Colorina de ròsa
Savor de romanin
M’an dit la gent per vila
Que vos be’n voletz ir
Au mensh que …

Legir tot

Colorina de ròsa
Savor de romanin
M’an dit la gent per vila
Que vos be’n voletz ir
Au mensh que m’at digossetz
Camisas vos hari
Las be’n hari de tela
Cosudas dab hiu fin
Au cap de la costura
L’amor que’i pausari
E quan las ve botèssetz
Que’vs sovieretz de mi
E quan las ve tirèssetz
Haretz un gran sospir
Colorina de ròsa.

Copa talha talhuca espalanca-me cort
hòu Dolor viva e sarra e ’sprem e nod e nhaca
’m au còr e …

Legir tot

Copa talha talhuca espalanca-me cort
hòu Dolor viva e sarra e ’sprem e nod e nhaca
’m au còr e lo vente e l’estomac esperraca
e tira e honha e trauca escana chapa a mòrt

enchiscla’m de huec ont me vedi de tot bòrd
eslam de sang de nueit e de lèrmas Arraca
lo men cervèth au miei de sa burlanta taca
qui m’enlua a milèrs de tacas d’estrambòrd

plenha-me harta-me de silenci Borrugla
pas tan hòrt lo brau de la mar Gran cèu avugle
escureish mon amna e tot singuis mon pecat

Tèrra arrenega-me Hanha vòs te’n arríder
la guèrra a tots los òs tots los nèrvis se crida
las ! darròca’m çò que diu estar darrocat

Quan la grua va capsús
Qu'avem l'ivèrn dessús

Partir,
Com un gai pregond
Qui't pren au còr deu vente
Partir, …

Legir tot

Quan la grua va capsús
Qu'avem l'ivèrn dessús

Partir,
Com un gai pregond
Qui't pren au còr deu vente
Partir,
Com un gai pregond
Qui't pren gaièra caguèra
Aperet confús
Enveja d'estremau
Desir shord de capsús
De sentit espaciau
Ua nomada turmenta
E estrànsia janglassèra.

Siatz los planvienguts
Sus Crane Airways

Sus l'esquia d'ua grua sacrada
Linha Suècia-Gasconha
Un gran v baish mavedís
Bernadòta reiau
Passatgèr ideau
Passatgèr de balaguèra
A grua cridassèra

Soi passatgèr d'un còp èra
Eternau
Viatge interior
Vòlan crums brums
Eslambrecs eslamats
Desenrotlaire d'apriga
Un aperet d'èr caut
M'amia au cap deu cèu
Un corrent en davant !

Siatz los planvienguts
Sus Crane Airways

Tornar,
Com un gai pregond
Qui't pren au còr deu vente
Tornar,
Com un gai pregond
Qui't pren gaièra caguèra
Aperet soat
Enveja de pè deu cèu
Desir shord de capvath
De sentit de fin de nèu
Ua nomada turmenta.
E estrànsia, janglassèra,

Siatz los planvienguts
Sus Crane Airways

Sus l'esquia d'ua grua sacrada
Linha Gasconha-Suècia
Un gran v baish mavedís
Bernadòta reiau
Passatgèr ideau
Passatgèr de bisa bèra (3)
A grua cridassèra

Soi passatgèr d'un còp èra
Eternau
Viatges interiors
Desencrumats
Rais de só eslamats
Despaperaire d'apriga
Un aperet d'èr caut
M'amia au cap deu cèu)
Un corrent en davant !

Siatz los planvienguts
Sus Crane Airways

Quan la grua va tà capvath
Qu'avem l'ivèrn acabat

Doman serèi doman ombra ton ombra
hèi chau - au bronís de l’abelhèra
l’arredíder d’ua canta desbrombada
lo seren sobt …

Legir tot

Doman serèi doman ombra ton ombra
hèi chau - au bronís de l’abelhèra
l’arredíder d’ua canta desbrombada
lo seren sobt au camin deu ser

las còrdas dont cantan shens de naviu
lo bestiar deu cèu quan trist
que s’està - la mia ombra
seràs - los mòrts an pas pietat ac saps

aquò la soa doçor - lo son saunei
seràs - seràn ta joenessa
entà dròmis quiet saunejaràn per tu

que serèi ton pièt calme - mès
present - que sabrèi m’ac virar
quan a la fin m’agis desoblidat com cau

Sus la planta sable e tèrra
Per nau vam rondalejar
Dèisha't portar per la cordèra
Dèisha las pensadas alejar

Sus …

Legir tot

Sus la planta sable e tèrra
Per nau vam rondalejar
Dèisha't portar per la cordèra
Dèisha las pensadas alejar

Sus la planta sable e tèrra
Per ueit vam rondalejar...

