A Bordèu que i a nau damas,
Pomas, arrasims, higas e castanhas,
Tan bien dançan au vriulon,
Pomas, arrasims, higas …

Legir tot

A Bordèu que i a nau damas,
Pomas, arrasims, higas e castanhas,
Tan bien dançan au vriulon,
Pomas, arrasims, higas e melons.

A Bordèu que i a ueit damas....

A l’aubèrja de Maria
Que i a vin entà’s pintar
A l’aubèrja de Maria
Que s’i pòd tot desbrembar

Dens …

Legir tot

A l’aubèrja de Maria
Que i a vin entà’s pintar
A l’aubèrja de Maria
Que s’i pòd tot desbrembar

Dens lo còr de la Marion
Que ns’i vam negar la misèria
Dens lo còr de la Marion
Jo qu’èi trobat ua cançon

A l’aubèrja de Maria
Que i a monde entà plorar
A l’auberjà de Maria
Que i a monde entà cantar

A l’aubèrja de Maria
Que i a monde hèra plan
A l’aubèrja de Maria
Sòrten pas que tà pishar

A l’aubèrja de Maria
N’i a pas nat entà’t jutjar
A l’aubèrja de Maria
N’i a pas nat tà’t perdonar

A l’aubèrja de Maria
Jo qu’i tornerèi doman
Dens los uelhs de la Maria
Que i a huèc entà’s cauhar

A nueit hèsta de Nadau,
E qu’èm en vacanças,
Nosauts qu’èm contents atau,
E plens d’esperança,
A viste doman matin, …

Legir tot

A nueit hèsta de Nadau,
E qu’èm en vacanças,
Nosauts qu’èm contents atau,
E plens d’esperança,
A viste doman matin,
Tà véder au pè deu sapin,
Lo petit paquet,
Lo de pairolet,
Ah, quina escadença,
Quina benhaurença!

Que demora dens lo cèu,
Dessus ua estela,
Que vola capvath la nèu,
Lo sac sus la rea,
Que passerà dens la nueit,
Jo que serèi dens lo lhèit,
Tà portar joguets,
A tots los poquets,
Ah, quina escadença,
Quina benhaurença!

Tot embarrat dens ma lapinèra
Non coneishi pas lo men vesin
On son ma tèrra e mos amics
A nuèit …

Legir tot

Tot embarrat dens ma lapinèra
Non coneishi pas lo men vesin
On son ma tèrra e mos amics
A nuèit que’t vau cantar
O mon país

Que sèi tostemps lo nom de las penas
Que sèi lo nom de tots los camins
Que’us vei enqüèra au hons deu vin
A nuèit que’t vau cantar
O mon país

Dens la nuèit que t’èi cercada Aneta
M’as deishat au còr la flor deu lin
Darèi ma letra a l’arcolin
A nuèit que’t vau cantar
O mon país

Amics si vedetz la mair per casa
Digatz-li que soi urós ací
Que son hilh canta sos sovenirs
A nuèit que’t vau cantar
O mon país

A la prima totstemps, lo mèu còr pataqueja,
Quan floreish lo bròc blanc, que soi embriagat,
Tròp beròia tà jo …

Legir tot

A la prima totstemps, lo mèu còr pataqueja,
Quan floreish lo bròc blanc, que soi embriagat,
Tròp beròia tà jo n’èi pas jamei gausat
Envitar sons quinze ans darrèr la bòrda vielha.

E saurés, tu lo vent,
Si passa lo cap au finestron,
A l’entorn deu son còr anar sonar l’aubeda,
E saurés, tu lo vent,
Tu qui cantas tan beròi l’amor,
Cridar lo mèu seret per totas las contradas.

Aquiu despuish mila ans que iei doça l’erbeta,
Un pomèr que l’escón sonque taus amorós,
Que ns’i serem cochats shens deranjar las flors,
E deilhèu desvelhats paur arrais de l’aubeta.

Qu’èi tant marchat solet per devath l’estellada,
Lo huec dehens lo còs, d’aver trop saunejat,
Son imatge que l’èi tostemps au hons deu cap,
Que luseish com un só qui a trobat la matiada.

