Matin s’ei lhevat
Lo Rei d’Anglatèrra, ailàs!
Se’n pren son chivau,
Lo brida e lo sèra.
Que se’n va ’beurar …

Legir tot

Matin s’ei lhevat
Lo Rei d’Anglatèrra, ailàs!
Se’n pren son chivau,
Lo brida e lo sèra.
Que se’n va ’beurar
En ua hont lan clèra.
Suu camin trobà.
Tredze damisèlas.
Totas las baisà
Sinon la plus bèra.
- " Perqué’m refusatz,
Lo Rei d’Anglatèrra. "
- " Vòsta sòr m’a dit.
Qu’èratz maridèja. "
- " Be n’a plan mentit
La faussa vilèna.
Enter era e jo
N’auram la gran’guèrra.
Era lo punhau
E jo dab l’espeja.
Diseràn la gent
B’aciu la gran guèrra. "
Matin s’ei lhevat.

Mila chivaus truhaires dens las dotz
mila escuts naus de marinas nhaunhèras
mila huelhèrs de ta pèth las perpèras
mila …

Legir tot

Mila chivaus truhaires dens las dotz
mila escuts naus de marinas nhaunhèras
mila huelhèrs de ta pèth las perpèras
mila posnhacs dont lo cèu sons sanglots

mila broquèrs esplasmats deus medoths
mila saumucs d’estelas las estèras
mila marmauchas hialinas vormèras
mila biscauts desplecs d’arrapa-tots

mila unclas mila rasclas mila charps
mila avalars mila alets mila escarps
mila eslamats mila posnhacs de témer

mila hiadas tum deu Brau d’arrés
mila alats mila peishs e per t’esprémer
mila còrs dens mas alas e mons pès

M’as òc dat un estiu
qu’èras l’estiu segur
l’aur blu lo
caramèl l’ombra la pèth

t’èi balhat la mia man …

Legir tot

M’as òc dat un estiu
qu’èras l’estiu segur
l’aur blu lo
caramèl l’ombra la pèth

t’èi balhat la mia man obèrta
vuita shens
prova shens dits
ni he

que m’estós hèish de pan
d’aulor e l’espiar
d’espècia a pantaish

t’estoi jo mòrt ardenta
de nient
te divi pas arrés

Negue pelami mon bambant aost
negue enjoirit mon camin de Sent Jaques
nega la benedida de sas cracas
nega la …

Legir tot

Negue pelami mon bambant aost
negue enjoirit mon camin de Sent Jaques
nega la benedida de sas cracas
nega la nòça ont buvoi en ’quest glot

nega pruina dont tremps se segot
nega plavinejosa auba d’ehlacas
nuegue prüèr dont de flor t’esbornacas
negue livami a dardalhant medoth

nega l’argela harta de calambra
nega la len eslenada de l’ambra
negue ton aur dont arrebora au vuit

nega samsida bèra de mòrt gènça
nega l’aulor lo hen lo hèu la nueit
ton arradim negue hauta haugènça

Per un bèth jorn de l’Ascension
M’i soi logada en d’un maçon
Lavesin, laveson, lanlà lavesina.
M’i soi logada en …

Legir tot

Per un bèth jorn de l’Ascension
M’i soi logada en d’un maçon
Lavesin, laveson, lanlà lavesina.
M’i soi logada en d’un maçon
Ganhèvi plan cinc sòus lo jorn
Lavesin, laveson, lanlà lavesina
Ganhèvi plan cinc sòus Io jorn
Me n’èi crompat un cotilhon
Madelin, madelon
Tot en guardant, Madelèna
Tot en guardant Madelon.
Me n’èi crompat un cotilhon
Me’n soi anada entà la hont
Lavesin, laveson, lanlà lavesina
Me’n soi anada entà la hont
E m’èi lavat mon cotilhon
Lavesin, laveson, lanlà lavesina
E m’èi lavat mon cotilhon
Me l’èi tenut sus un broishon
Madelin, Madelon
Tot en guardant Madelèna
Tot en guardant Madelon.