Sus la planta sable e tèrra
Vam rondalejar
Dèisha la cordèra,
Dèisha las pensadas har

Tran laderai laderiderai là
Tran laderai laderiderai là
Tran laderai laderiderai là
Tran laderai laderiderai.

Soi eth rei deth quate …

Legir tot

Tran laderai laderiderai là
Tran laderai laderiderai là
Tran laderai laderiderai là
Tran laderai laderiderai.

Soi eth rei deth quate per quate
Esglachar, tumar, travar, tutar,
Eth hasan de cresta engominada
Dab eth can mèste deth branar.

Cacharra, cacunha,
Cacharra lo clèish
Cacharra cacunha
Cacharra tau plèish

Traderai laderai traderiderai là
Deriderai là traderiderai là
Traderai laderai traderiderai là
Deriderai là traderiderai là

Traderai laderiderai là
Tranlai laderai laderai laderai,
Traderai laderiderai là
Tranlai laderai laderai trai

Demora aciu, Bambolà,
e guaita l'autò com cau !

Vam, Bambolà, n'ajas pas paur,
adoba meilèu un antilòp !

Adiu tu, rei deus Babaoròms,
que'm cau un bambolà e ua autò !

Cho, que la te vam reparar
la toa vielha cacharra !

Hens mon camion
i a ua caisha
hens mon camion.
Hens son camion
I a ua caisha,
hens son camion. …

Legir tot

Hens mon camion
i a ua caisha
hens mon camion.
Hens son camion
I a ua caisha,
hens son camion.

E que i a hens la purmèra ?
La mia vita de padèra
Vita estruçada plan com cau
Au hons deu gran camion tot nau

E que i a hens la dusau?
La mia vita a chivau

E que i a dens la tresau
La mia vita de babau

E que i a dens la quatau
La mia vita de qui cau

E que i a dens la cinquau
La mia vita en generau

Qu'èm hèra pressats
e qu'èm hèra cuentats
Quistaires d'identitats
La carrossèra dança, dança.

Perque donc èm tots aquiu,
en trin …

Legir tot

Qu'èm hèra pressats
e qu'èm hèra cuentats
Quistaires d'identitats
La carrossèra dança, dança.

Perque donc èm tots aquiu,
en trin
A ns'embriagar sus un hiu,
en trin

Duas motoras, dètz remòrcas,
Quate cents tonas, dètz remòrcas,
Tres cents a l'òra, dètz remòrcas,
Nau mila quilowatt de l'òra

Gingla jangla carrin carran...

Contròle deus bilhets :
on ve'n va la vita ?
Si gaharatz la correspondéncia ?
Que la se cau ganhar, bah !

Lançats a huec que son cinquanta
Ençà e enlà que son cinquanta
Vint mila personas hens cinquanta
En Occitània cinquanta.

Fenix pallida a l’inaudible huec
d’estiu silenci en evidéncia escura
shens de musica musica e mesura
alambre d’alas harga ont …

Legir tot

Fenix pallida a l’inaudible huec
d’estiu silenci en evidéncia escura
shens de musica musica e mesura
alambre d’alas harga ont de haudrèc

estavanada sang plen arromèc
de desertica candor dont s’emblura
risc de l’azur son immobila hurra
un Diu-torment d’un estable eslambrèc

au Viu ad eth miracle mirandòla
d’un viraclèr sa luenca corriòla
s’ombrejant clar d’arradims serafics

deu casau vads la flor dont lo miaci
la suberbèra auba d’un nient voraci
per d’astres quant lo benastruc Fenix

La garbura qu’ei pomas de tèrra, mongetas, lo garròt deu jambon, lo caulet blanc sustot, pomat, lescas de jambon, mes …

Legir tot

La garbura qu’ei pomas de tèrra, mongetas, lo garròt deu jambon, lo caulet blanc sustot, pomat, lescas de jambon, mes espés, un tròç de jambon entà har la bona, bona garbura.
Dab peberina, estragon, peirassilh, alh, ceba.
Que començarí per exemple per las mongetas que son las mei longas a còser, las pomas de tèrra, las carròtas, copadas, pas a tròç, ua carròta copada en dus, o en tres s’ei drin grana, après qu’i hicarí lo caulet blanc, mes quan tot e boreish après.
E après lo garròt deu jambon, drin vielh, drin gras, los porrets e hicar tot aquò a borir. E deishar còser duas bonas òras,
pas a garlapar, a borir doçament au son trin, au mensh duas bonas òras totun, e après que gostan.
La garbura jo que la harí atau !