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei …

Legir tot

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei tornat.
Val d’Aran, cap de Gasconha,
Luenh de tu, que’m cau partir,
Val d’Aran, cap de Garona,
Luenh de tu, que’m vau morir.
Era passejada, un ser d’estiu,
E com te va ? adiu, adiu !
Un tròç de pan, un còp de vin,
Parlar deth temps, damb eth vesin.

Es cueires luden sus eth bufet,
Totis es records ena paret,
Non se pot estancar eth temps,
Mès Aranés, tostemp, tostemp.

Tornar a pujar enquià era nhèu,
Un darrèr còp eth cap en cèu,
Setiat dessús eth gran calhau,
Guardar eth sorelh en gran portau.

Companhs de Les e de Bossòst,
De Salardú, de Vilamòs,
Brembatz-vo’n plan deth praube Joan
Qui a estimat tant era val d’Aran.

Ah ! Que l’amour est agréable,
Quand on sait bien le ménager,
J’aime l’amour et la tendresse,
J’aime la joie, …

Legir tot

Ah ! Que l’amour est agréable,
Quand on sait bien le ménager,
J’aime l’amour et la tendresse,
J’aime la joie,
J’aime les yeux de ma maîtresse,
Quand je la vois.

Par un beau jour, elle est partie,
Je ne sais où elle est allée,
J’ai parcouru de ville en ville,
Pour la chercher,
Je l’ai trouvée dans sa chambrette,
Seule à pleurer.

Tout doucement, m’approchant d’elle,
Lui racontant mille tourments,
Lui demandant son cœur en gage,
Pour un moment,
Vous ne l’aurez qu’en mariage,
Pas autrement.

En mariage, ô, ma mignonne,
En mariage, n’en parlons pas,
Quoique tu sois jeune et jolie,
Je ne dis pas,
Mais tu n’es pas fille assez riche,
Voilà pourquoi.

Demain matin, je pars aux Indes,
Ma mignonnette, y viendras tu ?
Oh que non, non, répondit-elle,
Je n’irais pas,
Car tout garçon qui part aux Indes
N’en revient pas.

Quand le garçon fut dans les Indes,
Tomba malade, prêt à mourir,
Apportez moi sur cette table,
Du papier blanc,
C’est pour écrire à ma maîtresse,
A mes parents.

Quand la belle reçut la lettre,
Grand mal au cœur lui est arrivé.
Que le Bon Dieu lui fasse grâce
De revenir,
Et nous nous marierons ensemble
A l’avenir.

Alauseta, ma miga, on as bastit lo nid ?
Mon nid qu’ei a la tèrra on se hèn pan e …

Legir tot

Alauseta, ma miga, on as bastit lo nid ?
Mon nid qu’ei a la tèrra on se hèn pan e vin

Lo ventploi qu’ei sus Aspa
Lo ventploi qu’ei sus Aussau
E n’ei pas de malastre
Si lo Biarn ei malaut

Alauseta ma miga, que’ns va caler partir
Coneishi la magrèra mès vòli pas morir

Lo nèuploi qu’ei sus Aspa
Lo nèuploi qu’ei sus Aussau
E n’ei pas de malastre
Si lo Biarn ei malaut

Alauseta ma miga, que’ns cau lhevar matin
Veiràs ma renavida mès long qu’ei lo camin

Lo printemps qu’ei sus Aspa
Lo printemps qu’ei sus Aussau
Lo printemps qu’ei sus Aspa
M’espèran a l’ostau

Eh ! los amics de la shuqueta
Dab lo Bon Diu que triqueram
Los qui n’an pas bevut qu’aigueta
Entà …

Legir tot

Eh ! los amics de la shuqueta
Dab lo Bon Diu que triqueram
Los qui n’an pas bevut qu’aigueta
Entà l’in.hèrn se n’aneràn.

Mès quant Sent Pièra
Obrirà la grana portièra
Que’u diseram
Ca’i, ça’i gorman
Béver lo vin blanc

E vos tanben pairs de familha
Qui vos trufatz de har l’amor
Ca-vietz ací har la manilha
E béver drin deu vin deu bon

E vos tanben hemnas vielhòtas
Qui hialatz au cornet deu huec
Que siatz praubas o devòtas
Qu’aimatz a béver lo vin sec.

E vos tanben las gojatetas
Qui avetz aus pòts l’arridolet
Tà començar las amoretas
Ca-vietz ací béver lo borret.

Mès quan Sent Pièra...