Aprestar e troçar un poth deus beròis, deishà’u préner
duas a tres òras de renc,
en tot virà’u de quan …

Legir tot

Aprestar e troçar un poth deus beròis, deishà’u préner
duas a tres òras de renc,
en tot virà’u de quan en quan,
òli fresc

hà’u tostar suus sherments

Arrevirar la pèça
de tau mòda que sia plan cueita de tota part.
Sus la mar de mon père
I a batèus a pescar
E b’i a tres pescaires
que s’i hèn a pescar
E b’i a tres gojatòtas
que s’i hèn a espiar
Sonque ua peurossòta
qui’s bota a plorar
Tornatz, tornatz pescaires
La mar es a lordejar
Los dus pausan la barca
mes l’aute la pausa pas

Vòs pas tornar pescaire
qu’es l’òra d’ac deishar
Nani i a tant boletas
las voirí amassar
Nani cèrtas pescaire
aquò ne’n haratz pas
Si jo n’ac hèi beròja
arrés mei n’ac herà
Mes las boletas negras an fenit de’u minjar
Plenh de botelhas d’aiga
un paquet de ton
ua vueita tà hicar los ueus
ua botelha de cocà colà
un pòt de flors
ua caisha de sau
ua bala de tenís copada
ua vueita de caramèl
un teishut
un libe abandonat
un tube de sentbon
ua capsa de botelhas

...E qu’ei reciclable
Ah, que viu enqüèra
Advents
Au hons d’un topin vernissat
esténer pèrnas de lard o jambon lardós.
Un còp talhucat carròtas en rondets
e hachat ceba e alh dab jambon,
barrejà’n ua bona espessor suu lard
e pausar un bèth tròç de bueu,
pèça magra o codau beròi persilhat
Cobrir d’ua espessor de hachat mei
adobat de clavets, canèla muscada
sau e péver
... e un boquet.

Hornir çò qui cau de liquide
tà plenhar dinc a un centimètre deu bòrd (mieitat vin roi, mieitat aiga)
en barrejar a tot doç en lo topin
tà non pas des-har lo palhat deu hons.
Cobrir dab papèr de carnissèr oliat
e ligat suu bòrd deu topin.
Hicar suus carbons, devant deu huec
e deishar còser doçaments
quate a cinc òras.... E un boquet.

L’Advent qu’ei arribat,
Lo monde qu’ei sauvat!
Lo Messias atendut
Que’ns vien da lo salut.
Quàsi cada Profèta,
Qu’anonça la conquèta
D’aqueth divin Enfant;
Lo Demon qu’ei tremblant.

Cantem a son aunor,
Dab un còr plen d’amor,
Cantem allegrament,
Pendent aqueste Advent:
Loange a Diu son père,
A Maria sa mèra,
A Jausèp lo tutor
De noste Redemptor
Cantem tots eths presents
De Nadau devotaments,
En l’aunor deu deliri
Deu Senhor-Dinèr vampiri
Qui’ns deu a tots sauvar
E Satan har trespassar

- « Qué volerés com present
De qui n’as pas peu moment ? »
- « Enveja d’un libe, chic,
Meilèu causas de plastic,
Armas t’apréner a tuar,
Un quat’quat’ a poder miar. »

L’òmi desfortunat
De pòrtamoneda flac,
Sortirà de la misèria,
De la soa praubèra
Jèsus-Sòus l’en va tirar,
Aisidèr l’i balharà.
Cruspèths
A Carnaval que cau har cruspèths.

Lavetz que preni ua recèpta
qu’i cau ua botelha d’aiga
tà un quilò de haria.

E lavetz que hèish cauhar l’aiga
e au punt de borir
qu’i hiqui totun drin de pèth d’irange
e après qu’i hiqui ua presa de sau.
Qu’i hiqui. pas hèra...

de burre e que dèishi borir
las pèths d’irange e lo burre honut,
après quan boreish au gran galòp
que geti tota la haria, tot d’un còp tot,

e que tolhi, e que tolhi...
dinc a quan
la pasta e’s despegue de la marmita.

Après que la dèishi en.hredar,
que hiqui los ueus,
e ueu per ueu que presteishi plan
e après que dèishi pausar la pasta,
ua bona òra.

E après que hiqui òli,
que dèishi cauhar plan l’òli,
qu’èi ua grana bacina, exprès tad aquò,
que’n hiqui setze au còp,
pas tot a fèit ua culhera-sopa tà un cruspèth.

E lavetz aquiu que gonflan dehens l’òli,
qu’ei un plaser,
que’us veden virar,
que còsen tots sols,

...ne se’n cau pas ocupar.

