Filtrar los resultats
La confrérie des souffleurs
Musicas de dançar - Tolosa (França)
Compausat per sèt jogaires de bohas e un percussionista, l'ensemble practica una musica tradicionala regda enrasigada dins la cultura occitana, mas dins d'autras tanben.
Es la volontat d'unir las bohas que los anima, e quand los canèls son plan brancats, un vent novèl envasís las planas e los monts dels Pirenèus. Aqueles aires ancians o de composicion recenta barrejan tot sus lor passatge, alara, se pòdon escotar saviament o quilhat a dançar una valse, un rondèu, una mazurka.
La Cosconilha
Musicas de dançar - Besièrs (França)
La Fabrique
Cants tradicionals - Aude (França)
La fanfare du Minervois
Fanfaras/espectacle de carrièra - Peiriac de menerbés (França)
La fanfareta
Fanfaras/espectacle de carrièra - Aude (França)
La Fanfareta es una pichòta fanfara mas es mai qu'aquò: es un art de viure dins la cultura lengadociana.
Ofrisson un mescladís original entre las generacions, las originas e los intruments per una musica destinada a l'animacion de carrièra: aires de farandòlas e de buffòlis, aires de dançar, del carnaval lengadocian, sens doblidar aires eissuts de la tradicion prigonda.
Aqueles aires tradicionals son presentats amb d'arrengaments originals, que daissan perçar las originas culturalas divèrses dels musicians del grop, per prepausar una musica divèrsa mas representativa del biais de viure lengadocian.
La Ferigouleto
Musicas de dançar - Castèurainard (França)
Fòrta de sas 25 annadas d'experiéncia dins l'animacion de balèti, La Ferigouleto mescla musica tradicionala e modernitat. Sa programacion es variada e se limita pas a la musica d'una region o d'un país.
D'inspiracion provençala, los musicians maridan d'instruments tradicionals als instruments modèrnes, e 4 a 10 musicians pòdon èsser associats segon los besonhs. Un animator es tanben aquí per explicar las danças.
La Forcelle
Musicas de dançar - Dardenac (França)
Aqueth duo de bal de Gasconha que'vs mia tà un bal marcat de tradicion e de creacion. Que's poderé pensar que tot ei estat hèit dens lo registre duo acordeon-vriolon. Desfís relevat !
Un fons de musica sensibla, dus musicians en simbiòsi, ua energia estrambordada, drin d'umor, d'amor e de delicatessa... Aquò que son los ingredients de l'alquimia que liga lo duo, avide de partatge amb los dançaires, los melomanes e los simples curiós.
La leçon de solexcitant
Fanfaras/espectacle de carrièra - Sench astier (França)
Espectacle de carrièra qu'associa la musica amplificada, la lenga occitana e lo teatre de carrièra.
Los fraires Citano an inventat un metòde pedagogic revolicionari per aprene la lenga occitana. Per pròva, lo brevet d'aquel dispositiu pedagogic depausat per Doc e Rock Citano es a mand d'èsser tornat crompar per de cercaires americans.
La Mal coiffée
Polifonias/còrs - Aude (França)
Quatre voses de femnas, quand lo cant popular rescontre la carn e torna prene son alen.
Amb sas polifonias, La Mal Coiffée s'apodera lo timbre de votz lengadocian. Timbre istoric ligat intimament a la lenga occitana d'aquel mond que vivon, trabalhan, charran... Lo grop se farga atal un son de còr compacte que percutís e comunica l'enveja furiosa de cantar.
La Malinteisa
Espectacle folcloric - Demonte (Italia)
La Malinteisa foguèt fondada en 1956 dins la tòca d'executar cants tradicionals de las Valladas Alpinas a l'escasença de fèstas e sacres. A l'ora d'ara, la Malinteisa participa a mantuna manifestacion en Itàlia e en defòra e anima las fèstas en entraïnar lo public.
La Mesquia
Musicas de dançar - Cuneo (Italia)
La Meute Rieuse
Divèrses - Capestanh (França)
Es l'escòla de la carrièra e lo conservatòri que se rescontran, que crèan e que s'equilibran.
La Meute Rieuse mescla aquelas influéncias de musica del mond, dels sons e de las maquinas amb l'aspècte de la cançon francesa tradicionala.
La Nilha
Musicas de dançar - Besièrs (França)
La Nilha pren lo relai de Cosconilha!
Balèti força 10 e formacion mai sarrada a l'entorn de Didier Vialle, Daniel Gonzales, Pierre Garau et Serge Boyer.
La Novem
Cants tradicionals - Pirenèus Atlantics (França)
Los espectacles de La Novem son un mescladís de cants de tradicion polifonica e de creacions contemporanèas inspiradas per la tradicion.</p><p>Las colors dels costums e de las voses s'associan als movements dels còrs per crear un luòc viu.