Antoena s’aperava
Que parlava aus ausèths
Los arrams de la seuva
Qu’èran lo son castèth
E mei d’ua bergèra
Per …

Legir tot

Antoena s’aperava
Que parlava aus ausèths
Los arrams de la seuva
Qu’èran lo son castèth
E mei d’ua bergèra
Per la bèra sason
Qu’anà tà la heuguèra
Escotar sa cançon.
Pacant shense familha
N’avè pas qu’un sol hrair
Son hrair qu’èra son aso
Qui’u hasè lo tribalh.

Atau que’s passejava
Dab lo bonet suu cap
Lo cap dens las estelas
Estelas dens lo cap.
Que sabè força istòrias
Istòrias d’autes cops
Coneishè pas la glèisa
Ni l’escòla tanpauc.
Lo monde que’u disèvan :
« I a Bon Diu Tot-un »
Mes eth que’n vedè quate
Quan èra hart penut.

Un dia qu’arguèitava
Las poras deu vesin
S’amassà dens la cara
Maishant còp de fesilh.
Entà son darrèr viatge
Lo vesin i èra pas
Que i avè sonque l’aso
E las flors deu varat.
Mes las hadas de noste
Que disen qu’autanlèu
l’aso cargà son amna
Pujèn de-cap au cèu.

I avè pas fòrça monde
Au som deu paradís,
Mes despuish lo San Pèire
S’a trobat un amic.
Que son tots dus sus l’aso
La botelha a la man
Cridan de lèdas causas
E pishan suu lugran
Se trobatz mon istòria
Shense moralitat,
La dis : vertadièra
Mon conte es acabat.

Point de plaisir, point de bonheur,
J e viens de perdre Polonie,
Elle m’avait promis de me donner son cœur, …

Legir tot

Point de plaisir, point de bonheur,
J e viens de perdre Polonie,
Elle m’avait promis de me donner son cœur,
De me chérir toute sa vie.

Quatre chevaux sans postillon,
Sont partis chercher Polonie,
Et moi j’ai par couru collines et vallons,
Sans jamais trouver Polonie.

Dans un jardin bien délicieux,
Là où il y a une fleur jolie,
Où le soleil brillant rayonne tout autour,
Brille la fleur de Polonie.

Arron d’aimar, quauque còp que saunegi
A mar granas de nèu, aus navius negats,
Aus arríders gaujós, au dia qui …

Legir tot

Arron d’aimar, quauque còp que saunegi
A mar granas de nèu, aus navius negats,
Aus arríders gaujós, au dia qui punteja
Au dessus d’un camin qui non s’acaba pas.

Repic :
Que t’aimi, pra’mor deu temps qui acaças,
Que t’aimi, per la nèu e lo huec,
Que t’aimi, caminaram amassas,
Que t’aimi, per l’aiga o l’eslambrec.

La frinèsta qu’ei ubèrta, e la lua que’t bailina,
E tu que vas dromir, ton cap s’ei amagat,
Per delà lo plaser, e la tendressa engalina,
Jo qu’espii ton còs, ne’u gausi pas tocar.

Arron d’aimar, quauque còp que saunegi
Que lo vent nos a miats capsús los crums negrós,
Hens un país shens fin, on dab tu me passegi,
On lo monde perdonan aus qui s’aiman, urós.

Aspa vòu viver, Aspa vòu viver !
A maugrat deus chuca-sang ;
Los Aspés tornaràn víver
En Biarnés, en Occitans …

Legir tot

Aspa vòu viver, Aspa vòu viver !
A maugrat deus chuca-sang ;
Los Aspés tornaràn víver
En Biarnés, en Occitans !

Qu’éra urosa, que cantava
La vath d’Aspa mon país.
Viste-hèit que l’an vueitada
Tot que se’n va tà París.
Entà s’atraçar la biòca
Los joens qu’an deishat l’ostau :
Servir de vailets, dar còca
Aus pacants deu capitau.

Dias a, que tremolava
Lo vielh pont de l’Estanguet ;
Puish un dia, hens lo gave,
Tròç e trancs, tot s’arronsèc.
La montanha que plorava
Despuish Escòt au Sompòrt
Lo trin qui adès pujava
La vath dab tant d’estrambòrd.