Quan jo èri filha a maridar
Vrai Diu ! N’èri galanta dondèna don
Vrai Diu ! N’èri galanta don
Hasi …

Legir tot

Quan jo èri filha a maridar
Vrai Diu ! N’èri galanta dondèna don
Vrai Diu ! N’èri galanta don
Hasi boquets aus amorós
De vriuletas blancas
Quan jo las i anèvi portar
Suu mitan de la danca
Las i estaquèvi au jupon
A la mòda charmanta
Ma mair qui n’èra au frinestron
Tot aquò regardava
- " Vinetz aciu la Marion
Vos cau anar tà l’aiga "
- " Ma mair, l’aigueta es pas si lunh
Jo’n serèi lèu tornada "
Ie tot en putzant a la hont
Son bèl amant qu’arriba
- " Tan matin, la Janeton,
Tan matin qu’ès a l’aiga "
- " Querdi jo estèssi gran jorn
La lua m’i a trompada "

Lo cèu escuranhós espiant
Nau estelas cadentas qu’èi vist

Cadua vadè un gran gigant
Dab un nas qui semblava un …

Legir tot

Lo cèu escuranhós espiant
Nau estelas cadentas qu’èi vist

Cadua vadè un gran gigant
Dab un nas qui semblava un his..son !

Nau uelhòts jo n’aurí avut
Bahida me’us avoren crebats

Mes d’un sol par n’èri uelhut
Grana Estela qu’a dit :
« Deishatz ! »

Deu tresau solèr qu’ei caduda enlòra
Ua moquira jauna qui eslurra a plaser
Tà s’anar córrer Sagòrra e Magòrra
Shens se har cridar enlòc per arrés

Parièra au limac la motha moquira
Qu’a vagar tà devarar lo camin
Qui’s hiquè en cap qui vira e arrevira
Sus la paret blanca qui sembla shens fin

Lo só qui arraja sus la moquira
Tremblanta de paur o lhèu de plaser.
Mes ne luseish pas mei la prauba tiravira,
Lo só l’a secada. acabat lo sendèr

Deu tresau solèr qu’ei caduda enlòra
Ua moquira jauna qui eslurra a plaser

Dindan, dindan, lo curèr d’Aurelhan
Qu’ei cadut dehens l’estanh
Dab las òras a la man
Dindan, dindan...

Entertalhat o interromput, …

Legir tot

Dindan, dindan, lo curèr d’Aurelhan
Qu’ei cadut dehens l’estanh
Dab las òras a la man
Dindan, dindan...

Entertalhat o interromput,
Entertant lo temps recadut
Entrams jo tu entermetut
Entenement deus entorcuts

Lo temps que passa doblevant
Las òras que’s hèn en davant

Enterlacant l’entortolhut
Atormerat jo l’entenut
Entormentat que m’as avut
Entaulat aquiu qu’ès sedut.
Aus tèrmis de Tolosa,
fontenas clèras j’a.

Que j’a tres palometas,
banhadas s’i son dedens.

Tant s’i son banhadetas,
que l’aiga non i mei.

Que’n prenen la volada,
tau haut de Cauderèrs.

Digatz-me palometas,
qui j’èra a Cauderèrs ?

E lo rei e la reina
que j’èran tots solets.

Au rei l’an hèit ua cramba,
a la reina un convent

Tot de pèira talhada,
que non j’entre lo vent.

Lo vent ni la gelada,
ni tanpòc los glaçons
Aus tèrmis de Tolosa
Aqueth pecat, qu’ei donc ?
Qu’au sortir de la glèisa,
los gojats que disen a las gojatas
E voletz garfo ? La hilha d’un praube òmi
Se’n va entau molin digodin
Diga, diga ostèr, diga molinèr
Faralin, faralèr, faralin tornèr
Qui vòu har mòler molerà
Quan lo rei ei salhit de la tèrra
Quan lo rei ei salhit de la tèrra là
Lan anderidí la dondèna
E au lanlà deridí la dondon.
Que s’i pren son chivau
Eth que se’u brida e se’u sèra
Lo gran de ma mèra
Molerà en quest molin

E que se’u va har abeurar
En d’ua honteta tan clara
Tròba aquiu vint e cinc bergèras
Har en purmèr un beròi borrider
Haria, lhevami, aiga en aisider
Deishar plan com cau la pasteta lhevar
D’anís verd culhera plenhar e trempar
En la cacha ajustar 300 gramas de sucre
E flor d’irangèr, pèth de citron, burre
Har hóner..... (4 còps)
Puish préner a despart la haria de blat
Sèt ueus esglaishatz e la sau ajustatz
Dab tèrç de liquide calerà prestir
Quan sii chucar lo dusau a hornir
Puish lo darrèr tèrç e lhevami, mesclar
Dinc a quan la pasta e dèishi de gahar
Lhevar en tortet o en lonc com v’agrada
Pausar sus ua placa dab papèr aprigada
Aquiu lheverà, dinc a tres còps en.hlar
Un ueu tà daurar e de sucre emprovar
Har còser..... (4 còps)

Minjar huec, cagar huec,
huec aus pès, huec au cuu, huec au cap, huec, huec, pertot huec