Un pè devant l'aut'
Plenhar los paumons
E l'aute devant l'aut'
Vueitar los paumons

Aledar au pregon
Repausa't tranquillòt

Passi …

Legir tot

Un pè devant l'aut'
Plenhar los paumons
E l'aute devant l'aut'
Vueitar los paumons

Aledar au pregon
Repausa't tranquillòt

Passi la glèisa
a huec de calhau
Musica a l'aurelha
copat deu monde
Passa la glèisa
a huec de calhau
Musica a teca
sol au monde

Lo còr batana hòrt
Dèisha'u debatanar

E vau deishar
de tossir com un chivau
Passi la glèisa ...

Lo silenci deu parc
Passa un gat esquiròu

Disi adiu
per devant d'un portau
E vau deishar ...

Deven cantar los mèrlos
Lhèu un rossinholet

Serà tròp cridat
o dit com normau
Disi adiu ...

Cambii de musica
a hum que cau
Serà tròp cridat ...

La seda
desfaça
l’estròc
deu briu

aubèla
chòt agre
e branca
broncaira

de l’aire
mès òbra
au gèure

la niu …

Legir tot

La seda
desfaça
l’estròc
deu briu

aubèla
chòt agre
e branca
broncaira

de l’aire
mès òbra
au gèure

la niu
pronóncia
los pòts

Virona arredonida
dormissiá la sèrp nilenca.

Virona redona

Tendra virona de gavèl arredonida
jos la raspa d’una fuòlha de figuièira, …

Legir tot

Virona arredonida
dormissiá la sèrp nilenca.

Virona redona

Tendra virona de gavèl arredonida
jos la raspa d’una fuòlha de figuièira,
dormissiá la sèrp nilenca.

Dormissiá dins l’oblit de l’astre que portava
sens saupre quau seriá que’n un raufèl d’amor
au poton dau verin aparariá lo sen.
Angèla en matelòta
shens se copar lo cap,
en li copar lo cap.

Virona arredonida...

Pelar
vueitar
desbarbar
copar v Talhucar.
fríser
virar
har sautar.

Tirar
estruçar
en.hariar
rossir
trempar
adobar
har còser
hornir
ajustar.

Las guèrras son cridadas
La baish au pèis la mèr
La dondèna, la dondèna,
La baish au pèis la mèr …

Legir tot

Las guèrras son cridadas
La baish au pèis la mèr
La dondèna, la dondèna,
La baish au pèis la mèr
La dondèna, la dondèr. Aussau qu’a gentilhòmi
Tres hilhetas n’avè
Se’n va tà la prumèra:
- " Ma filha e i vòs alèr? "
- " Nani, nani, mon père Tà la guerra n’irè "
Se’n va tà la darrèra
- " Ma filha e i vòs alèr? "
- " Oui-da, oui-da, mon père
Tà la guèrra jo irè
Datz-me vòsta cavala
La qui sap batalhèr
Balhatz-me un petit page
Qui sia fidèu a moèr "
Balhatz-me vòstas armas
Las qui tienetz deu Roèr. "
Jana la batalhèra
Sons soldats qu’arrangè
E la garda aussalesa
Tot que n’at fricassè.

Las hilhas de Marmanda
Cosèn dessús un banc
Lanlà deritena
Cosèn dessús un banc
Lanlà derita
La mair cosè la …

Legir tot

Las hilhas de Marmanda
Cosèn dessús un banc
Lanlà deritena
Cosèn dessús un banc
Lanlà derita
La mair cosè la sòia
E las hilhas l’argent
Per’qui qu’i ven qui passa
E tres gentius galants
Eths saludan la mèra
Las hilhas en arrident
- " Ò hilha, la mia hilha
Pren garda t’atraparàn "
- "Ò mèra, la mia mèra
Tardat ne n’an pas tant
Devath la mia cintura
Filha o enfant qu’i a "
- "Ò hilha, la mia hilha
De qué lo neuriram? "
- " Ò mèra, la mia mèra
De lèit e de pan blanc "

Leugèiras duas e duas - e l’ua se l’amiroa
a l’auta - las nueits que se’n van
- e se …

Legir tot

Leugèiras duas e duas - e l’ua se l’amiroa
a l’auta - las nueits que se’n van
- e se desdèishan l’ua
a l’auta e s’endesèrtan

A carà’s s’apèran o benlèu
desploran dab paraulas escuras com eras
gèstes enconeishuts
com d’un còishe quan dròm

l’ua entà l’auta que livan sa cara mès
las nueits se lo veden pas un aubre
de len

l’ua a l’auta a l’umba se lo pausan
e n’ac saben pas mèi que diden :
se se podè la nueit enqüèra !