Arrehà’u, lo pont ! Que dises ?
Taus Biarnés i a pas nat sòu !
Montanholàs, vòs arriser !
Lo metrò deficitari !
Aquò t’arregarda pas !
Paga impaus, baisha la cara !
Sinon que’t fotem suu nas !

Nès un dia d’amarumi,
Tredze maires harts de mau
Qui n’au pas paur a la bruma
Que barrèn lo caminau.
Tot lo dia los gendarmas
Miacèn pastors e paisans,
Mès arren n’ç hèn las armas
Quan lo pòple a pas mei pan.

Qu’arreharam pont e linha
Qu’at volhas, qu’at volhas pas.
Se non vòs pas dà’ns moneda
Que’ns demoran nostas mans.
Uei qu’ei a còp de guitarra,
Pastor, t’avem pro cantat :
Doman tots a còps de barra,
Cantaram ta libertat.

Au bord d’une fontaine,
La belle s’y reposait,
Un berger de la plaine,
Près d’elle vint se poser,
Qui chantait, …

Legir tot

Au bord d’une fontaine,
La belle s’y reposait,
Un berger de la plaine,
Près d’elle vint se poser,
Qui chantait, qui disait,
Oh qu’il est doux,
Que d’être auprès de vous

Vous êtes belle et blonde,
Vous avez les yeux doux,
Vous charmez tout le monde,
Vous les rendez jaloux,
Mes amis mes amours,
Oh, mes amours,
Mon cœur est tout à vous.

Dans tout le voisinage,
Tout le monde me dit,
Que vous êtes volage,
Sujette au changement,
Mon ami, mon amant,
Vous êtes inconstant.

Laissez dire le monde,
Ma charmante Clary,
Ce n’est que la malice,
Qui les fait tant parler,
Souriez, souriez,
Oh souriez,
Mon aimable beauté.

Son partits per un matin de garba
Cap au sud, la calor, lo sorelh,
Qu’an deishat lo can au pè …

Legir tot

Son partits per un matin de garba
Cap au sud, la calor, lo sorelh,
Qu’an deishat lo can au pè d’un arbo
L’an deishat, qu’an dit qu’èra trop vièlh
Tot solet enter la vila e la mar
Sonque ua còrda, dab un can au cap.

Compren pas, a pas inteligéncia
L’an canviat en-per drin de desbrom,
Ne’u demora que la sovenença
De tendressa e de la patz deu som.
Tot solet enter la vila e la mar
Sonque ua còrda, dab l’amor au cap.

Laira, laira e arrès non s’estanga
Sap pas quina fauta e’u cau expiar,
E maudís, presonèr de sa branca
Aqueths uèlhs qui non volen espiar.
Tot solet enter la vila e la mar
Sonque ua còrda, canhaulets au cap.

Se non i avè mei que maudolença
Seré pro dab un còp de fusilh.
Vos demandi shense mauvolença
A qui daretz lo còp de fusilh
Tot solet enter la vila e la mar
Sonque ua còrda, dab la mòrt au cap.

La darrèra nuèit, que s’ei desvelhat
E que m’a dit : « Puna’m, vèn,
Puna’m, me’n vau... »
Qu’ei partit, …

Legir tot

La darrèra nuèit, que s’ei desvelhat
E que m’a dit : « Puna’m, vèn,
Puna’m, me’n vau... »
Qu’ei partit, e puish, un gran silenci...
N’avem pas avut cap de dròlle.
Lhèu qu’ei plan atau...
Que demoran sonque tots aqueths dias,
Dias e dias passats darrèr la montanha
Que l’autan s’a escobat.
Los dias e tanben la bailina de l’aiga
Sus las pèiras.
Tota aquera vita, tot aqueth camin...
E ara... e ara... que cau qu’ani cercar
Lenha, lo huèc que’s va estupar.

En país de Vilafranca,
Que s’i lhevèn per milièrs,
Contra lo gran rei de França,
En mila sheis cents quaranta …

Legir tot

En país de Vilafranca,
Que s’i lhevèn per milièrs,
Contra lo gran rei de França,
En mila sheis cents quaranta tres.

Mes òc, praubòt, mes òc praubòt,
En mila sheis cents quaranta tres.

Entà har guèrra a la talha,
Qu’avèn causit tres capdaus,
L’un Laforca, l’aute Lapalha,
Joan Petit qu’èra lo tresau.

Mes òc, praubòt, mes òc, praubòt,
Joan Petit qu’èra lo tresau.