La mesa en espectacle fa tornar naisser sus scèna la jòia, lo regret, l'esper, l'umor, l'amor e la vida.
La Péiro Douso
Musicas de dançar - Torino (Italia)
En utilizar d'instruments tipics de mantun estile, La Péiro Douso se balha l'objectiu de tornar interpretar dins un biais personal e modèrn la musica occitana, qu'es solidament ligada a sas originas, mas qu'evolua dinamicament per agradar a cada generacion e als gosts de cadun.
La pèla e lo calamèu
Cants tradicionals - Nimes (França)
La Saltarelle
Espectacle folcloric - Castras (França)
La Saltarelle prepausa un repertòri de danças, musicas e cants dels sègles XVI e XVII dins l'Euròpa de la Renaissença.
La tropa es compausada d'un quinzenat de dançaires, d'un ensemble de musicians que jògan sus de còpias d'instruments d'epòca e d'un ensemble vocal. Los costums son inspirats dels de las corres d' l'epòca.
La Sauze
Nòva cançon/cançon - Aude (França)
La Sòfia
Musicas de dançar - Eissalabra (França)
Aquela musiciana arribèt dins Auda en 1980 en saber qu'èra lo país dels trobadors e lo de la bodega, que se disiá qu'èra quicòm d'arcaïc e limitat. A agut lo còp de còr per aquel instrument d'aparéncia rustica qu'a sonoritats a l'encòp potentas, caudas e emmascantas.
Ara la bodega es vertdièrament reviscolada e podèm vèire la Sòfia dins mantunas associacions o manifestacions que tòcan aquel intrument.
La Solorma
Polifonias/còrs - Autrans (França)
Un assortiment de cants del mond als perfums multiples e relevats per un mescladís armonic ric en savors.
La Talvera
Musicas de dançar - Còrdas (França)
Es un grop de musica occitana mas tanben inclassificabla e bigarrada. Pas ragga ni world, pas exclusivament tradicional, es emprentada de sos rescontres amb los musicians del Massilia Sound System mas tanben los curreiros brasilians e autres musicians trad.
Occitana, doncas, mas totjorn dins una dobertura sul mond. La musica de La Talvera demòra ancorada dins la tradicion mas crèa de ligams dins lo contemporanèu e entre los continent, las epòcas...
La tireta duberta
Polifonias/còrs - Vila desconeguda (XX)
La Tireta Duberta es un grop vocal occitan de l'Union Occitane Camille Chabaneau que prepausa amb convivialitat e umor concerts vocals per descobrir lo repertòri tradicional mesclat amb de cants contemporanèus eclectics e exigents.
La Vesina
Musicas de dançar - Vila desconeguda (XX)
Mélanie Brelaud Clément Rousse Adrien Villeneuve
Laids crétins des Alpes
Punk/metal - Lauris (França)
Lambrusc
Cants tradicionals - Vila desconeguda (XX)
Lambrusquèra
Polifonias/còrs - Monenh (França)
Lambrusquèra, es un grop polifonic de cants sustot tradicionals dels Pirenèus, mas tanben ne cantan d'autres. A la debuta, lo grop èra una vièlha amistat de licèu, mas son ara un detzenat entre 26 e 41 ans.
LamZé
Musicas de dançar - Clermont ferrand (França)
Un duo de còrdas e lamas, un quatuor de pès, nascut en 2008 del rescontre entre un gascon e una auvernhata.
Prigondament marcats per las musicas e danças eissuts de las tradicions de lors regions, ofrisson un balèti cadenciat, contrastat, amb sonoritats francas, que s'i pòt solfinar l'arma de menestrèrs ancians o de violonaires artensièrs.
Landiridi
Cants tradicionals - Braçac (França)
Posant a la sorsa del cant tradicional occitan, Landiridi s'incriu dins una estetica contemporanèa per son interpretacion, sa recèrca instrumentala e las plajas d'improvisacion dins las tres disciplinas artisticas abordadas: cant, guitarra e dança.
Las Belutas dau Canto
Espectacle folcloric - Moissídan (França)
Aquel grop de Mussidan, dempuèi mai de 25 ans, contunha las tradicions del Peiregòrd . Danças, cants e musica del Peiregòrd.
Las Mondinas
Polifonias/còrs - Tolosa (França)
Las Mondinas son un grop de tres femnas que se son rescontradas en 2008 dins la ciutat de Raimon IV de Tolosa. An causit un nom istoric e poëtic per s'amassar a l'entorn de la passion del cant tradicional polifonic. Lo grop s'interèssa al repertòri de l'Occitània tota, mas principalament als cants bigordans e biarnéses