Lo só tira lo só e l’ombra l’ombra tira
l’eslama hui l’eslama e lo vènt lo vènt hui
lo huec …

Legir tot

Lo só tira lo só e l’ombra l’ombra tira
l’eslama hui l’eslama e lo vènt lo vènt hui
lo huec e l’aiga e l’aire e deu sorelh l’orgulh
tot es pas que d’adius e l’un a l’aut s’ac vira

atau nos am cremat lo huec qui nos desira
d’eslamas e lo diu qui n’es pas se ne’u vui
de dius naus e valents l’am livat com lo brulh
au ton còs que ton còs nau sèc e sèc de tira

càmbia de còs ò còs aprigat au mon clòt
torna inventa cent còs e cent envèrs d’eslama
horquèir adara adara peu adara coth

adara pitre adara dènt totara cama
adara estiu burlant en mèi burlant estiu
e tot d’un còp Sent Joan de huec d’ombra e de diu

Lo trenta de marc qu’èran partits
Trenta camaradas joens e hardits
Ent’anar tà ’Spanha
Ent’anar véder los Espanhòus
Si s’an …

Legir tot

Lo trenta de marc qu’èran partits
Trenta camaradas joens e hardits
Ent’anar tà ’Spanha
Ent’anar véder los Espanhòus
Si s’an guardat doblons
Anem camaradas que cau marchar
Dret entau brosset que cau arribar
En aquera casa
Aquiu que suenhan plan la gent
Pervut que paguen bien
Quan avón passat Peiralua e Salhent
Los esprits cambièran de sentiment
De véder aqueth monde
Que jamei n’an vist lo semblant
Sinon qu’a Bèth Arram
Trenta son partits joens e gaujós
Trenta son tornats aguts e raujósv Tà la nosta casa
Que van portar en nosta maison
Ua cinta de doblon
Adishatz tots hemnas e mainats
Que n’èm plan tornats tots en santat
Tau noste vilatge
Ara que cau pastorejar
Tà Bordèu cau anar.

Un dia qu’arribarà,
vestit de blau com la matiada,
que trucarà au portalèr,

arrés ne’u coneisheràn.

Que diseràn, en hant …

Legir tot

Un dia qu’arribarà,
vestit de blau com la matiada,
que trucarà au portalèr,

arrés ne’u coneisheràn.

Que diseràn, en hant un maishant uelh :
- Quí ei ?
Quauque pacant escapat de galèras !

Los mainats s’estujaràn devath la taula.
Las hemnas vaderàn blancas com la nèu.
Los òmis, punh sarrat,
que voleràn acalhavà’u

e los cans ariçats que ronharàn
en amuishant las anhivas.

La portalada miei desruida
que s’acabarà de héner.

Mes, eth, l’Estrangèr,
de jolhs sus la pèira blanca,
darrèr locledon barrat
que hicarà un arríder d’anjo
sus aquera matiada de haina e de hasti.

Lo blau deu son uelh qu’orbirà las mans, qu’apatzarà la paur deus dròlles
e herà tornar la frescor de l’ahida
sus las maishèras.

Lo tè qu’ei la bevuda aprestada
mei populara capvath lo monde.

Que la descobrí en 2737 abans J.C. l’emperaire chinés …

Legir tot

Lo tè qu’ei la bevuda aprestada
mei populara capvath lo monde.

Que la descobrí en 2737 abans J.C. l’emperaire chinés Shen Nung,
lo dia quan ua huelha de tè
e’u cadó per escàs
dens la tassa d’aiga cauta qui’s bevè.

La boridèra boridejava
pujant a plaser com lo plaser,
chebitejava puish shiulava,
boishorlejava de contentèr

Quan acabi de borir l’aiga
Shens que’vs vedossi apressatz
Dens la teièra rescauhada
Chorreta d’aiga barrejatz

La teiereta tenhereta,
a l’aiga cauta s’arrajava
Tè, tà qu’au tè tieni cautet,
tan longtempsqui lo temps durava

Deu tè la huelha dèisha anar,
tota perborida sa sabor,
bissè que demanda de l’aprigar
Que’n patz s’escapi la labor.

La costuma deu tè de cinc òras
que data deu començar deu sègle 19au,
quan la setau duquessa de Bradfòrd,
Anna,
envitè un vrèspe amics a béver tè
en tot perucar coquetas,
tà’s virar la hami d’enter disnar e sopar.
Aquera òra deu tè que vadó de tira
ua tradicion en Anglatèrra.

Au pas de la mi' pujada
Shisclan ideas de velós
E au cap de cada andada
Presents de mila verdors …

Legir tot

Au pas de la mi' pujada
Shisclan ideas de velós
E au cap de cada andada
Presents de mila verdors

M'enlusèrnan los uelhs
Au darrèr l'u' de l'aute

Bruma baisha s'apotja
Bruma baisha blua roja
Escon los soms
Muisha los soms

Apitar escalons a pièlas
Per arribar au bèc deu cèu
E poder tocar las estelas
Que manca un barcalon ! …

Legir tot

Apitar escalons a pièlas
Per arribar au bèc deu cèu
E poder tocar las estelas
Que manca un barcalon ! Crudèu !

Se manca un barcalon ?

Un barcalon, crudèu !

Suu camin d'ua crotz
Tostemps marchar e pujar
M'estanqui, purmèr còp,
Docejar ! Suu camin d'ua crotz

Suu camin de duas crotz
Tostemps marchar e pujar
M'estanqui, dusau còp,
E bohar ! Suu camin de duas crotz

Passion

E m'esglachi
dab lo pes deu pas
Quantes plumalhons agergats ?
Quan marchi
hens la nèu tota fresca
E m' …

Legir tot

E m'esglachi
dab lo pes deu pas
Quantes plumalhons agergats ?
Quan marchi
hens la nèu tota fresca
E m' en.honsi pregon o pas ?
Non d'avanças n'ac sabi pas
N'ac sabi pas !

Pas hens la nèu, pas hens la nèu...

Lo pè pregon, lo pè
Lo pè, lo pè, lo pè !