Per tota l’Occitania,
Que’us aperavan crocants,
N’avèn per tota causida,
Que la misèria o la sang.

Mes òc praubòt, mes òc praubòt,
Que la misèria o la sang.
E qu’eston per tròp d’ahida
Venuts per los capulats,
Eths que vivèn de trahida,
Çò qui n’a pas jamei cambiat.

Mes òc praubòt, mes òc praubòt,
Çò qui n’a pas jamei cambiat.

Que’us hiquèn dessús l’arròda,
E que’us croishin tots los òs,
D’aqueth temps qu’èra la mòda
De’s morir atau tròç a tròç.

Mes òc praubòt, mes òc praubòt,
De’s morir atau, tròç a tròç.

E qu’estó ua triste dança,
Dab la cama, e lo pè, e lo dit,
Atau per lo rei de França,
Atau que dancè Joan Petit.

Mes òc praubòt, mes òc praubòt,
Atau que dançè Joan petit.

E l’istuèra qu’a hèit son viatge,
Qu’a pres camin de cançon,
Camin de ronda taus mainatges,
Mes uei que sabem, tu e jo.

Mes òc praubòt, mes òc praubòt,
Mes uei que sabem, tu e jo

Estade de Santiago de Chile, 1973...

Que s’aperava Victòr Jarà...

Qu’èra cantador...

Reconeishon Victor Jarà,
Que’u copèn las duas mans, …

Legir tot

Estade de Santiago de Chile, 1973...

Que s’aperava Victòr Jarà...

Qu’èra cantador...

Reconeishon Victor Jarà,
Que’u copèn las duas mans,
Que’u digón : « Viam adara,
Corau tà cantar s’auràs? »

Repic :
Victòr Jarà, Victòr Jarà, Victòr Jarà...

Cap aus fesilhs, shens empara,
Tanlèu retrenic ton cant,
Los mots shisclèn a lor cara,
Escriuts dab letras de sang.

Milèrs de votz sus l’estade
Se gahèn a l’arrepic,
Lavetz los soldats d’aviada,
Que se te’n mièn entau pic.

L’òrdi règna suu silenci,
Suu silenci sang-plapat,
Los fesilhs qu’an tuat l’òmi,
Mes son cant s’ei escapat.

Ca-vietz audir joenessa
La planhta deus vetèths
Que jo n’èi gran tristessa
De’us véder presonèrs.

La libertat qu’ei bèra
E …

Legir tot

Ca-vietz audir joenessa
La planhta deus vetèths
Que jo n’èi gran tristessa
De’us véder presonèrs.

La libertat qu’ei bèra
E la lutz deu bon Diu
A jo m’an dit de qu’èra
Entà tot çò que viu.

Sarrats dens ua cauja
Shens se poder mudar
Shens conéisher la maire
Ni l’aulor deu mentràs.

Tot lo dia que ploran
Dab uèlhs desesperats
A jo m’an dit de qu’èra
Aquò un gran pecat.

No saben la montanha
Ni l’èrba deu pradolh
E n’audeishen deu Gave
Lo briu plen de gorgolhs

De la tèrra mairana
Que son desarrigats
A jo m’an dit de qu’èra
Gran dòu e gran pieitat.

T’à tirar d’esclavatge
Nostes hrairs los vetèths
Trencar loas estacas
Qu’ei hèit quate coplets.

La libertat qu’èi bèra
E jo que voi cridar
Permor que m’an dit qu’èra
Un dret de la guardar.

Be n’èi ua gran tristessa
Be n’èi ua gran tristessa, aulhèr,
Era se n’ei anada,
A jo me’n sab mau …

Legir tot

Be n’èi ua gran tristessa
Be n’èi ua gran tristessa, aulhèr,
Era se n’ei anada,
A jo me’n sab mau lo còr,
He, he, he, he hò...
A jo me’n sab mau lo còr.

Per tota la montanhada,
Per tota la montanhada, aulhèr,
La nèu non n’ei tan blanca,
E los ausèths que m’an páur,
He, he, he, he hò...
E los ausèths que m’an páur.

Mon Diu ! Quina sofrença,
Mon Diu ! Quina sofrença, aulhèr,
Tant la nueit com lo dia,
Solet autan com un hòu,
He, he, he, he hò...
Solet autan com un hòu.

