de cada broa de Dordonha quand voliá pissar e urinava dins la ribèira. Es tanben lo nom del grop compausat deGilles de Becdelièvre e Antonin Duval per un duo de musica tradicionala de dançar. Lo primièr jòga d'acordeon diatonic e canta, lo segon jòga de violon e fa de percussions amb los pès. La màger part del repertòri es peirigordin amb qualques manlèus al repertòri lemosin.

Gari Grèu

Eska/reggae/ragga - Marsilha (França)

Charraire infatigable dins Massilia Sound System e Oai Star, Gari Grèu nos balha sa fornada novèla de cançons suavas e de repics populars coma de pepitas dauradas al solelh crus dels païses cauds.

Dessenha un fòlc itinerant, manlevant tant als perfums tropicals qu'a las vibracions del blues malian o provençal, maridant a l'encòp los ritmes del Nordeste e los ressons trinidadians a mai jamaïcans.

Garric

Musicas de dançar - Montpelhièr (França)

Garric explòra un univèrs musical al limit entre modernitat e intemporal, entre las racinas e lo cèl, l'espaci de vida e de creacion. L'occitan e la musica son aquí dos lengatges mesclat prigondament dins lo torn de cant, que menan los pès cap a la dança e l'esperit cap a l'exploracion d'orizonts a l'encòp proches e novèls, intims e dobèrts al mond en movement.

Gasconha plus

Musicas de dançar - Agen (França)

Dos joioses musicians fòrça bons.. Jògan çò que vòlon, coma o vòlon, e es un delici. Se dança caluc sus de rimas de poësia. Se canta fat sus de nòtas que modulan en de mòdes tocats.

De còps que i a, se veson maridatges vius entre tradicion e musicians creatives. Es atal amb Gasconha plus, amb una tinta a l'encòp enrasigada prigondament e una invencio bucco-musicala totjorn renovelada.

Gaston Beltrame

Nòva cançon/cançon - Òuliolas (França)

Cantaire-poèta al repertòri libertari, nascut dins Var, enregistrèt disques jol labèl Ventadorn.

Gaubi

Trobar - Vila desconeguda (XX)

Gigi de Nissa

Eska/reggae/ragga - Niça (França)

Autor, compositor e interprète, creator del Carnaval independent de Niça mas tanben cantaire e menaire del grop de reggae Nux Vomica, Louis Pastorelli fa pertejar sa vision del mond desempuèi son ostal.

Gigi de Nissa recampa tot çò que lo noirís e lo mond qu'admira dins un univèrs intim, sonòre e musical, carnavalesc e un pauc satiric.

Gojats of Hedas

Punk/metal - Pau (França)

Gojats of Hedas es un grop punk de Bearn que militan per de cants engatjats en occitan o francés, per pertejar lors idèas e lor estacament a l'Occitania e a sa luta.

Goulamas’k

Eska/reggae/ragga - Puisserguier (França)

Una guitarra al son pesuc dins un trio ritmic assassin, coires, acordeon, graïle e sac de gemec rivalisan de melodias capudas amb un cant rocassut cargat d'emocion e de colèra.

Goulamas'k es un grop d'empont aguerrit que daissa un public esbaït e ont los instruments trad fusionan sens complèxe amb una musica energica, furiosa.

GraiL’oLi

Musica del mond - Lodeva (França)

Aqueste collectiu s'es encontrat a l'entorn de son gost per los ritmes brasilans , las lengas del sud e la cultura del Carnaval dins lo mond.
De gralhas , de percussions e de cants (occitan, creòls, castilhan, francés...), Grail’Oli vos fa balançar de l'escota atentiva a l'isteria collectiva !

Gran Pastis

Musicas de dançar - Turin (Italia)

Acordeon diatonic, guitarra,flautae violon
Aimatz lo folk energic ? Vaquí
Lo repertòri es compausat de tròces de musica tradicionale e de compausicions ont se mesclan las diferentas lengas dels musicians, sens doblidar las danças occitanas e las del Peitèu.

Gresal

Trobar - Tolosa (França)

L'ensemble Gresal se compausa de musicians eissuts de las musicas ancianas e lor tòca es de balhar una escota personala dels repertòris dels sègles XIIen a XIVen.

Gric de Prat

Trobar - Preignac (França)

Gric de Prat gausa la cultura occitana per totes!

Mai de trenta accions per an, tres còps programat dins l'encastre de las Scènas d'estiu en Gironda, dos còps al festenal de Rodés... E perqué pas en cò vòstre?

Guilhem Lopez en companhia

Musicas de dançar - Thoux (França)

Un casting de chòc per dançaires e bolegaires experimentats o neofits de totas las generacions. Un repertòri de musicas de dançar dels païses d'òc, enriquesit de composicions recentas. De musicas vivas, coloradas de ritmicas mediterranèas, tintadas de museta e de jazz, un son novèl del balèti tolosan avid de publics nòus.

Es atal que rondèu, escottishs, mazurka, borrèia, valsa, passo... s'unisson, confles d'un vent novèl de las fèstas tolosanas que daissan pes degun indiferent.

Guillaume Lopez

Musicas de dançar - Thoux (França)

A l'encòp especializat dins los instruments de vent e cantaire reputat e sollicitat, passaire de memòria, de frontièras, Guilhèm Lopez desvolopa una apròcha sensibla a l'entorn de las musicas tradicionalas e se n'inspira per sas compausicions personalas.

Guy Bonnet

Nòva cançon/cançon - Avinhon (França)

Qu'utilize sus scèna la lenga provençala o la lenga francesa, Guy Bonnet garda intacta son identitat. Fosic e reformista, es l'emanacion de la novèla musica occitana.

Per sas cançons, nos fa pertejar sa tendresa immensa per son païs. En refusar un modèle unenc de pensada, de cultura, de lenga, en cultivar sa diferéncia, participa a la naissénça d'un patrimòni novèl, sens pas se desseparar de sos fraires d'autras culturas. Mòstra atal que se pòt èsser a l'encòp provençal e ciutadan del mond.

Guylaine Renaud

Divèrses - Gard (França)

Etno-artista

Handmade in Occitany

Musica del mond - Vila desconeguda (XX)

Hantaoma

Punk/metal - Vila desconeguda (XX)

Una musica axada sus d'aires tradicionals e de composicions personalas. De paraulas inspiradas dels cants occitans, per faire tornar viure aqueles cançons qu'evòcan la màger part del temps las complanchas vièlhas, los mites, las recèptas de sorcellum, los racontes de velhadas, las trasfiguracions de la vida quotidiana...

Hantaoma mescla instruments electrics e acostics. Los manlèus al metal se jonhan als aires tradicionals, als passatges acostics, del mai energic al mai tradicional.

Hector boyaux

Musicas de dançar - Colomièrs (França)

Hector Boyaux, son 7 musicians de la region tolosana, rics d'una experiéncia solida del balèti, que se son recampats pel plaser de far dançar al son del violon.

De swing e de vam, los arquets ne son confles per jogar la borrèia. Mas lor musica se sap tanben far leugièra per virar valsas. Lo grop prepausa un repertòri d'aires tradicionals de Gasconha, de Lemosin, del País Basc, d'Irlanda, de Quebec... e de creacions originalas.