Henri Maquet

Cants tradicionals - Arles (França)

Hilhas deu vent

Musicas de dançar - Pavie (França)

Duas votz, duas culturas e ua enveja de partatjar, quan l'occitan encontra lo berbèr. Cançons e cants a dançar tà parlar de la vita de las hemnas de part e d'aute de la mar Mediterranèa

HiTilh

Electro/experimental - Pau (França)

Recampament de la Camecrude, del Becut e del Drac, que se desluiran de lors damnacions eternalas en gemir de sons dins una tortura deliciosa.

Lo futur e lo passat se mèsclan per doblidar lo present. Lo requiem d'un Bearn menaçant e plen de ressentiment ven de naisser. Pregatz per que lo mond li subrevisca.

Hombeline

Cants tradicionals - Mormeiron (França)

Provençala d'origina, Hombeline noirís amb sensibilitat la cançon occitana.

D'una preséncia granda sus scèna, exprimís amb justesa la potença dels cants qu'interpreta. En se daissar traversar per la simplicitat dels mots, Hombeline nos mena dins aquel espaci temps que lo profane i deven sacrat.

Hont hadeta

Musicas de dançar - Vila desconeguda (XX)

Quand la musica tradicionala rescontra lo rock, la boha flirta amb lo sintetizor, l'acordeon diatonic s'acoquina amb la batariá, guitarra e bassa s'electrisan per far naisser Hont Hadeta.

Sièis musicians que vos convidan a un viatge ont tradicion e creacion an pas pus de frontièras.

Hum

Musica del mond - Montpelhièr (França)

Huma La Craba

Musicas de dançar - Vila desconeguda (XX)

Un trio de chòc qu'interpreta lo repertòri de musica de dançar de Gasconha e a l'entorn amb un vam novèl, e integra tanben sas composicions originalas.

Sul groove de l'acordeon, se venon pausar lo swing virtuòsa de la clarineta e lo son autentic de la boha per vos faire dançar fins a l'aganiment. En plaça per la dança!

Igor

Rock/blues - Sent peir d’eiraud (França)

Igor a los pès plan enrasigats dins la cultura locala, mas sas aurelhas son resolgument viradas cap al mond entièr. Lo mescladís de sas influéncias permet d'anar al resontre de publics fòrça diferents, faire descobrir l'occitan pels un e mostrar que las musicas del mond se pòdon acordar a lors istòrias del Peirigòrd.

Tot aquò balha un mescladís de musica e de cançon que te faràn fugir los integristas de tota mena, riure los enfants e s'esmòure las mamans. Igor, es un grop virat cap a l'avenidor, destinat a totes los publics, que saupèt agradar als quebequeses, als tolosenc, e benlèu a vosautres lèu lèu.

Ij bogianen

Electro/experimental - Turin (Italia)

Jacmelina

Nòva cançon/cançon - Tolosa (França)

Jan dau Melhau

Nòva cançon/cançon - Limòtges (França)

Jan-Mari Carlotti

Nòva cançon/cançon - Vila desconeguda (XX)

Jan-Nouvè

Nòva cançon/cançon - Berre les alpes (França)

Demòran dins nòstre lengatge mediterranèu de mots que se vòlon pas perdre, que son aquí coma de remembres, gardians de nòstre passat ric. La lenga d'òc i es totjorn presenta e es en causir de la cantar que Jan-Nouvè Mabelly la perpetua, e òbra uèi per deman...

Jean-Antoine Peyrottes

Divèrses - Vila desconeguda (XX)

Jean-Bernard Plantevin

Nòva cançon/cançon - Crestet (França)

Cantaire d'expression provençala, autor compositor interprète, poèta e trobador de l'ora d'ara.

Creacions en lenga d'Òc, reviradas de cançons modèrnas en provençal, en occitan, cançons tradicionalas provençalas adobadas per far lo ligam entre tradicion e modernitat.

Joan-Frances Tisnèr

Nòva cançon/cançon - Pau (França)

Una votz singulara, una cara e un sorire que ne dison long sus l'umor que l'abita... Cançons occitanas de composicion, de la tradicion gascona, improvisacions a la votz, tamborin de còrdas, pès e acordeon...