Non la tornarèi véder,
Non la tornarèi véder, aulhèr,
De la vita sancèra,
Jo que’n portarèi lo dòu,
He, he, he, he hò...
Jo que’n portarèi lo dòu.

Que soi de per delà la mar grana,
Qu’ei lo pais deu rock e deu rap,
Tu que pudes drin …

Legir tot

Que soi de per delà la mar grana,
Qu’ei lo pais deu rock e deu rap,
Tu que pudes drin trop a la craba,
Los corbaishs que se’n viran lo cap.

Repic :
La garona,
Shens vergonha,
Que se’n fot, que se’n va tà Bordèu,
Sona, sona, la Gasconha,
Que s’a desbrembat lo rondèu.

-Lhèu qu’arribas de las Americas,
Tu qui n’as pas ni popas, ni cuu,
Mès non seràs pas tan electrica,
Lo dia qui’t van copar lo jus.

-Dab tu, que soi contenta deu viatge,
Qu’ès tostemps o trop baish o trop haut,
Que’t cau tres oras tà l’acordatge,
Lo reste deu temps a jogar faus.

-Si vos jogar dehens la carrèra,
Que’t cau tirar cent mètras de hiu,
Un vailet tà tirar la bramèra,
Quan arribas qu’ei tà diser" Adiu

E tic tac, e tic tac,
Qu’ei l’òra de partir
E tic tac, e tic tac,
Qu’ei la crotz deus …

Legir tot

E tic tac, e tic tac,
Qu’ei l’òra de partir
E tic tac, e tic tac,
Qu’ei la crotz deus camins,
Que te’n vas e donc adiu,
Que’t vam seguir dincau portau,
Lo hat que segueish lo briu,
E atau qu’ei e qu’ei atau.

Quan la mair ved partir
Lo darrèr deus sons hilhs,
Qui se’n va, com l’ausèth,
Non sab tà quin país,
Qu’ei tristèr, qu’ei doçor,
Un drin com un ser de Nadau,
Quan ei doça la dolor,
E atau qu’ei e qu’ei atau.

Hens l’eslama deu huec,
Tostemps que’t vederèi,
Hens la cançon deu vent,
Tostemps que t’escotarèi,
E adiu, ‘cò batlèu,
Sus un aute caminau,
Devath un aute sorelh,
E atau qu’ei e qu’ei atau.

E amics, escotatz
Que’vs vau parlar drin d’era
Que’vs vau díser l’istuèra
De la qui m’a quitat
En pujant hens …

Legir tot

E amics, escotatz
Que’vs vau parlar drin d’era
Que’vs vau díser l’istuèra
De la qui m’a quitat
En pujant hens los ueus
Tanlèu que l’èi espiada
La lutz s’ei alucada
Hens lo blu deu sons uelhs

Repic :
Que nèva sus l’Aussau
E lo còr qu’em hè mau
Que serèi a jamei, jamei... malurós
Que nèva sus l’Aussau
E doman qu’ei Nadau
Mes on ei lo sorelh, sorelh... de mas amors

Qu’entrè au pinchacuu
Tant beròja e tant fièra
Ne n’avoi pas ta hèra
Tà la miar tà l’escur
Que’u hasoi lo serment
De qu’èra la purmèra
Que’m sovieni enqüera
Que’m sovieni tostemps

Qu’estó longa la nueit
Tà dus còs qui holejan
Devant le chemineia
A l’acès deu men teit
E jo quan a cridat
Jo lo vielh solitari
Jo libre com un sarri
Que n’èi per Diu plorat.

Que soi desconsolat
Dinc au prochen estagi
Tau prochen arribatge
E serèi en estat ?
Tad aquera cançon
Que cau aver ganurra
B’a donc la vita dura
Lo praube monitor !

Cantem los qu’après las guèrras
An sabut bastir la patz,
E avalit las termièras,
Las parets, los barbelats.
Que sauvaram …

Legir tot

Cantem los qu’après las guèrras
An sabut bastir la patz,
E avalit las termièras,
Las parets, los barbelats.
Que sauvaram la nosta tèrra,
Si nos volem téner la man,
E trobar la fe navèra
Qui nse miarà tà doman.

Tà deféner la frairèra,
Tant d’òmis que son tombats,
Mes au miei de la horrèra,
Autes que se son quilhats.
Seguim los sus aquera via,
Qu’avem au còr l’esper navèth,
De véder paréisher l’auba,
L’auba d’un monde mei bèth.

Que tots los pòbles s’amassen,
Tà servar la libertat,
E que shens pausa caminen
De cap tà l’egalitat.
Ajudem-los dia après dia,
B’ei aquiu lo noste dever,
E cantem dab alegria
La patz, l’amor e l’esper.

De ns’aver hicat cadenas
Carnaval qu’ès acusat
Nei e tiri sus l’estaca
E mei qu’n soi escanat

Carnaval, uei, e …

Legir tot

De ns’aver hicat cadenas
Carnaval qu’ès acusat
Nei e tiri sus l’estaca
E mei qu’n soi escanat

Carnaval, uei, e si m’anavi cambiar en òmi libre ?

Que’t vam arranjar la cara
La dondena, la dondena,
Dab un gran còp de baston
La dondena, la dondon
Qu’et vam cramar sus la plaça
La dondena, la dondena,
Sus un èr d’accordeon
La dondena, la dondon

De ns’aver miat la tristessa
Carnaval qu’ès acusat
Qu’avem la malèra a casa
N’èi lo còr tot enclavat

Carnaval, uei, e si m’anavi cambiar en òmi urós ?

De ns’aver balhat promessas
Carnaval qu’ès acusat
Tan de beròias paraulas
Qu’at’as tot arrenegat

Carnaval, uei, e si m’anavi cambiar en òmi hart ?

De ns’aver hicat uelhèras
Carnaval qu’ès acusat
Que tiram tots la galèra
Sèi pas mei on èi lo cap

Carnaval, uei, e si m’anavi cambiar en òmi qui pensa tot sol ?

Catí qu’ei, shens mentir,
Beròja com lo matin. (bis)

Catarineta, se’n va lo temps,
Se’n va lo temps, se’n va …

Legir tot

Catí qu’ei, shens mentir,
Beròja com lo matin. (bis)

Catarineta, se’n va lo temps,
Se’n va lo temps, se’n va lo temps,
Catarineta, se’n va lo temps,
Jo que t’aimi per tostemps.

Los sons uelhs son tan doç,
N’an jamei ni dòu ni plors. (bis)

Per darrèr, per davant,
Non sèi quant a de galants. (bis)

Avocat, charpentièr,
E lo hilh del rei parièr. (bis)

Que m’a causit a jo,
Praube, praube Peiroton. (bis)

Praube com un arrat,
Las estelas dens lo cap. (bis)

De tot petit enlà,
Jo que l’aimavi dejà. (bis)

De ploja o de sorelh,
Jo que l’aimi tan com ei. (bis)

De sant Pèir a Sant Joan,
Jo que l’aimi tot er’an. (bis)

Caterina, ma vesia,
Prestatz me lo vòste tambor,
La mia gata se marida,
Que la voi har dançar un torn. …

Legir tot

Caterina, ma vesia,
Prestatz me lo vòste tambor,
La mia gata se marida,
Que la voi har dançar un torn.

Caterina, ma vesia,
Qui i a dens la vòsta maison?
Qu ’i son la vola Maria,
L’auringleta e lo parpalhon.

Repic :
On ètz Cecila, Miquèu, Nicolau,
Que soi solet a l’ostau,
Roja l’arròsa e blanc lo lilàs,
A qui …

Legir tot

Repic :
On ètz Cecila, Miquèu, Nicolau,
Que soi solet a l’ostau,
Roja l’arròsa e blanc lo lilàs,
A qui lo torn de clumar.

Que v’atendi enqüèra uei,
Pergut hens lo men saunei,
A l’acès deu vent ploi,
Prauba cabana de boès,
Lo mei beròi deus castèths.

Sus lo casso de l’arriu,
Qu’i ei enqüèra escriut,
« Que ns’aimaram tostemps »
Jo n’èi pas jamei cambiat,
N’èi pas jamei desbrembat.

Penderilheta au cerisèr,
Grenadina, chancapè,
Qu’as mancat l’arricoquet,
Non, n’aniràs pas tau cèu,
Ara, que soi jo qui hèi.

Tant e tant que son partits,
Qu’an deishat lo país,
Shens saber de tornar,
Que çò qui se’n van cercar?
Que çò qui se’n van trobar?