Joan-Pau Verdier

Nòva cançon/cançon - Vila desconeguda (XX)

Joan-Pol e Joan-Loïs

Nòva cançon/cançon - Vila desconeguda (XX)

Joanda

Nòva cançon/cançon - Besièrs (França)

Sortit de Lengadòc, es plan naturalament en occitan que Joanda a causit de compausar e d’exprimir sos sentits. Per aquò far, mescla los instruments contemporanèus amb los instruments mai tradicionals occitans coma la viòla de ròda, la bodega (de la montanha negra), lo saltèri, las flaütas…

José Roux

Musicas de dançar - Vila desconeguda (XX)

Kaïna

Cants tradicionals - Marsilha (França)

Kat ça-i

Musicas de dançar - Pau (França)

KKC Orchestra & CPC

- Vila desconeguda (XX)

KKC Orchestra e lo Collectiu Passatges en Coserans presentan un projècte novèl de creacion e de collaboracion artistica. Un rencontre entre hip hop e musicas tradicionalas que s'apièja sus de melodias e de las « riffs » del patrimòni musical per bastir una musica singulara, agachant lo passat, projectant lo futur mas prigondament enrasigada dins lo present.

Komred

Musicas de dançar - Saint bonnet près riom (França)

Aqueles cinc joves musicians descobriguèron d'ora amassa la musica e las danças tradicionalas auvernhatas al Gamounet, en cò de "Les Brayauds". Totjorn al servici del dançaire, un trabalh ric d'arrengaments utiliza pel melhor los timbres e sonoritats dels diferents instruments. Las borrèias e autras musicas tradicionalas son fabrejadas, digeridas e coloradas dins lo respècte de l'estile, del frasat e de la cadéncia. Portant a aquel repertòri ric local lors composicions pròprias, los musicians de Komred prepausan un bal auvernhat energic e vivent, amb coma fial conductor la borrèia a tres temps.

Kunta kinté

Musica del mond - Montpelhièr (França)

Per un repertòri cantat en wolof, francés, anglés, occitan e lengas tradicionalas de Senegal, Kunta Kinte pòrta al M'balax (musica senegalesa) una dimension internacionala e crèa una musica d'una riquesa granda que lo cant i a una plaça de tria.

Mescla amb bonur ritmes e voses. Sus una ritmica fòrça senegalesa, s'unisson las voses gravas del blues e negro-spiritual african a las voses agudas dels cants saelians.

Es l'ententa perfièita entre voses, percussions e instruments modèrns: l'imatge de l'Africa modèrna virada cap a l'avenidor que nos fa viure Kunta Kinte.

L'eglantino do Lemouzi

Musicas de dançar - Limoges (França)

Grop folcloric lemosin

La base duo

Musicas de dançar - Vila desconeguda (XX)

Joachim Montbord :cuatro, boha, tamborn, cant
Didier Oliver : violons, boha, flautes, cant

La BELUGA !

Eslam/rap - Vila desconeguda (XX)

Es la rescontra de la musica acostica, tradicionala amb la musica electro. La Beluga, es lo fuòc que las trobairises nos fan passar dins lors tèxtes, poësias bolhentas de desirança , de colèra, de dolor, de revendicacion. Après aver traversat uèit sègles, aquestes vèrs cantats e slamats, son esclairats per la musica autentica e novairitz del grop. Es compausat de Céline Mistral, Fred Montels e Frank Lepagnol.

La Cleda

Musicas de dançar - Le puy en velay (França)

Basile Brémaud / violon & cant
Matèu Baudoin / violon, tamborin a cordas, pandero & cant
Yann Gourdon / sansònha
Nicolas Rouzier / chabreta & cant
La Cleda es un ancian secador per las castanhas, un luòc que i eran enfumadas per las conservar. Uèi lo bastiment a cambiat de vocacion : l'utilizam coma refugi, coma abric per elaborar nòstre discors musical. Venèm de Bearn, d'Auvernha, de Lemousin e de Cevenas, aquel luòc servís de punt de recampament per ligar las nòstras expressions. Al delà de las identitas formalas de las nòstras musicas, es la relacion qu'avèm amb elas que fonda la nòstra comunautat musicala. Nos engatjam a exprimir tota l'intensitat poetica e sonora presenta dins la matèria musicala tradicionala.

La Compagnie X

Musica del mond - Arles (França)

Inspirada pel coble minimalista tamborns e vents, emblematica de la màger part de las fèstas tradicionalas, la Compagnie X inventa una musica per un collectiu festiu e novator de uèit musicians-cantaires.

Crosan musicas mediterranèas e afro-brasilencas, e lor repertòri prepausa composicions originalas e tèmas tradicionals desempolsats. Mèsclan sens complèxe autbòis rustics, còr polifonic, voses a l'unisson... a l'energia incontestabla de las percussions afro-brasilencas.

Grailhes, autbòis lengadocians, conques, marinas, picadís obsessiu dels qarqabas o encara cants arabs, occitans o brasilencs ressonan coma dins un pairòl grand a las sonoritats urbanas.

Lo public es lèu emportat per aquela transa e aquel vam tan contagioses coma efficaces.